(¯`•.¸(¯`'•.¸حلمي اصبح حقيقه ¸.•'´¯).•'´¯)

[$كشوخه$]

^ لآآآآ تآآكلين وجببة هي أسآآآس الخرآآب تحمممممللي

 

[$كشوخه$]

أممم أنا في الفترة اللي سويت فيها ريجيم معآآكم كانت علي الدوره :$ فا ما أتوقع نزلت نزول قووي بس إن شاء الله بقيس بآآجر لأن بآآجر أكمل إسبووع

المهم اليوم قمت متأأخر وكليت توست أسمر 1 مع حبة مارتديلآآآ

وبعدها بسآآعه كليت الشوفآن اللي مع مآي حآآر أول مرره أجرربه لا بأأس فييه . .

ومو جوعآآنه ألححين بس أفكررر أتغدى الغدآ المتأأخر طبعا . . سلطة سآب ووي نفس آخررر مررره

 

[$كشوخه$]

ولأأن أوول مره أجرب الشوفآن بحثت عنه ألحين وقريت عن فوآآيده وتفضلوووا :eh_s(7):

الشوفان قوام جذاب وصحة أكثر أماناً


لأن قوام المرأة ومظهرها الخارجي هو سر جاذبيتها وإطلالتها المتألقة والمميزة ، نجدها تبحث دائماً عن أساليب مختلفة لتحافظ بها على هذا القوام الممشوق .
لذا إذا كنتِ عزيزتي ممن يعانين من الوزن الزائد وتبحثين عن حميات سهلة أو حلول بسيطة للقضاء على الكيلوجرامات الزائدة في جسمك ، تابعي معنا السطور التالية
ينصحك خبراء التغذية كثيراً بتناول الشوفان وذلك لقيمته الغذائية العالية للجسم وللصحة ، ولكن تغفل الكثيرات هذه الفوائد ، لذا نقدم لكِ القيمة الغذائية المحتوي عليها الشوفان:
يخفض الشوفان نسبة الكولسترول في الدم, مما يخفف من مخاطر أمراض القلب والشرايين حيث أن 3 جرام من هذه الألياف يومياً (أي ما يحتويه كوب واحد من الشوفان) تعمل على خفض معدل الكولسترول في الدم ، كما ينظم عملية الهضم في الجسم ويخفف من المشاكل المعوية والإمساك ، ويساعد في المحافظة على الوزن الصحي إذ يعطي الشعور بالشبع
وقد توصل باحثون أمريكيون إلى أن تناول الشوفان "القمح" فى طعام الإفطار يقلل من الشهية للغذاء ويساعد على تخفيف الوزن أو السيطرة عليه.
ويوضح الباحثون في مركز بحوث نيويورك للبدانة التابع لمستشفى سان لوكيس روزفلت أن الألياف الموجودة في الشوفان تبطئ معدل تفريغ المعدة من الطعام فتجعل الشخص يشعر وكأن معدته ما زالت ممتلئة لفترة زمنية أطول.
فوائده لا تحصي
ولا تقتصر فوائد الشوفان على خفض الوزن فقط فهو واحد من أفضل المصادر التى يمكن الحصول من خلالها على مادة (Inositol) الهامة للمحافظة على معدلات الكولسترول الطبيعية بالدم .
ويشير خبراء التغذية إلى الفوائد العديدة الذي يقدمها الشوفان لصحة الإنسان ومنها :
- شراء الشوفان وتناوله عندما يكون الإنسان مصاب بالحزن أو الإحباط ، لأنه مضاد طبيعي للاكتئاب ويعطى إحساس بالهدوء ، كما أنه يعالج حالات الاضطرابات العصبية.
- تناول طحين الشوفان غير المعالج بشكل منتظم يقلل من الضغوط ، بينما الشوفان المطهى يعالج الإرهاق.
- نتيجة لاحتواء الشوفان على نسب عالية من الألياف ، فإن من خواصه الإيجابية حماية الشخص من الإصابة بسرطان الأمعاء.
وصفات خاصة بالريجيم
ويشير الخبراء إلى أنه يمكنك تناول الشوفان كوجبة خفيفة وسط النهار أو وجبة إفطار أو عشاء لأنه لا يحمل الطبق الواحد منه سوى 4 جرام من الدهون ، و 204 سعر حراري و 7 جرام من البروتين

من بعد هالكلآآم اللي فوق ^ قررت أترريق شوفآآن مع تفآح أو فرآولة عشان تكون وجبة متكآآمله . . وأنا الشوفآن اللي عندي فيه 187 سعره حرارية يعني أقل من اللي هم كاتبينه وفعلاً يحسسج بالشببع وهذا اللي قاعده أحسه ألحيين

وفعلا حلوو تغيرين من نظامج الغذآئي وتآكلين شي مفيد وبنفس الوقت يسآعدج على النزول . . أنا مليت من الخبز الأسمرر كل يوم آآكله :// والحمدالله اليوم بس كليت توست واحد وماراح أكثررر لأأني هالإسبوع كليت توست أسمر أكثرر من كل مرره :/

وكل ما أفكرر بوجبة ثانية وتنفع للريجيم بقوللكم :eh_s(17):​

 

[تبولة حامضة]

أهلين اخواتي .. كيفكن :eh_s(8):

بدوية شلونج ؟ خلج صامدة .. ماعليج من الاكل .. بالعكس واصلي وبتشوفين النتايج الحلوة والجسم الرشيق .. بالله عليج لمتى نعاني من السمنة لمتى ؟

كشوخة حبيبتي شلونج ؟ والله صايرة مثقفة صحيا ها ؟ :eh_s(15):

أما عني سويت لي طبخة اعتبرها ملكية ..

تونة بالخضار ..
احط ملعقة طعام زيت .. واحط عليها بصل وثوم واخليهم يتشوحون .. بعدين احط خضار مجمدة ومشروم واخليهم يتشوحون مع البصل والثوم .. اذا استوو حطيت علبة تونة بالماي .. وفلفل اسود وملح وعصرة ليمونة .. واخليهم عراحتهم على النار الهادية .. آخر خطوة احط وياهم تابل او كزبرة طازجة مفرومة .. اقلبهم دقيقتين عالنار واحطهم في صحن التقديم ..

لذيذ هالطبق وااااااايد انصحكم تجربونه .. وبملعقة زيت وحدة فقط .. ومليان خضار ..


طبعا بكرة اذا شاء الله راح اصوم .. بالمرة راح اسوي تحليل سكر ..


اشوفكم بألف خير .. :eh_s(7)::eh_s(8):

 

[بدويه برستيج]

ثانكس كشوخه على المعلومات الحلوه


انا كلت وجبه مع بطاطس وبيبسي الله يستر شكلي ما بنزل ها الاسبوع وكله من تخبيصاتي

ماشالله عليج تبوله حامضه حلوه طريقه التونه بس ما حب اكلها جذيه بدون خبز


ماشكلتي ما قدر اصبر عن النشويات وانا اعرف انه ما فيهن فايده

 

[$كشوخه$]

^ لييش يا بدوية هالتخبييص لييش خربتي نظآآمج ألحيين :/ رووحي إمشي على الجهآآز نص سآعه على الأقل وإشربي جآآي أخضررر . . على الأقل ترقعيين الوجبة اللي كليتيها وتحرقين نصهآآ بالمشي

 

[بدويه برستيج]

مادري ما قدر امشي الحين بشرب شاي اخضر بس باجر بعوض برجيم ان شالله

 

[$كشوخه$]

تصدقون عآآد أحس إني ملييت من الريجيم ودي آكل بدون ما أحاسب على الأكل اللي آكله

تفكيري ألحين كل ما أشوف الوجبة . . أقول بيمتني ولا شلون ؟ وأمنع نفسي عن أشياء كثيرة أحبها :eh_s(2):

ألحين جعت وكان ودي آآكل صمونة برغرر أو أي شي تغيير بس منعت نفسي وكليت تفآآح :eh_s(4):

الله يصبررني على هالريجيم وإن شاء الله أقدرر أمسك نفسي ولا أخرربط :eh_s(16):

 

[بدويه برستيج]

كشوخه مسكي نفسج قد ما تقدرين بالاخر انتي اللي بتستانسين وانا احس انه ارادتي بدت تضعف واريد القا حل عن الاكل

 

[تبولة حامضة]

:ggdw:صباحكم عسل ..

شلونكم شخباركم كلكم ؟

بدوية بلييييييييييييييييز اترجااااااااااااج لا تضعفين .. اللي تمرين فيه حالة نفسية تبع الرجيم مريت فيه مرارا وتكرارا وراح أمر عليه بعد كذا مرة ..
أحيانا الواحد يحس بنكد وخلاص ما ابي الرجيم .. ابي اخرب .. النفسية متعكرة .. والمزاج مب اوكيه .
اعطيج الحل ..
ارضي نفسج بالوجبة وواصلي بقوة اليوم اللي عقب .. لأن كثرة الحرمان بعد تخلي الواحد ينهد على الاكل مرة وحدة ويلعن ابو اللي سوى الرجيم ..

جتني فترات جذي خلاص ما ودي اكمل .. شسوي ؟
مرة خذيت لي سنكرس .. شربت عصير بسكر العادي .. اكلت لي فطيرة جبن دسمة .. حسيت مزاجي راق شوي .. من بعدها واصلت ..

بدوية هالحالة راودتني وااااااايد من بديت من فبراير للحين ..
بس ما انهرت ..
والنتيجة :
17 كيلو وشي .. مع ارضاء النفس ..:yaaaaaarb:

الرجيم مو معناته نحرم حالنا ونحرم ونحرم ونحرم ..
لأ .. نوازن ..

هذا آنه راح اطلع يوم الاربعاء على عشا في مطعم وبوفيه بعد .. يعني كل الخيارات قدامي ..
لو وحدة غيري بتتعكر نفسيتها على ابو انها تسوي رجيم وما تبي وتعيش صراع ..
آنه حسمت الموضوع .. بما انّي أبي استانس بطلعة المطعم وآكل براحتي بدون اي تأنيب فمن السبت بادية صيام يوم وترك .. السبت صمت وفطرت مثل ما قلت لكم بس اناناس .. امس فطرت بس بدون نشويات .. والليل ماكو عشا .. اليوم صايمة .. بكرة ان شاء الله فاطرة بس باحاول قد ما اقدر اخلي اكلي لو فات حده واذا قدرت طول اليوم فواكه بيكون اوكيه .. يوم الاربعاء يوم الطلعة يوم الفري يوم العيد :ggdw:راح اكتفي بالسوائل من الصبح لليل .. واطلع معاهم .. وآخذ راحتي ..
طبعا اليوم اللي بعده راح يكون صيام .. ويمكن اواصل صيام اذا قدرت للسبت ..
بجذي طلعت واكلت براحتي ولا خربت اسبوعي .. واستانس بوقتي ..
كل شي يبي ليه ضريبة .. ولازم اقلل اكلي كل الاسبوع علشان استانس بالطلعة وما احس حالي محرومة ..
طبعا الطلعة عقبها كوفي شوب وسويت وكوفي وشغلات ..

بس من بديت الدايت على كثر ما انتظر يوم الطلعة مع ربعي .. اذا طلعت ما اقدر آكل واااااااايد خلاص المعدة تعودت .. فهذي نعمة بعد .. يعني حتى لو قلت باخبص الدنيا من الاكل ما اقدر .. لي حد خلاص مااقدر اتجاوزه ..

واصلوا حبايبي وثابروا بتوصلون للرشاقة ..

مب علشان الرشاقة بس .. علشان الصحة بعد ..

هذا آنه عمري 27 كلها ثلاث سنوات وداشة الثلاثين .. والثلاثين تبتدي الامراض عاد ضغط .. سكر .. مادري ايش ..

اللي حواليني اشوف ناس واااااااااايد ما اهتموا لصحتهم والحين اللي وصلت للخمسين والاربعين وصادها السكر .. اللي بتروا رجلها واللي فقدت النظر واللي تدهورت حالتها وصارت كأنها عجوز من الامراض ودوامها كله في المستشفيات .. وتو بس أمس سمعت عن وحدة من ذات الاوزان الثقيلة بعد حايشنها شي في الراس اهو ماي او ورم الله اعلم .. ويبون يسوونها عملية بس وزنها مسبب مشكلة ..

ليش نعرض حالنا لمواقف جذي ؟ نبي نستانس .. نبي نعيش بصحة .. نبي نربي عيالنا ونكبر معاهم بصحة وسلامة .. مب اذا كبرنا نحملهم عبئنا وتدهور صحتنا لا احنا نستانس ولا هم يستانسون ..:eh_s(2)::ioljnmlk:

ذكروا الله .. بدوية اخذي نفس عمييييييييييييييييييييق ..

وواصلي ..

عنّي .. مواصلة ان شاء الله .. :wqedqw:

 

[((shoOoshoOo))]

تبوله حامضه يعطيج العافيه
كلامج وايد مقنع

وبدووويه والله شكثر مريت بهالحاااااااااااااااله لدرجه اني عقب ما اخبص اوووح هم آكل جذي بس اعناد لووووووول

فـ تعوذي من ابليييييييس وبلشي من اول ويديد بريجيم مريح شوفي رجيمات طالب الشمري واااااااااايد عجيبه

 

[((shoOoshoOo))]

تصدقون عآآد أحس إني ملييت من الريجيم ودي آكل بدون ما أحاسب على الأكل اللي آكله

تفكيري ألحين كل ما أشوف الوجبة . . أقول بيمتني ولا شلون ؟ وأمنع نفسي عن أشياء كثيرة أحبها :eh_s(2):

ألحين جعت وكان ودي آآكل صمونة برغرر أو أي شي تغيير بس منعت نفسي وكليت تفآآح :eh_s(4):

الله يصبررني على هالريجيم وإن شاء الله أقدرر أمسك نفسي ولا أخرربط :eh_s(16):

لووووووووووووووووول نفس جملتي بالضبط :d

يابنات اللي تحس نفسهاااا ارادتها اضعفت اتررروح ترتب اي شي هالحل حيل فعال معاي:d

 

[بدويه برستيج]

شكرا تبوله حامضه كلامج جدا مقنع وحلو اسلوبج بالكلام

انا تريقت كورن فلكس دايت وحليب خالي الدسم الحين كلت بوب كورن وانشالله بشرب لي شاي اخضر وباكل فتوش على الغدا مع ربع خبزه مشويه

وانشالله اذا شيْ تجدد معاي بكتبه بس اليوم ما مشيت الصبح رحت اودي ولدي المستشفى مريض انشالله المغرب بمشي ساعه وبحاول اضغط على نفسي لين الخميس مع المشي انشالله بيكون فيه نزول

 

[بدويه برستيج]

حلمي اصبح حقيقه حلم لن يسعى لتحقيقه الا انا لازم تعب وتضحيه بالاكل بس بالمقابل فيه شي حلو جسم رائع وصحه جيده الله يصبرنا ونتحمل المغريات

 

[بدويه برستيج]

 

[بدويه برستيج]

هذي صوره من ريوقي بس اكتشفت انه الكورن فلكس مب مال الدايت صح بالنخاله بس فيه فواكه مجففه انا طلعت الكورن فلكس وما كلت من الفواكهه اللي فيه وانشالله ما يضر

 

[تبولة حامضة]

باحط لكم وصفات حق الدايت تقدرون تسوونها وتغيرون شوي ..

اول وصفة .. متبل الكوسة بدون طحينية ..

حبتين كوسة .. زبادي قليل الدسم او منزوع الدسم .. فص صغير ثوم مبشور .. فلفل اسود .. ملح .. نص ليمونة ..

نشوي الكوسة .. بعدين نهرسها مع فص الثوم والفلفل الاسود والملح والليمون .. نضيف الزبادي ونخلطه ..
تقدرين تضيفين سماق عالوجه او نعناع مقطع اوناشف ..

هاي الطبخة احبها واااااااايد وخفيفة وسهلة .. :eh_s(15):

الطبخة الثانية : تونة بالخضار :
علبة تونة محفوظة بالماء .. كوب خضار مشكلة مجمدة .. علبة صغيرة مشروم مقطع .. ثلاث فصوص ثوم مقطع شرائح .. بصلة مقطعة شرائح .. كزبرة .. فلفل اسود .. ملح .. عصير ليمونة .. ملعقة طعام واحدة زيت ..

نشوح البصل والثوم في الزيت ثم نضع الخضار ونتركهم يتسبكون على راحتهم .. نضيف التونة بعد تصفيتها ونقلبها مع الخضار والمشروم ونبهرها بالملح والفلفل الاسود والليمون .. نضع عليها الكزبرة ونتركها ع راحتها عالنار عشر دقائق او اقل .. وبالعافية ..
لذيذة هالطبخة ومشبعة بشكل ما تتصورونه ..

الطبخة الثالثة : بازلاء بالطماطم مع الزبادي ..
المقادير: علبة بسلة خضراء ( بازلاء حب ) .. ملعقة طعام صلصة طماطم كي دي دي او اي نوع .. فلفل اسود وملح وشوية بهار الدقوس .. ملعقة طعام زيت ..

حطي الزيت وعليه صلصة الطماطم .. خلي الصلصة تتقلى شوي .. بعدين حطي عليها علبة البازلاء الخضراء الحب .. وخليها تتقلى معاهم .. ضيفي لها الملح والفلفل الاسود والبهار .. واذا حبيتي تزيدين صلصلة الطماطم زيديها .. خليها عالنار تتسبك شوي .. وقدميها مع علبة روب ..
عني أحب اخلط بالملعقة شوية روب مع البازلاء .. طعمه روعة ..

بيتزا التوست الاسمر :

المقادير : توست اسمر شريحتين .. شريحتين جبن لايت .. ملعقتين صلصة بيتزا .. فلفل رومي مقطع .. مشروم .. زيتون ..

نمسح التوست بالصلصة .. نحط الجبن وعليه الخضار وعالفرن يتحمرون ...

ريوق خفيف وسهل ..


خبز الثوم :

شريحتين توست اسمر .. ملعقتين جبن كاسات سائل لايت .. فص ثوم صغير مبشور .. شوية بقدونس او اوريغانو ..
نخلط الجبن السائل بالثوم المبشور والاوريغانو والبقدونس ..
نمسح التوست ونحمر الوجه في الفرن ..

وألذ خبزثوم بدون زبدة..


اممم دجاج مشوي بالفرن ..

صدر دجاج .. الخلطة : عصير ليمونة .. ثوم مبشور .. كركم ..فلفل أسود .. فلفل حار .. دقوس .. تندوري .. ملح .. نعناع ناشف ..
خلطي الخلطة وشققي صدر الدجاج بالسكين وتبليها بالخلطة عدل ..
صفي معاها بروكلي .. جزر .. كوسة .. وتبليهم بالباقي من الخلطة ..
حطيها في بايركس وغطيها بقصدير ودخليها الفرن .. بعد ما تستوي .. حمريها وعليج بالعافية ..


سندويشات سهلة :

حبتين توست + شريحة جبن لايت + قطعةهمبرغر مشوي + خيار وخس وطماطم ..

حبتين توست + لبنة لايت + رشة زعتر ..

حبتين توست + بيضة مقلية بملعقة دهن وحدة + جبن لايت ..

حبتين توست + بيضة مسلوقة + جبن لايت + فلفل اسود + طماطم ..



وعوافي على قلوبكم .. :eh_s(15):

 

[((shoOoshoOo))]

مشكوووره تبوووله


بنات عندي صوص الصويا شلووون استخدمه

يعني عادي مباشرة احط على الاكل

 

[$كشوخه$]

مشكوورة تبولة حامضه على الوصفآآت

شوشووو : صوص الصويآ تقدرين تسوين في طريقة الدجآآج الصيني . . وفي نآس يتبلون الدجآآج فييه

يعني مثلآ تتبلين الدجاج بـ : خل , ليمون , صويآ صوص, البهآرات اللي عندج , ملح

 

[$كشوخه$]

بنآآت أنا اليوم قمت الصبح وقست وزني والنتيجه فرحتني وكآنت جدا مرضيه الحمدالله :$

كنت 63,7 كيلوو

ووو صرررررررررت

:ggdw::ggdw::ggdw::ggdw::ggdw:61,7

الحمدالله يآآرب بداية في الريجيم موفقه وإن شاء الله أنزل بعد زيآآآآدة لين ما أوصل للهدف :rerrerek:

أنا لو أطلع من الستين بكوون بخييير