ولائج حق منو ؟؟ .. الكويت ؟؟؟

[طمــوح]

شلونكم كويتيااات .؟؟ شخبااااركم ؟؟


طبعا كل كويتيه راح تقول ولائي للكويت ...

بس هل صج هالولاء موجود ... ولا بس حجي يمشي الحااال ... ؟؟؟؟

شلون يكون ولائنا لوطنا ... ؟؟؟؟

سواء اذا كنتي كويتيه... ولا اي جنسيه ثانيه ... ؟؟؟

شنو اهو الولاء للوطن .. وشنو شروطه ...؟؟؟

والاهم اشلون انعرف الي عنده ولاء للبلد من الي ماعنده ...؟؟؟؟

انا اقولكم ...



الولاء للوطن .. مو تمشي اب مسيره وتعلق علم ديرتك وشعارات .. ورقص ومصخره بالشوارع ...

وترش على فلان رغوه وتتحرش اب بنات الناااس ... وتقول انا قاعد احتفل بالعيد الوطني لديرتي ..

وبعد ماتخلص اتقط قوطي الرش بالشارع ... وتتعايز اتحطه اب كيس الزباله .. ( عزكم الله )

الولاء للوطن .. مو اشوف غيري يسوي الغلط واسكت واقول مالي شغل ... وبعدين انا اسوي مثله واقول الكل يسوي جذي ...

الولاء للوطن يكون باحترام اهل ديرتك ... وعدم النظر لهم نظره ادنى .. على ابو انك انت ولد فلان الفلاني ... وعندك خير ...

الولاء للوطن ... مو اكون تاجر وابوق اب خير ديرتي عشان ارضي رغباتي الخاصه وبالطقاق البلد ..

الولاء للوطن ... ما اقوم ارفع اسعار السلع الاساسيه .. وانا ادري انهالشعب على قد حاله ... بس الي يهمني اني اغتني .. اكثر وبالطقاق باجي الناااااس ...

الولاء للوطن .. مو اكون وزير ولا شخص في منصب قيادي بالبلد ..واطنش بالقرارات الي ترفع عزه البلد ..وتطورها .. واصدر قرارات اتضر الديره بس عشان اراضي فئه معينه من الناس على حساب الشعب ...

الولاء للوطن .. ما يكون بالبوق والنهب والسرقه بالمال العام .. وبالنهايه .. ارشي فلان وفلان عشان يسكتون على بوقاتي .. ويطنشون ...و تطمطم السالفه ...

الولاء للوطن .. مو اكون عضو بالمجلس ... واضبط عيال عمي وعيال خالتي والعائله كلها على حساب قوانين البلد ... ومصالحها ...

الولاء للوطن .. مو على اني ملتزم ابديني واقوم اقتل واذبح وافجر بالناس على ابو جهاد وبالنهايه ناس ابرياء يموتووووون ...

هذيلي الي ماعندهم ولاء للوطن ... هذيلي الي لازم يتحاسبون ... لان ولائهم وخوفهم مو على البلد ...

وطبعا ... كل الكلام الي قلته هذه مو لشي الا لاني ادري انه مع الاسف اكو هالنوعيه بالعالم كله ..

مو بس بالكويت ... بس لازم كل واحد يبلش اب نفسه ويشوف وين صج ولاءه .. هل لديرته .. ولا لا ؟؟؟؟؟


والسلام ختااااام ...

 

[~ miss NERD ~]

آنا معاج 100%

مشكووووره

 

[شموع الفرح]

ونسيتي شي ولائي لوطني مو آكل من خيرها وامجد غيرها وألزق على سيارتي شعارات للأحزاب ثانيه والشاطر يفهم ومشكوره

 

[أمونه الأموره 2007]

عدل كلاامج

جزاج الله خير
خووووش مووضووع

 

[blue diamond]

صح لسانج حبوبه
واحب اضيف ولائي للوطن مو كله ابي وابي والدوله لازم تعطينا والدولة لازم تنفذ لنا >> لأ لائي لوطني اعطي للدولتي وارد لها لو جزء من بعض خيرها

 

[Stylist]

صح لسانج
والله يخلي لنا ديرتنا ويحفظها من كل شر

 

[blue diamond]

صح لسانج حبوبه
واحب اضيف ولائي للوطن مو كله ابي وابي والدوله لازم تعطينا والدولة لازم تنفذ لنا >> لأ لائي لوطني اعطي للدولتي وارد لها لو جزء من بعض خيرها

 

[كاشونه الاصليه]

والله كلامج عين الصواب والاخت شموع الفرح بعد وصج كلمن قال ولائي للكويت حجي حزت الحزه ما تشوفين ولا احد من الي قالهاااااااا

حجي ابلاش مو بفلوس كلمه وتنقال الافعال اهي الي تبين الولاء وكلامج صحيح

 

[غنوة ستايل]

اي و الله صدقتي بكل كلمه قلتيها

 

[كندية]

بصراااحه كلامج كله عدل.....بس اللي تتكلمين عنهم يالله بس مكتوب يم اسمهم كويتين .....يعني ماعندهم ولاء ولا يعرفوون شنو يعني الولاء.....مو كل واااحد انكتب يم اسمه كويتي خلاص صااار كويتي......وااايد ناااس مو كويتين ولائهم حق الكويت..والازمه تشهد......

الولاء فعل مو كلام
​

 

[كل الأسامي مأخوذة ليش؟]

صاجة الولاء فعل مو كلام
الولاء اني ارتقي بنفسي عشان اخدم ارضي الولاء اني اضحي عشان امجد ارضي
واكثر ناس ولاهم للكويت اهم شهداءها الابرار واولهم شهداء طائرة الجابرية الله يرحمهم
وشهداء الكويت الابرار من الغزو العراقي

 

[طمــوح]

اي و الله كلكم صاجييييييييييييييييييييييييييييييييييييييييييييييييييييييييييييييييييييين


و الله أحس هالشي كبير و لازم كلنا تحمله .. @@

 

[^_^ lollipop ^_^]

صح لسانج ,,,

عدل كلامج 100%



يسلموووو ,,,

 

[مرت ريلي]

يعطيكم العافية صاحبة الموضوع واللي
ردوا عليها هالردود اللي تبرد القلب

 

[هبة الحلوة]

صح لسانج
والله يحفظ ديرتنا من كل شر يا رب

 

[Harmony]

صح السانج و انا معاج 100%

 

[(ذلتهم عيوني)]

:ggdw: :eh_s(9):


عاشت عاشت

مشكورة حبيبتي

كل كلمة قلتيها صح

وتستاهلين على كل كلمة :hjy5jewf:


:friends:​

 

[أفرض هيبتي]

يعطيج العافيه صج ماقصرتي

 

[nono78]

ولائي للوطن

مو وقت ااااالصجيه

ووقت الغزو ولا وقت الحرب

قبيب من اول يوم وطلعوا جنااسي مخشوشه

االولاء الوطن

للي صمدوا دااااااااااااااخل االكويت

وخارج الكويت كانواا يساعدون الي داخل

 

[wzw]

:::q8::q8::q8::q8::q8::q8:



:e3::e3::e3::e3: