>>>ديوانيه--- أمهات بجريات <<<

[om 7sony]

بنات انا ولدي كله يحول عيونه
مرات احسه يطالع خشمه
ومرات يحول عين وحده والثانيه سيده
تهقون عادي؟!
ولا لازم احاتي؟؟

 

[غمـــ ^^ ـــازه]

قوووه امهات

توني اطيح على هالتجمع

انا بجريه وبعد جم يوم ولدي بيكمل شهرين فديته



ام حسوني

عااادي انا ولدي يحول وقالي الدكتور كثري ماي بين الرضعات اهو الي يثبت عيون البيبي

 

[كرستــــــــالة]

هههههههههه يا حلو عيونهم
عادي ام حسون لان الدائرة السوده كبيرة و العين صغيرة فتحسين بحوله و الدائرة السوده نفس حجمها من هو مولود الى ان يكبر

 

[om 7sony]

غمازه
حياج الله بينا

اي انا بعد سمعت ان الماي ضروري حق العين

ثانكيو كرستاله
طمنتوني والله

 

[om 7sony]

غمازه انتي اي تاريخ ولدتي ؟؟
انا بعد ولدي بعد يومين يكمل شهرين
انا ولدت ٢١ -١

والمفروض تطعيمه يوم الاربعا
بس انا باجله للخميس

 

[غمـــ ^^ ـــازه]

انا ولدت 25-1


ليش تاجلينه انا تطعيمه السبت

الله يستر عسى مايصخن

 

[عيون روحي]

وعييييييه ياكرهي للتطعيمات و المراجعات اساساً اكره المستشفيات عموماً 

 

[om 7sony]

بطعمه الخميس اخاف يسخن
لان عندي دوام
الله يستر

 

["Om 3AzOoZ"]

فلانه حبيبتي ربيتي مايبتي والحمدالله على سلامتج وسلامة البنوته تتربى بعزكم ويطلعج من باجي شروره ناطرين قصة ولادتج سووووون


ملل رهيييييييب:eh_s(2):*

 

["Om 3AzOoZ"]

ام حسوني انا نفس حالتج تطعيه يصادف يوم ثلاثه قلت بطعمه الخميس عشان ويك اند لو يسخن نسهر معاه انا وابوه اعتقد عادي نأخر يوم او يومين

 

[غمـــ ^^ ـــازه]

واااى على الدوام ماساة

اذا جذي ماقدر أأجل تطعيمه للويكيند الياي حراام

يصير اجدمه يوم يعني اليمعه اطعمه ؟

 

[غمـــ ^^ ـــازه]

ام عزوز

انا من ولدت وانا ماشميت ريحة الملل لوول والله كله لاهيه مع البيبي

شغلي وقتج معاه

 

[الملح و القبلة]

أهلين بنات مشتطة طلعتج مع بس انا بمدد 10 ايام خل ابو الشباب يستوي شوي وبعد للحين ما خلصت اغراضي

 

[الملح و القبلة]

يا بنات عن الهواش انا من ولدت كل ساع متهاوشه مع زوجي و زعل زعل قوي ابوى الشباب يكفي انه غثني و ما سمى الاسم الي ابيه و الله حاز بخاطي للحين و قال ابي أغيره و ما غيره و هذي سالفتي معاه كل ٣ أيام هوشه غثني صج بس شغله اذا رديت بطلع الاسم من عيونه مراح اطوفها له

 

[Ms.electric]

إنا حايشني اكتئاب و قلق مو طبيعي ،،

أحاني بنتي وقت الدوام و ريلي قاعد يقولي مو قاعدة تهتمين فيني معني طول الوقت مجابلته و الله

أحس مخنوقة فيني بجية ،، و عندي امتحانات

أمي قالتلي ما فيني شدة خلي بنتج عند خالتج و أنا. محتارة مادري خالتي عادي و إلا لا

أبي أحد يلمني

 

[...ليالي...]

سلاااام بنات شلوونكم كلكم .....

معاناة صراحه الدوام والدراسه وولدج بالبيت تحاتينه مارد الا العصر يالله يمدي اجابل ولدي وابوه ودراستي الله بالخير

 

[om 7sony]

التطعيم ما يتجدم
يتاجل عادي

واااي مس ... قلت لكم من قبل ،،،، الابو يغااااار لازم نزيد اهتمامنا فيهم
خليه يمسك شيوخه ،،،
يمكن يلهى فيها شوي

 

[om 7sony]

الملح
بس طوفي حبيبتي
لي متى بتطلين تتناجرين عشان اسم
خلاص خلي حياتج تمشيً

 

[غمـــ ^^ ـــازه]

الملح

مااااايسوى هواش عشان اسم انسي شوفي ولدج وتنسين كلشي



مس

سالفة ماتهتمين فيني واااي كل يوم لازم اسمعها

بس شنسوي مرات يزيد اهتمامج بالبيبي وانتي مو حاسه

مايصير تخلين بنتج عند احد بدون خدامه حطيها عند امج و خدامتج معاها بس انها جدام عيون امج

انا جذي اسوي الخدامه تمسكه بس جدام عيونها

 

[غمـــ ^^ ـــازه]

ام حسوني

ماجربتي تحطين ولدج جدام التلفزيون ؟؟

انا احطله سبيستون ويقعد يرافس ويتضحك لهم فديته يحب القرقه