تـجمع عـمليآت الخـشوم (2)

[nono78]

صباح الخير امس سويت عمليتي عند حسام فوده العصر وانا بالمستشفى الحمدالله كل شي تمام مافي تورم بالوجه بس نشفان بالحلق ان شالله اليوم يشيلي الفتايل يارب وارتاح
وبعدين اكتبلكم كل شي عنه
سلام

 

[Dreamy G!rl]

القطوه تصدقين نفس الشعور
لوعوا جبدنا بدعاياتهم
شنو ترجين من ناس ما تخاف الله

 

[فريـــــده]

السلام عليكم وصبحكم الله بكل خير ..

شحالكم عساكم بخير..

المهم شفيكم اعوذ بالله متشائمين !!

دريمي كنتي اكثر وحده تعجبني روحها متفائله ومؤمنه ومايهونون الباقيين طبعاً

هذا كله وسوسة من ابليس يبي يشغلكم عن الهدف الاساسي اللي ربي خلقنا علشانه ويشغلنا بخشومنا واشكالنا والتفاهات الدنيويه ..

الثقه بالنفس يابنات اهم من كل شي ..
الناقص معها يكمل والكامل بدونها ينقص

انا بصراحه صابني هوس بشكل خشمي من قبل لا اسوي العمليه وكله لأن خشمي اساساً كان مشوه ومنحرف لجهة ومبين مع الجهتين مضايقني

الزبده سويت عمليه والحمدلله على كل حال ماتغير بشكل كبير بس الميلان تعدل وهذا اهم شي وارضوا بكتبة الله .. عسى ان تكرهوا شيء وهو خير لكم

شوفوا خشم هالبنت يشبه خشمي قبل العمليه من على جنب بس هي ماشاءالله الجنبين كلهم نفس الشكل
ويارب ماتسوي عمليه لأنه خشمها مميزها وطالعه فيه جميله

هذا اسمها بما اني مااعرف انزل صور
Maria Valverde


ويللا عاد سيبكم من التشائم وعيشوا حياتكم محد كامل
كلن فيه نقصه بس الشاطر اللي مايبين

 

[ana 3asal]

الموضوع انقلب لقمة التشائم شسالفة ؟؟؟؟؟؟؟؟

التجمع اللي طاف كان الكل معنوياته عالية حتى اللي سوو العملية مرتين ..

 

[ana 3asal]

فريدة خشم هالممثلة روعة ومتناسق مع ملامحها

الله يهنيج بخشمج حبيبتي

 

[ana 3asal]

بيلا ماقلتي لنا من دكتورج ؟؟؟

البنات يسألونج من اول ماشاركتي وانتي مطنشة ماتردين على هالسؤال ؟؟؟

نبي نعرف عرضي تجربتج معاه خلي البنات يستفيدون ويعرفونه،، عشان إذا طلع مب زين محد يروح له ويتوهق ...

 

[nono78]

بنات اشلونكم تعبت ناطره يشيل الفتايل ابي اتنفس بلاعيمي وارمه قالي فتايل صغار حدي خايفه من شيلتهم الله يستر

 

[cuteq8tya]

وييع بنات خشمي لا تشوفونه الصبح اكره اطالع روحي ياليت اتاكد اذا انتفاخ بس ولا شكله جذي اساسا

اذا انتفاخ ماعندي مشكله انطر بس اذا شكله جذي مصيبه

دكتوري قال لي راح ازور الكويت شهر 5 وامس اتصلت على عيادته بلبنان صدمتني السكرتيره تقول ماعنده مشوار على الكويت حاليا @@

افف انغثيت حدي


بنات على طاري روكاتين انا كنت ماخذتها من سنه وبشرتي صارت اوكي بس بعد العمليه بشرتي اعتفست وصارت تخرع

افكر اخذها مره ثانيه بس قريت هني من ماذكر منو ان مو زينه حق اللي توهم مسوين يقولون تاخر عمليه الريكفرينج

لان الخشم يحتاج دهون عشان يصير يلتأم ويتسنع شرايكم بنات ؟؟

 

[Dreamy G!rl]

فريدة ان شاالله بحاول اتفائل
مو محد حاس بشعوري انا ثاني عملية اسويها
و النتيجة مو شي
و انتي ادرى بتعب العملية النفسي و الجسدي و فوق هذا انا طالبة مو موظفة يعني الحين قطيت على خشمي
3500 و ناس تسويها برا الكويت ب 700 و 800 و تنجح العملية
ياخذون الفلوس على الدعايات و الاعلانات نصابين دكاترة الكويت درجة اولى
انا طالية خشم طبيعي مو طالبه خشم صبا الايرانية هذا لو طالبة جذي شبيهببون بخشمي

شفت صورة اللي قلتي عنها جميلة ما شاالله و خشمها متناسق على ويها ماشوف فيه اي عيوب

 

[Dreamy G!rl]

كيوت كويتيه شي طبيعي بشرتج تختر عقب العملية
انا كنت خايفة بالبداية و صار يطلعلي حبوب صغار بخشمي و ويهي
و بشرتي تقشرت و مرات تصير دهنية معني اغسلها بغسول و ارطبها
بس بعد شهر تعدل كل شي الحمدلله لا تحاتين و لا تستعيلين تاخذين الحبوب لان هالحبوب ضررها اكثر من نفعها
بس اول مرة اسمع ان الدهون تساعد على التئام الخشم سبحان الله
صحيحة المعلومة ؟!!

 

[Dreamy G!rl]

امي مسكينة عيزت تحاول فيني اتفائل و تقولي ادعي و انتي على يقين ان ربي راح يجمله
و اتشجع و ادعي و بعدين ترجع نفسيتي تتعب منه
و تعليقات اهلي تحبط

 

[falfola-falfola]

بنات محد رد علي ​

بسوي خشمي تجميل تجميييل بمنو تنصحووني عند اي دكتوووور بكل صدق ​

دكتور خالد الصبيح ولا الدكتور علي صفر

​

 

[nono78]

دريمي انت عند منو مسويه عمليتج
انا حسام فوده وسعره حده غالي ٢٥٠٠ بس قلت اقطهم عند دكتور شاطر عشان لا اتحسف بعدين
وللحين بتلمستشفي ناطرته يشيل الفتايل 

 

[ياحلمي لابد أوصلك]

بنات بنتي ظربتني على خشمي من فوق الجبيره قعدت ابجي واصيح خايفه مادري شنو صار فيه

 

[cuteq8tya]

دريمي ما تتخيلين شكثر بشرتي صايره زفت !!

حبووب وبقع وخطووط حمرا !!!

اشياء اول مره اشوفها انزين ليش شعلاقه العمليه بفهم ؟؟ ويهي كله مو دار مدار الخشم عشان اقول والله من اللزاق !!

لا من الخشم ولا من البشره استغفر الله الحمدالله على كل حال

وسالفه الدهن سمعتها بس مو متاكده منها الصراحه ! شكلي براجع جلديه وبشوف الدبره ببشرتي وبالمره اسال عن الدهون
والروكاتين والخشم

 

[cuteq8tya]

ام ساره راجعي دكتورج بس اذا حاطه جبس انشالله ماكو مشكله لان الجبس يعتبر حمايه

فلفوله يخافون البنات ينصحون باحد معين انتي شايفه تجارب البنات مع دكاترتهم اللي ترتاحين لتجربتها توكلي على الله

 

[Dreamy G!rl]

ام ساره تحسين بألم و نزيف ؟؟
اذا تحسين بهالاعراض راجعي الدكتور ضروري
الخشم الحين يكون طري و اي طقه تأثر بشكله حتى لو عليه جبيرة
لان الجبيرة تثبت الخشم و تلمه مو مجرد حماية بس

كيوت طبيعية هالاعراض صار فيني جذي بالبداية و ردت بشرتي الحمدلله

 

[nono78]

بنات اشفيه التجمع جنه هادي
لان انتو من زمان مسوين
انا اليوم لي ٢ يووووم وخشمي بالوووووونه وعيوني توها ورمت امس كانت طبيعيه

مادري اشلون بيصير خشمي اليديد يارب حلوووو واتقبله

 

[njoom]

انا سويت عند
الدكتور/ علي صفر
والحمدلله عاجبني شغله وايد
وخشمي شكله طبيعي

 

[القطوووه]

قووووووووووه بناااات ابشرك اليوم كانت مراجعتي وشلت الجبيره وشفت خشمي حلوو والله وطبيعي بس ماادري انا تري ماابي صغير ابي وسط بس حلو وقالي لمده ست شهور كل سبوع لخشمج شكل وقالي جم تعطيني من الميئه قلت له 91% ورد حط لي الجبيره لان قال في انتفخا لي اللحين انا بصراحه ماحب الخشم الصغير احب وسط وشغل الدكتور حلوو انا حبيته حسيته مرتب نفس ماراوني بالكومبيوتر صار خشمي وادعوووووولي يصير احسسسسسن ... واللي سألت عن احسن دكتور علي صفر شفت تجربه وحده وياه فاشله وانا عند خالد الصبيح لي اللحين بعد اشوف النتيجه واقولج ودريمي ياحلووه لاتيأسين تري توو بااقي لخشمج عشرين شكل لي ست شهور يبن الشكل الاخيرر