سوالف طلبات النت (( مكياج و أغراض تنظيم المكياج ))

[بـحـور الـشـوق]

بنات بيس سماش بوكس في منه الوان شنو احسن شي آخذه

 

[ضماي انت]

بنات انا حزينه
منهي مثل حالتي مع موقع سليك
طلبت تاريخ 23 مارس
ودزولي ايميل الموقع انه انشحن بتاريخ 28 مارس
انزين لحد اليوم ماوصل صندوق اراميكس لندن تغربلت انا
ساعات اقول ضاعات ولا بتوصل
وساعات اسلي نفسي واقول لا عشان عيد البيض والارانب اللي اهو الاستير يمكن زحمه الاوردرات
ولا دزوا لي حتى تراكينغ نامبر اتتبع الشحنه وينهت بالضبط
وهذاك البريطاني بايقني بعد شاريه باليت الناشورال على ايام ماكان مخلص من موقع سليك
دافعه من 8 فبراير ولحد اليوم ماوصلني شي وبعدين معاهم
سويت عليه كليم وحاله ودزله رسايل وحاقرني بعد مايرد
مثل الكاستمر سيرفس بموقع سليك دزيت لهم مرتين حاقريني
في احد مثل حالتي والا بس انا جذي
يله عزوني وقولوا لي اي بصيح واااااااااااااء

 

[Amy_88]

مراوي و JvvC وسباركل
الحمد لله طلعو اصليين اللي معاكم
والله كلشي صار يقلدونه حتى بينيفت واربان ديكاي وتوفيسد
مو بس ماك
فالواحد لازم ينتبه​

 

[ميس هارودز]

بنات انا حزينه
منهي مثل حالتي مع موقع سليك
طلبت تاريخ 23 مارس
ودزولي ايميل الموقع انه انشحن بتاريخ 28 مارس
انزين لحد اليوم ماوصل صندوق اراميكس لندن تغربلت انا
ساعات اقول ضاعات ولا بتوصل
وساعات اسلي نفسي واقول لا عشان عيد البيض والارانب اللي اهو الاستير يمكن زحمه الاوردرات
ولا دزوا لي حتى تراكينغ نامبر اتتبع الشحنه وينهت بالضبط
وهذاك البريطاني بايقني بعد شاريه باليت الناشورال على ايام ماكان مخلص من موقع سليك
دافعه من 8 فبراير ولحد اليوم ماوصلني شي وبعدين معاهم
سويت عليه كليم وحاله ودزله رسايل وحاقرني بعد مايرد
مثل الكاستمر سيرفس بموقع سليك دزيت لهم مرتين حاقريني
في احد مثل حالتي والا بس انا جذي
يله عزوني وقولوا لي اي بصيح واااااااااااااء

الكستمر سيرفس في سليك شوي مغرورين ،فخليكي منهم وأسالي ارامكس عن حسابك واذا في شحنة من بريطانيا وصلت عندهم والا لاء
وماتزعليش ...الشحن مهما كان الواحد خبرة فيه بيحصله مواقف سخيفة واحيانا الواحد بينساها لما بن ستلم الطلب
المهم يوصل سليم بإذن الله

 

[محرقية55]

ضماي انت

اظن المشكلة مع ارامكس لأن انا طلبت منهم ولأول مرة بتاريخ 26 feb وانشحن ب 28 feb و وصلني على الورلد شيب تاريخ

3april فإنشاء الله بيوصلون لج عن قريب وتفرحين فيهم ولاتحاتين

 

[مراوي22]

بما ان مراوي جابت طاري الارواج

شوفوا هالكوليكشن من لوريال

اسمه L'Oreal Infallible Stars Collection LipColour

اسمها على اسماء مشاهير مثل بيونسي يقولون يدوم 12 ساعه

ولهم خمس درجات وموجودين بالدرق ستور ممكن البعض يحس سعرهم مرتفع على لوريال
بس من شفت الرفيو هذا عنهم حبيتهم

نزلو عندنه أمبي لاكلش ماينفعون لوووووعه آنه جفت فيديوهات عليهم مدح وإنهم يظلون طول اليوم ومايتشققون جان رحت أركض آخذ منهم والقهر إنه سعره مب رخيص بعد 8 أو 9 دينار قلت لو ماخذه حمره من ماك أحسن لي والله مابالغ من حطيت من الحمره حسيت جنه طين على صبغ كلش ماحبيته والاكره إنه بعد نص ساعه بس يبتدي يتشقق وشكله كلش مقرف لاينمسح ولا تقدرين تحطين فوقه لأنه بيصير أسوأ

جربت مرتين ثالث مره حذفته من السياره


http://youtu.be/yPOOeqxsMdw



Swatched: L-R Beyonce, Diane, Kate

​

مرحبا صبايا

ماشاء الله اغراضكم تهبل بالعافيه عليكم

جاتني فجعه يوم شفت الفيديو انا موصيه سته باليتات نكد لي ولاخواتي بس اشوا الحمد لله طلعت من سيفورا امازون والله كان طاحوا فيني اخواتي ههههه

مراوي باليتات سليك روعه لو اني قريبه منك كان اشتريت منك الزيادة تتهنين فيهم انتي من فين طلبتيهم من نفس موقع سليك كنت مفكره اشتري من ايباي بعد

طلبي من نفس موقعهم وحطي عنوانج ليش تاخذينه من الاي باي والموقع نفسه يوفر لج توصيل لبابج

الفيديو اخاف اطيح بنصابين

بنات خاطري في حمر Cover girl ومالي مزاج كلش أطلع أروح البنك طول الويك إند أتحلم فيهم ولمن أتذكر إني لازم أطلع أهون صايره حدي بليده

حتى المنتدى صرت أتعيز أكتب أو أنزل صور

عين عين صابتني ماصلت عالنبي ووووووووووين البخور والياوي :eh_s(11):

 

[{ سحر الوَرد *]

صديقاتي شخباركم؟

أنا بعد صاير مااالي خلق مادري ليش ><

رغم اني مصورة أغراضي اللي وصلت قبل فترة صارلي أكثر من اسبوع

بس متعاايزة أعدلهم وانزلهم ><


ضماي انت

انا اوردر سليك ماوصلني للحين بعد! بس انا طالبة على البحرين مو أراميكس مثلج

انتي متاكدة ان السطر الثاني مكتوب؟ يمكن يكون مانحط وارامكس استلموا الشحنة بس حطوها وبا الشحنات المجهولة؟

جربي كلمي سليك على تويتر

انا كلمتهم على اساس اكنسل الاوردر المتكرر وردوا علي بسرعة

بس مادري كنسلوه او لا :/



حالياً هذي طلبياتي اللي انتظرها:

** شحنة وورلد شيب المجمعة وفيها:
- الايباد <3 <3
- السمارت كفر من آبل
- سليف + ستيكر + قلم من سبايقن
- طلبية دراغ ستور (2 مايبلين تاتو + 2 شدو لوريال + أوراق جونسون للدهون + فرشاة إيكو تولز للباودر + فرشاة إيكو تولز للفاونديشن)
- طلبية سيقما ( فرشاة الفاونديشن + فرشاة الهايلايتر + الكبوكي البنفسجية)
- جهاز صغير للبابا من أمازون

انا طلبت التجميع والتجهيز السريع يوم الجمعة.. وشحن سريع بعد

بس طلبي كان وقته الساعة 5 وشي بتوقيت أمريكا.. فالظاهر مابيصير بروسس إلا باجر

عاد إذا شحنوها باجر مفروض توصلني خلال يومين ثلاثة لأني مختارة الشحن المستعجل


وأنطر من إيباي

طلبيتي للأظافر

- زيت الكيوتكل اللي مدحته لي قطرية
- توب كوت من سيجي فيت "مادري صح اللفظ أو لا".. المهم إنه يجفف بسرعة ويمدحونه وايد
- مناكير أبيض من جاينا غليز
- ضمغ ديو للرموش اللون الغامج

ومن إيباي طلبيتي اللي طلبتها البرش قوارد الرول

ومن إيباي بعد الطلبيتين اللي تأخروا وايد.. كلمت السيلرز 2

- الأولى كيس آيفون هلو كيتي :$ طرشتلي واحد يديد

- الثانية باليت الكونسيلر بو 15، وطقمين أصباغ أظافر مال رسم.. هذي قالتلي عطيني فرصة 10 أيام إذا ماوصلت الشحنة أخبرها علشان يا تعطيني ريفند أو تطرشهم لي من يديد

وطالبة شي من إيباي بتضحكون علي :$

طالبة لي طقم أقلام -_-

من إيباي.. هالأقلام كنت أستعملهم أيام المدرسة ووااايد يعجبني الخط

شفتهم في إيباي طقم 10 الوان وطلبتهم :/ خخخخخ


وطلبيتي من سليك

- باليت بو 3: شوقر، بمبكن، ليس
- المرطب الدائري طلبت لون بطيخي

وأخيراً طلبيتنا أنا ومراوي من نوردستروم

- إضاءات ماك كولكشن إكسترا دايمنشن اللونين
- ولي إصاءة لايت سكيبد

مفروض باجر توصل صندوق أرامكس يعني توصل هالأسبوع


وووبس

أسبوعي هذا المفروض حافل بالطلبات! إن شاء الله يوصلون كلهم


​

 

[{ سحر الوَرد *]

أي وسنيت أقوللكم

جفت فيديو تقليد نيكد ويبت باليتي

طلع أصلي الحمدلله <<< طالبته مثلكم من سيفورا أمازون

ول ول عليييهم ماخلوا شي ماقلدووه >< ​

 

[Daydreams]

بنات خاطري في حمر Cover girl ومالي مزاج كلش أطلع أروح البنك طول الويك إند أتحلم فيهم ولمن أتذكر إني لازم أطلع أهون صايره حدي بليده

حتى المنتدى صرت أتعيز أكتب أو أنزل صور

عين عين صابتني ماصلت عالنبي ووووووووووين البخور والياوي :eh_s(11):

ياعمري مراوي سلامتك
مشاء الله تبارك الله اللهم صلي وسلم على محمد
اذكروا الله يابنات عليها :eh_s(2):
ههههههههههه

لافديتك لاتوقفين تنزيل صور ,, احتج وبقوه انا :lkmnkl:
ماحد خلص حسابي غيرك هههه وصلتني معك للادمان :krkrkr:
واخاف اصير مثلك كلويكتر اكثر من ماستخدم ..
بديت اعيد حساباتي ....

وصراحه كسوله انا مانزل صور كثير مشاء الله عليهم البنات الي ينزلون على طول

 

[ضماي انت]

سحر الورد
هههههه ماشاءالله كل ذي ومالج خلق
عليج بالعافيه انا انتظر هالايباد اكثر منج صوريه لاتمللين من كل الجهات بكفر وبدون كفر
وبخصوص الاي فون انا بشتريه بس اذا نزل اليديد برد آخذه وبعطيه اختي اللي شرته له هديه خخخخ
لان يستحيل باخذ الاي فون اول ماينزل لازم اتابعه عدل
وصلني باكيج مكتوب امازون اليوكي بس شكله سليك لان ماطلبت شي من لندن الا ساعه ويستحيل توصل لحين مانسحبت لفلوس لان ناقصه ولاتقولين لي تويتر انا ماحبه ولا اعرف له ولا احب الفيسبوك جان بتقعدين تعلميني هذي شي 2


مراوي
ها شقلت لج انا بعد فيني صده على الاوردرات اليوم شريت مناظر للبيت صايره لطيفه ماطلبت موكياج
وحسابي صفر ومتكيسله اروح البنك واختي المراسل اللي عندهم مشغول من كل صوب متسدده


وكل اللي وصلني يابنيات امس باليت لورا مرسيه فاضي انا الالوان كيوت يعني بس مو واو بس 4 دنانير سعره و4 دنانير شحن يله طلع علي اكثر من بيع السوق اما اللي ربحت فيه باليت اربنديكاي الانفيرسيري اللي اينن الباكيجينغ والناس مذابح عليه لقيته بالايباي ب12 يديد بس مسوين سواتج لجم لون وحمدالله عجبني وبغمنتد ويشخط من اول لمسه حلو حلو بس ماجربته ماعندي وقت وباجر بطلب اسكندينافيا اللي قالت عنه مراوي ليش انه ياخذ وقت طويل اما الباقي اللي خاطري فيهم عند الله سعه ان شاءالله وبث

 

[{ سحر الوَرد *]

ههههههههه أي حسيتي؟

لووول عاد هذي طلبيات شهر كامل تقريبا :$

كنت أقصد مالي خلق ردود وتنزيل صور

أما التشري طالما في البطاقة رصيد على طوووول لي خلق :ggdw:


شسمه أمس دشيت محل مارك جيكوبز بالستي

جفت سليفز مال ايباد كيووووت حدهم ايننون

دشيت نوردستروم بعد وجفت اشكااال حلووة واايد.. أكثر من اللي بالمحل

واسعارهم تمااام

بس خل يوصل الشيخ عقب بدلعه

وافا عليج لا توصين بس بتفنن لج في التصوير


ما شاء الله اكتشفت انه بالج طويل

تدرين انا اذا نازل شي انطره من زمان.. ماقدررر لازم اشتريه

خاصة الالكترونيات وبالتحديد من آبل؟ كلش كلش ماقدر أنطر

لأن أعرف آبل ابداعهم ماله حدود في هالمجال ودايما كل شي يديد ينزلونه اكيد يكون مميز ويحطم

من جذي بس أشم خبر عن مؤتمر بينزلون اليديد "خاصة الايفون" طيررران احهز روحي

بسس بيني وبينكم.. أحاااول لما بنزل اليديد ماطلبه وبنطر لين ينزلونه شركات الاتصالات عندنا

لأن صايرين ينزلونهم باسعار وباكجات معقولة

بس بصراحة ما اضمن روحي :bbbiu: احتمال كبير من ينزل اتم احن واحوس لين اطلبه


* والحين شجعتيني ادور باليتات يمكن احصل صفقات حلوة مثلج


أي وعلى طاري التويتر "خلج من الفيسبوك"

سهللل حدده مايبيله مزاج ولا خلق اصلا

بصراحة انا وايد احبه.. اضافة لاستخدامه في الهذره والتعليقات

وايد اماكن واشياء سهل تتواصلين معاهم باكاونت تويتر



يالله سلااامووو

يمكن عقب شوي أعدل الصور وانزلهم

أكلت سويت وصرت نشيطة عبارة
​

 

[مراوي22]

ياعمري مراوي سلامتك
مشاء الله تبارك الله اللهم صلي وسلم على محمد
اذكروا الله يابنات عليها :eh_s(2):
ههههههههههه

لافديتك لاتوقفين تنزيل صور ,, احتج وبقوه انا :lkmnkl:
ماحد خلص حسابي غيرك هههه وصلتني معك للادمان :krkrkr:
واخاف اصير مثلك كلويكتر اكثر من ماستخدم ..
بديت اعيد حساباتي ....

وصراحه كسوله انا مانزل صور كثير مشاء الله عليهم البنات الي ينزلون على طول

لا خلاص لاتخافين فجت العين الظاهر إلي نظلتني عينها مب حاره ما أثرت فيني وايد :krkrkr:

يالدبه نزلي صور ها مو بس تجوفين :bbbiu: كسلانه وحده

الدليل على إني ماشفيت من الادمان جوفي لستتي من Covergirl هاي لستتة الحمر إلي أبيها



وهاي الدرجات



مابي أحد يقولي ليش هالقد وماليش ترا نفسيتي حدها تعبانه ومايريحها غير 19 حمره :eh_s(11): وثانياً مثل ماقلت سعرهم رخيص حده :lololoe: وعلي بالعافيه

سحر

ماشاء الله تبارك الرحمن أوردراتج تهبل حذفي علي كارتون أفتحه عنج أتاري نفسيتي تعبانه لأني مو ناطره شي حالياً يعني الصبح لمن أقوم ماكون متلهفه أسحب تلفوني عشان أجيك الايميلات شنو إنشحن وشنو بينشحن وشنو إلي وصل يمكن عشان وراي سفر من جذي مو متحمسه وايد حق الاوردرات حالياً حتى الحمر هذيله بطلبهم لين رديت أخاف إيبونهم وآنه محد تفلت الكرتون برع أمي تجوف 19 حمره تخترع :krkrkr:

وإي جفتي إلي ينشف صبغ الاظافر إلي طلبتيه تحصلينه في The Center في كشك صغير يم BHS و محل تكرمون الجواتي ماعرف إسمه ماخذه من زمان إن شاء الله ليحين عندهم حده عجيب أرسم على ظفري وأسوي طبقات عشان اللون يصير واضح وأحط فوقه بسرعه يجف ولايخترب علي الرسم وتحصلين بعد البروشات الضعاف حق الرسم

ضماي إنت

مثل ماقالت لج سحر تواصلي معاهم عالتويتر مايصير جذي وايد تأخر أوردرج؟؟؟

 

[مراوي22]

تدرون زين إني شوي يودت نفسي عن المكياج لأني عطيت مجال لنفسي أجوف شنو قاصرني فقمت أدور يابنت شنو قاصرج شنو قاصرج ثياب لا مابي من قلب متشبعه دوري دوري عطورات المفروض سنتين ماشتري بعد

جان آروح وآفصل لي دفتين (( عبايتين)) حق إلي مايعرف الدفه ورحت حست بالمحلات ولاعجبني شي جان آروح محل قطع وآخذ لي قطع دانتيل وآسوي موديل بروحي بنزل الصور لين برزو حشى شكله بيقلب الموضوع من مكياج لعبي

بس حبيت أعطيكم آخر أخباري :eh_s(22):

 

[مراوي22]

طلبتي اليايه

شوي بنغير عن المكياج

ghd hair straightener

وهاي موقعهم

http://www.ghdhair.com/

في الموقع الاشكال مب وايد حلوه حصلت جم نوع ليمتد أديشن في أمازون وبدور بعد في إي بي في واحد عجبني وايد وردي soooo girly ohh



























الشي إلي شدني له إنه مافي تحكم لدرجة الحراره أول شي ماعجبتني الفكره بس قلت هذي الشركة من أحسن الشركات لتصنيع السترينر ومشهوره وايد فأكيد في سبب ورا هالشي وأستوقفتني هالفقره في أحد المواقع

You may be surprised on such a high end flat iron that the GHD Straightener doesn’t have a temperature control setting. Unfortunately, there is no heat control on the GHD. However, the GHD irons have a temperature control chip in them that automatically adjusts to the right temperature setting based on the texture of your hair. That way it doesn’t burn your hair.

The built-in microprocessor monitors and regulates the blade temperature 5 times a second. This eliminates all the unnecessary trial and error associated with finding the correct temperature. It gets to a max heat of around 400, but averages around 350.The automatic temperature setting on the GHD straightener is amazing
​

والحين جوفو هالفيديو إذا مالكم بارض طوفوه لآخر 3 دقايق وجوفو شعرها إشلون صار :rerrerek:

http://youtu.be/eFDPNZOy0qQ

هالموضوع المفروض أسميه My wish list أي شي بخاطري آخذه أحطه هني وبيكون مرجع لي متى مانويت أطلب آيي أطل عالموضوع وأجوف شنو أبي

 

[{ سحر الوَرد *]

صبااح الخير يالحلواات​

أمس كتبت رد وماطلع ><​

مادري ليش اذا أسوي كوبي للصور من مواقع ثانية ماينحط الرد ​

اول شي شلووونكم شخباااررركم؟؟ ​

أخيييراً! انشحن اوردري اللي فيه الايباد وباقي الأغراض​

احس إنه بيوصلني باجر أو بالكثير الخميس لأني طالبة شحن مستعجل ​

وطلبية نوردستروم مالتي انا ومراااوي أمس وصلت أرامكس​

بس للحين In Account! إن شاء الله يطرشونها البحرين مباشرة بدون ماتمر دبي علشان تلحقين عليها مراوي قبل ماتسافرين ^.^​

بسالكم حبايبي اللي يتعاملون مع إيباي خصوصا ​

شرايكم بالبياعين اللي من اسيا يبيعون الكعوب؟ ​

ماقصد تقليد الماركات لوبوتان وغيرهم​

لا اقصد الهيلز والـ Pumps السمبل اللي اييون وايد رفاع​

أحبهم وهني مايتحصلون بسرعة​

هاس السيلر جوفو الهيلز ​

http://myworld.ebay.com/fashionshoes2000/​

من الصور احسهم حلوين.. بس مايندر فالطبيعة شلون ><​

احد جربهم؟ ​

والحين جريمتي القادمة ​

برد في رد ثاني عشان اذا ماطلعوا الصور مايروح هالرد ​

بررب​

 

[مراوي22]

عجبوووووووني ذيله :rerrerek:​

 

[{ سحر الوَرد *]

 

[ضماي انت]

سحر الورد
الللالالالالالالالاي متى بيوصلون والله حدي متشوفه اشوف اللي خذتيهم
كنت بروح البنك البارحه اتحلطم مع مراوي رصيدي مصفر
هونت قلت انتي بيوصلج الايباد بعد تقريرج برد البنك مره 2 عشان اعبيها حق اشتري
قلت بلاها بروح مره وحده
وسالفة ابل ينزلون كل شي يكون تحطيم علميا وبزنسيا اثبت العكس
ليس كل مايلمع ذهبا وليس كل مايكتب يستحق القراءه بسم الله اشفيني
بس جد الايفون نزل فيه عيب وبعد شغلات وايد
فالحذر لان مابيعوضونج لو وصلج خربان الا اذا انفجر لاسمح الله
وبالاخير انا الخسرانه من جذي ماحب افود احد على حسابي والا شرايج
وبقولج الهاي هيلز اللي تبيهم ترا مكودين في امازون حبيبتي
شريت واحد طلعت عيني عليه كان ب200 وشوي دولار وااااااااااي
تصوري بعد فتره دخلت بطل على حبيب قلبي الا مرتز آخر حبه وسايزي وسعر يوقف القلب يمكن خذته ب19 او 20 دينار
بس لما وصل الكعب شطوله انا ما البس هلون بس حلو حق عزيمه خفيفه والا عرس البس وفصخ وتمي تحت الطاوله حافيه يبيلي اصوره لج عاد اذا قدرت ادوره بين كنز الاحذيه تكرمون اللي عندي


مراوي
شحلوهم تدرين في الموقع اللي قلت لج عنه كانوا حاطينهم وسعرهم 44 وفوق
عندي واحد وردي وابيض ما استعملتهم اللي خبرج من برا لحين خايفه اشغلهم ويخربون
خلني اطالعهم احسن خخخخخخخ
بس بالاخير مو على الشكل والنقشات على الحراره

 

[نسكافه]

مراوي
الشوزات يجننون انا طلبت وايد مدري شفيني هبيت فيهم
بس انا اطلب من امازون
وعلى فكره من صورتج الرمزيه اشتهيت كعب لماعي ياااااي وطلبت هذا اللون الذهبي
وماتصدقين وااايد مريح ماتوقعت جذي مع انه عالي بس مريح
http://www.amazon.com/Ollio-Glitter-Platfoms-Stiletto-Colored/dp/B007A2WKOA/ref=pd_sbs_shoe_10


وهذا عاجبني اللون الاصفر بس بعدني متردده فيه ابي دزه وحده وبتهور اخذه ههههه
http://www.amazon.com/gp/product/B00569B3C4/ref=ox_sc_act_title_3?ie=UTF8&m=ATVPDKIKX0DER

وهذول حبيتهم
http://www.amazon.com/gp/product/B006GYUPCC/ref=ox_sc_act_title_1?ie=UTF8&m=A1FAZG38C0R25R

http://www.amazon.com/gp/product/B006M7J0RY/ref=ox_sc_act_title_5?ie=UTF8&m=A3VBG40ZNV528Q

http://www.amazon.com/gp/product/B004V6DG78/ref=ox_sc_act_title_3?ie=UTF8&m=A3HS2DMXEFHJ5V



http://www.amazon.com/gp/product/B0042GUBJS/ref=ox_sc_act_title_6


http://www.amazon.com/gp/product/B0042GUBJS/ref=ox_sc_act_title_6

http://www.amazon.com/gp/product/B003B3NV36/ref=ox_sc_act_title_5?ie=UTF8&m=ATVPDKIKX0DER

http://www.amazon.com/gp/product/B004PXD73A/ref=ox_sc_act_title_8

وابي شوز احمر لماعي بس من ادش يفتر راسي واصدع من كثر الخيارات الموجوده وافتر افتر
وتالي اطلع بدون ماشتري احتااااار تخيلي اسبوعين وللحين ماقررت اي واحد اخذ

 

[نسكافه]

هذول في بالي بس مو الحين بعدين غصب ماسكه روحي
وحمر كفر جيرل سويت جريمه من شي 4 شهور وطلبت 14 وحده
هههههه وناويه على الالوان الباقيه
وعلى فكره ماكس فكتور منزل تقليد عليهم مثلهم بالضبط بس للامانه ماجربتهم