الجزء الثالث : منتج الاسبوع المفضل ... مدمنات المكياج هذا الموضوع لكم حياكم الله

[Sparkle]

مبرووووك الجزء ال3

 

[krkooora]

منتجي المفضل هالاسبوع

فرشه من Real Techniques اسمها buffing brush

مع bourjois foundation flower perfection

اهيا فرشة سام المشهورة في اليوتيوب تحت اسم بيكسوو و هني اختها تستعملها

صراحه ماتوقعت النتيجه جذي مو طبيعيه وايد حلوة بالتوزيع و ماتشرب فاونديشن انا حطيت بس نقطه و نص من الفاونديشن غطت الويه كامل فل كفر لي اخر اليوم الفاونديشن ثابت ولا مخطط ولا شي مو السر بالفاونديشن لا بتووزيع الفاونديشن لانه مجربه الفاونديشن باكثر من فرشه اهوا حلو بس يبيله فرشه سنعه مثل هذي اعجبتني وايد بالتوزيع اهيا و السيقما F80

انصح فيها

 

[BaiTotia]

كركورة

الحمرة celeb لونها إيننننننننننننننننن عليج بالعافية

 

[Daydreams]

كروكا مره متحمسه للفرش اجربهم
للحين ماوصلني طالبتهم من فتره

عليك بالعافيه حبيبتي

 

[ذكرى الفجر]

الله يوفقكم

 

[SpiceGirl]

فرشة سام تشوق

عليج بالعافيه كركوره ,,

 

[ام سـعود]

سلام عليكم

حابه اسالكم عن افضل كونسلر وكريم اساس وبودره من ماك بشرتي حنطيه

مع العلم جربت كثير ماركت ومايعجبوني نص سااعه ويختفي وعندي هالات سوده حيل متعبتني بالميك اب توضح ويبين تجعيد كثيره بعيني ولاكاني حاطه ميك اب

 

[Amy_88]

​

 

[om MaRyooM]

كركورا

الفرشة عندي من شهر ولا استخدمتها @@ شوقتيني عليها
بجربها باجر واقووولكم







amy

هالبالت عندي منه وااايد حلو وقوووية الوانه
بس حسيت لمعته تنفع حق الليل مو الصبح !

 

[مراوي22]

بنات وينهي صاحبة الموضوع (( Alia )) إفتقدتها لها مشاركات في المنتدى وآنه ماجوفها؟؟

منتجاتي المفضله

skindinavia no more shine



خذيت نوعين نوع الاورجنال والنوع الثاني للبشره الدهنيه العادي ماحبيته يعطي دوي فنش وآنه هالدوي أحصله بعد ساعه عقب ماحط الفاونديشن دوي طبيعي عندي بشرتي مختلطه إلي حبيته هو إلي مخصص للبشره الدهنيه مافيه لمعه أول ماتبخونه والروعه إلي فيه إنه لمن ترشينه يصير جنه رذاذ عالويه مو نفس مال ميك أب فورإيفر لو فاتحه عينج بالغلط طز عينج من قوته :krkrkr:

بدون مبالغه بقولكم إشلون إستخدمته بخيته قبل المكياج والبرايمر وحطيت عقبه المسترايزر+برايمر+فاونديشن الروتين اليومي ويوم خلصت قبل ماحط المسكرا بخيته على ويهي والله بنات مابالغ تمكيجت 1 الظهر وطلعت رديت البيت 7 المغرب على أساس بغسل ويهي وبرد أطلع كان يوم حافل عندي طلبت في ويهي بالمنظره قلت في قلبي حشى علي ماغسلته المكياج مكانه ماتحرك بسسس أكيد فيه لمعه شوي وشلته بالأوراق إلي تمتص الدهون وحطيت شوية بودره بسس لا الكونسيلر تخطط ولا الفاونديشن ساح ((بشرتي مثل ماقلت مختلطه)) وإلي حابه تجربه تجرب أصغر حجم لأنه إلي يناسبني مو شرط يناسب غيري وطبعا تطلبونه من موقعهم ويشحنونه لكم لي البيت

وهاي الفاونديشن حبيبي إستخدمته معاه



My all time favorite



هاي درجتي مايحتاي أمدحه لأنه وايد تكلمت عنه



أحححححيه شاقول وشاخلي Dolce vita lip pencil من نارس وهو مات مافيه لمعه كلش إينن هالمره باخذ منه 2 3 4 5 وايد وايد حبيته عجيب حق الصبح لونه هادي وثابت وملمسه فضيع مو نفس المات إلي يتنتف عالشفايف يعني مات بس تقدرين تفركين شفايفج مع بعض



حاولت أطلع لون أوضح له ماحصلت هذي حاطه فوقه قلوس هو مايلمع جذي بس أنسب لون حصلته



البلشر من نفس اللون Dolce vita حبيته وايد هالشهر



نفس هاللون حلو حق الليل صبح ظهر

وهالحمره إن شاء الله باخذها بعد من نفس الاسم أكيد بحبها دامها من نفس العايله







In love with Dolce Vita :fun:

 

[مراوي22]

Sleek Storm palette

الفتره الاخيره ماستخدم غيره حبيته حق الدوام حبيته حق الليل أي وقت تقدرين تسوين فيه لوك تبين أوفر تبين سمبل تبين ناجورال كلشي

 

[om MaRyooM]

مراوي
وش فيفورايتس يهبلون
ولون الحمرة عججييب بجرب شبيهتها من ماك شوقتيني عليها

وباليت ستورم مااااعليه كلام

 

[مراوي22]

عيونج الحلوه أم مريوم

آنه عندي cosmo من ماك ماتشبه كلش الحمره القلم بس الثانيه مادري عنها بجربها إن شاء الله وبجوف :eh_s(9): بس أحس في فرق مايتشابهون بالضبط :eh_s(10):

 

[Mona alRo7]

هالشدو منو بوبا عجييييييييب

احب استعمله حق الدوام والوانه حلوه عالعين وثابت​

 

[عسوله ودلوعه]

صاجه مراوي

برجوا هيلثي روعه ونفس درجتي انتي لووووووووول

 

[om MaRyooM]

قوووة بنات

وعدتكم اعطيكم رايي بفرشة الbuffing من ريل تكنيك
صراحة حللوة بس ماتقارن بفرشة سيقما f80 اهي الافضل
حسيت مالت ريل تكنيك واايد ناعمة ماحب الفرش اللي جذي








ومنتجاااتي المفضلة الاسبوع :




بلشر ميلاني في كذا لون

حده حلوو ولونه قوي اسمه honey kissed
احطه حق الصبح بالدوام ..
خذيته من المنصور ب5دنانير







والشغلة الثانية

ليب قلوس من ايسادورا عجييييب لونه حتى لو بروحه من غير حمرة

لونه caramel rose مع زيت الجوجوبا
انصحكم فيه عجيييب

 

[عسوله ودلوعه]

يعطيكم العافية

 

[Janna-q8]

مريوم صاجه قلوسات ايسيدورا حلوووين و يصلحون برووحهم

 

[krkooora]

من فرشي المفضلة مجدداً

فرشة من سيت core collection من Real Techniques

اسمها Contour Brush

وايد حلوة حق توزيع الاضاءة و حتى تقدرون تحطون فيها فاونديشن و تحطون بلشر فيها و طبعا ً الكونتور تسوي الكونتور صح و الحلو فيها ملمومه صغيره تحدد بدقه ما تنرفز و توزع زياده عن اللزوم حدها ناعمه انعم من فرش ماك 109 سويت مقارنه بينهم و حبيتها تقريبا هالفرشتين يبدلون بعض بالاستخدام نفسه

 

[Sparkle]

صبغ أظافر من ماك *ليمتيد* اسمه Concubine