رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي
جمعة مباركة على كل الحبايب و الغاليات
اليوم الصراحة جايبة لكم كوليكشن صور و مقاطع و نصائح
و لكن ما اعرف بعد ما تشوفونها ايش يصير لكم ؟ !
لانها مقاطع و شغلات ترفع الادرينالين في القلب و تخلي اللي ضيعت وقتها تتحسف على انها خلت يوم واحد يضيع منها بدون رياضة
و الصراحة انا قاصدة اكتب شي مثل هالشي لان خلاص
ما باقي وقت كل اللي باقي شهر و اسبوع و ينتهي هالموضوع
فاللي تبغى توصل مثل اجسام هالبنات اللي يسمرون نظر الواحد فيهم
اقولها ضاعفي جهدك و اشتغلي على عمرك لان
اذا ما انتي كنت حكم نفسك و اتحكمتي فيها و وصلتيها لـ هالاشكال
والله و الله مافي احد راح يسعى و يركض وراكي و يحرص على تغييرك و يحاول شجعك نفس ما نسوي الان
فطالما قلوبنا على بعض و جالسين ندعم بعض و نحمس في بعضنا عشان كل وحده فينا تتغير
استغليها من فرصة و لا تتكاسلي
ما تبغين تكونين ايقونة للانوثة بطلتك نفس هالشكل و تسحرين الكل بقوامك
ما تحبين ان الكل من اللي يحبونك
يقولو عنك الله معالم جسمك تشرح ايش معناة الانوثة الطاغية
حتى لو كانت مقاسات قوامك سكيني
ما تبغين توقفين قدام المراية و تكشفين عن قوامك
و تلاقين شي يسعد قلبك و يشرح خاطرك و يخلي ملامح وجهك تبتسم من تلقاء نفسها
و تقولين يا الله قواااامي خيال حاله حال اي عارضة سكيني
و لا كأنك الا غزالة
ما تبغين تكونين قالب مثل المانيكان مرسوم رسم
لدرجة مافي اي احد يقدر يفصل بين الدلع و الرقة و بين جسمك
لان بصراحة اللي جسمها نفس الشكل ما اقدر الا اربط بينها و بين الانوثة
و النعومة و الرقة الطاغية لان جسمها مترجم هالشي حتى ما اتوقع احد يشوفها الا يقول هالوصف عن جسمها اكيد
الصورة التالية قالب بشري بناتي ناعم و ليس قالب شمعي مصنوع
هالناس تتمرن
هالناس تحافظ
هالناس في بالها اهتمام و اعتدال و ليس تانيب ضمير و هوس جلد الذات
جلد الذات هذا ما عندهم لانهم يحبون التفاؤول و المحاولة و يجتهدون من قلب
تشتغلون تلاقون نتيجة جهدكم
هم حالهم حالكم ياكلون و يشربون و يستانسون
لكن الاوربيات غير العربيات يعتمدون نظام حياة شي اسمه رياضة
بينما انا اقرء على يومين فاتو اغلبكم نسي شي اسمه رياضة و اعطيتو نفسكم راحة
و بس تأنبون ضميركم على الاكل
و هالشي غلط
.
.
فيه كثير اشياء لازم تراجعونها مع انفسكم يبغى لكل وحدة فيكم تروح و تجلس مع نفسها جلسة تصحيح
و تصير تصحح اخطائها
و اولها نصائحنا اللي كتبنها اول الموضوع
حتى ما عاد صرت اسمع احد يتكلم عن المساج
و بعدين لنا مع الغد تنظيم جديد لكل من لخبط و فوت لان باقي شهر و اسبوع وبعدها نقفل
و نبغى نقفل على نجاح و نجاح فقط
ردي الجاي راح يشتمل على مقاطع تفيدكم خزنوها للاستفادة منها و التمرين عليها كل يوم
