سوالف طلبات النت (( مكياج و أغراض تنظيم المكياج ))

[مراوي22]

كيف نكتب العنوان الصحيح علشان طلباتنا ما تضيع و توصل بشكل صحيح
أول شي نصيحه اعملي ملف وحطيفيه كل بياناتك المهمه والملف يكون على فلاش ميموري افضل
الملف هذا اكتبي فيه كل بياناتك اللي تسجلين فيها بمواقع التسوق
اليوزر نيم / الباسوورد / عنوانك الامريكي / البريطاني / عنوانك بالسعوديه / تفاصيل بريدك والرمز البريدي .
علشان تكون امورك مرتبع والتسوق ما يكون معقد عندك كل بياناتك جاهزهبالملف بس تسوين نسخ ولصق للمعلومات ..
__
بخصوص كتابة العنوان بطريقه صحيحه
بتكلم عن عناوين أراميكس سواء الامريكي او البريطاني كلها نفس الطريقه
طبعا اول ما تسجلين بموقع اراميكس وتدفعين قيمة الاشتراك يرسلولك عنوانك الامريكي و البريطاني
العنوان مكتوب بالطريقه هذي
اسمك بالانجليزي
بعدين RUH 11000
بعدين عنوان اراميكيس بامريكا
الولايه نيويورك
ورقم الهاتف
__
نجي لكتابة العنوان الصحيح
name : Abeer ALi
Adrress 1 : RUH 11000
Adrress 2 :aramex adrressin USA
stat : NY
Telephon: aramex telephon in USA
العنوان الاول ضرووري تكتبن نفس اللي ارسلوه لكم اراميكس
مثلا انا بالرياض RUHوجنبها رقم واهل جده JED وجنبها رقم علشان شحناتكم ما تضيع مره مهمه النقطه هذي
والعنوان الثاني تكتبون عنوان اراميكس بامريكا
والولايه نيو يورك وبعدين رقم اراميكس بامريكا
انتبهو تغلطون وتكتبون رقم جوالاتكم
__
والعنوان البريطاني بنفس الطريقه
_______________________________
خدمة واصل من البريد السعودي بكتبها لكم مع انها بنفس الطريقه بس علشان تكون كل المعلومات اللي تحتاجونها موجوده
مع البريد العادي والبريد الممتاز وكيف تكتبون عنوانكم لو الموقع يشحن مباشره للسعوديه
كلها بتكلم عنها بس ذكرت اراميكس لانها اكثر شهره وسلاسه من غيره

 

[مراوي22]

Paypal

بنك الكتروني من افضل وسائل الدفع الأمنه للتسوق من الانترت
طريقة التسجيل :
علشان نفتح حساب لازم يكون عندنا 1- بطاقه ائتمانيه اما فيزا او ماستر كارد و يفضل تكون مسبقة الدفع 2- يكون عندنا صندق بريد من البريد السعودي .
اذا توفرت الاشياء هذا ننتقل لصفحة الموقع الرئيسيه علشان نفتح حساب
والطريقه جدا جدا سهله





نختار الدوله ( السعوديه ) واللغه ( الانجليزيه )
ونوع الحساب ( شخصي)
___________________________________



الايميل
الرقم السري
اعادة كتابة الرقم السري
الاسم الاول / الاسم الاوسط / الاسم الاخير (( طبعا الاسم زي اللي مكتوب بالفيزا بالضبط ))
تاريخ الميلاد
الجنسيه
العنوان الاول نكتب صندوق البريد
العنوان الثاني مو مهم
_____
بعدين ينقلنا للصفحه اللي فيها السؤال السري
طبعا يعطونك سؤالين تجاوبي عليهم واخر شي تختارين الموافقه على الاتفاقيه
____________
الخطوه التاليه اضافة معلومات الكريدت كارد علشان نضيفها للاكاونت اللي بتعمله
الاسم الاول
الاسم الاخير
رقم البطاقه
تاريخ انتهاء البطاقه
نوع البطاقه سواء فيزا او ماستر كارد
اخر شي نضيف رقم التحقق من البطاقه يكون مسجل خلف البطاقه ونكتب بالمربع اخر 3 اراقام
______________
بعد ما ننتهي من اضافة معلومات البطاقه للحساب
راح توصل على الايميل معلومات التفعيل ندخل علي الرابط اللي وصلنا
__________
اذا خلاص انتهت عملية التفعيل
ننتقل للخطوه اليي بعدها



لازم الفيزا يكون فيها مبلغ نضغط على الرابط اللي عليه علامة صح
ونحول مبلغ 2 دولار
وثاني يوم نتصل عالبنك علشان نشيك عالتحويل ونطلب من البنك ال 4 اراقام يكون مكتوب قبلها رمز pp
اذا حصلنا على ال 4 ارقام
نرجع للخطوه السابقه



ونضغط على الرابط علشان نشيك على العمليه المعلقه ونضيف الاربع ارقام اللي حصلنا عليها من البنك ونعمل حفظ
بكذا نكون سجلنا بالبنك الالكتروني بطريقه صحيحه

 

[مراوي22]

شركات الشحن العالميه وكل شركه ومميزاتها
راح نبدا باراميكس



شركه شحن عالميه تقدم خدمة شوب اند شيب للتسوق من الانترنت .. الخدمه هذي بعد ما تشتركين فيها يعطونك عنوانين واحد بامريكا والثاني فبريطانيا
قيمة الاشتراك 135 ريال سعودي تدفعيها مره وحده فقط عند التسجيل .
التسجيل والدفع كله عن طريق موقعهم وتقدرين تحولين اللغه للعربي لو حبيتي وما يحتاج تروحين لاي فرع من فروعهم راح يسلولك التفعيل على ايميلك .

تجربتي معهم : الشركه جدا ممتازه فيه كثير واجهتهم مشاكل انا الحمد لله الى الان راضيه عنهم
عيبهم الوحيد انو ماعندهم تجميع للشحنات .
مثلا // يوصلني اليوم اغراض من موقع امازون و ثاني يوم توصلني اغراض من موقع ثاني ما يرسلونهم مع بعض لا كل واحد لها شحن لوحده ولازم ادفع قيمة الشحن طبعا تعتمد عالوزن .

_______
شركة DHL


تقدم الشركه خدمةاسمها DHL easy shop
قيمة الاشتراك بالخدمه 105 ريال تقريبا
www.dhleasyshop.com
ماعندي اي خلفيه عنها لاني ما جربتها
بس هيتقريبا نفس نظام اراميكس مجرد ما تشتركين يعملولك عنوان بريد فبريطانيا وبامريكا .. وحسب الموضح بموقعهم انو الشحن سريع يعني ما يتعدى 3 الى 4 ايام من وصول الاغراض للعنوان سواء الامريكي او البريطاني .

________
world ship
شركة توصيل تتعامل مع شركة الشحن العالميه UPS للشحن السريع وتحصلين على عنوان بامريكا





طبعا شركة world ship عنده حاجه تميزها عن بقية الشركات
الي هي نظام تجميع الشحنات .. تقدرين تجمعين شحناتك وتشحنيها بالوقت المناسب لك طبعا يجمعوها لك لمدة 45 يوم فقط

الحاجه الثانيه اعادة تغليف : مثلا اليوم وصلتني طلبيه من موقع و بعد اسبوع وصلت طلبيه من موقع ثاني .. لو طلبتي منهم اعادة تغليف راح يفتحون طلباتك و يحطوها بشكل مضغوط بكرتون واحد يطلع الوزن اقل بكذا راح تنقص تكلفة الشحن احيانا الى النصف او اقل
فا مره حلو الطريقه هذي

والمحاجه الثالثه : تقدرين تشترين اي شي عن طريقهم زي نظام وساطه بدون ما يكون عندك فيزا هم يشترون عنك و يوصلونها لين باب بيتك
http://www.worldship1.com/
____

واصل ( البريد السعودي )

www.sp.com.sa

خدمة واصل من البريد السعوديه .. للاشتراك بالخدمه بكامل المزايا 300 ريال
فيه مميزات اقل والاشتراك فيها مجانا
لكن اكيد مع المميزات افضل .. تقدرون تدخلون عالموقع وتطلعون على كامل التفاصيل .
بعد ما تشتركين راح يكون عندك عنوان بريد بامريكا و بريطانيا والاشهر الماضيه اضافوا خدمه جديده اللي هي واصل ( العالمي ) ممكن تستفيدون منه من المواقع الصينيه اللي ما تشحن للسعوديه .
اسعار الشحن :
اول كيلو غرام ب 50 ريال وكل نص كيلو زياده ب 25 ريال

 

[كنكرية البحرين]

مراوي هذي ثالث مرة اكتب رد و ما يطلع شي*


لكن ما علية فداج اكتب مليون رد*

عليج بالعافية*

يااااربي متى بتجهز بطاقتي احس بصيح و انا طل مرة اطالع اللستة الي كاتبتها*

ببدي بفرش سيقما ... بنات ترى منزلين باليت جديد مو ذاكرة اسمة ... من تصميم اشهر فنانين اليوتيوب .. صراحة احس مبالغين في سعرة ،،، ٥٩ دولار و الظاهر تحصلين خصم ١٠ دولار*

بس انا قاهريني على هداياهم البايخة ...انا خاطري في الفرشاة الي صار لهم دهر يعطونها الاوادم و يوم بطلب من عندهم قطعووهااا

بنات انتو شلون تعرفون شنو الهدية الي يعطونها !!!!
*

 

[مراوي22]

كل موقع تسوق يتعامل بعملة البلد اللي ينتمي له .. لكن أغلب مواقع التسوق تعتمد على الدولار كعمله رسميه للتعامل .. وهالشي نلاحظه كثير بمواقع التسوق الأسيويه والأوربيه .. ونلاحظ ان اغلبها تتعامل بالدولار كعمله أساسيه للتسوق ..

الدولار الأمريكي يرمز له بالرمز $
ويعادل الدولار 3.75 ريال سعودي
ويتغير على حسب ارتفاع وهبوط اسعار العملات لكن بالغالب سعره شبه مستقر ..
________
اليورو .. العمله الأوربيه .. ويكثر استخدامها بالمواقع الأوربيه
سواء كانت مواقع ( فرنسيه / أسبانيه / ايطاليه / ألمانيه ) .... وغيرها من الدول الأوربيه
يرمز لليورو بالرمز €
ويعادل اليورو 4.75 ريال سعودي
وسعره يتغير باستمرار .. احيانا يكون 5 ريالات وأحيانا اكثر .أو اقل ..
____
الجنيه الاسترليني .. عملة انجلترا ..
وغالبا تستعمل بمواقع التسوق البريطانيه فقط الا ما ندر ..
يرمز للجنيه بالرمز £
ويعادل الجنيه 6.83 ريال سعودي ..
وسعره يتغير باستمرار .. احيانا يكون 7 واكثر وأحيانا 6 أو اقل حسب تداول العملات بالسوق ..
_____
الـ ( ين ) الياباني
هي عملة اليابان واستعمالها قليل بمواقع لتسوق
لان كثير من المواقع اليابانيه تعتمد على الدولار اعتماد كبير بتعاملاتهم ..
ويرمز له بالرمز ¥
ويعادل الين 0.19 اقل من الريال بكثير
مواقع لتحويل العملات

من خلال المواقع هذي تقدرون تختارون العمله المطلوبه .. وكم يعادلها بالريال السعودي أو اي عمله ثانيه غير الريال ..
كود:
http://www.arabsys.net/j/convert.htm
كود:
http://www.xe.com/ucc/
كود:
http://www.alssrhan.com/t7wel.htm

 

[مراوي22]

المعلومات اللي تسجلين فيها بالمواقع جدا مهمه علشان كذا بعطيكم نصيحه
اللي حابه تتسوق من الافضل انو يكون عندك :
_ عنوان بريد امريكي و بريطاني باسمك .
_ فيزا او ماستر كارد باسم .
_ تسجلين بالموقع باسمك .
علشان تتفادون كثير من المشاكل .. مهم جدا ان كل المعلومات تكون باسم الشخص صاحب الفيزا .
صحيح مواقع كثير ما يدققون يعني عادي عندهم تسجلين بالموقع باسم شخص .. والعنوان باسم شخص والفيزا باسم شخص ثاني .
لكن كثير مواقع ما يقبلون هالشي على سبيل المثال ... موقع امازون لو سجلتي باسمك و حاولتي تدفعين بالفيزا تبع أختك راح يعلقون المبلغ و يطلبون منك اثبات انو البطاقه لك
يطلبون ترسلين لهم صوره للفيزا مع الجهتين طبعا ماراح توضحين الثلاث ارقام الاخيره بس يهمهم الاسم و رقم البطاقه
فا من الاساس حاولي تتجنبين المشاكل والتعقيدات اللي انت بغنى عنها .. خلي كل شي باسم شخص واحد من عائلتك سواء انتي او احد من العائله .

 

[مراوي22]

هنا راح نعمل قائمه بالمواقع المشبوهه علشان ننتبه منها
وأي وحده تكون لها تجربه فاشله مع اي موقع تسوق .. تراسلني علشان اضيف تجربتها
_________________
1_ www.alibaba.com
أكبر مجمع للنصابين بالعالم .. ما يقبلون دفع غير بالويسترن يونيون يعني ادفع فلوسك وانسى الموضوع .. و لو ارسلولك طلبك فهذا معجزه اساسا يرسلونه لك لكن مو نفس اللي طلبتيه ولا بنفس الجوده ..
ومن الكوارث اللي قرأتها .. شخص دافع قيمة 7 لابتوبات ارسلوله بدل اللابتوبات شواحن
من تجربتي الخاصه من باب التجربه لا اكثر 150 فلاش ميموري ارسلولي 30 فقط ونوع رديء
وكثيييييييييييرتجارب تخوف اعملوا سيرش واكتشفوها .
____________

 

[مراوي22]

مراوي هذي ثالث مرة اكتب رد و ما يطلع شي*

لكن ما علية فداج اكتب مليون رد*

*

فديتج مشكوره حبيبتي من ذوقج

سيقما طليت عليهم من جمن يوم جفت صورة الميك أب آرتستس إلي في اليوتيوب عرفت بيهببون شي بيطلعون لنه بطلعه :bbbiu: حق الخساير بس

والهديه إلي يعطونج إياها لازم تشترين بـ 30 دولار وفوق عشان يعطونج إياها هاي بالنسبه حق سيقما

أما بعض المواقع مثل سليك يحطون لج جمن هديه حزة الدفع وتختارين إلي تبين وفي الاغلب كله قلوسات على شكل ميداليه حده فاشل بس يالله طلع منهم شي

وبعض المواقع الرزيله مثل الدرجستور ماتحصلين ولاشي :bbbiu:

 

[كنكرية البحرين]

اي نسيت شغلة بعد

ضماي انت ترى حتى انا صار لي اشهر ادور على مزيل المكياج من جونسون هو صاير صابون لان انا ما احب المزيلات الي تنحط بقطن

ما حصلتة في ولا مكاااااان كل الي احصلهم لازم امسح المكياج بقطنة و انا احس هالطريقة تشمخ الوية


يبصيييييييييييححححححححححح

 

[alroza]

يه يه يه مراوي شهالزين شهالزين :rerrerek: عليج بالف عافية تخلصينهم بالعافية يارب
أما خطتج ويا الحمر والبلشرز صج عجيبة :eh_s(10): ولا من اليوم باطبقها ، اقولج انا اتعلم منج ماتصدقيني هههههههههه

و يلا نحن بانتظار صور الحبيب الانفرسري :​

bbbiu:

 

[{ سحر الوَرد *]

صباااح الخييير يا حلواات

شلووونكم شخباااركم

واي وحشتووني يومين ماطليت على الموضوع

أول شي خلني أبشركم

أوردر دراق ستور مشى أخيراً

قلت لكم إني طرشت إيميل

رد علي المسئول مباشرة إنه التيم بيشوفون المشكلة وبيردون لي

دقايق وكلمتني وحدة من عندهم ان يقدرون يشيلون الغرض الممنوع ويشحنون لي الباقي بس ينتظرون موافقتي

طبعا رديت عليها على طول بالموافقة..

هذا الكلام كان أول أمس الظهر

البارحة صار البوكس In Account يعني يوم بالكثير ويطلع من أمريكا

بس الغريب إنه وزنه 2.9 باوند.. نفس وزنه بالضبــط أول ماوصل!

ولو الجل شالوه.. المفروض العلبة فيها شوي وزن

ترى انا مادري شنو اللي شالوه للحين! بس اتوقع الجل فقط

تخيلوا يوصلني ولا الجل والماسك والفاونديشنات بح لا الله لا يقوله



والشي الثاني

أمــس وصلني باليت الأنيفيرسري بنااات

طبعا اللي وياي في انستاقرام شافت الصورة


واي علبته تينننن حدها فخمة وأنيقة

طبعا صاحبتكم مهووسة التصوير ماستخدمته :$ لازم أصوره بالكاميرا أول.. بس صورته بالايفون جم صورة ورديته مكانه.. بسس جربت شدو فانيلان نتفـــة ماتبين علشان مايبين سطحه غير حزة التصوير

وهالاسبوع عندي كورس في الدوام مارد الا عقب التسع ونص في الليل بس ابي انااام

اليوم اخر يوم.. عاد التصوير مايصير الا بضوء النهار.. فإن شاء الله يوم الجمعة بجهز جلسة تصوير للباليت الجميل


وسويت اوردر سريع.. رفيجتي معاي بالدوام تبي جم شي من إيلف

فطلبت لي شيئين.. فرشاتهم اللي شعرها قصير حق تحت العين.. أنا عندي فرشاتهم العادية مالت الشدو وصج بدولار رخييصة بس احبهااا عندي منها 4.. هذي تشبهها بس شعرها قصير علشان تحت العين.. إن شاء الله تكون بنفس جودة العادية وعقاصة الرموش.. استخدمتها من قبل ووايد زينة.. بس طاحت اسفنجتها حاليا استخدم من ارديل اللي بالحرارة.. بس خذيت هذي للسريع


يالله بسم الله برد على كل وحدة وبسوي كوبي كل شوي لا يروح الرد

واسمحولي بمسح الصور من ردودكم علشان ينحط الرد لان يصيرون وايد اكثر من الحد المسموح

سحووورة
امممم صح مايسوى عليهم هالسعر على الميني
انا مثلك متأملة انهم يرجعونها مع الوقت
الشدو بصراحة احسه ماله داعي خاصة وانه عشوائي

أي بالضبط مادري ليش مخلينها بسس شهر إن شاء الله يرجعونها

سحور


هاي لستتي سدحتها لكم فوق بس لاتنصدمون ههههههه
وترا مو انا الي تكلمت عن منظف نيتروجينا هاي بحور الشوق
وخساره البيوتي بلندر توي اشوف كلامج عن المنظف انتي عادي
شحنوه لج ارامكس اذا عادي بطلب مره ثانيه لاني استهلك الاسفنجات مافي مشكله لو اكود منهم خخخ
وماكرون حدي مقهوره ليش بس خصيصا لبراطم البريطانيات يقهرون صراحه
بس مراوي من وين شرته ؟؟

ولا تخافين ان شاء الله مايتكنسل الاوردر الجل والكريمات وحتى ماسك الشعر انا مجربه يشحنونهم عادي
بس السبراي مادري والله

ياخساره الفرشه كنت ابيها عاجبتني الله يهديني كل يوم اتكاسل اطلب من سيجما عبالي الفرشه
موجوده لفتره طويله مثل فرشه الدمج من دهر وهي هديتهم الشدو محد يبيه يخلونه لهم

وبخصوص الغلط بالارواج ياكثر ماتحصل تخيلي انا اشتري اللون واكتشف انه عندي ههههههه

كلوكشن ماك الجديد حلو عجبتني فكرته حلو لوبتهدين لاحد الطقم كامل كوول
بس انا ماحب مناكير ماك عندي opiاحلا منه بمليون
والجلوسات بعد صدق حلوه لمعتهم وثباتهم بس احس كانه صمغ يلزقون
ونودستروم مانزل وايد الوان بس 7 الي يمكن اخذه من الكولكشن مثلك روج سبايس
ونودستروم تقدرين تطلبين مناكير انا غامرت وطلبت وجابوه لي
اول مره طلبت واحد من ماك كان داخل خاطري وقويت قلبي وطلبته ووصل بالسلامه
هذا هو
http://www.vampyvarnish.com/2011/09/mac-immortal-gold-nail-lacquer-swatches-photos-review/

والمره الثانيه طلبت 3 الوان من ايسي وجابوهم والمره 3 طلبت 3 من ايسي و
Deborah Lippmann

والحين ناويه اطلب من
butter LONDON
بس انتي لاتكثرين بكل اوردر اطلبي 1او 2 عادي يمشونه

بنات شرايكم بتغليف موقع بيوتي ادري انه والدراق ستور متجر واحد
بس هل جربتوا تشترون فقط من بيوتي وكيف كان تغليفهم؟؟
عندهم ماركات غاليه معقول يحذفونها جذي بالكرتون مثل الدراق ستور
خاطري اطلب بلاشرات تارت بس خايفه من التغليف

خوووش لستة الصراحة يمي ههههه

عليييج بالعااافية

بشرري وصلت ولا للحين؟

انا ترى ماعندي منظف البيوتي بليندر

عشان جذي نصحتكم تاخذونه! لان اللي عندي اذبحها بالتنظيف وانقعها وبعد يتم فيها اثر
يقولون المنظف الخاص هو الوحيد اللي ينظفها عدل

انا اوردي استهلكت وحدة والثانية توني بديت استخدمها

فاذا استهلكتها ورجعت اطلب باخذ المنظف مرة وحدة

اما ماكروون مراوي حصلته ببانكوك.. احنا جاري البحث للحين

والفرشة طبعا كلنا انا وانتي وآيمي تكيسلنا وراحت علينا

وكولكشن ماك اي ترى انا مثلج

اصباغ ماك ماتجذبني

انا احب China Glaze & Opi
هم التوب عندي

بس تعرفين انا الفوشي من الواني المفضلة

وغيرل اباوت تاون معروف من احلى الفوشيات

فقلت بطقم معاه القلوس والصبغ دامهم نفس اللون والاسم وجذي

ونوردستروم منزلين الـ 7 الوان مال امريكا بس

الكولكشن كامل بيكون موجود في سايت ماك بس

<<< بطلب بولش واحد على مسئوليتج لوول

ترى اكثر من مرة اقول بقوي قلبي مثلج بس اخر شي اتردد

وهالمرة طلبت الجل بتهور بدون تردد ووقفت شحنتي بسبته لووول

اما القلوسات انا احب قلوسات ريفلون نفس اللي طلبتيهم..

جربت منهم الوان وايد يمكن 6

وشكلي بطلب الوردي والبرتقالي اللي ضافوهم عقب مع البنفسجي الفاتح

ترى تغليف بيوتي نفس مستوى دراق ستور
اذكر من فتر ةوحدة بالمشتريات حطت صور طلبية منهم كانت طالبة عن طريق تاجرة تطلب لها
وصلها بلاشر كارغو الدائري مفتت.. اعتقد اثنين بعد مب واحد

لكن اظن ضماي انت من قبل كلمتهم لايف جات اول ماسويت الاوردر وقبل مايشحنونه علشان يزيدون التغليف ويغلفون كل شي عدل

سحر الورد ونسكافيه
تشيشو ويله كلنا ناطريه وسعره يا بلاش 10 دولار
وبخصوص ماكرووووووووون انا كنت ادورها امس في الايباي لبريطاني وفي امازون لندن وفي كل حدب وصوب
قلت ان حصلتها اول شي بخبر سحر بنطلبها عقب بنقول لكم وين خخخخخخ
لانها فديتها ماتقصر تدزلي تخبرني ان هالشغله اللي ناطرتها نزلت
فأنا ان شاءالله بستمر بالبحث واذا انت حصلتيها مايحتاي اقولج
وبسج متاااااااااابع مبااااااااااريااااااااات هههههه

سحر الورد
سبراي تريسيمي من زمان بالبحرين من اول مانزلت دعايته عدل بالميديا عندنا
اذكر اني شريته من الاستهلاكيه العسكريه واستخدمته مرتين ثلاث بس
لان التوب عندي كينرا من امازون حطيته لكم قبل نصيحه اخذوه اهو واكس للشعر يعني مثبت مثل لكريم الشفايف
يثبت التسريحه بس يخلي قذلته تتحرك بنعومه بس محتفظه بستايلها وريحته على فراوله
حتى اللي شعرها منكوش من الصبغ والا ينفش تقدر تحط منه جدام ريلها تقعد الستالايت اللي على قمة راسها وتطفي القنوات المشفره هههههه

بنات انا صايره بخيله مادري اشفيني رصيدي يزيد ويدي تقفض ههههه بروح اتسبح بماي البحر يمكن ارد بحواسي مايصير جذي

وبالنسبه للاخ سكاندينافيا متى مفكرين يوصلونه لي البيت طالبته من دهر افتكر على مايوصلني البيت ومع حرارة الجو بتوصلني البخاخات فاضيه نشف المحلول من الشمس وبعدين معاهم ؟؟

سحر الورد
اهم طرشوا لج ايميل ان يا يتلفون الغرض اللي عليه ريستريكشن او يرجعونه المصدر مو ان يتلفون كل الطلبيه
منو قالج مايبطلون تدرين مره ياني باليت اربنديكاي 1 مسوين له سواتشز
ومره طلبت اوردر من نوردستروم مايحتاي اقولج شنو كان الاوردر خخخخ اكيد ميك اب
ومعاه فكس لمراد بطلوا البوكس كالمعتاد ونثروهم وكسروهم وقالوا لي بنقطه او عندج عنوان باليو اس بنطرشه او نرجعه المصدر عاد انا ماتكلمت ولا عطيتهم ويه شالوه ودزولي الباقي البيت
يعني يستحيل مايبطلونه ويستحيل مايدزون اللي ماعليهم مشاكل
اذكر مره ياني اوردر وت اند وايد كل الاغراض سليمه الا برونز واحد صاير بعلبه صغيره فوق وتحت بلاشز مافي الا اهو مكسور شنو معناته الا انهم ايبطلونه ويكسرونهم
والانفيرسري شريته ولا استخدمته اطلاقاااااااااااااااا مفلوت مع اخوانه بس لواسه ولازم اشتريه والا ايني ياثووووووم المكياج اخذيييييييييه واخذييييييييه بيخلص هههه بس عاد انا بدون شي ايرادتي تايوان بسرعه اتهز واشتريه بس هالايام الشعب صامل والمعازيب شجعان لا وقفوا تشقى القلوب الغلايل مادري اشفيني ابد حاقرة المكياج ولا افتر الا على لابيلووووووو بالجمعيات ههههه آخ يا قلبي اخاف ايي اليوم اللي افتر على فير اند لافلي مال بوهنود من البخل اللي حايشني بسم الله علي

مراوي
العين قويه اللي يايتني كلش مالي خلق اشتري حتى كريم طبي من الصيدليه شوفي لوين وصل فيني العيز
وحتى لو نزلت اربنديكاي بسيفورا بعد مانقدر نشتري منهم لازم نطق للسعوديه نشتري من الخبر ونرد البحرين
يعني جنها ماعندنا نفس الشي فافضل النت احسن واكيد بيكون فيه فرق للسعر وايد بعد وموشويه هالجشعين التجار
الا الوان تغلي الوان لو الهند جريبه كل يوم البس واروح دقيقه يكتون على من صبغ عيد الالوان واروح الجامعه متمكيجه وخالصه ولا منتهم

بنات ابي رغوة جونسون واااااااااااي عيزت ادورها من فتره
دورتها بالبحرين والسعوديه مالقيتها
ياخوفي اذا انقطعت وااااااااااااااااااااااء بصيح والله
حدها اتينن وتشيل المكياج من قلب
بليز بليز بليز بنات اللي شافتها تخبرني وين
بنات البحرين والسعوديه والامارات وقطر اللي تدري وين احصلها تخبرني
ابيهاااااااااا ابيهاااااااااا
حطتها مراوي من قبل بموضوع وخذيت منها الصوره لما كنت اسوي سيرج

اليوووم الوعد

من الصبح مبطلة سايت سليك في الدوام وكل شوي اسوي ريفريش هههههه

فديتج والله :$ هالماكرون صارت محبوبة الجماهير

ههههههههه ماقدر ماتابع ريال مدريد الحب :$

تريسيمي اجوفها الماركة بس على حظي كل مكان أسألهم عن السبري مخلص

أخيرا حصلته في اللولو خبرتني مراوي انه يايبين منه ورحت شريته بس للحين ماجربته

انا اتذكر قلتي من قبل عن سبري بس الحين وين احصل ردج

عطيني الوصلة ماعليج امر

وشلون شحنتيه عن طريق ارامكس؟ قبلوا عادي؟؟

ذكرتيني بعد باسكندنافيا كنت ناستنه

بحطه في اللستة
غريبة تأخر هالكثر انا يمو طلبت الكليرا سونك من السايت وصلت في اسبوعين

ارامكس الحمدلله قبلوا يشيلون الغرض ويطرشون الباقي

غريبة انتي صادفج انه بطلوا اغراضج وبعضهم تكسروا واستخدموا! انا دايما تغليفهم ممتاز ولا مرة حسيت انه البوكس تبطل ومتعبثين فيه

يالله عاد نبيج تردين مثل قبل تسدحين لنا جرايمج <<<< يعني بدل ما اشجعج انج ركدتي خخخخ
وصج مثل ماقلتي.. اتوقع لو نزلوا اربان ديكاي بتكون اسعارها ناار

مثل توفيسد! وايد اسعارها فوق مقارنة بسعرها اونلاين.. اهي اساسا مب من الماركات الرخيصة وهني اييبونها وايد اغلى

انا مثلج ترى.. في كذا مكان دورت هالرغوة ماحصلتها!

انا استخدم حاليا بيوديرما السائل بالقطنة امسح الميكب

والثاني بعد من بيوديرما الجل الأزرق استخدمه ويا الكليرا سونك صج ينظف

وبجرب هالمرة افين اللي قالت عنه مراوي الشهر اللي طاف ماحصلته


وبالنسبة لسيارة وورلد شيب

لا ماعندهم سيارة خاصة فيهم

بس لو كنتي طالبة شحن عادي بيشحنونه ويا ارامكس وبيوصلج في سيارة ارامكس

ولو كان شحن سريع بيشحنونه على دي اتش ال وبيوصلج في سيارة دي اتش ال

هلا و الله حيا الله سحووورة انا موجودة و اطل عليكم من بعيد لي بعيد
عن اللب بتر و الله أغلب اللي ذكرتيهم حاطتهم بلستتي
Sweet tart
Peach parfait
candy apple
raspberry pie
Berry smoothie
Pink Truffle
طبعاً أول لونين مو موجودين حاليا ًو توتي فروتي مب معروض اصلا
الوانهم تينن خاصة بينك ترافل و بيتش بارافيت و كاندي ابل مع اني مكودة حمر بس ما اقدر اقاومهم
البيوتي بليندر كنت بسوي بالضبط مثل ما قلتي بطلب لي 2 مع المحلول المنظف سعرهم 39 دولار و شي .. تنصحيني اطلب من المحلول واحد زيادة بعد ؟
و نيتروجينا اي هذي هو الازرق صار له مدة طويلة مختفي باجيك الاماكن اللي ذكرتيها انا استخدمت لوريال ما عجبني وايد و حاليا استخدم كلارنس حلو بس غالي هذاك وايد اوفر و مثل النتيجة
الحين انا ابي اسوي الاوردر بس اللي موقفني سالفة اللب بتر اللي مب موجودين يعني لازم انتظر اسبوعين تقريباً
و ترى سعرهم مو ثابت اجوف بعضهم عليهم سيل و بعضهم لا .. شي غريب احس المفروض اذا في سيل يكون على كل الالوان مب بس الوان معينة !!
اممم بعد ابي اعرف دراغ ستور يشحنون دولي ولا لا ؟

هلا حبيبتي بحور حياج الله فديتج

اللب بتر ماعليج.. حتى الالوان اللي الحين مو حاطينها اصلا عقب فترة بييبون

توتي فروتي بالذات انا اول مرة جافته << المعروضين كانوا بس 7 الوان

عقب فترة جيكت كانوا 18 لون وكان موجود بينهم

انتي كل جم يوم جيكي صفحة اللب بترز

انا الحين ابي اول لونين اللي انتي حاطتهم + ماكارون

وبس تراوالي بتصير عندي كل الالوان اللي ابيها

اما السيل اعتقد السيل يكون على الالوان الموجودة ان ستوك يمكن

او ساعات على الوان محددة مادري شنو سستمهم يختارون اللي عليها طلب او العكس

البيوتي بليندر لا ماحسج تحتاجين تطلبين زيادة كلينر اكيد واحد بيكفيج

نيتروجينا انا استخدمته مرة وحدة او مرتين وكان زين بس انا طبيعتي كله اغير

الحين مثبته على بيوديرما اللي جنه ماي غطاه فوشي

واستخدمت فترة غارنييه بماي العنب وكان زين بعد ومايحرق العين

دراق ستور مايشحنون دولي بس يتعاملون مع شركات الشحن مثل ارامكس والوورد شيب

يفضل اذا بتطلبين شدوات اول ماتسوين الاوردر قبل مايشحنونه تكلمينهم لايف جات تطلبين منهم يغلفون الاغراض عدل

قوه بنوتات .. بسالكم في احد جرب يطلب من موقع اربان ديكاي الرسمي ؟؟ وعلى أي بريد دزيتوه

للأسف مايقبلون لا البطاقات الدولية ولا يشحنون دولي

بسسس شفت لهم رد في تويتر قبل جم يوم إنه قاعدين يشتغلون على الشحن الدولي

وانا تليقفت ورديت عليهم شكرا وياريت تبتدون وتقبلون البطاقات الدولية

مراوي

خلاص حطوا الستاند في سيفورا تقولي المرة تونا حاطينه من يومين واذا بغيتي شيء كل شيء موجود ما عدا باليت البوك و الثاني اللي حطيتي صورته بس

يعني قريب بيفتحونه عندكم



غريبة !عيل احنا وعليه من ينزلون شيء يخلص ماشاء الله تبارك الرحمن

لو ادري جان وفرت على الاقل اشتري نارس

وااااااااااااااااااااااااء من قلب

و لستتج حلوة وعليج بالعافية مقدما

الاااي ونااسة بيفتحون عنكم اربان ديكاي الفال لنا

ولو إني اشك نفس ماقالت مراوي

معجون بالقرحه كنت خايفه أجربه أهو مكتوب عليه إنه يبيض الاسنان بس إسمه يخرع شنو قرحه بعيد الشر المهم سويت سيرج عنه جفت إنه معجون عادي حاله حال أي معجون مبيض بس فيه ماده إضافيه لعلاج القرحه أو الوقايه منها فقلت أجربه وأجوف ... رايي كلش ماعجبني طعمه قوي يتم بالحلج لي فتره مو طعم دوا لا طعم المعجون العادي وشنو بعد إي مايسوي رغوه أحب المعجون يكون فيه رغوه عشان أحس إني قاعده أنظف ضروسي بس ذي لا كلش مافيه جنج تفركين ضروسج بفرشه خاليه

ماعلينه أهم شي النتايج بس المهم والاكيد إني راح أطلب من أمازون كرست 3d حبيب ألبي





لاتزفوني مو لي حق إختي



نص لي ونص حق إختي



هذي يعتمد أعطيها لو لا عورت قلبي بعطيها واحد ما إهتمت بعطيها طاف



اللون الوحيد إلي كان بخاطري من هذيله هو fig jam أول واحد عاليسار الغامج في النت السواتش مب جذي لونه إنصدمت غامج صج مب بجمنتد حمرهم بس كلش ماحب هالدرجات المارونيه إلي على بني

والباقي ماجربتيهم بس باين حلوين



غني عن التعريف



NYC Bronzer in Sunny

أخيرررراً قدرت ألمسه بإيديني وااااي حدي كنت مشتاقة له حشى ظناها مب برونزر

تعرفون قصتي معاه مايحتاي أقول مره ثانيه المهم جربته وفضييع حبيته وايد قارنت اللون مع برونزر بوبي براون متشابه حيل بس بوبي براون صاير على حمار أكثر ذي كلش طبيعي

سعره 2 دولار طبعا حده رخيص مو لأنه مب زين لا عرفت ليش

الباكيجين ماله حده جيب ذكرني بمكياج باربي إلي كنه نشتريه أول المكياج الالعاب جفتو إشلون بلاستيك ضعيف نفس مكياج الفلبينيات ماعرف أشرح بس أكيد فهمتو علي

يعني كلش مو مخسرين على الباكيجين بس البرودكت فضيع

برجع أشتريه لو لا ماعرف خل أحكه عدل وبقول رايي النهائي فيه

علييج بالعاافية يالزينة

يا سلام متى يوصل اوردري احلى شي تبطلين البوكس فيه وايد اشياء

تعاالي جربتي فاونديشن مايبلين؟ وينه ماصورتيه

ترى انا ماخذة البرونزر على نصيحتج..

يصلح حق كونتور؟

اخاف احط برونزر على كل ويهي احس اصير برتقالي

مراوي يا مراوي



ترا جرايمج ماشاء الله ماشاء الله اكثرت هالايام انا اقول نصيحة يعني نصيحة ركدي خل نركد وياج لان شكل ريلي جريب بيطردني من البيت



سحر الورد باحبيبتي انتي

يارب تنحل مشكلتج مثل ما ساعدتيني في حل مشكلتي جعل الله يرزقج بالزوج الصالح اذا كنتي مومتزوجة واذا كنتي متزوجة جعل الله يرزقج بالذرية الصالحة قولوا آميييييييييييييييين يابنات

من Z palette



من امازون Sigma Beauty Eyes Kit خذتهم لان كنت متخذة من قبل السيت اللي فيه 15 فرشة بس ما استفدت منه وايد فأخذت هذيلا



من سيقما خذتهم من فترة وللحين ما استعملتهم والصغيرة اللي يمهم من موقع صيني رخيصة بس فضيعة ولا شعرة طاحت منها



من امازون سيفورا



كلهم من موقع بريطاني ماعدا bad girl and Lace من سليك

فديييتج علييج بالعااافية على المنتجات الحلوووة

بس وااايد خذوا عليج وورلد شيب @@

انا يوم تعاملت وياهم.. خذوا من $86 دولار وشحن سريع

عاد كنت طالبة اآيباد واكسسواراته فكانوا ماخذين اغلب الوزن

ميكب ودفعتي له 80$ احس وايد! بس يالله تجربة

الحين انا ابي اعرف اسعار الاقتصادي جم انا سمعت انه وورد شيب اذا بتجمعين يصلح بس اذا طالبة شي واحد استخدمي شوب اند شيب لانه وورلد شيب يطلع اغلى رغم ان اثنينهم ارامكس


عجبتين البروش الفلات اللي من الموقع الصيني.. شنو الموقع؟ وتوصيل دايركت ولا بارامكس الصين؟

ووممكن بعد تحطين لنا السايت اللي شريتي منه باليتات سليك؟


واللي عنده سايتات ماتحجينا عنهم ياريت يحطهم

يبي لنا نسوي لستة نجمع فيها السايتات

انا من زمان قايلة بسوي لستة السايتات اللي عندي بس ماعندي وقت

بنات شلون افتح حساب بالورلد شيب بدون ما يكون عندي paypal يطلع لي تحويل بنكي لبنك الراجحي ما ادري شنو هذا مال السعودية !!

حبيبتي أعتقد لازم تسوين لج باي بال علشان تسجلين

الطريقة الثانية انج تحولين لهم المبلغ من البنك او الصرافة بالكويت تعطينهم المعلومات اللي مسجلينها في الموقع علشان يحولون لهم الفلوس

مراوي هذي ثالث مرة اكتب رد و ما يطلع شي*


لكن ما علية فداج اكتب مليون رد*

عليج بالعافية*

يااااربي متى بتجهز بطاقتي احس بصيح و انا طل مرة اطالع اللستة الي كاتبتها*

ببدي بفرش سيقما ... بنات ترى منزلين باليت جديد مو ذاكرة اسمة ... من تصميم اشهر فنانين اليوتيوب .. صراحة احس مبالغين في سعرة ،،، ٥٩ دولار و الظاهر تحصلين خصم ١٠ دولار*

بس انا قاهريني على هداياهم البايخة ...انا خاطري في الفرشاة الي صار لهم دهر يعطونها الاوادم و يوم بطلب من عندهم قطعووهااا

بنات انتو شلون تعرفون شنو الهدية الي يعطونها !!!!
*

حياااج الله ويانا حبيبتي

يالله عقبال ماتجهز بطاقتج وتتشرين

رحت دشيت سايت سيقما

اممممم الباليت شكلياً عجبني

عاد خل نجوف الريفيوز

لان الباليتات الثلاثة اللي نزلوهم من قبل ماكانوا واايد يمدحونهم!

بس هالباليت جذبني انه معاه فرشاة مايلة للكونتور

بصراحة دخل قلبي افكر اطلبه

الهدية في البلوقات يحطون او هم يعلنون عنها في تويتر في حسابهم

اذا تبين الرمادية صبري اكيد بيردونها

اهم عادة كل فترة يحطون شي غير لمدة محدودة عقب يردون لها


​

 

[ضماي انت]

مراوي
قلت لج عندج هالفرشا اسمها باودر براش فضييييييعه مووووووووت
وهالرغوه دورتها البارحه اونلاين مالقيتها الا بموقع واحد بسسسسسس سعرها 4 دولار بمصر وشحنهم ااغلى من لبروداكت نفسه انا بعد اتضايق من بغسل ويهي اتذكر شيلي البودره وعقب المسكرا والكحل وجان تاتو حواجب والروج جانه لونغ لاستنغ بعد ندورها ان شاءالله نلاقيها والله باخذ منها 10 وبخشهم عندي

كنكريه البحرين
انا ماخليت محل مادورتها حتى بدواعيس السعوديه ابد مافي لها لاحس ولا خبر من زعل القمر واااااااااء
بنات ابيها يله دوروها لي

 

[ضماي انت]

سحر الورد
افتكر تقصدين هالشي الرااااااااائع اللي من قلب عجيب حطيه بشنطتج حسيتي شعرج نافش اخذي شويه على الطراف اصابعج وعدلي الخصله وبث وعادي شحنته اراميكس لانه مو سائل مثل لكريم الابيض النااااااااااشف حده يعني بحرارة يدج يسيح
تفضلي هذي اسمه وبنات نصيحه اخذوه اينن
Kenra Platinum Working Wax Mold & Modify 15 Hair Styling Waxes
وهذي شكل العلبه

 

[{ سحر الوَرد *]

Sigma Paris Palette ​

إنتاج سيقما الجديد.. شكليا عجبني ​

بس قلت بدور عنه صور وسواتشز.. ​

وبما انه اللي مشاركين فيه أصحاب بلوقات فتوقعت بحصل وايد صور.. ​

من XSparkage - لونها في الباليت Versailles - الذهبي الفاتح أول اوحد من اليمين ​

​

​

​

​

​

​

​

​

الألوان وواضحة الأسماء... ​

​

​

​

​

​

​

​

الفرش ​

​

​

يتبع :eh_s(17):​

 

[{ سحر الوَرد *]

سواتشز بدون بيس​

​

Eiffel, Siene​

​

Louvre, Orsay​

​

Elysees, Notre Dame​

​

Triomphe, Versailles​

لونين Eiffel & Orsay بدون بيس ومع قلم ميلك من نيكس​

​

البلاشرين والهايلايتر ​

​

Blushes & Highlighter- Rouge, Peche, Lumiere​

السعر $59 ​

كود التخفيض10%: XSPARKAGE​

يصير سعره $49 ​

يتبع من بلوقر ثانية :eh_s(17):​

 

[مراوي22]

سحوره

ماخذيت الفاونديشن يزعم عقلت مو لأني طالبه فاونديشن ألاماسكا قلت خل أجربه شوي إلا يطلع فاتح برجع أطلب لون أغمج حق التمكس فقلت بلاها مابطلب Fit me وجفت عليها ريفيو إنه الكفرج مالها خفيف + تعطيج جلو فغيرت رايي قلت لج صار خاطري في فاونديشن تغطيتيه تكون زينه لأنه إلي عندي كله ياشير أو ميديام

بس هذيله إلي طلبتهم ويايني أوردرين بعد وتعرفين الزهايمر أنسى شنو طالبه ماذكر غير البيوتي بلندر + بيرمنرال شادو بسسسسس الباقي شنو ماعرف إي كونسيلر ميبيلن بعد شنو بعد شنو :eh_s(10):

أنتظر أوردرج على أحر من الجمر أحب مشترياتج احس روحي آنه إلي طالبتهم لأنه نفس الي تطلبينه أكتشف إنه في الوش لست عندي أو طالبته من قبل :eh_s(9):



ضماي إنت

لاتحاتين بيبون منه متأكده لأنه مو أول مره ينقطع دايم يقطعونه ويردون إيبون تصبري بأي شي ولاتهورين تطلبينه وآنه إذا حصلته باخذ لج جكيه

جكيه = كميه ( حق إلي مايفهم كلامنه)

 

[مراوي22]

سحوررررره ولاصوره تطلع :eh_s(11):

 

[gado0ora]

السلام عليكم

بغيت استفسر منكم شلون اطلب من موقع سيقما بيوتي وجم راح يكلفني التوصيل ؟؟

 

[مراوي22]

_03BA:




فهمتو صح




فديت إلي يفهموني من غير ماتحجى :eh_s(22):

:O_SHH_:

 

[مراوي22]

السلام عليكم

بغيت استفسر منكم شلون اطلب من موقع سيقما بيوتي وجم راح يكلفني التوصيل ؟؟

عادي طلبي حطي معلومات الفيزا وحطي عنوانج عندهم شحن دولي