اسبوع مُمتع في لندن (2012)

[نووونتها]

حبيبتي شاعره الباوند يعني نص دينار ​

 

[الدلال]

حبيباتي نورتوا تقريري

وللاخوات اللي سألوني :

بالنسبه لي احس سوق لندن كل شي فيه حلو وغير ومتميز حتى لو نازل عندنا بس احس البضاعه غير

والقبله احددها بالآيفون موجود البرنامج

والمحلات في اللي يسكر 6 مثل محلات البوند ستريت وفي اللي يسكر 8 مثل محلات الاكسفورد

وانا صرفت تقريبا قبل سفرتي بجم يوم 100 دينار تعادل 45 باوند

 

[الدلال]

نكمل...

مجمع الويست فيلد غني عن التعريف, وانا لازم اروح له كذا مره خلال سفرتي لندن, وهالمره لان مدة سفرتي قصيره, رحت له مرتين , ولا العاده اروح لها اكثر من 3 مرات لوووول



لابد نمر بنكي الحبيب اللي في البورتمان سكوير ويكون خلف فندقي اللي سكنت فيه علشان التموين المالي استعدادا للتسوق لوول



وصلنا الويست فيلد



الغدا اولا علشان يكون فيني حيل وطاقه افتر السوق كله لووول

لقطات لبعض المحلات







محل ولدي الصغير المفضل , دخلت واخذت له كذا شغله من العاب الليغو كان موصيني عليهم



واعذروني ماصورت المحلات وايد لهيت بالتسوق لوووول

تشرينا الحمدالله , لابد من استراحه ثانيه يتخللها اكل الحلو وشرب الجاي هههههه



الكافيه اللي قعدنا فيه, وكان لاباس فيه



طلبنا سويت وجاي

وتالي تمشينا ولما طلعنا نبي نرجع شوفوا الجو حزتها ,,وناااسه ,يهبل

 

[الدلال]

استراحه وارجع اكمل

 

[دلع86]

يااااااي شوقتييييني الصراحة

صج لندن لها جو وطعم خااااص وماينمل منها كلششش

عليج بألف عافيه

 

[(حكاية قلب )]

عليكم بالعافية حبيبتي
,
​

 

[الدلال]

الله يعافيكم يالغاليات

 

[الدلال]

اليوم الاخير

بلش الصبح مطر وتالي تصحى الجو وقلنا دام الجو تصحى خل نتمشى بشوارع لندن , منها رياضه ومنها نتسوق

تمشينا باكسفورد ووصلنا لشارع الريجنت







وصلنا godiva وطبعا محد فينا يقاوم الحلويات والكاكاوات دخلنا واخذنا كذا شغله



تجهز طلبيتنا



وتمينا نمشي لين وصلنا البيكاديلي عند محل ليلي وايت وتالي قعدنا بـ كوستا كافيه اللي مجابله





وطلبنا جاي واكلنا بعض من اللي اشتريناه من godiva ....حلووه بعض لووول



وقعدنا شوي وتالي كملنا طريجنا ورحنا الفندق صلينا وحطينا الاغراض اللي اشتريناها ولازم نطل على الهايدبارك ونتمشى فيها شوي..

 

[الدلال]

ياحليلهم تاركين البحيره ويسبحون في بركة من الماي المتيمع من المطر



السنجاب تم واقف جدامي بهالشكل جنه يقول صوريني لووول



طبعا بالسفر وداعا للريجيم ههههههه

تالي طلعنا من الهايدبارك وطقينا فره باكسفورد ورجعنا الفندق نجهز اغراضنا حق رجعتنا





وايد عندهم لوويه وتصليحات

واخر شي مرينا زينه واخذنا شاورما لذيييذه, لازم اكل منه لما اروح لندن



ورجعنا الفندق نجهز اغراضنا حق رجعتنا

 

[&جالكسي&]

الحمدلله عالسلامه وعليج بألف عافيه
حبيت استفسر اذا بسافر٤ ايام وابي اتمشى واتسوق جم آخذ معاي؟

 

[الدلال]

سايقنا وصل بالوقت ووصلنا مطار هيثرو , والحمدالله التاكس كان سهالات وعقب مادخلنا جناطنا دخلنا السوق الحره وتريقنا وانطلقت اشطب على السوق لوووووول



اول شي تريقنا

وتالي رحت احوس بالسوق الحره واشتريت كذا شغله









واخر شي توجهنا للطياره



باي باي لندن



وصلنا ديرتنا الغاليه الكويت

والحمدالله استانسنا وغيرنا جو واشترينا اللي خاطرنا فيه والله يعودها علينا هالسفره ونسافر واحنا بصحة وعافيه باذن الله

وهذي نهاية تقرير سفرتي لندن وان شالله اضبط صور المشتريات وارجع احطهم بنفس الموضوع

 

[الدلال]

الحمدلله عالسلامه وعليج بألف عافيه
حبيت استفسر اذا بسافر٤ ايام وابي اتمشى واتسوق جم آخذ معاي؟

الله يسلمج ويعافيج حبيبتي

يعتمد على حزة سفرتج, بالصيف الاسعار اغلى وبالشتا ارخص شوي

وعلى نوع مشترياتج

و4 ايام نوعا ما ماراح تقدرين تروحين كذا مكان لان لندن كلش مايكفيها 4 ايام

واي استفسار انا حاضره :eh_s(17):

 

[الدلال]

والحين صار دور مشترياتي.. طبعا راح احط صور اهم الاشياء , الملابس والسوالف العاديه وتكرمون الجواتي والنعل انا شاحنتهم مع شركة الخليج للشحن , اذا وصلوا باذن الله راح احطهم..






اول واحد بوك من مايكل كورس وطبعا مصورته بالعلبه لانه هديه , ونفس الشي الفولي فولي مجموعة اكسسوارات وهم بعد هدية



احب وايد شغلات شوارفسكي , فأخذت كذا شغله من هناك



اسوار وخاتم من Lv



اسوار من بربري



اساور من هيرمز



اسوار وخاتم من كووج



جنطة من Lv



جنطة من برادا




سوالف متنوعه من خرابيط هارودز لووول



بعض من المكياج



كاكاوات



من فندي كفر للآيفون وبوك



ساعة من غوتشي, اخذتها من مطار هيثرو



اخذتهم بسويهم توزيعات حق تفوق ولدي وبحط بكل واحد كاكاوه من هارودز من اللي على جنب



هذي بعض التوزيعات حق الهدايا والصوايغ, اخذت هالجناط من بريمارك , شحلاتهم تحطين فيهم صوغتج

وان شالله بس توصل باقي اغراضي من الشحن احطهم

وسلامتكم وتعيشون ....

 

[اصايل]

يااااابعد عمري يالدلال يعطيج الف الف عافيه
عليج بالعافيه الله يهنيج وتقطعينهم بالعافيه

 

[ҒŸoŋқA]

موضووعج روووعه صرررررررررآآحه
وان شااءالله الله يكتب لنا سفره حق لندن سيآحه ..
والحمدالله على سلامتج ..
وعلييج بالعافيه ..صراااحه تقرير مميز ...

 

[ҒŸoŋқA]

اب اب اب
اب اب

 

[اسرار70]

ذوقج وايد حلو
ساعه غوتشى وايد حلوه
عليج بالعافيه

 

[jen2n]

خوش سفرة وخوش تقرير الله يعطيج العافيه وبالعافية عليكم المشتريات

بس بغيت اسألج جم سؤال

بالنسبه للاكسسوارات خذيتهم من بيستر فيج والا من محلات الماركات ؟

وهل ببيستر فيلج يبيعون اكسسوارات ماركه؟

وبالنسبه لويست فيلد شنو اسم المطعم اللبناني اللي فيه ووين يكون مكانه بالضبط ؟

 

[نجد دياري]

عليك بالعافيه قلبي مره حلوه اغراضك بس بغيت اسألك المحلات اللي في المطار عليها تاكس؟ يعني يرجعون لك التاكس والا لا؟
وعجبتني الاكياس اللي من بريمارك واللي من هارودز اعطيتينا افكار حلوه
بانتظار الباقي من الاغراض تسلميييييييين

 

[يآسمينه]

ما شاءالله

حلو التقرير شوقتينا على لندن

و مشترياتج ذوووق

بالعافيه حبيبتي