سوالف طلبات النت (( مكياج و أغراض تنظيم المكياج ))

[alroza]

مراوي

وااااااااااااااااااااااي صج لج وحشة ,الحمدلله على سلامتج تو مانورت البحرين:ggdw:صج صج افتقدناج وعليج بالعافية على الاقل وصلت لج الاغراض من دراق ستور اما انا اقري سالفتي اللي كتبتها قبل شوي:krkrkr:

عاد خبرينا عن سفرتج شسويتي وش ماسويتي

والله تمللنا بدونج بس الصراحة سحورة ماقصرت ونستنا باغراضها وسوالفها الحلوة حتى بلحظة شكيت قلت اكيد مراوي موصيتها علينا هههههههههههه

المهم حبيبتي الحمدلله على سلامتج ونورتينا:eh_s(7):

 

[مراوي22]

حبيتهم عشان من فوق الخط مو واضح يعني لو حبيت أحطهم من غير آي لاينر مابيبين الخط



هذيله الاوراق إلي حق دهون الويه كل مره أروح لازم آخذ منهم كميه أحبهم وما أستغني عنهم وإن شاء الله مالين كلين أند كلير نفس نوعيتهم عشان أفتك وكل مره أطلب منهم مو أنتظر أسافر وأخمط الاولي والتالي



هذي من ماركو كاجوليكا ماجوليكا المعروفه بمسكراتهم إنها روعه طبعا ماجربتهم بس سمعت وايد يمدحونهم خصوصا اليابانيات والتايلنديات بس شدني هالمنتج عندهم إنه حق المسامات ليحين ماجربته إن شاء الله يطلع زين



شوية كفرات حق الاي فون أمبيييي إشقد عندهم أشكال حلوه وكل مره أقول باخذ باجر يمكن أحصل أحلى ويمكن أحصل أرخص آخرتها رجعت وماخذيت :eh_s(2): كان في حركات بالسوارفسكي على كيتي وأشكال حلوه بس يالله مالي نصيب



العدسات الي تكبر العين نفس الي يلبسونهم اليابانيات طبعا ينباعون على 400 بات بما يعادل 4 دينار بحريني والبنات يبيعونهم إهني على 12 دينار :eh_s(14):



جمن صابونه بس ريحتهم خياااااال ليتني خذت أكثر طبعا المحل كثر ماهو كبير وفيه أنواع تخبل ماعرفت شنو آخذ فيني طبع لمن أجوف وايد أشكال أحتار أمشي وما آخذ شي بس هالثلاث إلي شميتهم وعجبوني من أول شمه وبعدها خشمي تبنج ماقمت أميز



القلمين إلي في النص من ماركة بوفيه جربت الرمادي حليو مو مميز يعني



لو قلت لكم إني من المطار رحت الفندق قطيت الاغراض وركيض على مجمع MBK عشان هالمزاين بتضحكون علي :krkrkr: أذكر جفت الستاند مالهم في محل وكنت أبي أتأكد إذا عندهم اللب باتر عشان يرتاح قلبي وبعدين أدور في باقي الافرع على سعتي وحصلتهم وخذيت هالالوان حبيتهم من قلب روعه وناويه أطلب باقي الالوان لأنه ماحصلت كل الدرجات أهمه 20 درجه حصلت بس 10-12 وهذيله إلي حبيتهم أكثر شي

شنو إلي عجبني فيهم إنهم جنهم قلوس مس مب ستيكي حلو ملمسهم مب مزعج والالوان روعه



اللون الفوشي إينن مزورق شوي والثاني ليحين ماجربته بس باين حلو









ذي lip & Cheeks stain موصيتني عليهم رفيجتي



هالمنظره دعايه على مشترياتي فيها ليتات من جدام روعه حبيتها الحلو في بانكوك إنه دايم عندهم عروض دايم عندهم هدايا عطوني مسكرا وبلشر من نارس هديه بعد وغير ذي كل مبلغ تشترين فيه لج خصم معين وايد وايد إستفدت من العروض مب إهني حتى برايه مايعطون :eh_s(4):

إنتظرو مشترياتي الماكيه _03BA:

 

[مراوي22]

تررن ماصدقت عيني لمن جفتهم رحت أول فرع سألتهم بس جذي فضول وقالو لي ماعندنه رحت فرع ثاني وبالصدفه جفت التستر قلت لهم عندكم جان تقولي إي قلت لها لحقيني به وكان عندهم منه وايد :eh_s(10): غريبه ما خلص



من كوليكشن فيرا خذيت هالاقلام لو تلاحظون يدي مبقعه من حمر كفر جيرل :krkrkr:





هالجلوس مادري جفته عند من أتوقع سباركل وصج دش خاطري وزين لقيته حدي تشققت



هالكوليكشن مصفوف مع 6 كوليكشنات إي 6 إذا مو أكثر ليششششششش جذي وإحنه الواحد يتم دهر بنات مايحتاي أوصف لكم شكلي أول مادخلت



خذته من الطياره حق الرسم على الاظافر عجيب وسهل الاستخدام في الطرف الواحد في فرشه ويا راس نفس الابره إنتي بكيفج تقدرين تستخدمين إلي تبينه







رسمه خربوطيه حرررررررركات

 

[فواصل]

هلا بنات

اول شيء عليكم بالعافية

مشترياتكم تجنننننن

ماشاء الله

ناوية اطلب من موقع سليك و ماركة بالم من امازون

بس بخليها للشهر الجاي

بس كلامكم عن موقع سليك يخوفني

ودورت عن سليك في موقع امازون ما عندهم كل الكولكشن في موقع ثاني غير امازون ولا لازم اطلب من موقعهم

 

[فواصل]

بنات قطر

وين اطلب بطاقة اميركان اكسبرس ؟

 

[{ سحر الوَرد *]

صباااح الورررد

يا سلاام شعوور جميل لما اغيب عن الموضوع يومين واردله عاامر بالردوود @@

بتفرغ لكم وحدة وحدة

بس أول مشكلة روزا بما انها ارجنت ><

بدش دراق ستور بجيك لو انا برجع شي شلون الطريقة وبردلج

بررب

​

 

[{ سحر الوَرد *]

سالفتي الله يسلمج ان شحنتي وصلت في الورلد شيب لكن الشحنة موقفة وطرشت لهم على الايميل ابي اعرف السبب ردوا علي ان المكياج ذاب :eh_s(14): تخيلي ,المهم سالتهم والاغراض الثانية قالو لي مبين ان الشحنة كلها تالفة لان انا طالبة شدوات وحمر قولي الحمر هم اللي ذابو, الزبدة ان انا خلاص لاعت جبدي من السالفة كلها وابي فلوسي ترجع لي:rgewrg: قالولي تواصلي مع السيلر وقولي لهم يعوضونج بالكامل بحيث ان ماينحسب عليي رسوم الارجاع والشحن ,طرشت ايميل حق الدراق ستور وردوا عليي وعطوني خيارات عشان تنحل مشكلتي بسرعة او اني اكلمهم بالتلفون وهذي الخيارات



Return Policy
Return Shipping Label
Damaged / Defective - Nonprescription Items
Incorrect Item Received In Order - Nonprescription Items
Missing Item In Order

انا اخترت return shipping label وانفتحت لي صفحة فيها فراغات امليها مث الايميل ورقم الطلب بس بعدين توهقت ماعرفت شسوي

وهذي رد مازن من الورلد شيب اول مارد عليي

[بامكانك التواصل مع البائع واخباره بالمشكلة وسيقوم بتعويضك بالكامل واذا طلب منك ارجاع الشحنة فاطلبي منه ( return label) لصقه ارجاع مدفوعه تاكلبف الشحن حتى لا تخسري عند ارجاعها . ]

ادري باعور راسج وباسندرج بس اذا ماعليج كلافة علميني شسوي لان المبلغ مو شوي بالنسبة حق ميك اب

تقريبا 390 $
​

أول شي تدشين هالصفحة علشان تطلبين ليبل
http://drugstore.custhelp.com/app/returnshippinglabel

تدخلين رقم الاوردر
http://returnscenter.smartlabel.com/v3/LabelInformation.aspx

عقب تتبطل لج هالصفحة.. تدخلين معلوماتج وعنوانج

بيكون عنوان الوورلد شيب طبعا
http://returnscenter.smartlabel.com/v3/ShipperInformation.aspx

عقب ماتدخلين العنوان والمعلومات

بيطلع لج الليبل

تأكدي المعلومات صج وبعدين طقي نكست

بيطلع لج يا تطبعين الليبل

أو يطرشونه لج إيميل

أنا أقول إختاري يطرشونه لج إيميل أحسن

واضغطي Generate Label

علشان الايميل تطرشينه للوورلد شيب وهم يطبعونه ويرجعون البوكس

انتي كلمتيهم على الايميل صح؟

خبرتيهم تبين ريفاند ولا تبديل؟ لأن يوم قريت في البداية كاتبين إن تقدرين تطالبين بريفاند أو تبديل

جربي وجوفي شيصير وردي علينا ^.^

غريبة إنهم وصلوا ذايبين!! احنا صادفتنا مشاكل انه بعض الشدوات تتكسر

بس إن الشحنة كلها اتلفة وذايبة :/ غريييبة! يمكن مثلا تمت ويكند في مكان حار ولا شي

يالله... معوضة إن شاء الله خيرها بغيرها

​

 

[JvvvC]

مراووووي

صج صج لج وحشششششششششه

اول شي الحمدلله على السلامه

و مشترياتج اتينن عليج بألف ألف عاااافيه

انا ماعمري رحت بانكوك بس بسألج عندهم سيفورا و الا ؟؟

 

[ضماي انت]

مراوي
تخلصينهم بالعافيه ان شاءالله

 

[alroza]

أول شي تدشين هالصفحة علشان تطلبين ليبل
http://drugstore.custhelp.com/app/returnshippinglabel

تدخلين رقم الاوردر
http://returnscenter.smartlabel.com/v3/LabelInformation.aspx

عقب تتبطل لج هالصفحة.. تدخلين معلوماتج وعنوانج

بيكون عنوان الوورلد شيب طبعا
http://returnscenter.smartlabel.com/v3/ShipperInformation.aspx

عقب ماتدخلين العنوان والمعلومات

بيطلع لج الليبل

تأكدي المعلومات صج وبعدين طقي نكست

بيطلع لج يا تطبعين الليبل

أو يطرشونه لج إيميل

أنا أقول إختاري يطرشونه لج إيميل أحسن

واضغطي Generate Label

علشان الايميل تطرشينه للوورلد شيب وهم يطبعونه ويرجعون البوكس

انتي كلمتيهم على الايميل صح؟

خبرتيهم تبين ريفاند ولا تبديل؟ لأن يوم قريت في البداية كاتبين إن تقدرين تطالبين بريفاند أو تبديل

جربي وجوفي شيصير وردي علينا ^.^

غريبة إنهم وصلوا ذايبين!! احنا صادفتنا مشاكل انه بعض الشدوات تتكسر

بس إن الشحنة كلها اتلفة وذايبة :/ غريييبة! يمكن مثلا تمت ويكند في مكان حار ولا شي

يالله... معوضة إن شاء الله خيرها بغيرها

[/CENTER]

بعد عمري سحر الورد الف الف شكر لج على ردج والله ماتدرين شكثر متضايقة :krkrkr: كل افكر في السالفة يلا الحين باسوي اللي قلتيلي عليه وتالي باقولج شنو صار ومشكوووووووورة مرة ثانية يالشيخة

 

[cute nona]

يعافيج حبيبتي

 

[maioosh]

بنات حبيت اسالكم . قاعده احاول اطلب من درق ستور . لما اعبي البيلنق ادرس يطلع رقم التيلفون غلط ولازم اختار ولايه وانا بيانات البيلنق ادرس حقتي مو امريكيه . بليز ممكن وحده تساعدني ؟

 

[Amy_88]

مشاء الله مشترياتكم حلووووة يابنات
سحووورة انتي السبب عملت جريمة باوردر اباغ china glaze هههههه
مراوي الحمد لله على سلامتك ياحلوووة حبيييت مشترياتك الميكبية وكفرات الايفون

تتهنون يابنات​

 

[مملكه الرشاقه]

عليكم بالعافيه


مراوي ... بالطياره يبيعون هالاصباغ ؟

 

[Daydreams]

 

[Daydreams]

مرااااااااااااااااوي لك وحشه يابنت
اشتقنا لك مرررررررررره
عليك بالعافيه كل مشترياتك تجنن مشاء الله
خاصه العدسات تتهنين فيه
عاد بوصي صديقتي ان شاء الله شهر وهي مسافره بخليها تجيب لي كم حبه
الي يضبط يضبط

القلوس حده رايق مشاء الله ...

تصدقيني مراوي عاد الحين رابع او خامس طلبيه توصلني ولا اشتري مشتريات ولا انزل صورها
حدي كسووووله

 

[قطرية كوول]

مرااااوي

الحمدلله على السلامه حبيبتي و تتهنين بمشتريااااتج تهبل تحمست وانا اطالعهم

بس ياريت تقولين لي درجة روج ريفلون الفوشي المزورق وايد حبيته

وياريت بعد تسوين لنا ريفيو عن اللب باتر لان من زمان فبالي

والرموووش اروح و ارد عليهم ف امازون لاني صايره استهلك الرموش كل جمعه لازم فل ميك اب و رموووش ههههههه

جربيهم و قوليلي خل اطلب منهم

 

[عسوله ودلوعه]

ماشاء الله عليج مراوي تتهنيين باغراضج ياقلبي وحمد الله على سلامتج وحشتيييييينا

 

[! Miss.Q8 !]

بنات في احد منكم جرب يطلب من موقع سليك ويحط التوصيل الدولي

لاني بطلب منهم كذا شغله وشحنهم الدولي رخيص مو غالي

بس ابي اعرف اذا احد جربهم وجم يبي لها الطلبية على ما توصل

 

[MakeupAholic]

سحر الورد

ماشاءالله علييييج انتي صج سحررررر
مبدعههه وذوقج ووايد حلوو الاختيارات روووعه روووعه
والله جد خيال .. شجعتيني اطلب اكثر من النت
بس هم عندي طلب اذا ممكن تحطين موضوع في كل المواقع اللي طلبتي منها

​