السلام عليكم
خواتي استغرب على كثر الجرايم الي نقراها بالجرايد
بالمنتديات بالتويتر و الفيس بوك و الواتس اب
بكل وسائل الاعلام و حتى القصص الي تنعرض بالمسلسلات و البرامج
للحين البنت ضحيه !
شلون ؟
تكفين شلون ؟
نصايح امج و تربيتها
تجارب رفيجاتج او حتى الي سمعتيها
الدين و التربية الاسلامية
العادات و التقاليد
شلون للحين يغرر فيج ريال و اهو وايد عليه كلمة ريال
ذكر .. مجرم و سافل ..
قادر عليج و انتي الي الكل يحذر فيج و يعلمج و يربيج
و لو حتى لا تربيه و لا دين عالاقل الحكمه العقل التدبر !!
الدروس الي ياخذونها حتى اليهال للاسف من الاعلام ..
خفة عقل و لا استخفاف ؟
غباء و لا استغباء ؟
و لا الحب يعمي القلب و البصر و البصيره ؟!
شلون بعد كل هذا للحين البنت تعطي صورتها لواحد يبتزها بفلوس و لا بعرضها و اخر شي ينشر لحمها على الناس و لا يستغل هالصور و يروج لها ؟!
شلون بعد كل الحوادث الي تقرين عنها و جرايم الشرف للحين البنت تفرط بشرفها و تطلع وياه و تالي تتبجبج قص علي و خلاني ؟!
يا ماما كلمه وحده و رد غطاها
الريال الي يبيج يبي لج الخير و يخاف عليج صج
مو بالكلام
يقدر يقص عليج انا بشوفج بشقه ولا شاليه و لا سيارتي علشان الناس لا تتكلم عنج
لاني خايف عليج !!
اي خوف و اهو الخطر الي لازم تخافين منه؟
شغلي مخج شوي
والله يا بنات مو مثاليه و لا هو تفلسف بس الي يبيج
يتقدم لج و ياخذج على طول بدون لف و دوران !
يطق الباب
سهله!
نصيحه
مع اني راح استغرب لو فادتج و لكن كلام بجوفي و ودي تسمعينه
امانه برقبتي و ودي اوصلها
لو انج تكلمين و لا تبين تستمرين بعلاقاتج لاي سبب ممكن انتي تبررينها لنفسج
لا تثقين باي رجل
حتى لو كلفتج هالسالفه العلاقه كلها
بالطقاق الريال الي يروح بسبب خوفج على شرفج و لا سمعتج و سمعة اهلج
فرقاه عيد !
استغرب وحده تبجي تقول لي اهو نام معاي علشان يضمني له و ما اتزوج غيره و لا قال لي كلمت اهلي و لا الاسبوع الياي ملجتنا و جذب و خرابيط
و في الحقيقه تزوج غيرها و اهي للحين ببيت اهلها بعد 10 سنين من هالسالفه
و لا الغبيه الي تقول صوري و انا عاريه و بوضعيات علشان يشوف جسمي و اخته
علشان يتأكد انا مو مشوهه و لوني موحد و لا شعري طويل و لا بيحلم فيني !
و خلاها تسحب قروض مقابل هالافلام و الصور علشان لا تنفضح
و لا العجيب الي يقول علشان نخلي اهلنا امام الامر الواقع
من صجج ؟
في ريال يستاهل تنزلين راس ابوج و كرامته ؟
تدرين هالريال لو صاج بيقعد يذلج و يعايرج طول عمرج على هالتضحيه الغبيه الي سويتيها و يتهمج بشرفج
هذا غير الي يحط كاميرا تصورهم
و انتي تدرين ان لو كنتي تمشين بالشارع و بالغلط وقف يمج واحد شنو ممكن تكون ردة فعل اهلج !
وربي حرام
مو بس عليه ..
هالمجرم الله يوريه بالدنيا قبل الآخره و يخليه يندم على هالجريمه مهما استصغرها
و مهما كانت تافهه في عينه .. لدرجه انه ممكن يموت كمد و فضيحه و انتحار لانه بيلاقيها بنفسه و شرفه و عرضه
و في ذيج الدنيا .. ربج يحقق العداله و يحاسبه
لكن حرام عليج انتي ..
نفسج و اهلج و خواتج و سمعتج
سنوات عمرج و شبابج
حبي
مو تبين تحبين ؟
ما بذنج ماي ؟
خلاص انتبهي !
لا تصيرين غبيه لا صور و لا تفصخ و لا طلعات مشبوهه
يبين الي يبيج زواج و لا يبيج لعب و شهوه !
الله يبعدكم عن عيال الحرام
اتعظوا الله يخليكم من مصايب غيركم لا تكررون الغلط
ربج اكرمج بالعقل خلاص استخدميه !
و الله يستر علينا و عليكم يارب
خواتي استغرب على كثر الجرايم الي نقراها بالجرايد
بالمنتديات بالتويتر و الفيس بوك و الواتس اب
بكل وسائل الاعلام و حتى القصص الي تنعرض بالمسلسلات و البرامج
للحين البنت ضحيه !
شلون ؟
تكفين شلون ؟
نصايح امج و تربيتها
تجارب رفيجاتج او حتى الي سمعتيها
الدين و التربية الاسلامية
العادات و التقاليد
شلون للحين يغرر فيج ريال و اهو وايد عليه كلمة ريال
ذكر .. مجرم و سافل ..
قادر عليج و انتي الي الكل يحذر فيج و يعلمج و يربيج
و لو حتى لا تربيه و لا دين عالاقل الحكمه العقل التدبر !!
الدروس الي ياخذونها حتى اليهال للاسف من الاعلام ..
خفة عقل و لا استخفاف ؟
غباء و لا استغباء ؟
و لا الحب يعمي القلب و البصر و البصيره ؟!
شلون بعد كل هذا للحين البنت تعطي صورتها لواحد يبتزها بفلوس و لا بعرضها و اخر شي ينشر لحمها على الناس و لا يستغل هالصور و يروج لها ؟!
شلون بعد كل الحوادث الي تقرين عنها و جرايم الشرف للحين البنت تفرط بشرفها و تطلع وياه و تالي تتبجبج قص علي و خلاني ؟!
يا ماما كلمه وحده و رد غطاها
الريال الي يبيج يبي لج الخير و يخاف عليج صج
مو بالكلام
يقدر يقص عليج انا بشوفج بشقه ولا شاليه و لا سيارتي علشان الناس لا تتكلم عنج
لاني خايف عليج !!
اي خوف و اهو الخطر الي لازم تخافين منه؟
شغلي مخج شوي
والله يا بنات مو مثاليه و لا هو تفلسف بس الي يبيج
يتقدم لج و ياخذج على طول بدون لف و دوران !
يطق الباب
سهله!
نصيحه
مع اني راح استغرب لو فادتج و لكن كلام بجوفي و ودي تسمعينه
امانه برقبتي و ودي اوصلها
لو انج تكلمين و لا تبين تستمرين بعلاقاتج لاي سبب ممكن انتي تبررينها لنفسج
لا تثقين باي رجل
حتى لو كلفتج هالسالفه العلاقه كلها
بالطقاق الريال الي يروح بسبب خوفج على شرفج و لا سمعتج و سمعة اهلج
فرقاه عيد !
استغرب وحده تبجي تقول لي اهو نام معاي علشان يضمني له و ما اتزوج غيره و لا قال لي كلمت اهلي و لا الاسبوع الياي ملجتنا و جذب و خرابيط
و في الحقيقه تزوج غيرها و اهي للحين ببيت اهلها بعد 10 سنين من هالسالفه
و لا الغبيه الي تقول صوري و انا عاريه و بوضعيات علشان يشوف جسمي و اخته
علشان يتأكد انا مو مشوهه و لوني موحد و لا شعري طويل و لا بيحلم فيني !
و خلاها تسحب قروض مقابل هالافلام و الصور علشان لا تنفضح
و لا العجيب الي يقول علشان نخلي اهلنا امام الامر الواقع
من صجج ؟
في ريال يستاهل تنزلين راس ابوج و كرامته ؟
تدرين هالريال لو صاج بيقعد يذلج و يعايرج طول عمرج على هالتضحيه الغبيه الي سويتيها و يتهمج بشرفج
هذا غير الي يحط كاميرا تصورهم
و انتي تدرين ان لو كنتي تمشين بالشارع و بالغلط وقف يمج واحد شنو ممكن تكون ردة فعل اهلج !
وربي حرام
مو بس عليه ..
هالمجرم الله يوريه بالدنيا قبل الآخره و يخليه يندم على هالجريمه مهما استصغرها
و مهما كانت تافهه في عينه .. لدرجه انه ممكن يموت كمد و فضيحه و انتحار لانه بيلاقيها بنفسه و شرفه و عرضه
و في ذيج الدنيا .. ربج يحقق العداله و يحاسبه
لكن حرام عليج انتي ..
نفسج و اهلج و خواتج و سمعتج
سنوات عمرج و شبابج
حبي
مو تبين تحبين ؟
ما بذنج ماي ؟
خلاص انتبهي !
لا تصيرين غبيه لا صور و لا تفصخ و لا طلعات مشبوهه
يبين الي يبيج زواج و لا يبيج لعب و شهوه !
الله يبعدكم عن عيال الحرام
اتعظوا الله يخليكم من مصايب غيركم لا تكررون الغلط
ربج اكرمج بالعقل خلاص استخدميه !
و الله يستر علينا و عليكم يارب
