الي عندها ولد تدش

[english muffin]

قوة بنات

انا فيني ولد وقايلة بطهره ثاني يوم فمن الولادة ي المستشفى
ناس قالوا لي زين ناس يقولون مب زين

المجربة شرايها ؟

 

[Meeesh]

السؤال مو واضح بس اذا كان انه تبين تطهرين ولدك ثاني يوم في المستشفى اكيد عادي

انا ولدي طهروه بعد اسبوع لانه كان بالشيشه

 

[الجوهرا]

انطري 10ايام 0بعدين طهريه

 

[ناتشوو]

انا وزنه كان شوية فضلت أأخر الطهور
بس انت ليش مستعجلة؟
الطهور يبيله عناية ومرهم تحطينه عليه
واول الايام انت مشغولة بنفسج
نطري ليما تصحصحين وطهريه
اسبوعين
والله يهون عليج
ويجعله من الذرية الصالحة

 

[أبكاني ذنبي]

انا اقول نطري حرام توه طالع من بطنج ومتنفخ وحالته حاله من الولاده والسحب والتحاليل


خليه يرتاح وانتي ترتاحين شوي بعدين طهريه احسن لج

 

[كتالونيه]

عادي يصير
بس انا انصحج نطري شوي
لانه يبيله اهتمام خاص
وانتي توج تعبانه يعني
نطري عشرأيام وبعدين طهريه

 

[يارب احفظ عيالي]

ولدي طهرناه عقب اسبوع اما من ثاني يوم احس بتتعبين انتي معاه


الله يسهل عليج وعلينا

 

[english muffin]

انا فضلت من ثاني يوم قلت عشاني بكون مرقدة والسسترات بيعتنون بجرحه اكثر
مادري محتارة

 

[زين ودلال]

احسن شي لما يصير عمره شهر

 

[أم نوافي]

هو علي حسب طول العضووو في بعض الاولاد يقولج الدكتور انطري اسبوع انا ولدي بعد اسبوع طهرته
والله يخليه لج وتشوفينه بحضنج يارب

 

[ام ساره 4]

أنا من رايي تنطرين لين يصير خياطج زين ويطيح وصدرج ينتفخ ويفش وترتاحين بعدين طهريه أحسنلج لأن أول الأيام راح يعورج الخياط وصدرج فما فيج حيل عليه والطهور يبيله عنايه واهتمام

 

[حلم أبتداء]

الافضل خليه لاخر الاربعين انا عيالي اطهرهم باليوم 35 ع الاقل اكون قادره اهتم فيه

 

[ديانا سبنسر]

انطري

 

[* بنت المطر *]

شدراج السستترات بيهتمون فيه حرام عليج مسرع ماجبتيه ومسرع مابتقطينه ع غيرج يكفي سره ماطلح همن معاه طهار

لا والله نطري ليم تطيبين واهوا يكبر شوي وطهريه واتفرغي له انتي ولاتتكلينه على غيرج انا ولدي بمستشفى خاص لاجابوه

السسترات الا صوته رايح متقطع من البجي وسره انتفخ حسبي الله عليهم بس

 

[الدلال]

ولدي الاول طهرته من ثاني يوم والطبيب قالي عادي وفعلا ارتحت لاني يوم رجعت بيتي الا جرحه بلش يبرا

الثاني مارضوا يطهرونه الا بعد 10 ايام لان على حسب طول العضو وصحة البيبي

 

[تمره بحلاوتها]

عيالي طهرتهم على ٢٠ يوم تقريباً واريح
انطري عالاقل اسبوع لاتستعجلين عالطهار
والله يقومج بالسلامه 

 

[romance 1]

انا اطهر عيالي على 30 وما اطلع الاربعين الا اهم متشافين

 

[ام فواازي]

لا انا عيالي الاثنين طهرتهم على 20 يوم احسن وقت تكونين انتي طبتي و همن باقي على طلعتج 20 يوم يعني يمديه يبرا جرحه لان مو زين له العطور يلتهب عليه ويتأذى

 

[بدوية بملامح كشميرية 86]

لا. لا حرام


ع الاقل نطري اسبووعين

انا شهر وطهرته فديته

 

[عالمي المجنون]

بعد شهر او شهرين