~.. بعرف ليش الرياييل مايحبون تويتر .!! .~

[الزورق222]

بالنسبة لى ليش استشير بامور وانا اعى تماما ماذا اريد ومالذى لا اريده صحيح نحن بشر وضعفاء امام جميع المغريات لكن ان شاءالله عارفة طريقى ماااتكلم مع اى شاب غريب فى التوتر مستحيل مثل المنتديات الا اذا كنت ارغب بسؤال ما او استفسار عن شىء فقط
والباب مفتوح على مصراعية امام البنات اتحدث مع اى فتاة اذا وثقت فيهاا .
صراحة ماجربت اسأل والدى لانه لايعرف ماهو twitter لكن اخوانى يعرفون انى مسجلة فيه ..

 

[الباسمه]

زوجي واخواني راضين بس مخي مقفل للحين بس سجلت ولا شاركت بشي
بس اذكر زوجي قالي مره تويتر افضل من الفيس بوك بكثير
بصراحه ماناقشته

 

[خالتي قموش]

انا ما حبيته ابد
وهو بعد مو راضي اصلا

 

[أحلى البشر]

ليش مايرضون ؟؟! الحمدلله ماشفت هالشي في بيتنا

 

[وايليه 1]

بعتقادي دامه سمح ( الاب او الاخ او الزوج ) بدخول النت ؛ فليس له اي داعي او ان صح التعبير ليس له حجه ان يمنعني من فتح حساب ا فهو لازم يكون من بداية ماسمح لي بدخول عالم النت لابد ان يكون واثق واحبذ المراقبه من بعيد ليس لعدم الثقه بل للاطمئنان لااكثر ولااقل ؛


بالنسبه لي ماجربت ان اسأله ولااتوقع الرفض

فعقلية والدي اكبر بكثيييييييير من صغائر الامور او اضيع وقتي بالنقاش معه بهذه الامور تويتر وفيس بوك و ووووو ...الخ ليست سوى سلاح ذو حدين او موجه ويجب علينا ان نسير معها متمكنين من ادارة القارب بعكس هذه الموجه ام الجري ورااءها ولربما ندير الموجه باكملها .


تقديري لك عزيزتي

 

[dalo0o3a_707]

التكنولـوجيآ حلـووه
والـتويتر آحلـى « لووول
نرجع لموضوعنـآ ؛
واللـه انآ ابوي وآمي رآضيين « ذاك اليـوم آمي تحن علي اسويلهـآ تويتـر

والتـويتر الصرآحه فآدنـي آككثر من مآ ضرنـي
يعنـي الصرآحه تويتـر عآلــم جميـــل « kaaaaak

 

[غراوي]

لان المتعارف من تويتر انه مو برنامج تعارف
برنامج تناقل اخبار وفي ناس مهمه وتقدرين تراسلينهم

عشان جذي يمكن خلى الرياجيل ما يحسون بشي غلط

بعدين تري والله الدنيا تغيرت
قبل بنات البدو لازم تلبس النقاب الحين لا عادي والعبايه بدو يتخلون عنها..للعلم انا بدويه
وعندج البلاك بيري اللي بيد بنات الثنويه قبل عيب نمسك تلفون البيت
غير شغلات واجد الدنيا تغيرت

والله لان اغلب الرياجيل الحين يخربطون فدمهم صاير بارد ما يحسون بالغيره او الحرص على اهاليهم

 

[حلوى عمانيه]

بالعكس التويتر مفيد .. ينقل الاخبار اول بأول

 

[طــُـهــر ♥!]

,’







أنـآ عندي وأخوي رآضي ماعندهه أي مشكله
هو اللي شجعني أسوي حسـآب ..~

شــككرآ على الموضوع ..~







,’​

 

[نوره 99]

هو يايسوي فيه شي غلط ياسامع عنه شي غلط
كل شي بهالدنيا اللي يستخدمه صح بيستفيد منه واللي يستخدمه بغلط بيضره

 

[manoooram]

عندي Twitter وعادي استخدمه وراضي كل الرضا زوجي

 

[راقية بذوقها]

باختصار انا اخووي مسجلني لو فيه شي غلط ماسجلني واقرا اكثر من ماكتب واستفدت كثيير وماحط الا الشي المفيد وكل واحد وتربيته

 

[shaikhat elbnat]

انا شخصيا ما عندي حساب في تويتر
بس أبوي و زوجي يقولون لي فتحيلج حساب ترا وايد مفيد
كل واحد حسب نظرته و استخدامه حق الشي

 

[ماتغير شي]

ريلي عنده عاااادي بس يقولي لا تعطين احد ويه

 

[بنت النوخذا]

للأســـف

اغلب الناس همهم
الضحك و اللعب

يعني نـــــــــــــــادر ما نشوف
الي يستخدم هالتكنلوجيا بطريقة ايجابيه


تفاهــة العقــول غلبت الثقافه بمراحل

 

[))) ساره (((]

مدري ليش مو عاجبه
مره سألني عندك تويتر بحدددده مو عاجبه قلتله لا قال اشوا وانا عندي بس تخرعت ماقلتله عندي
وخفت منه وسكرته

 

[مـعـجـبـة]

عادي .. من ما عنده تويتر هالايام

اللي ما يغرد تلاقينه عالاقل يتابع

 

[عسل مرت قيمر]

حييل عادي


انا ريلي عادي عنده والكل عنده


ماشوف في شي

ومحد ضايق الثاني


بلعكس اخبار ومعلومات حلوه واشياء مفيده

 

[فيروز خانوم]

كل تقنيه جديده صعب يقبلها المجتمع في البدايه نفس البلوتوث قبل اللي عندها بلوتوث جريئه
بس فعلا ما الومهم انا مو مسجله فيه وزوجي شاطبه بس ادخل مرات اشوف عند رفيجاتي والله كله ذنوب وبلاوي وكلام الحريم كله عن الجنس وين الحيا
الله يستر علينا وعليهم

 

[Tom ♥ Jerry]

.


يدرون البنت عاطفيه و بسرعه تنجرف و ينقص عليها !
صج مو كل البنات جذي
بس الصراحه وايد بنات قاعدين يدخلون تويتر بصورة و يطلعون بصورة ثانيه
يعني ياثر عليهم سلبيا .. مرات يكونون الاهل سامعين قصص
لـ مثل هالمواقع .. و ياخذون فككره سيئه عنها .!


اشوا اني مو راعيه هالمواقع :d
بس صراحة فيني فضول ادخل عالم تويتر و اكتشفه لوول