اسعارالولاده بالمستشفيات الخاصة(تم تجميع المواضيع المتشابهه)

[ام أحمدووه]

السلام عليكم..شلونكم بنات شخباركم...
انا توني رادة من مشتشفى هادي ..رحت اشوف الغرف عندهم استعدادا للولادة

خل اقولكم اول شي عن الغرف اللي شفتهم وبعدين اقولكم عن اسعارهم...
1- اول شي شفت الغرفه (سوبر ديلوكس) بالدور الثاني عاديه حيييل وزوينة ...وعلى فكرة في بعد اصغر منها بعد بس ماشفتها!!! مادري شلون بتكون اللي اصغر محكرررررر اكيد

2- وشفت ال( vip )بالدور الثالث ...هذي حلوة وايد وشرحه اول ماتدخلينها في رسبشن صغير في قعدات مرتبين بعدين السرير بالجزء الثاني من الغرفة وهم بعد في قعدات..والحمام تكرمون حلو ومرتب وفي ركن صغير مطبخ تحضيري...اجمالا الغرفة حلوة وتفتح النفس

3- اخر شي شفت ال (رويال سويت-الملكي-) بالدور الرابع...وهذي عاد شي شي الرسبشن مال الدور نفسه حلووووو وغير عن الادوار الثانية...الغرفه تهبل وديكورها غير وكشخه والغرفة كبيره طبعا والحمام تكرمون حلو وايد وكبير....يعني عموما الغرفة روووووووعة وفعلا ملكي


الاسعاااار :
الغرفة الاولى : الليلة ب 45 دينار
الغرفة الثانية : الليلة 95 دينار
الغرفة الثالثة : الليلة 160 دينار

وطبعا الولادة الطبيعيه تحتاج ليلتين فقط اما القيصريه تحتاج 4 ليالي ...وعليكم الحسبة

وسألتهم عن السعر الاجمالي للغرفة اللي ابيها مع الولادة وتوابعها من ادويه وفحوصات وحضانة البيبي...قالولي تقريبا بحدود 400 دينار بدوووون سعر الدكتورة (لان دكتورتي من بره المستشفى ..حسابها بروحها)
وانا سألت عن الغرفة الثانية ال vip ...

حبيت افيدكم بنات عشان وايد منكم على وشك ولادة....الله يسهل عليكم وعلينا يااااارب

 

[رمانه كويتيه]

مشاركة: اسعار غرف الولادة بمستشفى هادي...

ام احمدوو حبيبتى ماقصرتى بس معروفين يقولون لج اسعار واذا ييتى تدفعين يطلع سعر ثانى انا ما درى عن الهادى بس السلام وهقونى قالولى الغرفه مع القيصريه 4 ايام 600 دينار او 700 مانى ذاكره يوم ولدت عندهم قيصريه طبعا طلع ولدى تعبان وعلى طول حطوه بالانعاش عندهم يوم طلعت انا خذو منى 1000 دينار وعقبها ولدى بيومين خذو 350 دينار فقلت خلاص دام انا قيصريه اروح الولاده احسن لى قمت اخاف الصراحه بس اللى ولاده طبيعيه اتروح ادلل روحها بالخاص احسن لها

 

[Raveena]

مشاركة: اسعار غرف الولادة بمستشفى هادي...

مشكورة على المعلومات


انا و لدت بالهادي كنت ماخذة سويت الليلة بــ70 دينار بس بنفس الوقت غيرت من السويت خذيت ملكي الليلة على 150 دينار


و الغرف العادية كانت على 60 دينار

هالكلام قبل سنة مادري الحين اذا تغيرت الاسعار ولا نفسها

 

[ام أحمدووه]

مشاركة: اسعار غرف الولادة بمستشفى هادي...

سمااا - رافينا حياكم الله ومشكورين عالمشاركة...
والله انا اليوم رايحه وسألتهم عن الاسعار وحطيتهم لكم مثل ماشفتوا... بس مايندرى عنهم على قولة اختي سماا...يقولون شي وتالي وانتي طالعه ياخذون شي ثاني!!!

 

[بنت العز]

مشاركة: اسعار غرف الولادة بمستشفى هادي...

حبيبتي ترى معروف ان المستشفيات الخاصه يقولون شي و اذا ييتي بتحاسبينهم يطلع الحساب شي ثاني .. انا لما ولدت بالهادي طلع احسابي

فوق ال 1500 د.ك بس صج انا طولت عندهم من الخميس لى الاثنين ,, و ذاك اليوم كنت امدخله ولدي ليله وحده بسسسسسس و بأصغر غرفه

كان فيه جفاف و الغرفه ليلتها 25 دك لا غير و تخيلتو ان ليله وحده بس و اقصاااه جم دريب بس طلع الحساب 200 دك بالضبط صج ينهبون

هالمستشفيات الخاصه .

 

[سنا الفضه]

مشاركة: اسعار غرف الولادة بمستشفى هادي...

والله انا ولدت بالهادي وقعدت يومين وخذيت الملكي الي بالدور الرابع اليوم ب150 دينار وطلع التوتل مع الخدمات وانا كنت امسويه استقبالي هناك فخذيت من السيرفنت الي عندهم طلع حوالي ال1000 دينار
غير شغل ايد الدكتورة: ماجدة اليتامى<<<حشى سيارة مو ولادة على شغل الايد
هي اخذت مني260

 

[الحــــــلا كله]

مشاركة: اسعار غرف الولادة بمستشفى هادي...

ام احمدوو انا حجزت عند دار الشفا ودكتورتي من برى ماجده اليتامى
بصراحه عندي الملكي مال دار الشفى احلى وارقى الهادي ما ادري شلون صاير

 

[ريماا]

مشاركة: اسعار غرف الولادة بمستشفى هادي...

انا مااحب الهادى كلش مع العلم انى ماجربتة بس اسمع انة غرف الولادة عادى اى احد يطل عليج يعنى الوحدة اذا بغت تشوف بنتها او اختها بالوضع يدخلونها على كل الحريم اللى يولدون
هذا نفس نظام الراشد لوعة يحطونج بغرفة وبينج وبين اللى تولد بس طوفة وحدة جنة حاذفينة بممرات واى لووووووووووووووعة
ولادتى الثانية بدار الشفا روووعة غرفة الولادة بروحى محد يدرى عنى

 

[xxx]

مشاركة: اسعار غرف الولادة بمستشفى هادي...

مشكورة أم أحمدووو

انا ولدت من 9 شهور بالهادي

وكنت ناويه على الملكي بس ماشاءالله مافي ولا غرفة فاضية


خذيت السويت vipالليلة ب 90

رووووووعه والخدمه تهبل

 

[جكورة]

مشاركة: اسعار غرف الولادة بمستشفى هادي...

مشكورة على الأسعار وجزاج الله خير.........

ريما منو قال إن الراشد جذي بالعكس أنــــا والده هناك وكل خواتي هناك .. كل وحده بغرفه منعزله عن الثانيه ولاأحـــد يشوفج ولاتشوفين أحـــــد.....

 

[lolo77]

مشاركة: اسعار غرف الولادة بمستشفى هادي...

شوفوا انا ما ولدت ولا مره بمستشفى خاص
بس من كثر ما سمعت من خواتي وبناتالدوام
ان اكثر المشاكل لا سمح الله اتيي من المستشفيات الخاصة
واحب اقولكم شي مهم يمكن الام اللي اول مره تولد تخاف
بس السهاله من رب العالمين
سواء ولدتي بخاص او حكووومه
وانا اعيالي اثنينهم بمستشفى الشركه
ماشالله مافيها شي خوش ولاده والحمدلله
بس هالاسعار بصراحه مالها لازمه اشدعوا 1000 دينار على ولاده عادية
حلاته الام تحس بالم بسيط بالولاده ولها الاجر صدقوووني
وعاد كيفكم
وتولدون بالسلالالامه انشالله

 

[جارة القمر]

مشاركة: اسعار غرف الولادة بمستشفى هادي...

ام أحمدووه

وعليكم السلام
مستشفي هادي حساب الدكتورة مع حساب الولادة

هذا اللي أعرفه لم ولدت بنفس الفاتورة حساب دكتورتي

والله يقومج بالسلامة يارب

 

[ام أحمدووه]

مشاركة: اسعار غرف الولادة بمستشفى هادي...

اي حبيبتي جارة القمر ادري....بس اقصد ان حساب الدكتورة غير عن حساب المستشفى (الغرفة وعالسوالف)

 

[جارة القمر]

مشاركة: اسعار غرف الولادة بمستشفى هادي...

ام أحمدووه

حبيبتي

أنتي تقولين حساب الدكتورة غير عن حساب المستشفي

ولا أنا غلطانة
أعذريني

 

[ام أحمدووه]

مشاركة: اسعار غرف الولادة بمستشفى هادي...

اقصد لما سالتهم عن السعر الكامل....قلتلهم انا دكتورتي معصومة مخصيد..جان يقولولي ماندري جم تاخذ احنا بس نقولج سعر الغرفه مع الفحوصات مع حضانه البيبي والادوية وهالسوالف وبس
عاد عرفت بعدين ان دكتورتي تاخذ 200
يعني المستشفى تقريبا بيطلع 400 + 200 الدكتورة ....بس اكيد فاتورة وحده بالنهايه



انتي وين ولدتي جارة القمر؟؟؟؟

 

[جارة القمر]

مشاركة: اسعار غرف الولادة بمستشفى هادي...

ام أحمدووه
الله يقومج بالسلامة يارب
وصح كلامك عدل جذية

أنا ولدت بمستشفي هادي

وكانت دكتورتي فوزية القطان

 

[ام أحمدووه]

مشاركة: اسعار غرف الولادة بمستشفى هادي...

الله يسلمج يااااااااااارب
عفية قوليلي اي غرفة خذيتي وجم طلع عليج بالنهايه كل شي؟؟؟؟
وشلون العنايه؟؟؟

 

[جارة القمر]

مشاركة: اسعار غرف الولادة بمستشفى هادي...

وشفت ال( vip )بالدور الثالث ...هذي حلوة وايد وشرحه اول ماتدخلينها في رسبشن صغير في قعدات مرتبين بعدين السرير بالجزء الثاني من الغرفة وهم بعد في قعدات..والحمام تكرمون حلو ومرتب وفي ركن صغير مطبخ تحضيري...اجمالا الغرفة حلوة وتفتح النفس


أنا كنت مأخذته

وصج العناية فظيعة
وما قصروا معاي

حتي أمي الله يطول بعمره كانت معاي للأن حبيبتي أنا لم ولدت كان البيبي متوفي

تقريبا 600 ويمكن اقل هالحجي من سنتين

متي ولادتج حبيبتي؟؟؟؟؟

 

[جكورة]

مشاركة: اسعار غرف الولادة بمستشفى هادي...

جارة القمر الله يعوضج بالذريه الصالحـــــــه.........

 

[ام أحمدووه]

مشاركة: اسعار غرف الولادة بمستشفى هادي...

جارة القمر والله ضاق خلقي
الله يعوضج بالذرية الصالحه....وانشالله يكون طير بالجنة يشفع لج ياااااااااارب



انا ولادتي ان شاء الله بتاريخ 28/1 بس الدكتورة قالتلي احتمال قبلها باسبوعين جذي؟؟