مشكلتي هي شكلي ............!!!!!

[((shoOoshoOo))]

والله اغلب رفيجاتي سمر
عشقي السمر

لوووول بيني وبينج بس لايسمع ريلي كان ودي يكون ريلي اسمر

 

[فرفرة]

قدساوية قمر
ما عليش حبيبتي حقك علي وبقول بالنكات
**(فـيـلا دانـتـيـل)**- مريم القلاف
حبوبات لا تقولون عبيد كلنا عبيد لله .....

 

[روح مووود]

اقووووووول احمدى ربك على العافيه هى اهم شئ فى الحياه

 

[frozntouch]

حبيبتي حمدي ربج علا الصحه والعافيه

وانتي بنفسج وذاتج قاعده تستكثرين على روحج الكشخه ف شلون تبين نظرت الناس لج ؟

هاذي القاعده لكل الناس سواء بيضه او سمره الناس طالعج علا نظرتج انتي لنفسج

بالعكس طلعي وستانسي وتمكيجي وكشخي انتي لله الحمد مو ناقصج شي و مو يعني وحده بيضه يعني ملكه جمال

بالعكس ياما شفنا بنات سمر وماشالله شزينهم بس عليج تعرفين شنو يناسبج من لبس وشنو مايناسبج كاي بنيه ثانيه

في شي يناسب البشره وتقاسيم الجسم ف هذا الشي بس يتعلق بالذوق

وصدقيني ياحبيبتي انتي بس خلج واثقه بنفسج ولا يهمج احد وياجبل لا يهزك ريح اهم شي الثقه الثقه الثقه طبعا باعتدال

 

[حديث الروح]

الفضل عزيزتي بين الناس بالتقوى فإن كنت على دين ان شاء الله وخلق فأنت تسوين ألف واحدة بيضاء .. ثم السمار محبب جدا عند معظم الناس
المهم ثقتك بنفسك وحمد الله على شكلك وعافيتك وصحتك .. والرضا بخلقتك التي فطرك الله عليها لأن عدم الرضا جحود بفضل الله تعالى علينا
ومانفع شكل بدون عافية او بدون حظ او بدون سعادة ... او .. او واقائمة تطول اسجدي لله واحمديه واشكريه واطلبي منه القناعة لك والرضا والجمال اخيرا ينبع من الداخل .. من القلب الطيب .. من الروح المتسامحة .. من النفس المعطاءة ..


كن جميلاً ... تر ى الوجود جميلا

 

[شذونه]

يويل قلبي شفييك انتي بلعكسسس السمر والبنات للي بشرتهم سمررررا يهبلووون نضااافه عطررر اخلااااااااااق

لا حبيبتي مو كل الناس كيذا يكرهون السمر
بس المجموعه الفااشله للي تحرجك وشايفه نفسهااا استغفرالله

وبعدين الرسول صلى الله عليه وسلم في مامعنى الحديث ان مافيه فرق بين بني لبشر الا بالتقوى وعباده الله

بس شنقول فيه ناس اهم شي عندها الطنازه والتكبرررر


وبلعكس احمدي ربك انتي بعااافيه وصحه وعقل

واطلعي والبسي واكششخي معي بنات بلكليييه سمر ايش عطور ايش ريحه واهتماام يهبلوووون

وكلنا نحببهم حتى جيرانا بعد وعادي عايشين معنا كنهم اهلناااا

وقرايبناا


وسعي خاطررك بس

وانسي المجموعه المتكبره الفاااشله فيه غيرهااا تقدركم وتحترمكم


واذا احد احرجك لا تسكتي قولي امرر ربي كيف نتطاول عليييه

 

[رجااوي]

لاتزعلين ولا شي صديقتي سمرا لكنها ققمممممممممممممه في الاخلاق وافضلها عن اي وحده بيضاء

قوي شخصيتك واللي يقول شي ردي عليه ب 10 << تقوي باسها هههههههههههههههههههه امزح

 

[كويتاوية 15]

حبيبتي انتي حييييييل مكبره الموضوع بالعكس في وايد بنات سمر حلووين وكشخه عمره الجمال ما كان للون محدد
اعرف وايد بنات سمر يهبلووون اهو على الشخص شلون يلبس ويكشخ شوفي الحين اجمل جميلات العالم سمر

شوفي هاذي Rihanna كل البنات البيض والسمر يقلدونها ويتمنون انهم يوصولن لجمالها

وهاذي تايرا

وهاذي beyonce

انتي اكشخي ورتبي نفسج راح تصيرين تهبلين وحطي حق نفسج مكياج يلوق لج
واذا بتسمعين كلام الناس ماراح تخلصين

 

[كويتاوية 15]

صدمتيني لمه قلتي في ناس عندهم عنصريه بين البيض والسمر هذول للحين عايشين ما انقرضو !!!!!!!

 

[بحرانيـه]

انتي سمرا ولا سودا مافهمت لج ؟ جوفي ممثلات الهنود شلون اشكالهم شباب ديرتج يدورونهم دوارة لووووووووووووووول

 

[مريم القلاف]

سوري مو قصدي والله طلعت الكلمه عفويه أكيد كلنا عبيد الله​

 

[عزة وكبرياء]

السواد مو عيب ولا هو معيار العيب هو سواد القلب وتربية الاولاد على التفرقة وهذا اسمر وهذا ولد الاجنية وهذا جذي و و وللأسف في نا س سخيفة لهلدرجة المهم حبيبتي لا يهمونج اللي يغمزون ويلمزون وطنشي ومثل ما قالو الاخوات كوني واثق الخطوة يمشي ملكا ما عليج من أحد ياحبي للسمر حتى اشكرة اقولها حق زوجي انا احب السمر احس فيهم جاذبية وملح مو طبيعي سبحان الله
حبيبتي لاتضايقين فديتج ماكو شي يستاهل والحمد لله على الصحة والعافية اهم شي:eh_s(7):​

 

[أحلى البشر]

ومنو قال البيضه حلوه بعض البياض مصاخه اهم شي توحيد اللون وبعدين لحظه فكري معاي
انتي عندج مبالغه بالموضوع صحباتج لو مايحبونج ماعزموج على عروسهم ومارافجوج بس انتي يمكن انسانه حساسه وتراكمت عندج جم كلمه سمعتيها بطفولتج لي درجة فقدتي الثقه في الناس وفي نفسج
كليتج لااااازم تخلصينها وتتخرجين لاتحطين نفسج في قوقعه الفشل المؤبد لاتسمحين للناس يدمرون حياتج بكلمه واهمه يعيشون بسعاده ويتوظفون وانتي على شنوو !
لايقلبي الا دراستج كملي وتوظفي هذا اهم من كل شي
والشغله الثانيه غيري افكارج عن نفسج طالعي السمرات الاجنبيات شلون ثقتهم بنفسهم ويطلعون اجمل الجميلات بثقتهم وجاذبيتهم وابتسامتهم

شوفي شلون فيهم جاذبيه وكاريزما مو موجوده حتى بالبيض والابتسامه تنور الويه ابتسامة الثقه بالنفس والرضى باللي ربي قسمه لنا والعنايه والاهتمام باللبس والمكياج الناعم راح يزيد ثقتج بنفسج يارب تكونين تأثرتي بردي لاني حيل تأثرت بمشكلتج

 

[Uou0Uo]

انا ماراح ارد على المشكله بس بارد على العبيد ومشتقاتها وكلمة السود
ياعالم متى نرتقي بافعالنا وكلامنا واسلوبنا الناس طلعو للقمر وللحين فيه ناس تفكيرها بالحظيظ لاتقولين كل الناس تصفهم بهالوصف كل واحد مسؤول عن نفسه وكل واحد يمثل نفسة كلنا عبيد لله الله خلقنا لعبادته الله خلقنا ونحنوا عبيده بس انتي تقولين انكم بدو خلاص ماعليكم شرهه يمكن من البادية ومو متعلمين

 

[nano]

البنت ماتنلام مو قصدي باللون قصدي بالفئة المنحطه اللي بمجتمعنا حتى البيضا ماخلوها بحالها بيقولون بيضا برصا وع والله الواحد ماله حل غير انه يعتبرهم ناس جهله وحسابهم عند ربي والجاهل ماينرد عليه وحبيبتي عيشي حياتك وانبسي تراك صغيره عيشي كل يوم لك وانبسطي والبسي وماعليك من احد يعني احيانا يحسسوني ان كل انسان بهالدنيا له دخل بشكله وشعره ولونه وطوله وذا عنده فلو س والا لا غني فقير كل هذا من ربي الانسان مجرد مخلوق ربي خلقه لعبادته ولا وابشركم العنصريه عندنا مابي اقول بالكويت بقول عندنا بالسعوديه مابي اعمم اقدر اقدرها 80 بالميه من الناس السعوديه عندهم عنصريه سواء قبليه او باللون والشكل حتى الشعر عنصريه هههههههههههههههههه وربي يظحكون الله يكبر مخخوخهم اوروبا حلو عنصريتهم وحنا ماحد حلها

 

[photoshopia]

اؤوكي حبيبتي
انتي تقولين ربي خلق هذي بيضه وانا سسمره ومدري شنو
ماسألتي نفسج
هل الله عز وجل ظالم !!؟
مسسسسسسسسسسستحيل يكؤون ظالم حبيبتي
شوفي ممثلات امريكيات سسمر ويطلعون بكل ثقه ..
لو انج صج بنت وعندج ثقه جان مانزلو معنوياتج هالبنات
تدرين
انا الحين بيضه بس كارهه بياضي وكل يوم احط دهن وقعد عن الشمس لين اسمر
وناويه اسوي تان بعد !!
الشكل مو كل شي حبيبتي
والعبد هو عبد ربه
مو عبد بالبشره !!
ايش هالتخلف والتفكير مال هالجيل !!؟

 

[photoshopia]

تبين اعططيج مثال !!؟
حليمه بيضه و جمال ودنيا !!
بالغرور والاخلاق الزفت احد فكر ياخذها
والحين الكل يكرهها
هذي ماتتسمى مشكله حبوبه !! كلش كلش
ماتتسمى مشكله
احمدي ربج ع الصحه والعافيه بس

 

[فتنه]

الله عطى السمر أجسام كل بنات العالم يحلموون فيهااا هو خصر هي خلفيه مرتكزه هي زنود مبروومه بصراحه انتم محظوظين فيها لانها بجيناتكم
و عن التكشخ و المكياج عندي رفيجتي فنانه بالمكياج دايم أتنح عليهااا عارفه لنفسها تحط كريمات اساس برونز من ماك و بوبي براون
سوي سيرج عن جميلات هيوليوود منها تايرا بانكس و بونسيه
تكشخي و طلعي الشي الحلو عندج و ما عليج من أحد بس اهم شي سوي تمليس لشعرج اختي سوته صار شعرها خيال و حطي كريم اساس برونز قريب من لون بشرتج هو اساس نجاح المكياج دام انج من قبيله معروفه غصب عن الكل يحترمجج

 

[جنى ولمى]

ادعي الله واكثري من هذه الدعوة اللهم صغرني في عيني وكبرني بأعين الناس وانتي محتاجه فقط ثقة بالنفس زياادة والله يحفضك وين ماكنتي أختي ...

 

[HaAaDoOol]

خلج واثقه من نفسج مالج شغل بكلام الناس
ابي اعرف يعني شنووو سمره واشفيهم السمر موو بشر مو حالهم حال البيض اصلا مافي فرق ابيض / اسود
وطلعي وكشخي واستانسي والي اتكلمج واتعيب عليج ردي عليها بعشر وصرخي عليها وخليها تتفشل
وصيري وااااثقه من نفسج وروحي الكليه لا تقطعين طلاعتج بسبب موضوع تافهه
وتعرفي على رفيجااات ويولفي معااهم وضحكي وخلي لجكلام الناس ورا ظهرج ولا تفكرين بهالموضوع نهاائيااا
والله انا اعرف وحده معاي بالمدرسه سممره لاكن قلبها ابيض ودمها خفيف واتوونس وكل المدرسه يحبونها ويتمنوون يصيرون رفيجاتها
واثقه من نفسها وعندها اسلووب اتخلي القوي يتفشل وماشاءالله عليها شاطره والابلات يحبونها والبنات يموتون فيها ودمها حيل خفيف
المهم ابيج اتصيرن نفسهااا وخلج واااثقه واذا بنت تجرآت وتكلمت طلعي ويهج الثااني ههههه وقطي عليها عشرر كلمات

ادري قرقرت وااايد بس سمعي الحجي