شلووونج بابونج؟ شخبارج :*
انا الفتره اللي طافت انشغلت واااااايد بس الحمدلله قدرت اقرا جم كتاب
خل اقولج شنو قريت ورايي فيهم..
Something, maybe
القصه عجبتني والشخصيات تنحب والاحداث مو ممله, بس حسيت الكاتبه ما ركزت على البطل وايد مادري يمكن لأني حبيت شخصيته حييييييل تمنيتها تحطه بأحداث اكثر.. بس بشكل عام الكتاب وايد حلو اعطيه 4 من 5
Sophie & Carter
قصتهم تبجي وصوفي تذكرني بنفسي وقصتها مشابهه لقصتي تقريبا..
خلصت الكتاب بقعده وحده والقصه خفيفه وتنقال من طرفين يعني من وجهة نظر صوفي ومن وجهة نظر كارتر وانا احب جذي
اعطيها 5 من 5
Lock & Key
هالروايه انتي تكلمتي عنها وقريتها قبل جم يوم واعجبتني بس فيه شي بإسلوب Sarah Dessen يخليني ودي اطوف الصفحات بس عشان اوصل للحبكه احسها تطول السالفه وتتكلم عن الشخصيات الجانبيه وااايد يعني اغلب الصفحات كلها عن شخصيات ماتهمني وقعدت اطوف بس ابي اعرف شيصير بـ Nate لووووووووول عطيتها 3 ونص من 5
You Against Me
هالقصه كنت ودي احبها والله تخيلي كنت احاول اغصب نفسي اني احبها بس ماااقدرت!! اهيا مو ويع بس مو واو مثل ماكنت اتصورها..
البطل حسيته اهبل والبطله حسيتها لعينه والنهايه سعيده بس مادري ما حسيت بشي لما خلصت الكتاب
يمكن اسلوب الكاتبه اهو الشي الوحيد اللي عجبني والفكره هم كانت حلوه يعني اعطيها 2 ونص من 5
وسلاااااااامتج وايد قرقت عليج بس من زمان عنج وعن موضوعج الحلوو
