سوالف طلبات النت (( مكياج و أغراض تنظيم المكياج ))

[JvvvC]

مايقبل بطايقنا
عندج ماك لندن طلبي منه

 

[JvvvC]

آيمي مشترياااتج روووعه

ياليت اتكلمينا عن الديودرنت

 

[نسكافه]

هذي مشترياتي من فترة شي من قريب وشي من شهرين :d
كنت مصورتهم من زماااان بس تكسلت أحطهم ​

واعذروني على رداءة بعض الصور ،، لانها مصورة بالموبايل
_ اللي معروض كلو مشترى من النت ماعدا الدايجستيف :d​

- كلاريسونيك ميا 2 محبوب الجماهير
- ست ليمتيد من بينيفت يهببببببببببل
- مثبت الميك اب من سكندينيفيا
- ديودورنت لافانيلا ،، طبيعي وكنت سامعة كثير ناس يمدحونه باليوتيوب خاصة makeupbytiffanyd
-باليت من مايبلين ،، لاانصح به ،، poor pigmentation
- واخييرا ميني دايجستيف هالو كيتي من السوبر ماركت ​

ست بنيفت عن قرب​

وهذولا كمان مشتريات ،،​

- ترافل ست من سيجما​

******​

:eh_s(7):​

ماشاء الله روعه تتهنين فيهم حبوبه
والسبراي عادي شحنوهم لك بدون مشاكل ؟؟؟

 

[نسكافه]

سحوره

جنج شيشتيهم على الاي باد

هههههههههههههههههههههههههه
اي والله صار خاطري فيه
بس بصراحه كنت انتظره عشان ولدي الله يهديه كسر عليا الاي باد 2
وش رايكم بعد ابي اخذ الايفون الجديد هديه لزجي لازم بين فتره وفتره
اطلب له شي عشان يسكت عن المكياج الي اطلبه بالهبل خخخخخخخ
المهم شو رايكم اطلب الايفون اون لاين ولااخذه من دبي

 

[Amy_88]

آيمي مشترياااتج روووعه



ياليت اتكلمينا عن الديودرنت

تسلمييين ياعسل
والله لاأمانة لسا مافتحته افما اقدر افيدك حاليا ،، بس ان شالله لما ابدا استخدمه رح أقولك :eh_s(17):

ماشاء الله روعه تتهنين فيهم حبوبه
والسبراي عادي شحنوهم لك بدون مشاكل ؟؟؟

ايه حبيبتي موقع سكيندينيفيا يشحن دولي سو استخدمت عنواني :eh_s(17):
​

 

[ضماي انت]

Amy
عليج بالعافيه بس شخبار مثبت المكياج وانتي بشرت دهنيه

jvvvc
طلبتي الايباد 3 وجم غيغا خذتي انا بتريا شوي
امس اختي رايحه تاخذلي ايباد 2 هدية عيدميلادي الحمدلله ترددت بآخر الوقت
خل شوي اطمن انه اوكي واحسن من 2 بتوكل على الله وبطلبه ان شاءالله

نسكافه
دام نزل ايباد 3 انتظري بينزل ايفون 5 بعد فتره ان شاءالله
اهم دايما جذي يتلاحقون
وترا لو تاخذينه من دبي ارخص لج بوايد
مع ان اللي برا فيهم برامج ومميزات موموجوده بالشرق الاوسط هذي الميزه الوحيده
لان كنا بناخذه من استراليا

بقولكم بنات وصلني بولمعه من eyeko ربحته من الاي بي وشحنته دولي وصلني بالبريد العادي لي البيت
والحمدلله عجبوني حتى بدون ميك اب احطه كنت خايفه لبرونزي يطلع اوفر بس الحمدالله
خاصه انه مرطب بنفس الوقت

 

[Amy_88]

شماي أنت
والله لسا ماحطيته ب true test يعني ميك اب ثقيل ولفترة طويلة
لما تجيني مناسبة وقتها بختبره صح هههههه​

 

[funrose]

اشلونكم منو جربت تطلب هالباليت خاطري فيه بس مترددة اللي جربته يا ريت تقول رايها فيه واذا يسوي اشتريه او لا ويعطيكم العافية مقدما
http://images-p.qvc.com/is/image/a/51/a217751.001?$uslarge$​

 

[بـحـور الـشـوق]

مايقبل بطايقنا
عندج ماك لندن طلبي منه

اسعاره وايد أغلى من ماك أمريكا .. الحمرة اللي تطلع بـ 5دنانير و نص تطلع بـ 8 في ماك يو كي ..
انزين ماك يو كي يقبل بطايقنا ولا لا .. شكلي بخليه آخر خيار
​

 

[مراوي22]

وصــــــــــــــــــــل .. وصــــــــــــــــــــل

سليكــــــــــــــــــــو وصـــــــــــــــــــــل

:eh_s(9):



مثل ماقلت لكم يابوه يوم السبت الصبح مادري إشعندهم ويا السبت

المهم جوفو الصور بعدين بهذر



جفتو تغليف أحسن من جذي



مادري ليش بعض الباليتات الشدو مسطح حبيت الثاني أكثر







مثل ماتجوفون اللون الاسود مكسور بس ماعليه زين إنه الالوان الباقيه صاحيه لأنه الاسود في كل باليت عندي مكرر

كالعاده كنت راقده الصبح عالساعه 7 - 8 المهم سمعت جرس الباب قحصت قلت هاي أكيد يابين لي شي وايد يصيدني جذي جني قاعده راقده حلمانه ماعرف إشلون أشرح وبس رديت رقدت قعدت عالـ 11 ونص آنه وكشتي سألت أمي من إلي يطق الجرس جذي قحصونه إلا قالت من بعد يابين لج شي جااااان طيران أروح أجوفه تمت تتحمد وتتحلطم كالعاده وتقول أكيد مكياج

وتمت عاد يعني بتعقلني بسج يمه مب زين إلي تسوينه وآنه ساكته خايفه أبطل الظرف إلا قالت لي بطليه عاد شفشفتينه خل نجوف شنو ذي :krkrkr: طلعت أمي تحب سوالف الظروف والمفاجآت

يوم فتحته قالت الحين ذي بجم قلت لها رررخيص تخيلي ويا الشحن مايتعدا الـ 5 دينار قالت والله زين بس عاد بسج بسج وايد عندج قلت إي بس مب طالبه

جافتني أصورهم جان ترد تزفني مره ثانيه تقول تحملي تطرشين الصور حق إختج وتستخف مثلج بسها جان تفتر على إختي :krkrkr:

يالله ألحين أجوف ردودكم نفر نفر

 

[مراوي22]

مراوي

تعالي شنو لعبة الطباخ اللي تلعبينها؟

لا تقولين اللعبة اللي يعطونج طبخات تسوينها وكل خطوة لها وقت وطريقة محددة

مثلا تقصصين آلوا لازم يكونون شرايح بعرض محدد؟

إذا هذي اللعبة عطيني اسمها ههههههه كانت عندي في اللابتوب واندمج فيها جني ياهل لاا واخس :krkrkr:

تقصص آلووو :eh_s(10): لا مافي آلو في الطبخه في تسوين سوشي وسبرنق رول وعيش :krkrkr: كله أكل ياباني هاي أساميهم إلي أحبهم هذيله عندي إياهم في الاي فون في بو السوشي إلي أحبه وايد في الاي باد ماينزل في الاي فون ماعرف إسمه حاليا

Diner Dash - Ann BBQ - hotel dash - hotel rush

ابشرج حياتي .. التوصيل بماك يوكي صار مجاني حق 30 باوند

عليج بالعافيه حبيبتي هالموضوع الحلو

عاد تصدقين ماك ودي أقاطع ماك من سواياهم الصراحه وايد مبالغين في أسعارهم :bbbiu: بس تسلمين حبيبتي

اشلونكم منو جربت تطلب هالباليت خاطري فيه بس مترددة اللي جربته يا ريت تقول رايها فيه واذا يسوي اشتريه او لا ويعطيكم العافية مقدما
http://images-p.qvc.com/is/image/a/51/a217751.001?$uslarge$​

شنو إسمه ماعرفته :eh_s(10):

Amy

:eh_s(9):

ماشاء الله أغراضج حلووووه

تشققت يوم جفت السبري معناته بيوصلني جريب آنه طلبت العادي والي حق البشره الدهنيه ومعاهم المفروض 2 سمبل كان في عرض تطلبين 1 وتحصلين سمبل معاه

بس بسألج إشقد خذ له لين وصلج؟؟؟ مافيني صبر أنتظر

 

[{ سحر الوَرد *]

صديقاتي كيف حالكم؟

وصلتني عطوراتي اليوم الصبح
اخيــــراً

وتخيلوا شنوو؟
انا مسوية اوردرين من سليك.. بينهم يوم مادري يومين
اللي سويته متأخر وصل.. والثاني الأولي ماوصل :/
مادري ليش :|

انا على الآيباد للحين ماقدمت على الفيزا.. انطر اوراقي
باجر الصبح بتمر علي وحدة من البنك
والحين حيروني

اوا اليديد لأول مرة يدعم شبكة 4 جي.. اللي اساسا يديدة ومو في كل دول العالم تشتغل

احنا الخليج للحين ماشغلوها.. بس بعض الشركات اعلنت انه بيشغلونها جريب

الآيباد اون لاين
اذا من امريكا شركة at&t
او من لندن
هالاثنين ترددات الـ 4 جي نفس الشي

بس مال امريكا شبكة فيرايزون الترددات غير

الحين ناس اعرفهم يقولون لي انطري لين نتأكد لج اذا شركات البحرين تشغل الـ 4 جي على نفس الترددات او لا

طبعا اذا 4 جي ماشتغل..

كل الاجهزة تدعم كل الشبكات ويا الـ 3 جي
لأن ال 4 جي أساسا للحين ما يشتغل بكل الدول

الحين انا متحيرة اوفففف

المشكلة تاريخ 18 بيبتدون ييبيعونه في المحلات
يعني اذا انتظرت لين عقب 18 اكيد بيتأخر وااايد
بروحه الحين صار Buy Now
قبل كان Pre-Order
والحين الشحن By 19 March

الناس اللي طلبوه خلاص انشحن من الصين وبيوصلهم على تاريخ 16
مادري اذا عادي احط الوصلة..
بس شوفوا هالموضوع متابعة شحنات اللي طلبوه
http://www.adslgate.com/dsl/showthread.php?t=1226751
انا اخاف انطر على لا شي

واحنا هني 3 جي وبالعزر يصير سريع.. يعني 4 جي بيكون قوي لهناك؟
انا احس في كل الحالات بطلبه حتى لو يدعم بس 3 جي

لأن مادري قاعدة افكر لو اجهزة امريكا وبريطانيا غير عن تردداتنا
معقولة بيسوون اجهزة بترددات خاصة لدولنا؟ ماعتقد!

انا بروحي احاتي الفيزا مااتجهز لي قبل يوم الخميس

بجوف شيصير من الحين لين تجهز الفيزا..
​

 

[funrose]

مراوي هذا اسمه smashbox photo op mega palette جربتيه من قبل اذا اي تنصحيني فيه

 

[نعومة مووت]

يسعد مساءكم

مراوي تتهنين فيهم يارب تجنن الوانهم

 

[محرقية55]

مراوي قررت عينج على وصول سليكو :eh_s(9):تتهنين فيهم يارب وعليج بألف عافية​

 

[Amy_88]

مراوي
اغراض سليك حلوييييين بالأخص باد جيرل عندي اياه من ميس هارودز الحلوة ومثل ماقلتي دزاين الوافل اللي عليه احلى من العادي تبع الستورم
ناوية عليهم بس مو الحين يمكن على نهاية السنة على ال black friday
اخر مرة عملو 40% تخفيض ولادريت عنهم هههههه
سو البلاك فرايدي الجاي رح اعمل هجوووم عليهم واخذ من كل شي هههههه

بالنسبة لسبراي سكندينيفيا ،، هذا من زماااان يعني طلبتهم 24 يناير فقولي اخذ تقريبا 3 اسابيع ماني متذكرة كويس متى واصلني بس مو اقل من كذا
خليكي صبورة هههههه وان شالله تكوني محظوظة ويوصلوكي ابكر من كذا ​

 

[Amy_88]

يابنااااات ياحلواااات
اذكر من فترة وحدة كانت طالبة باليت توفيسد in your dreams
بس ماني متذكرة مين

ياريت ياريت أعرف مين هيا عشان أسألها عنها لاني حابة أطلبها​

 

[{ سحر الوَرد *]

يابنااااات ياحلواااات
اذكر من فترة وحدة كانت طالبة باليت توفيسد in your dreams
بس ماني متذكرة مين

ياريت ياريت أعرف مين هيا عشان أسألها عنها لاني حابة أطلبها​

تقصدين In Your Dreams ولا الاكبر Sweet Dreams?

انا طالبة الأكبر اذا هو اللي تقصدينه

آمريني فديتج

واذا يغيتي صور تراني حاطته موضوع بروحه اهو و باليت نارس دانماري

[ ريفيو Too Faced Sweet Dreams & NARS Danmari بتصويري والسواتشز ]

اذا قصدج الثاني اللي وياه بنفس الكولكشن بس أصغر شوي

امممم نسيت اسم الحلوة اللي طالبته

بس اهي سعودية ودايما تحط مشترياتها من أسترليا

 

[Amy_88]

سحر الورد
مشكوورة حبيبتي على الرد ،، أنا قصدي الثاني اللي اكبر
هذا للأسف مو موجود ههههههه

عموما انتي شو رايك بالبالبيت تبعك؟؟ من ناحية الكواليتي؟ للشدوات والبلاشرات؟؟
رايك يهمني وأثق بذوقك

​

 

[om MaRyooM]

مراوي


لوووووووول ظحكني الوصف
يلا عموما مبرووووووك وصول الغالين

وباليتات سليك رووووووعة
انا عندي so special و original حيل حلوين

تتهنين