تجمع امهات مواليد شهر سبتمبر ( 9) 2011

[ملح الدنيا فيني]

http://www.m0dy.net/vb/t58292.html

 

[ملح الدنيا فيني]

http://www.mumstuff.co.uk/acatalog/Earth-Mama-Angel-Baby-C-Section-Healing-Kit.html


http://www.healingenhancements.com/c-sectionscarhealingkit.aspx

http://www.motherhoodcenter.com/tag/c-section/

 

[pяiήcєşš]

صباح الخير ع النااااس النشيتاااااا ???





قصدي ع النااااااااس الي داقهااا الضيييم وسهرااانه. اهي اهي اهي ???

 

[pяiήcєşš]

قووواااااااج الله ياااملووحه

 

[om 7amoodi]

هلووو يا حلوين :eh_s(17):
شخباركم و شلوون بيبياااتكم

ملووحة انشالله هالمرة توأم
ملووكة طمنينا عنج
كوين انا طلبت تنورة و توب من asos

حدي لاهية مع ملك الحنة و الازعاج حمووود باشا فيني فقر نوم احس واايد تعبانة كل عظامي تعورني واكثر شي ركبي من كثر ما اشيله وافتر فيه :eh_s(11): والدوام حدث ولا حرج كله تأخير ولازم يوم بالاسبوع مرضية شكلي ما راح اكمل هالسنة و بفنشوني :eh_s(11): يا رب متى ينام عدل ابي ارتاح بس تضبط نومته بوديه غرفته بفتك منه المزعج :rgewrg:

و على الاكل حتى ولدي بس 4 ارقام بس قمت بالليل اسويله 6 يشربها اذا كان نايم بس اذا قاعد مالج امل حده 4 و غصب بس صرت مجرمة قمت اوكله هريس و يريش اي شي جذي مهروس ادعس بحلجه خل يمتن فشلني كله يقولون لي ما توكلينه :eh_s(15):

اشوفكم على خير :eh_s(8):

 

[ملوكـه]

صباااح الخيررر

شلونكم حبااايبي
والبيبيات ان شا الله بخيررررررررر

بنصحكم
حللو عن نقص فيتامين د

انا طلع معاي نقص حاد شنو كان مأثررررر علا نفسيتي

اهو سبب الضيقه والحاله اللي انا فيهاااا
اكيدد مو مصدقين
بحثت بالنت عن صابهم نقص شكثر عانو سنوااات منه
واخرتها طلع اهو سبب الاكتئاب اللي يصيرر لنا
خاصه حريم الخليج نادرا يتعرضون للشمس

الحمدلله اللي عرفت خلال شهرين
مو قعدت اكثر اعاني وانا مادري شنو فيني

 

[ملوكـه]

بحط لكم قصتين أثرو فيني ومنها قررت احلل عنه وفعلا طلع نقص حاد معاي
سبحان الله فيهم من معاناتي

 

[ملوكـه]

تحية طيبة للجميع

في الحقيقة ينقصنا الكثير من الوعي والتثقيف والواحد ماينتبه لنفسه إلا بعد مايوقع الفاس في الراس ......

حبيت أفيدكم لأني مريت بمعاناة لايعلم بها إلا الله من التعب والألم حتى زوجي وابني عانوا معاي كثير وابني المسكين كان يبكي لما يشوفني وكأني فاقدة عقلي ........

ماابغى اخوفكم ولكن هذا الموضوع مهم جدا ........ كلنا درسنا أن نقص فيتامين د يسبب الكساح في الصغار ويسبب هشاشة العظام عند الكبار ....... ولكن زيه زي أي معلومه نسيناها مع الوقت ....... وماكان في أحد يوعينا بمدى خطورة نقص فيتامين د

فيتامين د ينقص مع تقدم السن واصبح الآن منتشر بسبب قلة التعرض لأشعة الشمس وبسبب العادات الغذائية السيئة والتي تخلو من الأغذية التي تمدنا بهذا الفيتامين أو أن هناك أسباب أخرى وراثية أو مرضية

ماراح اطول عليكم .

سوي هذا التحليل وماراح تخسري شي راح تطمني على نفسك لأن بصراحة ماتوقعت أبدا أن نقص فيتامين د خطير لهذه الدرجة وأن له دور في مناعة الإنسان وأنه يسبب الجلطات ويسبب أمراض الأوعية الدموية ويسبب السرطان ويسبب مرض التصلب العصبي ويؤدي للوفاة ........ الخ بإمكانكم تبحثوا عنه في النت


وخلوني اكتب لكم معاناتي مع هذا نقص هذا الفيتامين

كنت احس بآلام في العضلات خاصة اليدين قبل نزول الدورة وكان يجيني تعب وخمول واغلب وقتي نايمة وجسمي مكسر سنين وانا على هذه الحالة وزوجي يقولي عشانك ماتتحركي كثير كنت اقوله كيف اتحرك وجسمي تعبان اصلا يقول كثرة القعدة والخمول تتعب الجسم ..... ماهو عارف ايش فيني ... سويت تحاليل للدم وكانت كلها سليمة .. سنين وأنا على هذه الحالة وكانت حالتي تتطور أكثر وأكثر واحنا مااحنا عارفين وش السبب وما كنا ندري أنه فيتامين د قاعد ينقص مع الوقت .... المهم ... كانت آلام يديني وكتوفي تزداد وأحس بخمول وتعب ودوخة وغثيان وآلام فظيعة في الرقبة وتنميل في جسمي كامل أحس بعظام راسي تألمني وألم غير طبيعي في الراس وكأن فيه شي جوى لدرجة أني قلت هذي أيامي الأخيرة واني بفارق الحياة وطلعت لي كدمات في فخوذي ويديني بدون مااضرب في شي وكانت تقعد فترة وتختفي....... وبعدها جتني أعراض نفس اعراض الجلطة تستمر معي لمدة نصف ساعة وماقدرت احرك فيها جنبي الأيسر كامل حتى نصف وجهي وشفايفي وجاني زي فقدان الذاكره وماقدرت انطق الكلمات واذا نطقتها انطقها غلط اسأل الله أنه مايعيد هذه الحالة على ولا على أي مسلمة ومسلم وكان أبني لما يشوفني كذا يبكي وزوجي ينهبل وابني عمره 8 سنوات يموت من البكا ويقول وش فيك ياماما وش فيك ياماما واطالع فيه ولما اجي اكلمه تتطلع الكلمات مخربطه وافقد الذاكره لبعض الأشياء لاحول ولا قوة إلا بالله . .... جتني هذه الحالة مرتين بس الحمد لله في المرة الثانية ابني كان نايم .......... بعدها رحت سويت جميع تحاليل الدم والغدة الدرقية وفيتامين ب 12 وسويت رنين مغناطيسي للمخ طلعت النتايج كلها سليمة ولكن الدكتور وصفلي اسبرين استمريت عليه لمدة 3 اشهر ........ والي استغربه بصراحة من الأطباء أنهم هم أنفسهم عندهم جهل يعني المفروض هذي الأعراض تكون معروفة عندهم من ايش وانهم لازم يسووا تحاليل اساسية على طول من ضمنها د وما ينتظروا .......... المهم قعدت 3 اشهر استخدم الاسبرين ..... وكانت تجيني آلام شديدة جدا في اليدين والكتوف والمفاصل واحس اني لما اوقف راح اطيح احس ماني متوازنه قرات في النت ان الدوخة وعدم التوازن احتمال تكون بسبب الأذن الوسطى رحت وكشفت طلعت سليمة ....... بعدها رحت سويت تحاليل شاملة للدم وتجلط الدم والذئبة الحمراء طلعت سليمة وفي الأخير حولتني الدكتورة على دكتور روماتيزم بصراحة ممتاز جدا اسمه : اسامه حجي في مستشفى التأمينات ........ لما قلت له الأعراض سوى لي تحاليل وطلعت النتيجة ان عندي نقص حاد في فيتامين د نسبته 7 والمفروض يكون من 100 إلى 70 وقالي أن نقص فيتامين د خطير وله دور في مناعة الجسم وعشان كذا نقصه يؤدي لكل هذا ........ وصفي حبوب اسمها ون ألفا عبارة عن فيتامين د مركز وحبوب اسمها : اوستيو كير عبارة عن كالسيوم مع فيتامين د وصار لي الآن تقريبا 5 أشهر استخدمها والحمد لله تحسنت وقال لي التحليل بعد 6 اشهر لأن فيتامين د ياخذ وقت لما ترتفع نسبته في الجسم ............... وحملت اللحين وتعبانه لأن الجنين يمتص فيتامين د ........ وبصراحة خايفة على الجنين وعلى نفسي من هذا النقص ادعوا لي الله يجزاكم خير ولا تتهاونوا وسووا التحليل اللحين قبل بكرة .........

والله يشفي جميع المسلمين والمسلمات يارب

 

[ملوكـه]

بدت معاناتي بداية العام الماضي كنت احس بتعب وارهاق بسيط وكنت دايما ابي انام ورجليني دايما ثقيله واحس عضلاتي مشدوده قلت يمكن ارهاق الدراسه والتعب والشغل , مع اني اكل صحي بس حاولت اغير بنظامي الغذائي زدت كمية الفواكه والخضار والعصيرات الطازجه وصرت اخذ فيتامينات اضافيه بس المشكله ماراحت صارت تروح وتجي وفجأه بمنتصف السنه لقيت جسمي مو طبيعي دوار وضيق نفس و ضعف بالعضلات ورجفه وخفقان سريع بالقلب حسيت انه راح يغمى علي تعب شديد لدرجة ماتحمل اسمع اي صوت او اكلم احد ,وصل الأعياء حد اني ماصرت اقدر ارفع يدي واحط لقمه بفمي حتى مضغ اللقمه صعب , رحت الطوارىء اكثر من 10 مرات يمكن احد يجاوبني كل مره يعطوني دوا جديد ولافي فايده وكانت الأدويه تزيد من حالة الأعياء شكو بالغده الدرقيه لكن طلعت التحاليل سليمه,كانو الأطباء ياخذون الوالد على جنب ويقولون له بنتك فيها حاله نفسيه يبغالك تعرضها على طبيب نفسي او خذها مشوار تغير جو ,كنت ارجع البيت ميته قتلو نفسيتي بكلامهم حسبي الله عليهم كفايه التعب الي كان عندي,مرت الأيام و زادت الأعراض صار الدوار غير طبيعي الدنيا تلف حولي صرت اشوف الأشياء مقلوبه وعيوني تتحرك بسرعه ماقدر اشوف اي شي قدامي وغثيان شديد ويستمر الدوار حتى وانا نايمه ويمكن اسوء,صرت ماقدر انام تغفي عيني شوي واصحى من نبضات قلبي السريعه وضيق النفس كنت احاول امد يدي لكاس المويه الي جنبي وماقدر اوصل له من التعب, وصلت لدرجة اني ماقدر امسك فرشاة اسناني كنت اغسل اسناني عزكم الله وانا جالسه على كرسي وصلت لمرحلة ان امي تساعدني بتغيير ملابسي وتساعدني بأكلي وشربي,صرت وانا امشي اسحب رجليني سحب لأنهم مايساعدوني بالمشي كنت امشي وامسك جدران البيت واحيانا يجيني دوار شديد اثناء المشي يخليني اوقع واضرب الجدران,صلاتي قمت اصليها جالسه وحتى وانا جالسه احس اني راح اوقع على وجهي من شدة الأعياء ,كل هذا وماحد ملاقي لي حل من طبيب لطبيب كان الوالد شايلني على كرسي متحرك ومن طبيب لطبيب رحت القلب ,الباطنيه,مخ و اعصاب عملت تصوير مغناطيسي ومقطعي وكلها سليمه,انف واذن وحنجره لعل وعسى يكون الدوار من الأذن الداخليه بس كل شي كان سليم كانو يعطوني تمارين للأذن عملتهم بس بدون فايده, كانت لما تجيني الدوره الشهريه اموت اكثر لدرجه قمت ادعي ربي انها تنقطع عني من كثر التعب الي كنت اشوفه منه كانت مو طبيعيه ابدا,صارت آلام جسمي لاتحتمل الام شديده في جميع عظامي وعضلاتي حتى اسناني كانت توجعني وعظام الجمجمه خلف الأذن ,مافي عظمه بجسمي ماكانت توجعني كنت اروح اطوارئ كل شهر اخذ ابرة فولتارين لألم الجسم, كل المعاناة هذي وانا صابره وادعي ربي يشفيني وينور طريقي لعلاجي ,بالنهايه صرت خلاص مافارق فراشي صرت شبه ميته آمنت بالموضوع وقلت يمكن هذي نهايتي يمكن اموت وماظن اني اعيش اكثر خلاص هذا كله مقدر ومكتوب وهذا الي الله كتبه علي وانا قابله فيه.ضليت عايشه كذا تقريباً 8 شهور ميته على فراشي.
ومره امي حاطتلي التلفزيون على قناة والله ماتذكرها المهم في موضوع عن الروماتيزيوم وعلاقته بألآم العظام وشي كذا صرت اسأل نفسي اذا التحاليل الي خذوها لي سليمه وضغطي وسكري سليم والأشعه الي على الراس سليمه يعني مافي الا شي صايب عضلات جسمي وعظامي يمكن اطباء الروماتيزيوم ينفعوني,قلت للوالد ليش ماتاخذني عند الروماتزيوم قالي لأ يابنتي هذا للكبار بالعمر انتي صغيره قلت له خلينا نجرب يمكن الاقي حل.
رحت لدكتور اردني ماخذ البورد الأمريكي مرتين وشرحت له الموضوع كله قالي باخذ لك تحاليل ولما عطاني الورقه اول مره بحياتي اشوف التحاليل هذي لجهاز المناعه واشياء كثيره غريبه عجيبه المهم اكثر من 20 تحليل اذكر خذو مني 6 انابيب دم لدرجة اني بعدها دخت لمدة اسبوعين ماتحملت.قالو لي راح يرسلوها فرنسا وبعد اسبوعين ارجع استلم النتيجه.
رجعت وانا كلي امل ان بلاقي الحل وتفاجأت بلي سمعته قالي النتائج كلها سليمه ماعدا شي واحد هو فيتامين د3 ناقص ومعدله كان 11 نانوجرام/مليجرام. الصراحه تفاجأت وماصدقته قلت له دكتور تأكد مو معقوله بس هذا الي ناقص في شي اكثر من فيتامين لأن ماظنيت فيتامين يعمل بجسمي كل هذا ,قالي يعمل اكثر يجيب سرطانات وضغط وسكر ومرض التصلب المتعدد والزهايمر وامراض كثيره قالي الحمدلله انها جت على كذا ولقينا السبب ,حمدت ربي رجعت البيت كلي امل ان العلاج هذا راح يغير حياتي.
كنت آخذ 50.000 وحده دوليه كل اسبوع لمدة 3 اشهر, اول 3 جرعات حسيت بتغيير زاد الأمل عندي ,استمريت مع نهايه العلاج الألم اختفى ماصدقت ان نقص فيتامين د ممكن يعمل كذا, انا الآن بعد 4 ونص شهور من العلاج وحالتي في تحسن الصعف العضلي لسى موجود مشيتي شوي مترنحه مامشي طبيعي بس اقدر امشي الحمدلله مو مثل اول ملازمه فراشي والتعب لسى موجود احيانا مااقدر اقوم من فراشي من التعب بس هذا التعب يختلف عن الموت الي كنت عايشته الحمدلله . سمعت من دكتور هولك بمايو كلينك بإمريكا ان العلاج ياخذ من 9 الى 12 شهر لحد مايرجع المريض لحياته السابقه الي يعرفها ويختفي التعب والضعف العضلي.
اي احد عنده تجربه مع نقص فيتامين د حابه اسمع تجربته احس انا الوحيده بس حابه احد يدعمني .
ادعولي .

 

[ملوكـه]

* أعراض نقص فيتامين d :
- آلالام غريبة بالجسسسم .
- آلالام بالمفاصل والعظام والعضلات .
- أحياناً آلالام بالحوض .
- خمووووول .
- غثيان .
- كدمات بالجلد .
- في الحالات الشديدة ضعف بالعضلات .
- اكتئاب .
- التهاب الحلق .
أعراضه تختلف من شخص لآخر يعني مو شرط كل هالأعراض تحسين فيها
في حالات النقص الشديد ممكن يصير تشوه بالحوض ويصير تعسر بالولادة الطبيعية لاقدر الله.

 

[ملوكـه]

هذه قصه غرشه عطر معانا بالمنتدى


انا عاد قصتي قصه مع الدال شفت المووووووت يارب لك الحمد
بدت قبل سنتين تقريبا ايدي تتشنج اصابع رجولي وايدي طنشت قلت يمكن ارهاق
عاد بعد السنه وشهوررر رحت لدكتور باطني طلب الدال قال ناقص -4 تخيلوا ناقص 4 والكالسيوم حيل نازل وقال لي معلومه الكالسيوم والدال مثل الطابوقه والسمنت خوش تشبيه هههههه يكملون بعض يعني مايصير تاكلون حبوب دال وماتكلون كالسيوم ؟؟

كل شهر اطق الدال وسعرها ب15 لمدة ثلاث اشهر وعطاني حبوب الدال واهي الصح اللي لازم تاكلونها ((ألفا ))1000مل غرام حبتها وصفها جنها البنك بنيه مدوره صغيره + وكالسيوم كرتون ابيض كبير وعليه رسمه ازرق فاتح وحبتها طويله وكبيره

خلصت 3 شهور ونسيت احلل وكان يجيني الم بالعظام ضيق نفس وزني زايد لواسوي ريجيم ماينفع جا رمضان هذا ياربي وزني يوصل لارقام عمري ماوصلت لها بحياتي تطور الامر
(1) تنميل قوي اسفل الراس صوب الرقبه ويوصل للراس والجسم وشبه اغماء يصير لي علي طول يشيلوني ماحس بنفسي للمستشفي
(2) خمول تعب خفقان بالقلب ماقدر اصلي ولا اسجد راسي احس تنميل شي ياكل جمجمتي الم فظيع برقبتي راسي موصدااع لالالا شي غريب قلت خلاص اني بموت واعيالي يبكون والله يابنات وكنت اتشهد
(3) عوار وري اذني بعظمة الاذن تعورررر
(4)ضيقه نفسيه زفت
(5)وسواس اني بموت وبكي الله لايرويكم
لدرجة العدان اول ماجيته ماقدر اتكلم ولا افتح عيوني علي باله مغمي علي انا اسمع بس ماقدر ارد عليهم سوا لي علي طول مقطعيه عالراس سليمه !!!!!!!


احترت وين اروح وبنفس الوقت ماطري علي الدال انه يسوي جذي رحت لمخ واعصاب ماسوي لي شي فحصج سليم بيباي
رحت لكتور كمال الشومر حيل امدحوه لي بريفسور باطني وغدد سمع قصتي كلها انسان محترم فحصه دقيق قال بالفحص غدتج سليمه وابي افحص جار الغده والدال والمغنيسيوم طلب تخطيط عالراس
النتيجه ((التخطيط سليم الدال ناقص مارتفع من الابر والعلاج اللي قبل ولاشي والمغنيسيوم سليم والغده الجار مرتفعه لان الدال ناقص واهي متصله وياه اذا نزل ارتفعت
عطاني ضروري ابره من عنده من امريكا اجرب وحده مومصريه نفس اللي اخذتها واللي منتشره بالمستوصفات والخاص
عطاني (حبوب ألفا 2000 مل غرام ))اخذ حبتين كل يوم مره
قال اللي واضح ان الدال لاعب فيج لعب ومن زمان فيج ولاتستهيني فيه قلت له يسمن قال اي وزنج يزيد منه قلت التساقط قال اي اكيدددد انا شوي واقرع متضاقه حيل من شعري يطيح
والحمدالله احس احسن من قبل اسبوعين يارب لك الحمد باستمر علي العلاج وقال لي اطلعي بالشمس قد ماتقدرين واراجع الدكتور بعد شهر ونص باذن الله وماتشوفون شر

 

[:: عائشه بقلبي ::]

شلونكم بنات

 

[aseman]

مرحباااا الساااع اشتقنالكم يا حلواااات احوالكم

 

[aseman]

نون نون سويتو حق عيالكم نون الي سوت خلا تفيدنا

 

[om 7amoodi]

انا ناوية على اول ضرس انشالله انترست الحصالة ولما الحين ما سنن هالشايب :krkrkr:

 

[ملح الدنيا فيني]

بنات احس بموت من الحزن والبكى
انواع الاكشن مع ريلي
ادعولى يلبي طلبي
والله حق من حقوقي




احس بموت من الضيقه والله لولا الخوف من الله انتحرت

 

[aseman]

ام حمودي يطلعون جريييب وتستانسين فيهم
ملح حبوبه الله يسلج ويسر لج

 

[beauty rose]

ملح الدنيا الله ييسر لج زووجج و يلبييلج طلبج ان شاء الله

 

[beauty rose]

البنات اللي يدورون كريم عشان يروح اثر القيصرية في كريم و لصقة وصفلياهم دكتور عمرو عصام بالسلام تشيل الندوب و آثار العمليات و تخفيها
تلزقينها عالجرح و تخلينها طول اليوم و عادي لي بغيتي تغسلينها و تردين تحطينها مرة ثانية
بس مادري شنو كان اسمها دورتها بكذا صيدلية ما حصلتها بس قالولي موجودة و ما شريتها
و قطيت الوصفة للأسف هالحجي من 4 شهور

 

[:: عائشه بقلبي ::]

ممكن اسم الكريم ؟؟


ملوحه الله يهدى ريلج ويلبي طلبك


كوين لج وحشه وينك


ملوكه الف سلامه يا روحي