أدواتـــي و ادواتـــج//شنو ستايـل شـعرج..//شوفـوا ستـايلي..//

[beauty rose]

السلام عليكم و رحمة الله و بركااااته :eh_s(7):​

شلووونكم بنووتات​

دايما ادور مواضيع بهالقسم تخص حركات الشعر و الستايلات و الصبغات و القصات بس ما القى وايد :eh_s(4):​

نبي تجارب مننا احنا مو من فلانه قالت و سمعت ان و حيث ان و ربما و لأن :bbbiu:​

الموضوع بكون مقسم لأربع أقسام
قصات الشعر
صبغات الشعر
تساريح الشعر
الأدوات المستخدمة للشعر​

...
..
.​

بالنسبة لقصات الشعر :​

كل وحده فينا تكتب شنو شلون قصت شعرها
يعني مثلا رحتي الصالون قصيتي شعرج ,, شنو الحركة اللي سويتيها ؟ او الفنتق اليديد
قلدتي فنانة حطيلنا صورة شعرها
او حطي صورة قصة مقاربة لصورة شعرج ...
ذكري اسم الصالون و جم خذوا منج عالقصة​

صبغات الشعر :​

صبغتي لأول مرة او محترفة بالصبغات
آخر لون صبغتيه شنوو ؟ قلدتي فنانة ؟ ولا اشتهيتي هاللون و صبغتيه
حطيلنا صورة مقاربة
و نفس الشي الصالون و بجم صبغتي​

او صبغتي بالبيت ؟؟ اسم الماركة و شنو طريقتج بالصبغ
اذا عندج نصيحة او شغله مفيدة تفيدنا​

صبغتي من اسود لي اشقر ؟ تجربتج تفيدنا​

تساريح الشعر :​

و المطلوب التساريح اللي انتي تسوينها بنفسج مو بالصالون
يعني مثلا شنو ستايلج بالبيت عزيمة عرس مناسبة خاصة او بينج و بين ريلج​

أدواتج اللي استخدمتيها لشعرج :​

شريتي جهاز و تعودتي عليه صرتي مدمنة تسوين فيه شعرج يوميا
او للمناسبات او تستخدمينه حق شغل سريع سريع لوول​

شريتي جهاز طاح بجبدج ؟ يلوع الجبد ؟ اييب المرض ؟ ودج تحذفينه ههههههه​

......................................................................​

أتمنى وصلتكم فكرة موضوعي
أهم شي ان التجربة تكون تجربتج انتي بنفسج
لان السؤال من العضوات الثانيين بكون موجه لج
و نبي اجابه
مانبي وحده تقول مادري من وين و ماعرف و نسيت لوول
لا تحطون شي و تحروونا :rgewrg:​

وانا ببدي أول وحده معاكم ​

...........................
.....................
.........
.....
..​

ببدي أول شي بالأجهزه اللي استخدمها لشعري ..​

السشوار و اللفافة اصدقاء الطفولة لوول
من وانا باولى متوسط كنت استشور قذلتي باللفافة و اربط شعري عنقوص لول
الاستشوار استخدمه لتجفيف شعري
و اذا بالبيت اسشور قذلتي و خصلتين من عالاجناب و باقي شعري اخليه على طبيعته
و اذا حابه اغير اسشور شعري كله بس ماحب اخليه سايح حيل
احب اخلي فيه تفخه خفيفه
حجم اللفافة يخلي شكل الخصلة يختلف بعد الاستشوار
كل ماكانت اللفافة اكبر كل ما صار شكل الشعر اكثف
و اللفافات الصغيرة احب استخدمها للشعر الصغير اللي يطير
( بيبي هير )​

...​

أجهزة الستريتر :rerrerek:
جهاز من بيبي لس روووعه حرارته حلوة للشعر
بس ضروري قبل الاستخدام ترشين على شعرج من بخاخ الحماية تحصلونه بالجمعيات الكبيرة و مركز سلطان
و مو زين تسوين شعرج بالستريتر و اهوه رطب
اول شي لازم تنشفينه هوا بالاستشوار العادي بعدين تستعملين الستريتر​

​

الستريتر الثاني من النسائم شريته لان اضعف من بيبي لس
لان معروف عن جهاز الستريتير ان وظيفته مو بس تنعيم الشعر مثل الكوريات ​

تقدرين تسوين شعرج كيرلي عن طريق الستريتر بس يفرق معاج التفاف الخصلة حسب عرض الستريتر​

عن طريق هالحركة تلفين الخصله على الستريتر و تسحبين لي نهاية الشعر​

بتصير الخصلة كيرلي​

و يتكون هذي النتيجة ​

​

الستريتر فن تقدرين تسوين فيه حركات وايد​

تقدرين تسحبين الستريتر من بدايه الخصلة لي نهايتها بشكل دائري و تكون هذي النتيجة​

تقدرين تسشورين شعرج بطريقة عادية و تخلين اطراف الشعر مكسورة​

.......................
............​

تابعوني ما خلصت في جعبتي الكثيييير :eh_s(9): .... ابي اشوف الردود الحلوة​

 

[beauty rose]

تـــــــــابع :::​

جهاز الفير العريض​

حلوو الجهاز بس ما استعمله وايد
مرة حرقت ايدي كلها فيه تخيلوا شلون ؟ مسكته بالمقلوب :eh_s(16):
بغيت اموت حطيت عليها معجون اسنان قعدت تنبض لول​

الحركات اللي اسويها بشعري عن طريق الفير العريض
الف خصله على جهاز الفير و اخليه 10 ثواني تقريبا
و بعدين افلتها و ارد الفها و اسكرها و اثبتها على شعري بماشة
او الفها على لفافات رول و اخليها لمدة نص ساعه
عيب الجهاز ان الشعر ما يثبت وياي يطيح
يبقى كيرلي من تحت بس
من فوق يصير سيدة :eh_s(1):
فاللي عندها تجربة مع هالجهاز او طريقة ثانية نفيدنا ​

أفشششششششششششششششششششل جهاز شريته
طريقته انج تلفين خصلة من شعرج بين الحدايد
شغلت الجهاز و شعري كل ما جربت اسوي يتحرجب داخل الفير !!
و تخيلوا حرارة ؟؟ تبين تفجينه بسرعه تخافين الخصلة تحترق​

قاطته بالدرج ما استعمله :ch12:​

 

[beauty rose]

جهاز تكسير الشعر
احب هالجهاز سهل و ممافيه تلفلف خصل هههههههه
بس تكبسين و تنزلين بالخصلة ليما تخلص
بس يبيله سبريه عشان يثبت الشعر
و حلاته الخخصر اللي تاخذينها تكون صغيرة ما تكون كبيرة لان ماراح تطلع معاج نتيجة حلوة​

و نتيجة الشعر لهذا الجهاز تقريبا​

................................................................................................................................​

لفافات الشعر احبهم
بالنسبة لي حمدلله شعري ناعم بس مو سايح
لمة الفه باللفافات و افجهم يطلع حلووو
و مرات استخدم السشوار قبل اللفافات
بس قبل لا افتح اللفافات ارش عليهم سبريه عشان الخصل تثبت
و تصير واقفة مو سايحة و يخترب الشعر​

و تقريبا جذي تكون النتيجة​

النتيجة كيرلي طبيعي عملي مو شغل مناسبات ​

 

[beauty rose]

افشل سيرم استخدمته للشعر يخلي الشعر مدبق و ملزق جنه مدهن :eh_s(14):
مثل قذلة دنيا اسعد سعيد لووول
يبيعونه النسائم لا تشترونه​

.............................................​

تعبت وانا اكتب ... ان شاء الله بحطلكم فيديوات طريقة كل جهاز
وايد اسهل لكم
و بكمل لكم أقسام الموضوع الباقية .....
:eh_s(17):​

 

[S & H]

ماشااء الله روووووووعه الموضوع يعطيك الف عافيه

ياهيك المواضيع يابلا
كملي ناطرينك

 

[شسالفه]

الله حلووو الموضوع
متابعينج

 

[naz.girl]

يعطيج العافيه كانج حاسه فيني افكر في موضوع للشعر حلوة افكارج ومنكم نستفيد
انا اللي استخدمه الاستشوار الهواء اذا بس بجفف شعري عالسريع واكثر استشوار استخدمته حلو وعجيب جيباس بو بروش لا ويعمر بعد مع انه رخيص ب6 دينار احسن من ناشنال بوايد بس عيبه البروش مع الحراره شوي يذوب بس عادي وعندي جيباس الستريتنر ما عرفت استخدمه في كرتونه وانا قصه شعري ما غيرتها من زمان اهي ستيبس 3 ومتوسط الطول قبل كان بوي
وبس اي في زيت اسمه انوب تخلينه في الليل الصبح تغسلينه حلو ما يحت للشعر بس يسود الشعر وعندي مغذي او سيروم ماركة ycحلو تخلينه لمن شعرج يكون شوي رطب وتنشفينه يسها الاستشوار بس انا شوي يدهن على شعري
وبعد كريم فاتيكا للشعر حلو مع انه حمام الزيت ماله كلش ما عجبني واحسن من بانتين بديل الزيت بالنسبه لي وشكرا

 

[طعنـــة غـــدر]

الموضوع رووووووووعه يعطيج الف عاافية

 

[ام سالم العنزي]

موضوع اكثر من رائع
للرفع

 

[وحيدة امى]

جزاج الله خير​

 

[ايطاليه]

موضوعج يهبل يعطييج الف عااافيه

 

[*7ayra*]

خوووووووش موووضووع
وربي يعطيج العاافيه

 

[Roty]

مشكوووورة حبيبتي
بالنسبه لجهاز اللفافات عندي منه صاجه بس تحت يلف وفوق يكون سيده ويطيح

نبي تجارب

 

[جوك احلى جو]

موضوعج يه بوقته صج صج صج مهم ويهبل نفسج
انا احب سوالف التساريح واجهزة الشعر والخ

توني شريت ستريتنر ghd من وحده من التاجرات تيبه من لندن اسمها نسايم الجوري بس مشكلتي ماعرفت اسوي كيرلي بالستريتنر دشيت اليوتيوب وهم ماظبط معاي هذا اللي عندي بالظبط

وعندي من بيبي لس جهاز الويفي ينن نفس هذا بس الي عندي مو نفس طريقه الزر

اما بخصوص الويفي اللي قلتي عنه عندي من قبل فتره طويله عادي وكاهو مقطوط بالرف خربوطه

وعندج الكيرلي اللي تدخلين في الشعره بعصايه اهو حلوو يصير شعرج صج كيرلي بس عيبه يعور وثقل علي الراس

لفافات الكيرلي الاسفنجيه جربتهم بس ماسوو شعري كيرلي بحاول مره ثانيه

مشط البف تتذكرونه ولا دري عنه ساعه يظبط وساعه لا ويفضل اللي تستخدمه شعرها طويل عشان يثبت

طبعا لي تجارب فاشله مع الات وايد
شريت ستريتنر ريفلون من امريكا كان خربوطه وقطيته وجربته هناك وكان عادي وبالكويت فولت الكهربا غير عنهم فخرب
وهم شريت جهاز من استراليا يركب كذا اله يعني ستريتنر تكسير ويفي مايشتغل جنه مال الالعاب مو بروفيشينال وطاح بجبدي

فصرت من عقبها ما اشتري الا لما اتاكد ان الجهاز مجرب وزين

 

[ترف 2010]

موضوعك جدا راااااائع

يعطيك الف عافيه...كنت بنزل موضوع اسأل عن طريقة استشوار الشعر القصير وطريقة عمل كيرلي له

بس ماأعرف انزل صور

ياليت تعلميني الطريقه

ويسلموووووو

 

[ام سالم العنزي]

انا مشكلتي الويفي ما يثبت ساعه بالكثير ويرجع سيدا
ولي تجارب كثيره مع الالات وكلها فاشله ما ادري انا لو موعارفه استخدمه عدل والا العيب بالجهاز واخرها كان جهار ستريتر وويفي اللي عند كليرز شريته ١١ وشي وطاح بجبدي
ياليت اللي عندها طريقه اثبت فيها الويفي كريم او سيرم او سبريه

وشكرا لصاحبه الموضوع المفيد

 

[ام سالم العنزي]

للرفع
للرفع

 

[لآ إله إلآ الله]

عجبني الموضوع وآيد حلوه فكرته :$
طبعآ بتحجى عن أيآم مآكآن شعري طويل
عندي ستريتر من ماركه extreme titanium شآريته من النسآيم
الي عجبني فيه أنه ضعيف مو وآيد عريض وأنآ تقريبآ أفظل الضعيف أكثر بوآيد
وبنسبه لحرآرته كآنت تنآسب حق شعري وكنت أستخدم أقل شي عشآن مآيحترق لآنه شعري نآعم الحمدالله
طبعآ برآيي مجرد مآيكون الستريتر عندج شعرج تلعبين فيه لعب كل يوم تسريحه
يمكن أول جم مره على كثر مآتلعبين بشعرج مآتسوين عدل بس بوجهه نظري لي عرفتي على شعرج عدل !
محد رآح يقدر يظبطه كثرج حتى لو رحتي صآلون حق حفلآت عآديه يعني أذآ تبين تسريحه عآديه حق البآرتيآت
الصالونآت حتى على البف يعتمدون أعتمآد كلي على الحشوه الي يحطونهآ وأذآ قلتي مآبي حشوه يسوون بف
ومآيمدي ألآ وأهوآ طآيح وتنقهرين وأنتي بالحفله تلآقين البف كلآ نزل !

طبعآ أنآ كنت من عشآق البف .. بالبدآيه كنت أسوي بس مآسوي حيل عآلي خفيف يعني كنت شوي شوي أطقطق مع البف
بس مع المده قمت أتقنه عدل وكنت أروح المدرسه ومن أول يوم لي نهآيته مآيطيح البف ماشاء الله الكل يسئلني عن الطريقه
أهي مجرد أنج تتعودين وبس ..

أنآ كنت كل يوم ستآيل أول شي أبلش بالبف
1- كنت اعتمد على الجو اذا الجو حر كنت كنت اسوي بفين بف صغيرون بالقذله والبف الثاني وراه ويكون أعلآ منه بشوي
وأسوي عنقوص بس يكون مرفوع شوي ويطلع وآيد حلو
2- واذا الجو نص ونص كنت أسوي نفس الطريقه بس اخذ خصلتين على جنب ! وأوديهم لي ورآ وأحط كلبسه صغيره وباجي الشعر هادته
مثل جذي يصير من ورا

3- أمآ اذا الجو برآد مني عآدي عندي أسوي بالستريتر ويفي طبعآ انا ضد الي يسونه ويكون حر لان راح ينفش الشعر اكثر من اللزوم فـ كلش مو حلو ..
4- مرآت أسوي بف وأنزل قذلتي وأسويها بالستريتر سيده او ويفي واحطها على جنب يطلع حده حلو !

5- طبعا اخر فتره الكل هب على انه يكون الشعر على جنب هالستايل وايد حلو حتى جويل قالته انه هالستايل قديم ومايروح موديله
عندج فكرتين يا انه تسوينه ستريتر سيدده او مع ويفي .. انا افظل ويفي يطلع أحلآ ويعطي شكل !

6-مرآت كنت أسوي هالطريقه بس أنزل خصل على جنب

أو هذي

7- مرآت أكون مستعيله وأبي لوك عملي .. هاللوك الكل قالي حلو ..

• تسوين شعرج سيده
• تسوين بف صغيرون بالقذله
• وتاخذين شوي من القذله تنزلينه
• وتسوين بف ورا هم صغير بس المهم تحسين في نفخه خفيف
• عقب تاخذين كل شعرج وتلفينه تلفينه مثل طريقه لمه تلفينه حق الكبه بس لاتسوين دائره
• سوي على حرف الـ U وبعدين حطي كلبستين بس عشان يثبت حرف الU بنص يعني مو بنهايه الحرف
• علشان الخصل الي فوق تغطي الكلبسات وتصير طاييره

هاللوك الكل الكل مدحآه لالاسف مالقيت صوره مقاربه

بنات برايي الشخصي انه البف يضيع كل شي ويطلعج كل يوم بلوك مايخلي الناس تمل يعني حتى لو مليتي وهديتي شعرج بدون ماتسوين شي راح يعتبرونه تغيير بنبسه لج !
واليوتيوب يسااااعد واييد :**

وبقول شغله حق الي شعرهم نفس حصه اللوعاني طبعا وايد قصو مثلها
بس نصيحه بنات لازم تغيرون يعني يوم سوو القذله ويفي ويوم سيده ويوم سليك
لاتمون على طول ستريت لانه صج الناس بتمل ولو شنو بحسون انه ماقعد تغغيرين
على مايطول الشعر
يعني مثال حصه اللوغاني لما نوفه حده شكلها صار مُمل مافي تغغير بتسريحه
لاتقولون انه قصير ومانقدر تقدرون بس لازم تفهمين القصه عدل :**

ان شاء الله لي باكآت وآيد حبيت الموضوع :*

​

 

[موري الحلوه]

نـــــــــــآيس موضوع يعطيك العافيه خيتووو..


طبعآ الأستشوار مثلك استخدم الكبير<<مدري وش يسمونه بالضبط

وقبله احط على كل خصله زيت بيبي اويل بس شووووووووووي يطلع الاستشوار نايس


اممممممممم الفير صراحتن مااعرف له

فيه تساريح اشوف البنات فالجامعه يسوونها تههههههههههههبل ونعوومه مره بس للأسف مااعرف لها ياليت اتعلمها تخلي الشكل مررررررتب مره

بالنسبه لشعري كل شوي قصه جربت الأنناس مره حلوه واحلى شي الكوكتيل

والصبغه انا احنيه مااصبغ بس اللي يشوفني ع باله صابغته لونه حلوو..

وسوري ع كثرة كلامي..

تقبلي مروري..

 

[يٱسمييڼ]

لي باااااك