اللي مسجلين عند دكتور نيوتريشن بليييز

[حلم مذبوح]

السلام عليكم
بنات انا اخذت موعد عند دكتور نيوتريشن وموعدي الاسبوع الجاي
تعبت من وزني العنيد ينزل بطيء ويوقف
املي الاخير من بعد الله هو نيوتريشن
بصراحة ميزانيتي حده بده ماتستحمل اي مصاريف ثانية حكرت روحي بضائقة مالية عشان احقق حلمي
اني انحف
اتمنى من المشاركات مع نيوتريشن يشاركونا بتجاربهم
ناوية اشترك ستة اشهر باذن الله
سمعت ناس وايد ملوا ووقفوا!!!
حاليا احس عندي عزيمة وارادة وحماس كبير ابي استمر بس خايفة من الاحباطات النفسية
البعض يخوفوني اني ماراح استفيد وبخسر فلوس عالفاضي
اتمنى اشوف تجارب حقيقية تحمسني اكثر
بليز لحد يرد برد محبط
بانتظاركم

 

[q8 بقلب اماراتى]

اب

 

[حلم مذبوح]

اشكرج من كل قلبي على الرفع اختي كويتية بقلب اماراتي
ربي يحقق لج امنياتج
شكرااااا

 

[الكبيرة]

انا بعد ودي اعرف نظامه بعد

 

[حلم مذبوح]

شكرا اختي الكبيرة لوجودج فالموضوع شرفتيني
موعدي الثلاثاء الجاي باذن الله
ان شاء الله راح اكتب كل شي
انتظروني

 

[.V!P.]

بسم الله الرحمن الرحيم

مرحبا كويتيات

حبيبتي انا ودي افيدج

انا قطريه ومن سنتين جربت نظام دكتور نيوتريشن

طبعا احنا ماكان عندنا فالدوحه فاشتركت في د نيوتريشن اللي في دبي تخيلي اني اشترك في شي خارج بلادي بس لاني شفت بعيني النتايج

مشالله شي مب طبيعي الاقبال عليه وفعلا شفت بعيني النتايج

طبعا اول اسبوع نزلت 4 كيلو وثاني اسبوع نزلت 6 كيلو

يعني في اسبوعين الحمد لله نزلت 10 كيلو وانا بصحه وعافيه لان اكلهم مش ممل ومتنوع

وحاليا افتحوا عندنا افرع فالدوحه واشتركت 6 شهور

طبعا عطوني وياه شورت حراري وشاي وبسكويت وكريم للتنحيف اللي هو بنترلاف

اول اسبوع ماتسوين رياضه

من ثاني اسبوع تبتدين تمشين بس نص ساعه

والحلو فيهم انهم يتابعونج لين ماتوصلين للوزن اللي تبينه

وبعدها يعطونج دايت يثبت الوزن

وبالعكس اذا اهتميتي في موضوع وزنج بتوصلين للي تبينه

انا توني مربيه ووزني زايد حتى اللبس مايطلع علي حلو نفس قبل

اشتركت وانشالله يارب اوصل للي ابيه

واتمنى انج تحقيقين حلمج في الوصول للوزن المثالي يارب وانتي بصحه وعافيه

 

[خرآفية التكوين]

توكلي ع الله انا اعرف بنات مسجلين وما شاء الله نقصووا وايد

والله يوفقج

 

[7googya]

اول مره أسمع فيه .. اهو نفس شركات التغذيه يعني !!

 

[قطوووة]

جم دفعتي حق ست شهور !!!!!

كل اللي تحتاجينه ماكسيمم 4 شهور ترى

 

[قطوووة]

جم طولج ووزنج وعمرج اذا ممكن

 

[الكبيرة]

موجود هالمركز بالكويت ؟ وين مكانه ؟

 

[العينآوية]

نيوترشن مب مثل شركات التغذية يعني ما يوصلون لج أكل للبيت

هم يعطونج برنآمج ويتابعون ويآج وبس

انا اشتركت وياهم السنة المآضية بس كل اللي نزلته رديته

اللي نزلته وياهم في شهرين 8 كيلو تقريبا بس الفرق في جسمي كان وااايد واضح

بس للأسف انا خربت على نفسي لأني مليت من الالتزام ببرامج واشتهيت الأكل مرة ثانية

الشي الزين انج ما تخربين عسب لآ تنحرجين جدام الدكتور المشرف عليج وهذا اكثر شي كان يمنعني اني اخرب

عندهم ككاآو وبسكووت وااايد حلوو بس ما تاكلين منه كثير بس حبة بالاسبووع

بالنسبة للدفع بالدرهم الاماراتي عندهم برنامج 4 شهور اظن بـ 750 درهم ( اعتقد تساوي 75 دينار كويتي )

بس انا ما برجع اشترك وياهم مرة ثانية لعدة اسباب

بالنسبة لي البرنامج مالهم ممل ومرهق مدري تعبت ويآهم ووقفت وما كملت معه

الأهم اني تعلمت شلون آكل وانظم أكلي ومتى اشرب مآي وشلون اسوي رياضة .. الخ

يعني اخذت الخبرة الكافية واقدر ابتدي بروحي من جديد وأوفر فلوسي اشتري فيها اللي ابيه يوم اضعف

هذآ رايي وان شاء الله تستفيدين اختي

 

[قطوووة]

احنا عندنا مراكز اما يوصلون لج الاكل

او يعطونج نظام تلتزمين فيه


خنشوف الاخت شنو مشتركة

 

[فوفه 82]

فتح بنات هالمركز بالافنيوز ؟؟؟؟
ناطرينه يفتح

 

[مسك الكلام]

السلام عليكم
أنا أول مره أسمع عنه فسويت سيرج عنه كاتبين بموقعهم قريبا بالافنيو أهو بالامارات والسعوديه والبحرين أختي حلم مذبوح شلون أخذتي موعد أهوفتح وين بالافنيو شنو أقرب شي له​

 

[خلطات المذهله]

اااااااااااااااااااااااااااااااااااااب

 

[الكبيرة]

اب اب

 

[بنت بوظبي...]

انا البارحه كنت عندهم و عطاني حبوب Diet Citrimax للحد من الشهيه ان شاء الله اضعف

 

[labeeek]

بنات عمي بقطر اشتركوا من أوزان ثقيله لين رشاقة توكلي على الله وانا اشتركت برجيم سنتر نفس النظام بالضبط توكلي على الله والتزمي وبالتوفيق ياقلبي

 

[أم سلطان 2009]

وانا مشتركة بفرعهم عندنا بعمان جنب السيتي
اول اسبوع نزلت خمسة كيلو5
الاسبوع الثاني نزلت كيلو
والحين بعدني بالاسبوع الثالث
بصراحة ممتااااااااااز