لوكات Q8yat {{الجزء الثاني}}

[فوفة]

بنات ايش احسن اضأة للجفن تكون ذهبي ممكن تفيدوني ؟ من ماك او فورايفر .......

 

[manoooram]

فوفة
احلى اذاءه ذهبية وتتم معاج من Kryolan اذا حق مناسبات
واذا للاستخدام العادي عندج Mac ​

 

[بوليوديه]

هااااي بنات اول مره اشارك بهالموضوع
هذا لوكي نعوووم :$
اتمنى يعجبكم , ابي رايكم بنات :*

ماشاء الله بليززززززززززز شو اسم عدسااااااتك؟؟ ردي ضروري

سؤال يابنات شووو افتح لون عدسات فريش لوك ولا ترااااي كلر ؟؟؟مرره نفسي في عدسات خضراء وعسلي تكون فاتحه حيل حيل مثل عيون ريهانا>>يابنات استنى ردكم وجزاااكم الله خيرر:eh_s(7):

 

[صيتة الخالد]

هاااااااي بنات،،،
والله حدكم تفتحون النفس وتحمسون الواحد يشارككم،،
ودي انزل لكم لوكاتي ،،بس مو متأكدة من الناحية الشرعية "اني احط صورة عيني بالنت"

فقلت افيدكم بخبرتي الطوييييييلة والتي تربووو عن 8 سنوااات في عالم الميكب،،،
لدرجة ان حتا بالعروس القريبة انا احط ميكب حق روحي ،مع مراعاة انني بدوية،،يعني بعروسنا مايمشي الا حنان دشتي ورشا شيك وانتي طالعه،،،،هههههههه

والله كل هالسيرة الذاتية مو مدحا بنفسي بس عشان تقتنعون بنصايحي وانها فعلا عن خبرة وشطارة>>>>كل هالفلم عشان مانزلتي لوك،!!!نزلي وارحمينا خخخخخ

المووهييييم:

-العين الكبيرة،،،دايما تحب الالوان الفاتحة،،ماتحب الغوامج ولا الكحل الثقيل تحت العين،،سبحان الله يخليها تخرع صج
احلا شي عالعين الكبيرة هو الشدو الفاتح، مع اي لاينر الاي كات،،
مع كحل ابيض تحت العين وبسسس،،موزين تحط الكحل الابيض وتغمج تحته>>هذي للعين الصغيرة ااذا اشتهت الكحل الابيض

- العين الصغيرة: تحب الغوامج ،،الكحل الثقيل من تحت،،لان هذا حيل يبرزها ويخليها بينه اكثر،،ولاتفكر ابدا بالشدو الفاتح حيل راح يصغرها

-بالنسبة للعدسات الفاتحة،،لازم لاااااازم يدخل بالسالفة الاسود الثقيل من فوق ولا تحت،،الي يصير علاا حسب عينج،،بس لازم اسود عشان يطفي لونهم القوي "يسوي توازن"

بالنسبة لألوان الحمر: قااااااعدة: الحمر الغامجة عشان تطلع حلوة ماتعتمد علا شكل وحجم الحلج، "مثل ماهو شائع]>>تكفين ياللغة!!
،،يعتمد نجاحها علا شكل الوجة
دايما تضعف الوجة وتعطيه طول،،،يعني الي قصة وجهها صايرة بالعرض لاتهد الحمر الغامجة،،


ولاحظوا هالشي على بطلة المسلسل التركي "الاوراق المتساقطة" بالجزء الثالث ، مادري شسمها بس اشوفها بالدعاية،،،
لاحظوا مع ان حلجها وسيع نوعا ما،،،بس الحمرة الحمرة ماتطيح من حلجها وتهبببل عليها،،،لان قصة وجهها عريضة

عادي لايضيق خلقج اذا كان وجهج بالطول،،حطيها كتغيير ،، بس راعي ان تسريحة شعرج تكون تعطي استدارة لوجهج

وعلا فكرة ياصاحبات الوجة الطويل>> انا وجهي طويل لاتزعلون،،خخخخخ
لاحظت ان الحمر الفاتحة تخليني ملكة ،،،وااااو
حرصوا عليها دايما

- في بعض الكواااارث الميكب"ية" اسمعها من بعض البنات هني،،"للامانة مو بهاالموضوع حشاكم" مواضيع ثانية قديمة
لا والمشكله الناس الي مأيدة والي مصدقة،،،
مثل وحدة كانت تقول: الحمرة الحمرة مع الميكب السموكي دماااار شامل>>>لاوالله كارثة!!!
هالكلام بالتجربة،والملاحظة ،وبعد سمعته من ماكيير لبناني نسيت منو،،
دايما كل ما كان ميكب العين ثقيل، لازم الحمرة تكون فاتحة او كلش مومبينه
وعلى العكس لو كان الميكب حق العين خفيف



هذا الي ابالي الحين،،،
واي سؤال عن خطوات الميكب او المنتجات انا حاضرة ومن عيوني
وان شالله المرة الجاية بعلمكم طريقة سهلة للي ماتعرف للآي لاينر

 

[صيتة الخالد]

حبيبتي بوليودية
الماركتين الي ذكرتيهم اثنينهم فيهم الغامج وفيهم الفاتح،،،

عرفت اللون الي في بالج،،تبين عسلي فاتح حيييل صح؟؟؟
هاللون موجود عند عدسات بيلا "الي سفيرتها حاليا غادة عبدالرازق"
في العسلي الفاتح حييييييل وفي العسلي الفاتح الطبيعي،انتي بس تشوفينها بالمحل "بالصورة طبعا" راح تعرفين الفرق،
طبعا هي بدون تحديد وهذا الي احبه فيها
اخذي بدون تحديد احلاااا مية مرة، كل مااشتري تحديد البسها مرة وحدة واطقها بالزبالة
احس تخلي شكلي كريه،،
طبعا باستثناء اليابانية للتكبير


امبيه قرقت عليكم قرقة!!
عادي اتنسى وقاعدة بروحي،،،،هههههه*

 

[..’’ياقلبـك الخوّاف’’..]

اول مره استخدم الايشدو قولولي رايكم بليز




هذا اول لوك

.. واحلى لوك احبه فالايشدو ..




هو ع اساس سموكي .. مادري ظبط ولا لا .. اول مره اول مره

حبيت اغير والعب بالالوان ..:ggdw:


شو رايكم كاول مره ؟
وشو اغلاطي ؟

ماشالله عينك تجننننن

بس المكياج الاخير موحلو خليك عالصور الأولى

 

[مملكه الرشاقه]

ثعلوبه
يبيلج تدريب أكثر .. اللوك الثاني حلو

 

[مـ ع ـزوفة حز*ن]

،،
بإنتظآآآر لوووووكآآت

..........
........
..

 

[حُلم وانتهى]

هالصورة صورتها من فوق :

لان ماقدر اغمض،، تهتز الصورة لاني ماغمض وبس، من صجي انام لووووول


وهالصورة بالويه :

طبعا لفيت عيني يمين عشان اوخر رموشي وتقدرون تشوفون :d


الالوان درجات الذهبي ودخلت عليه الاحمر وحيل خففته لان مابي يكون صارخ
بروحه الاحمر لونه قوي لول

وااااااااااااااااااو اعجبننننننننني اللوك اول مره اشوف وحده مسويته لوووول :d

ان شالله راح اجرببببه

 

[غلا123]

ماشاء الله تبارك الله

 

[manoooram]

up up up up up up

 

[هدوء المدينه]

ماشاء الله عليكم مرره فنانات الله يحفظكن

 

[هدوء المدينه]

ام مريوم بسسم الله عليج خطيره بكل لوكاتك الله يحميك
والله اني احبج

 

[جوهرة البحرين]

ثعلوبة

اللوك الاول حلو ولايق على عيونج بس شوي من النهاية يبيلة تعديل..

الباقي يبيلج تضبطينهم خصوصا الاخير لان الرصاصي مايطيح على برتقالي واحمر واصفر


وتسلم يدج

 

[جوهرة البحرين]

بنات الموضوع نايم...

شسالفة؟!

 

[هاجس]

انا باك ... انا باك :eh_s(9):

سامحوني على الغيبه الطويله تقريبا شهرين :eh_s(22):

لااهيه بالدراسه اخر سنه و ماكو وقت :eh_s(11):

وبما ان المخ مشغول بالتخرج :ch12:

قاعده العب بروحي و حابه احط هالميك اب بالتخرج :eh_s(22):

وحبيت اخذ رايكم

ادري في اشياء مو عدله هههههههه بس لان ماكان لي خلق

وقت الحفله اظبطه تمام التمام :eh_s(15):

تفضلو






http://www.gulfup.com/show/X3ii0yjs6v0p1





























الحمره






للاسف الابيض الي تحت الحاجب مادري ليش شاب بالتصوير

مع ان بدون التصوير صاير طبيعي مو شاب جذي

المهم رايكم تهقون حلو حق تخرج ولا لا
:eh_s(8):

 

[**selena**]

هاجس : ويييييييييييينج افتقدتج يا قلبي

و من طول الغيبات جاب الغنايم

اللوك روووووووووووعة ما شاء الله و الحمرة تينن .

 

[هاجس]

حبيبتيييييييييييييييييي مشكوووووووووووره انتي الرووووعه

والله شسوي لهيت ويه اخر سنه حيل تاكل القلب

مابقا شي الله يسهل

 

[هدوء المدينه]

موفقه يا هاجسس الله يسسهل عليج
الوك حلوو بس الافضل تعملي لوك ناعم احلى من كدا للتخرج
تحياتي لتس يابعد حيي

 

[beauty symbol]

هاجس

اللوك حلو
لكن ما حبيت
السحبة الخارجية للعين ,,,


ومبروك التخرج ,,, مقدما ...