نرجع للميكب!
طبعا الكرتون كان فيه ميكب من دراق ستور ومن سيجما...
صورتهم ويا اوردرات إيباي وسليك
بس للحين ماصغرتهم >< صور الآيباد وايد خذوا مني وقت
اليوم بيوصلني أوردر نوردستروم
وإن شاء الله بحط لكم صور دسمة هههههههه
على طاري سليك.. بتضحكون علي!
انا سالفتي ان يوم السبت الصبح اول مانزلوا البلاشرات
سويت اوردر لي.. طلبت الثلاث الوان.. ليس وبمبكن.. وشوقر
وياهم مرطب دائري لونه بطيخي فاتح
نفس اليوم الظهر رفيجتي قالتلي تبي واحد ليس
فانا قلت بدل ما اسوي اوردرين ودام اوردري توه صارله جم ساعة.. وعندهم ويكند
فرحت طرشت لهم ايميل على الايميل اللي حاطينه في سايتهم..
طلبت منهم يكنسلون اوردري لاني ابي اسوي واحد يديد
ومانتظرت ردهم علي.. على طول سويت الاوردر الثاني اللي كان نفس اوردري بالضبط بس 2 ليس
عقب 4 أيام تقريبا وصلني ايميل ان الاوردر الاولي انشحن @@ شلووون!!
طرشت لهم ايميل وحطيت لهم ايميلي القبلي.. وكلمتهم بتويتر
طلبوا مني بتويتر رقم الاوردر وطرشته لهم..
يوم ثاني وصلني ايميل انه الاوردر الثاني انشحن.. اللي هو اللي ضفت فيه
وانا كان عندي احساس طول ما انا انطر انه بيوصلني دبل اوردر.. حتى كنت اقول حق مراوي ><
وطلع احساسي صح..
وصلني الاسبوع اللي طاف بوكسين فيهم الاوردين!
كلمتهم بتويتر قالولي ان سوري واذا تبين كلمينا على الايميل <<< نفس اللي طرشت لهم عليه
عالعموم.. انا بعطي واحد رفيجتي والاثنين الباقين يا بتاخذهم رفيجتي الثانية او بخليهم باك اب
اللي يضحك انه قريت ردكم ان عطوكم اوردر غلط
وصار عندي امل انه البوكس الثاني حطولي فيه فليم بالغلط
<<<< لانه عجبني بالصور الحقيقة عكس السايت طالع فاقع
بس طلع اوردري صح هههههه
اللي عندها فليم بنات شرايكم فيه؟ احس خاطري فيه! شفت له صورة الوانه طبيعية حلوووة
***
انا يوم الجمعة جربت باليت شوقر..
حطيت من لونين.. اللي بالوسط شيمري والاثنين مات
كعادة بلاشرات سليك وااايد بجمنتد..
وتم معاي لين رديت البيت..
الباقين ماجربتهم للحين..
****
وبعد وصلني اوردر ايباي مال الاظافر
الكيوتكل اويل اللي مدحته لي قطرية
عجييييب صج صج ععجيب
اسمه Solar Oil حتى قوقل والبلوغات كل من يمدحه
زين اني سمعت كلامها وخذت غرشتين!
يسوي حول الاظافر لين.. وهو زيت بس بسرعة تمتصه البشرة وتتم لينة لمدة طويلة
بس من لواااستي امس نتفت ظفري والحين بينكسر >< وانا ماصدقت يصيرون نفس الطول اوفففف
وبعد من ايباي من اللي وصلوني جربت التوب كوت اللي يجفف اسمه Sechi Vit أظن
شوفوا صورة الآيباد الاخيرة..
صبغت اظافري سريع سريع باللون طبقتين..
ونطرت شوي وحطيت التوب كوت.. وانا متوقعة انه مابينشف لان حاطة طبقتين كثيفتين وماخليتهم يجفون
لكن نشفوا @@ عجيييب الاختراع صج بيريحني وايد
*****
ومن دراق ستور
جربت الشدوات مال لوريال
وييينها عسل؟
الحين عرفت شعورج بالضبط وانتي تتحجين عنهم!!
واااي عجيبيييين
لونهم قووووي.. وملمسهم حلووو
انا طلبت اللون الصدفي والكحلي
الكحلي قوووي عجيييبة درجته في السواتش
الصدفي جربته في العرس..
ثباته حلوو وماخطط "استعملت تحته تو فيسد شدو انشورانس"
الحين حددي أبي باجي الالوان!
****
ومن سيقما استعملت البرش المشهورة اخيراً
استخدمتها لي ولاختي
توزيعها عجبني واايد ناتجرال..
متشوقة اجربها ويا فاونديشن أثقل من بورجوا وريفلون فوتو ريدي!
وجربت فرشة الهايلايتر الصغيرة مع ماك ريد هيد
حجمها صغيرون ومريح تتحكمين شكثر تبين تحطين اضاءة وتكثرين قد ماتبين
وامممم بس هذي الاشياء اللي جربتها من اللي وصلوا
برد لكم بالصور بعدين أو باجر
بس بهذر عن الميكب عقب
