** تجمع الي مسوين جراحة الفك**

[الوفاا...]

اسراء البنج مرات أحسه يزيد في ويهي و يثقل وااايد. شو. تسون في هالحالة

 

[Esraa.a]

بنات اللي سويتو العملية

كيف كانت طريقة شربكم في اول وثاني اسبوع

شفط من الملعقة و ﻻكيف

وتنظيف الخشم كيف ؟ من الدم

و كان يطلع منكم دم وقت المضمضمة؟

كيف تنامون ؟ وضعية الجلؤس؟


كيف تفريش الاسنان ؟بالمعجون. و نفرش كل مكان وﻻ بس على الضروس ؟

أول شي مبروووووووك انتهاء العمليه والحمدلله على سلامتج

بس إذا ما عليج أمر أبي تاريخ العمليه وعند منو سويتيها علشان أضيف إسمج معانا بالقائمة الحديديه




ما أخفي عليج الفتره الأولى من العمليه صعبه ومتعبه جداااااااا .. يبيلها صبر

طريقة الشرب والأكل أول أسبوعين بالنسبة لي كانت عن طربق الإبر .. مو ضروري الدكتور يقولج
انتي اشتري الإبر من الصيدليه أو اخذيهم من المستشفى لأنه ما تلقينهم بكل الصيدليات
عادة الحجم المتوفر بالصيدليات هو الحجم الصغير 5 أو 10 ميللي
حق الأكل والشرب نحتاج حجم أكبر >> مثل ما قلتلج تلقينهم بالمستشفيات الحكوميه ( إذا تعرفين أحد هناك يجيبلج) أو بالصيدليات الكبرى أو بالأصح متوفره بالصيدليات اللي تكون بالمستشفيات الخاصة ,, لأنه المستشفى يحتاج هالحجم من الإبر

أهم شي تاكلين ويدخل أكل ببطنج سواء عصاير أو شوربات أو أكل مهروس


واخذي حليب آنشور لأنه وايد مفيد فيه قيمة غذائيه عاليه ويعتبر بديل للوجبات الغذائية




طريقة تنظيف الخشم من بقايا الدم كانت بالنسبه لي عن طريق الدوش
أثناء الإستحمام وباستخدام الماء الدافي قدر أنظف خشمي

الله لااااااااا يراويج البلاوي وكتل الدم المتحجره اللي طلعت >> شي مؤررررررررررررف للغاااااايه :cxxxp:

وكان بطلع دم أيضا أثناء المضمضه >> هذا شي طبيعي




طريقة النوم والجلوس >> عاااادي جلوس طبيعي بس أغلب الوقت كنت أنسدح عالفراس

النوم كان صعب .. ما أرتاح بالنومه ( النوم مقطع كل شوي أفز) >> للأسف كنت أنام وفمي مفتوح لسبب صعولة التنفس من الأنف وكنت أشاخر بعد لأنه الأنف مسدووود من الدم
وعلى طووووول كنت أفرش على المخده فوطه وعلبة الكلينكس ما تفارقني لأنه ما أقدر أتحكم باللعاب وأحيانا يكون ممزوج بالدم >> يتلفني .. وايد مزعج


بالنسبة للتفريش أول الأيام ما راح تقدرين تنظفين إلا الأسنان الأماميه .. أصلا ما تقدرين تقربين صوب اللثه >> وارمه حيل وصلبه
طبعا باستخدام فرشة أطفال أصغر حجم وتكون شعيراتها ناعمة

ولا تستغنين عن المضمضه بالغسول علشان يقتل الجراثيم والبكتيريا داخل فمج


راح تواجهين صعوبه بالمضمضه


أنا كنت أحط الغسول بفمي باستخدام ابره صغيره و أرفع راسي فوق وأحاول أتمضمض شوي شوي علشان أحتفظ بالغسول بفمي أطول فتره ممكنه .. إذا راسج كان نازل الغسول راح ينزل بالمغسلة >> فمج وشفايفج كلها مخدره ما تحسين فيها
فاولريدي ما راح تقدرين تتحكين

 

[Esraa.a]

السلام عليكم

شحالكن بناااااااااااااااااااااااات

أنا كنت مركبه تقويم ووسعلي فكي العلوي عشان أعدل ضروسي وقالي لازم عمليه قلتله ما أفكر والمشكله رجعن يختربن ضروسي وتغير شكلي شوي للافضل وخف البروز شوي بس مشكلتي مع اسناني وفكي السفلي عريض ومب متطابقين الفكين بسبب عرض فكي السفلي
وويهي امبين طويل ومافيه خدود وتحت عيني نازل شكلي مريضه وكل اللي يشوفني يعطوني أكبر من عمري

مع ذلك الكل حاب البروز إلا انا امبينه كبيره وويهي طويل أخاف اسوي العمليه واطلع مب حلوه واتحسف

*في هالحاله العمليه تكون في الفكين ولا فك واحد اللي هو السفلي؟
* لو سويت العمليه ويهي بيصغر يعني شكلي بيبين أصغر وهل بيتغير شي ف عيني أو خشمي ؟
*التقويم الجراحي هل يبرز الفك السفلي أكثر؟
*وأي دكتور تنصحوني ميشيل ولا توماس؟

وبارك الله فيكم خواتي والله ايسر اموركن

انتي مالج شغل بالناس >> أهم شي ثقتج بنفسج

إذا شكل فكج مو عاجبج وحاسه بالنقص وما عندج ثقه بنفسج سوي العمليه .. بس إذا حاله شكلج مو ضروري العمليه

حتى لو فكج مشوه وفيه عيوب الدنيا بس انتي حابته ومتعايشه معاه وعندج ثقه بنفسج أنا ما أنصح بالعمليه
وإذا فكج فيه عيب بسيط وانتي متعقده نفسيا ومنتي قادره تتعايشين معاه أنا أنصح بالعمليه وبششششششششده

يعني الموضوع نفسي بالدرجة الأولى وأكثر مما هو عضوي



عمليتج فك أو فكين >> هذا الدكتور يحدده بعد ما يرسملج خطة علاج خاصه بحالتج


شكل العين عادة ما يتغير بس الخشم في حال إذا بتسوين فكج العلوي للأسف في مجال كبير إنه يتغير ,, حتى لو تغيير بسيط غير ملحوظ



وان شاء الله بنات الإمارات بفيدونج بالدكتور المناسب

 

[Esraa.a]

الحمدالله رضى يكتب عربي

أهلا صبايا أخباركم

وأخبار ألي امسوين العملية

انا اليوم كملت 28 يوم من العملية،

من يومين كانت اول نص ابتسامة ليا ،،،،،،،

كنت ما اقدر بسبب الخياطة

وصرت اقدر افتح شفايفي مقدار صبعين وشوي

وخف الورم من منطقة الشارب بنسبة متقدمة ، يعني الي ما يركز فيني ما يعرف اني مسوية عملية

العيون ما زالت مجفنة من تحت وشكلها ذبلان اكثرواصغر ( الصراحة خاااااااايفة عيني ما ترد نفس قبل، اول عيوني خناجر ما شاء الله ، الي يشوف عيوني يتخيلني ملكة جمال، والصراحة لو شاف وجهي بينصدم ،

تووووووو النااااااااااااااااااااااس


ما تقدرين تحكمين عالنتيجه النهائيه إلا بعد 6 أشهر - سنه على ما كل شي يرجع لوضعه الطبيعي


أنا عيني ما ردت طبيعيه إلا بعد شهرين أو أكثر >> شكل العين يتغير من الورم والانتفاخ اللي يصير من الخد ويصعد لي منطقة أسفل العين
الوجه كله وارم فشي طبيعي منطقة ما حول العين تكون وارمه مما يغير شكل العين نوعا ما


باختصار المسأله تحتاج وقت ,,

وكل وحده حالتها تختلف عن الثانيه وطبيعه بشرتها تختلف عن الثانيه .. فحتى المده الزمنيه اللي يفش فيها الوجه من الورم تختلف من وحده للثانيه

 

[Esraa.a]

بنات سؤال خطر ببالي
اشكالكم تغيرت؟؟؟

يعني كثير يقولون فيه ناس ماعرفونا بعد العمليه

معقوله لهذي الدرجه؟؟والله خفت

أنا عن نفسي ما أشوف كثير تغيرت >> يعني تقريبا نسبة التغيير من وجهة نظري أحددها ب 40%


بس كل اللي يشوفني يقول متغييييييييييره


لدرحة وحده من صديقاتي لما شافتني ما سلمت علي >> مو عارفتني
تقولي متغيره كثير والله ما عرفتج



اللي مغيرني أكثر شي الذقن .. لأنه رسمة وجهي تغيرت .. وجهي تحدد أكثر من بعد ما كان ذقني متراجع

 

[Esraa.a]

مساءكم ورد و فل و ياسميييييييييين

مشتاقتلكم وااايد .. اللي سووا العملية حمدلله على سلامتكم و الله يتمم عليكم ياااارب
و اللي ما سووها ربي يسهل عليكم

انا و اخيرا شلت ضرس العقل . الحمدلله كلش كلش ماتأذيت لو ادري شايلته منذو مبطي لوووووووول
بس واحد و الثاني اثناء العملية لانه حيل عميق

و على اخر 5 برد احط التقويم .. و مادري شهرين 3 مادري و الله بس ان شاء الله مااطول لان في وايتينق لست ..
و اسويها باذن الله بس احتمال كبيرالخطة تختلف

اسراء مس يووو
واتس ابي خربان :/ باجر بشوف له حل واكلمج :*

وانا بعد مس يوووو حبيبتي .. يلا شوفيلج حل بسرعه



ومبروووووووك بداية من المشوار جراحة الفك من يديد ,, قصدي العوده للمشوار من بعد انقطاع دام عدة أشهر لظروف العرس والزواج :eh_s(3):




الله يسهل أمورج ويكتب لج اللي فيه الخير يااااااااااارب :yaaaaaarb:

 

[Esraa.a]

أعتذر إذا فاتني سؤال من غير قصد لأني مريت عالصفحات مرور الكرام


اللي عندها أي سؤال أو استفسار أنا موجوده :eh_s(17):

 

[Esraa.a]

اسراء البنج مرات أحسه يزيد في ويهي و يثقل وااايد. شو. تسون في هالحالة

قصدج التنميل ( الخدار ) ؟؟


حطي كمادات دافيه هالفتره


فيه بالصيدليات كمادات تشتغل بالكهربا وفيها نظام سيفتي تفصل إذا وصلت لدرجة حراره معينه .. عندي أنظف من الماي
و الماي بعد مشكلته بسرعه يبرد .. ما يمديج تحطينه على ويهج إلا برد

 

[الوفاا...]

تسلمين اسراء.

ريحتيني والله

 

[اخت الامل]

انا اعرف أخبارها




برنسس مو عاجبتها نتيجة عمليتها فقاعده تبحث عن دكتور يصلح عمليتها




هي الشكل الخارجي مافيها شي .. النتيجه حلوه
بس المشكله لما تضحك القمي سمايل مازالت موجوده .. الدكتور مو قاص اللثه او رافع الفك بالشكل الكافي >> المفروض يقص ويرفع الفك أكثر شووي علشان القمي سمايل تختفي وقت :eh_s(16):الضحك او الابتسامه


طبعا الدكتور برر الموقف بوجود كراون ( تلبيسات) بالاسنان الأماميه وهالشي بناء على كلامه سبب له عائق وخلاه يرفع الفك لحد معين وما يتجاوز

برنسس نفس مشكلتي انا كمان مارفع لي الفك عشان كذا لسة باقية القمي سمايل

دكاترة مايخافون ربهم حسبي الله عليهم

ودي ارجع اعيد العملية بس والله خايفة مررررة مدري ايش اسوي:eh_s(16):

 

[المهـآ ~]

اسراء انصحيني تكفين
الحين عندي تراجع بالفك السفلي، وبديت بمواعيد الفينيرز بس مابديت فعليا باقي
وعندي ضرسين عقل تحت لازم ينشالون واحس لو شلتهم بترجع اسناني وبيتغير الشكل أكثر لأنهم مو مزحومين اساسا
وبعد عندي زراعة اسنان وبديت فيه خلاص بس باقي يركبون السن بس لازم يركبونه مع الفينيرز
ابدأ بشنو الحين اروح لدكتور الجراحة ولا اشيل ضروس العقل ولا ابدا فينيرز افتر مخي

 

[الوفاا...]

لا حوووووووول هااللي كنت خايفة منه أمس و أفكر فيه أن الدكتور مايكون قاص لي الي يكفي

صدق صدق بقص فكه كله لو جي سووا فيني.



أهىء فيني صيحة

أخت الأمل. الحين بتعيدين العملية؟
الله ييسر لج إلي فيه الخير

 

[الوفاا...]

الحين بنات كثفو و جمعو خبراتكم و حلو مشكلتي

يا نااااااااس ما أشبع ع كثر ماشرب. بعدني يوعانة


وبيني وبينكم أنا ماشرب بالإبرة ماجربت أحس أني كارهة هاالطريقة
اشرب بالملعقة أو على طول من الغلبة بس شوي شوي

 

[فطاامي..]

بارك الله فيج الغاليه والله يوفقج ياربي :yaaaaaarb:


*تنصحيني اركب تقويم ف المفرق؟
*لو سويت العمليه هل ويهي بيكون أقصر لان البروزالسفلي أحسه مطولنه.. يغير في شكل العين او الخشم؟
* التقويم الجراحي هل يبرز الفك السفلي أكثر؟
* بعد العمليه كان في عوار ؟

هلا حبيبتي المفرق زين عند دكتور ماثيو بس يبالج صبر لان مواعيده بعيده زحمه عنده اذا انتي فبوظبي بعد يمدحون مركز اسنان مدينة زايد واكيد ويهج بيقصر ومستحيل يتغير شكل العين يمكن اول الايام مع الورم انا التقويم برز لي الفك السفلي زياده قبل العمليه بس ماشوهني بسيط جدا وبالنسبه للخشم كلها مسالة وقت وماتوصل لدرجة التشويه طبعا في حالة اذا الفك العلوي سويتي له عمليه بس لوسفلي لا مايخصه خير شر وبالنسبه للعوار لاباس فيه بس تقدرين تتحملينه عادي مش نفس ماتتخيلين

 

[فطاامي..]

عفوا اختي بس ليش ماتنصحين احد يسيرله ؟ انا عمليتي باذن الله بتكون معاه ،، ياريت اذا شفتي عليه شي تخبريني و ادارك الموضوع قبل العمليه ،،

لا ياحياتي لاتخافين شغله حلو وماسمعت حد اشتكى منه وانا سالت عنه دكاتره وايد وكلهم مدحوه بس انا متضاااااااااااااااااااااااااايقه منه لان تعامله معي خايس عقب ماسويت عمليتي برا الامارات رجعت اباه يشيك على عمليتي ماسوا لي سالفه عكس قبل ع اساس انه بيسويها لي كان يرحب فيني ويرمس بعد والحين اضطريت اسير جراح الفك فالمفرق اشيك عنده وماقصر سوالي اشاعات وقياسات وكل شي ع سب جي كرهت ميشيل :rgewrg: بصفه عامه الدكاتره همهم الفلوس وبس شافني مامن وراي فايده مابيسوي لي عمليه قام طنشني توكلي على الله ولاتخافين

 

[Esraa.a]

اسراء انصحيني تكفين
الحين عندي تراجع بالفك السفلي، وبديت بمواعيد الفينيرز بس مابديت فعليا باقي
وعندي ضرسين عقل تحت لازم ينشالون واحس لو شلتهم بترجع اسناني وبيتغير الشكل أكثر لأنهم مو مزحومين اساسا
وبعد عندي زراعة اسنان وبديت فيه خلاص بس باقي يركبون السن بس لازم يركبونه مع الفينيرز
ابدأ بشنو الحين اروح لدكتور الجراحة ولا اشيل ضروس العقل ولا ابدا فينيرز افتر مخي

إذا مسويه فينير ما ينفع تركبين تقويم .. وبعض الدكاتره ما يرضون يسوولج العمليه من غير تقويم

نسبة كبيره من نجاح العملية مرتبطه بالتقويم
أصلا حتى لو يصير تركبين التقويم .. حرااااااااااام انتي قاطه مبلغ وقدره عالفينير >> كله راح يخترب بعد الجراحه

عادة اللي يسوون فينير يغسلون ايدهم من الجراحه .. والمشكله انتي بعد عندج زراعة سن


يعني حالتج صعبه للجراحة .. مو أي دكتور راح يعرف لج ويرضى يسويلج جراحة

مش لأنه وضعية الفك عندج صعبه ومعقده .. لأ >> لأنه الفينير وزراعة السن يشكلون عائق كبير للجراح أثناء الجراحة

الضرس المزروع مستحييييييل يتحرك



انتي راجعتي الجراح ؟؟؟؟؟ و شنو قال لج بالضبط ؟؟؟؟


عفيه عليه والله شاطر إذا رضى يسويلج العمليه مع الفينير والضرس المزروع :ggdw:




اذا ليلحين ما سويتي زراعه وما ركبتي الفينير .. روحي بسرعه راجعي الجراح قبل لا تركبين وتزرعين
ممكن يلقالج خطة علاج تناسبج

وديري بالج لاااااا تشيلين ضروس العقل إلا إذا الدكتور عطاج الأوكي للعمليه

 

[Esraa.a]

تسلمين اسراء.

ريحتيني والله

الله يسلمج حبيبتي
بس ما قلتيلي وين سويتي عمليتج وعند منو ومتى علشان أضيف اسمج بالقائمة الحديدية معانا

 

[رمز123]

بنات انا قررت اعيد عمليتي الي ماغيرت 10 % من المشاكل
طبعا سويتها عند عبدالله العتل وهو قال لي اني احتاج تدخل جراحي ثاني !!
مدري ليه ماسواها بالاولى

المهم شرايكم اعيدها عنده او اروح للدكتور عثمان الطويرقي ؟

 

[Esraa.a]

الحين بنات كثفو و جمعو خبراتكم و حلو مشكلتي

يا نااااااااس ما أشبع ع كثر ماشرب. بعدني يوعانة


وبيني وبينكم أنا ماشرب بالإبرة ماجربت أحس أني كارهة هاالطريقة
اشرب بالملعقة أو على طول من الغلبة بس شوي شوي

اذا قادرة تشربين بالملعقة اوووكي مو مشكله >> الابره مجرد وسيلة مساعده للي ما يقدرون


الجوع ماله حل بصراحه أول الأيام >> الاكل صعب

احنا سوائل وبالغصصصب نقدر نشرب فمابالج الأكل

انا بصراحه كنت أبدع بالأكل .. استغفر الله ياربي صج شكله خايس بس بصراحه أهم شي عندي النكهة هههههههههههه
يعني مثلا كنت أطحن الكورن فليكس أخليه بودر وأخلط معاه الحليب وأشربه
أو أطحن بسكوت مع الحليب

حاولي تشربين شوربات ثقيله مثل شوربة القرع وشوربة العدس >> تشبع نوعا ما
أنا كنت أقلي الخبز بعد ما أقصه صغييييير أو أطحنه بعد القلي وأحطه مع الشوربه أخليه يذرب فيها >> والله كنت أشبع

واااااااااايد بدعت وبربست بالأكل .. ما أذكر بعد شنو سويت بس على ما أعتقد كنت أكتب يومياتي أول بأول هني

وشربي العصاير الثقيله مثل حليب بالموز (وحطي معاه ملعقتين أو ثلاث من حليب أنشور علشان القيمة الغذائيه) أو عصير الأفوكادو جداااا مفيد ... إلخ

 

[Esraa.a]

بنات انا قررت اعيد عمليتي الي ماغيرت 10 % من المشاكل
طبعا سويتها عند عبدالله العتل وهو قال لي اني احتاج تدخل جراحي ثاني !!
مدري ليه ماسواها بالاولى

المهم شرايكم اعيدها عنده او اروح للدكتور عثمان الطويرقي ؟

أهلااااا وسهلااااا
رمز كيف حاااااااااااااااالج

الشمس من وين طالعه اليوم !!!
انتي قديمه جداااااااا :dddds:


بس والله ضيقتي خلقي .. أخبارج ما تسر :0bee2e8d89:



ليش بتعيدينها عسى ما شر .. شنو الخطأ اللي ارتكبه الدكتور ؟؟

ولما راجعتيه وقلتيله النتيجه مو عاجبتني .. شنو رايه بالموضوع ؟؟