بنات تعبانه والله

[ليمونه8888]

ما ادري من وين ابتدي بس انا مره كتبتلكم اني طحت على زوجي مع وحده وانا وعدني يتركها وصارت مشاكل وكنت حامل قالي خلاص انا اوعدج اتركها وتمر الايام واشك فيه كان يايب ايباد يقول شاريها واتضحلي انه اهي معطيته الايباد بعيد ميلاده ورد ينكر وهم صارت مشاكل مد ايده علي مريت بظروف صعبه وما علمت احد من اهلي وصبرت مع العلم اني انسانه خايفه ربي ومهتمه ببيتي وصارلي احدعش سنه متزوجه وعندي اربع بنات صبرت يوم اشك ويوم اطوف ويوم اواجه وينكر كان كل يسافر دبي ما يمر شهر ولا شهرين الا مسافر وكنت ابجي واقوله ليش كل تسافر يقول يعني الواحد ما يستانس ويه ربعه وانا حملت بهل فتره وكنت تعبانه وايد وهم صارت مشاكل وشك وهو كان يقول يوزي من تصرفاتج لا تخربين شي تخيلوا الالم الي انا فيه ادري انه ريلي عنده شي وينكر نقعد شهر ما نكلم بعض المهم ولت ويبت ما شاء الله توأم صبيان حسبت انه راح يدلعني. اخر دلع نمت باالمستشفى كان فيني حراره ما تروح تعبت وايد والله شاهد علي كنا ننقل من شقتنا وكان يروح ينقي اثاث وفي مره وانا باالمستشفى دق علي يقول شفت اختج بمحل الاثاث قتله اوكي عاديوحسيت في شي لانه اختي سالتني شنو قال زوجج قتلها ما قال شي مرت الايام وانا ما صارلي شهرين والده وعمليه ونقله البيت جان يقول بسافر دبي قتله ما تروح حرام عليك انا توني والده وتخانقنا زهب اغراضه وقال بتوصليني المطار وانا قلت يالله هذا سفر ماني مكبرتها ووديته ياتني اختي البيت جان اقولها ليش تساليني شنو قال زوجي تقول ما في شي يو اصريت عليها جان تقول شفته مع وحده ينقي اثاث تخيلوا ينقي اثاث شقتي مع وحده وانا نايمه باالمستشفى يايبتله الاولاد الي يحلم فيهم المهم من الاعصاب جان ادق عليه وقوله السالفه جان ينكر واختي يمي جان تصدمني الصدمه الثانيه وتقول اهيه الحين معه بدبي جان اقوله طبعا نكر والي شايفه هناك ولد اخوي وبت اخوي داقين على اختي وقايلين لها وهو قالي شفت ولد اخوح يبي يشوف قالولي شي انهرت انهيار مو طبيعي والحين كل اشك فيه قتله احلف عى القران انك تهدها ما رضى قال اصلا انا مع عندي شي ورد ينكر والحين كل يوم وثاني صايره مشكله اخر شي رفع ايده علي وقال اذا يبتلي طري المشكله ما راح يصير خير انا فاقده الثقه فيه وما اصدقه واتعذب من داخلي مالي خلق شي ونسيت اقولكم جم مره من ضمن الهوشات يقولي طلعي من بيتي لانج وصخه وتبين تاخذين راحتج تخيلوا قسوه الكلام وانا اتضحلي انه كل سفراته دبي تسافر معاه ويقعدون مع بعض باالفندق تخيلوا الالم اهي وحده مطلقه جم مره وعني من غير فايده وانا الحين عندي مشاكل مالها اول ولا تالي ما ادري شسوي ساعدوني

 

[إحساس شرقاوية]

الله يعيييييييينك

وين ابووك خل يتفاهم معاه هذا الحل

هذا يبيله رجال يوقفه عند حده

 

[❞ Cleoραtrα ❝]

ريلج ابد مايستحي على ويهه !!

يعني كفايه انج عاطتنه فرصص !

وتدرين شو المشكله ان بينكم 11 سسنه " عشرره عمر " . .

انا من رآيي انتي جربتي كل شي لآزم ادخلين حد كبير بس يكون هادي وعاقل بالسالفه

لازم ريآآل يوقفه عند حده , ,

والله يكون بعونج حبيبتي

 

[NO_oNA]

الله يجبر بخاطرك ويخليلك عيالك

 

[ضايعة بدنيتي]

حسبنا الله ونعم الوكيل

ما اقول الا الله يعينج على ما بلاج .. ويآجرج على صبرج . ادعي ان الله يهون عليج ويشرح صدرج ويهدي لج زوجج

لاحول ولا قوة الا بالله

 

[أجمل إنسـآنـه ~]

ألللـــــــــــــــه يفــرررج همممممج يـآقلبي أنتي..

 

[دآنة آلرشآيده]

لاحول ولاقوه الا بالله
باعج عشان وحده وصخه مثل هذي
انتي زوجته ام عياله اللي حافظه بيته وعرضه
والله مادري شقول لج بس دخلي ابوج وابوه لان زوجج مايستحي
على وجهه لاتزعلين مني بس احتريت الله يفرج همج ويكون بعونج ​

 

[popa]

لازم تصيرين حازمه معاه هذا ماينعطا وي وهمن يمد ايده

الله يهديه ان شالله بس ادعي

 

[S & H]

تحسبي عليه وعليها دايما والله ماينسى الظالم

 

[برنسيسة2007]

حبيبتي اتوجهي لله دعاء وقيام ليل وذكر وخلي بيتج بيت طاعه صدقيني مع الوقت يتأثر
الله يحفظلج بنات وعيالج ويخليهم سندج
ادعي بالهدعائين:
انا لله وانا اليه راجعون اللهم اجرني في مصيبتي واخلف لي خيرا منها
اللهم اجعل لنا من ازواجنا وذرياتنا قرة اعين واجعلنا للمتقين اماما

كرسي حياتج لتطهير البيت وتربية اولادج على طاعة الله

 

[* بنت المطر *]

انا مااقول الا حسبي الله عليهم بنات ابليس اخربت بيوتهم وصارت هوايتهم تخريب البيوت الحين قلت عليها العزابيه مالقت

الا رجال متزوج وابو عيال !!

الله يعينج بس ويصبر قلبج تدرين شنو اهم شي تدعين ربج فيه انه يمووت مشاعرج من صوبه نفس حالتي والله ان يوريني

صور رفيجاته وسبحان الله ولاهمني ولااحتر الا اذا بخل على عياله صج صج احتر بس ان طعتيني لاتسمحين لها تخررب بيتج

تمسكي ابيتج وعيالج وعطيه اكبر طاف قوليله روح لها خل الحرام ينفعك الزباله تكرمين للزباله وترفعي عنه

 

[Queenleo]

حبيبتي شهالسلبيه والضعف الي أنتي فيه!!

بس حطي حد شنو كل كلمه والثانيه مايصير خير ولاتخربين الي بينا

اهوا مايخاف الله!!

خلاااص تصرفي ودخلي رياييل بالسالفه في ناس تخاف بس ماتستحي

الله يعينج على مابتلاج وويفك عوقج

 

[حبيبي مالكني]

الله يعينج ويهدي ريلج ويسخره لج
ويحمي ريلي من بنات الحرام خرابات البيوت

 

[كليـ دلعـ]

عورتي قلبي

الله يمسح ع قلبح ويقويج تواجهين طعناته

الخايس

سمعي لاااااتثقين فيه في يوم من الاياام

ولاتحلفينه قاالو للحرامي احلف قال ياك الفرج

اهو اذا قاعد يزني ويخون ويجذب شلي يرده عن الحلف جذب!؟

عباله دييين ويعرف الله!!

سمعي الامور هذي مافيها تهاون ومن البدايه

من البدايه

من البدااااااااااايه

المره اذا تهااونت وتنااازلت وابلعت

قولي عليها السلااااااام

يعني المره من البدايه تكون حااااازمه جااازمه صلبه ماتتهاااون

من البدايه شنو. سفر بروحك وانت متزوج!؟

شنو ربع مااربع!؟

هذي ايام العزووبيه

بس بعد العرس ينسااااا

لان ماورا السفرات والربع الا الخرابيط!!

سمحتيله من البدايه يساافر يساافرر يساافرر

وتجكينه وتجكينه وتتهاونين

خلاص عقب كل هذا استنفاارج ماله اي قيمه

لانها خلاص شربت نروقها مثل ماقالوو

الله يهديج حبيبتي

حااااسه فيج قهر الم خيبه رجا ضعف قله حيله

حسبي الله عليه

شوفي سالفتج دششي فيها احد كبييييييرر

كبريهااا ولاتخافين

لاتبوق لاتخااف انتي ماغلطتي من حقج تدافعين

عن بيتج

ابوووج واخوانج وابووه واخووانه لااازم لاازم

تقعدينهم مع بعض وتقولين لهم كلللللل شي

من سفر وخيانه واختج شافت بعيونها وولد اخوج شاف بعيوونه

ويشهدوون

لااازم تشهدين الكل عليه وتعلمينهم حقيقته

وتطلعين رايتج بيضاا ويطلع بعيووبه

السكات مايفيد والخووف بهالمواقف اسمه جبن!!

حقج محد ياخذه لج الا اييدج

ليمتاا مستره عليه وراضيه وبالعه وقانعه؟!؟

ليمتاااااا!؟

يمعيهم وقصي قصتج بالتفصيل

وقووولي اما ريال يظبط حاااله والا يفاارجني

هذا قاعد يخونج مع وحده احتمال كبير انه متزووجهاا

واذا مومتزووجهاا بيتزووجهاا

خلاص بعد شناطره!؟

وقفيه عند حده

وبننت ابليس لاااااازم توصلين لهاا لاززم لااازم

عرفي منوو اهياا

ومن بنته وسكنهاا

وعلمي عليهاا اهلهاا خل يمسكوون جلبتهم الهاايته

خل يمسكوون جلبتهم الظاله

واللي تسافر مع الرياييل ماظنتي وراها اهل!!

بس اهي عنها لاتسكتين

طلعيهاامن الارض اليابسه وفضحيهاا

وهدديهاا

وريلج >>> ومااقاالوو قطع!

لاتصدقينه ولااتتاثرين فيه يعني لاتشتاقين له ولاتتذكرين منه شي زين.

قسي قلبج عشان الصدمات تيييج باارده وماتتاثرين

وديري بالج ع نفسج

ترا الحراات تيب الامراض الشينه

لاتحررين نفسح ع زبااله لاراحت ولاا يت

صحتج وراحت بالج

وكرااااااامتج

وصحه عيالج بالدنياا كلهااا

هدي ع نفسج والاموور بيدج

دخليهم يعدلوونه ويصحوونه

تغير كان بهاا

ماتغير بلي مايحفظه

اذا كنتي فعلا فعلا فعلااا مووقاادرره من الاستمرار معاه

نهااائياا >>>> بس هذا عقب ماتدخلين حكمااء من العايله واذا مافيه طب


خلاص منتي ملزوومه تعيشين مع وااحد يابلج قهر

يعني حاولي حاولي حااولي

واذا مووووقااادره

بطلي البااب ورفسيه

وحقووقح لاتاخذينهاا بالطيب

لاا اخذيها من المحكمه اجباااري

نتفيييه تنتف

قهرريه بالمثل

والله ياخذ حقج منه ويوريج فيه عجايب قدرته

 

[أنهار الكويت]

واااااااي وااااااي من هالحريييييم الوسخه اللي ماوراها اهل ولا يخافون من الله ولافي ضمييييير يأنبهم شوي
ابي افهم بالذات المطلقات ((الهايتات اللي ماعندهم شغله غير الرياييل المتزوجين)) ابي افهم ماكانت بيوم من الايام متزووووجه يعني اكيد تعرف شعور الزوجه وحرقة القلب وخوفها من الخيااانه اكيد مرت بنفس الشي شلووووون جذي تقدر ليش مايحسووون وبعضهم امهااات بعد ويعرفون شنو معنى الياهل ليما ينحرم من ابوووه وتصير عايلته مفككه

بالله البنات اللي يغازلون مو مجربين معنى الزواج والعشره واليهال وحرقة قلب الزوجه على بيتها وزوجها نقول انها طايشه وبس تبي تكلم وتسولف مووو اكثر لانها بنت وتكون بعد اكيد مو عارفه انه متزوج اغلبهم يقصون عالبنات مايعترفون لها انه متزوج فالاخت تعيش جوها عبالها راح تعيش قصة حب وغرام وتتزوجه يعني اغلبهم مايدرون ان مقصوص عليهم

اما المطلقااااات ااااه يالمطلقات فنااااانات بالبووووووق تعرف شلون تاخذه من بيته تعيشه بجنه وتخليه يكره بيته لو فيج خيييير جان مسكتي ريلج ودودهتيه مثل ما ادودهين الرياييل الغريبه

طبعا ما اعم بكلامي كل المطلقات اكيد فيهم بنات ناااااس ويخافون الله

 

[لوفيه]

الله ينتقم من كل وحده تخرب بيوووووت انتقام عزيز مقتدر

والله انج تقطعين القلب

بس ورب الكعبه تطلعين اكبر غلطانه اذا سكتي بعد خلاص سكرتي حلجج بما فيه الكفايه ليييييي متئ

شنو ماعندج كرامه ؟؟ انتي مو زوجته ام عياله ؟؟ دخلي الكبار وطززز باللي يصير

ريلج الخايس مال طق ويتمسد سنه بساعه حرررني هالخاين

عاد خلج مره وروحي لابوه واخوانه وامه خل يعرفون تربيتهم

 

[ليمونه8888]

بنات كلكم ما قصرتوا والله يوفقكم بحياتكم يارب اللي يقول قولي حق ابوج وابوه اقولكم انا ابوي متوفي وابوه وامه متوفين بعد ابوه وامه لو عايشين ما يرضون على هل شي ابوه كان يحبني ويعتبرني بنته وقايله وصيتي مرتك دربالك عليها وحطها بعيونك بس ما كو فايده يقولي انتي شنو ناقصج سفر واسفرج واحسن الماركات ايبلج بعد شتبين الريايل كل جذي يخربطون وتالي يردون بيتهم والحين صارله تقريبا ثلاث سنين معها ومرد بيته بنات انا ولد اخوي وبنت اخوي قالوا حق اخوي اهو انسان متفهم وقاله انه راح يزورنا باالبيت يكلمنا شوي جان يقول لي اذا اخوج يه وفتح معاي الموضوع راح تخربين كل شي احنا طول عمرنا ما دخلنا احد خلي اخوج ما ايه احسن وبعدين اهو شنو يبي يقولي لا تكلم بنات مو كيفه يحاجني جذي اقوله انا بنتكم اصرف عليها ومو مقصر معها بشي بعد شتبون مالك حق تقولي لا تكلم انت عليك بختك مو مقصر معها شفتوا شلون الكلام كله الم

 

[ليمونه8888]

بنات وينكم

 

[سكوتي بذوقي]

حسبي الله ونعم الوكيل

ماقهرني إلا يوم شك في أخلاقك


يسوي الغلط يحسبك مثله يعني

واللي تسافر معاه ماعندها أهل بنت ابليس اللي ماتخاف من الله

تخرب بيتكم ماتستحي على وجها وهو ماخاف على مشاعرك ولا احترمها

ماخاف عليكِ وانتي توك والده

لازم احد يتدخل من أهلك وأهله علشان يتغير

 

[نبع الكون]

حبيبتي يا الوقت اللي تعلمين فيه اهلج
يكفي انج صبرتي 11 سنة عشرة عمر
و لا تنسين ان بينكم عيال
الله يسخرة لج