حطيت لكم من قبل الأرواج والاضاءة الفاشلة من كولكشن فيرا.. وحبيبتي إضاءة ريد هيد.. أدري حطيتها من مدة بس بالغلط صورتها وقلت يالله عادي أرد احطها زيادة الخير خيرين
واليوم عندي 4 منتجات
مقسمين على طلبين
الأول
كحل من كولكشن فيرا
الدرجة Undercurrent
عجييييب بنات
الدرجة تينن بين الاخضر والازرق
ويخط بسهووولة برة وداخل
بس داخل العين مايصلح للي تلبس عدسات لأنه القليتر اللي فيه يروح في العدسة
أنا كنت طالبته مع هدية أمي لعيد الأم..
كان خاطري بباجي الالوان بس كانوا مب موجودين
اعتقد انهم صاروا بيرمننت خلاص..
الكولكشن فيه 7 ألوان
انا خاطري بـ 3 ألوان زيادة على اللي عندي
- Petrol Blue
- Black Swan
- Designer Purple
سعر القلم الواحد $15 دولار + $1.5 تقريباً ضرائب
$16.5
يعادل 6.500 بحريني و 4.600 كويتي
***
والأوردر الثاني اللي توه وصلني قبل كم يوم
أول شي خلني أفضفض عن تصوير البرودكتس
وصلوني وسيدا صورتهم
وكنت مستانسة على الصور في الكاميرا حلوين وواضحين
ويوم نقلتهم اللابتوب قهرتنـــي الإضاءة @@ صاروا غريبين الالوان مادري شلون :/
لدرجة إنه تخيلوا اتم افكر أي وحدة Superb وأي وحدة Whisper :|
رغم انها في العلب مختلفين نهائياً.. بس أظن لأني كنت مستعيلة وصورت في إضاءة الغرفة لأنه كان ليل بدل مانطر يوم ثاني الإضاءة الطبيعية :bbbiu: وطبعا ماقدر أصور.. اليوم بدور لي ريدر يديد عندي اخوي أو اختي واذا ماحصلت بشتري
ع العموم.. هذي أحسن صور حصلتهم >< بالغصب قدرت أعدل الاضاءة بحيث ما اغير لون البرودكت بالفوتو شوب :/
من كولكشن
In Extra Dimension
طلبت 2 من الهايلايتر
Whisper of Gilt <<< ذهبية صدفية
Superb <<< وردي شامبين
للحين ماستخدمتهم بس كسواتش واايد حلوين الألوان وبيجمنتد
صايرين ميتاليك.. فأحسهم لطلعات الليل والمناسبات أنسب من الصبح
إذا بينحطون الصبح بكمية صغييييرررة كللش
صور
Whisper of Gilt
Superb
ومن كولكشن
Reel Sexy
طلبت الام اس اف Lightscapade
هالاضاءة سمعت عنه اول مرة في كولكشن الفال كولور السنة اللي طافت
الاجنبيات كانوا ذبحة عليييها كل وحدة تشتري بالاربع والخمس
اهي اساسا نازلة من زمان قبل كم سنة
ويقولون انها صاررت بيرمننت عقب كولكشن ريل سكسي
انا اخذتها لأن اول شي شدتني ان الكل ميت عليها
وثاني شي لأني توني مبتدية اشتري ام اي اف.. وهذي فاتحة عجبتني
بس بالصور اللي بالسايت شكلها غيييير.. فيها الالوان واضحة جنها جذي حجر طبيعي
بالصج الغالب اللون البيج والالوان الثانية خفيفة كلش.. حتى بالصور حاولت وايد وبالغصب طلعوا جذي
وايد اجنبيات يقولون الاصدار الاولي كان احلى واحد اما اللي نزلت بكولكشن الفال وهالكولكشن مكس الالوان اللي فيها خفيف
في كولكشن الفال الاجنبيات كانوا يشترون بالاربع حبات وترد البيت تحطهم يم بعض وتوشف اي وحدة فيها لون ازرق اكثر! لووول
بعد لحين ماستعملتها مجرد سواتش
بس حسيتها تعطي قلوو واضاءة أكثر منها لمعة
يعني مادري شلون اوصف! مب صاير شيمري ولا قليتر طبعا
احسها مناسبة للصبح
بس المهم ماتكثرين لانها ممكن تبين اوفر بيضا
صور متنوعة
أسعارهم
الوحدة بـ $29 + تقريبا$3 ضرائب لكل وحدة أو أقل شووي
$32
تعادل 12 دينار بحريني - 9 دينار كويتي
بدون التوصيل طبعا.. التوصيل على حسب الوزن
مثلاً طلبيتنا أنا ومراوي دفعنا لها 10.5 كامل.. وزنها كان 3 باوند تقريباً
أي وعطوني وياها شنطة فوشية حلوة داخلها تسترات من ماركات مختلفة
