يقولون :الكويت الماضي.. دبي الحاضر.. قطر المستقبل!!

[sara_kw]

مساء الخير كويتيات

الاسبوع اللي طاف كنت رايحه قطر

ما شاء الله ما شاء الله ديرتهم حلوووه و نظيفه و اهلها ما شاء الله عليهم اهل كررررم وطيبه ومتواضعين
وشكلها بتصير بالمستقبل وجهه سياحيه
يعني الناس الحين هابين بدبي..، مستقبلا بهبون بقطر...،

الزبده من الموضوع
اول ما حطينا ريلنا بقطر لما مشينا وصديقاتي ما خلوني من مكان لي مكان
شفت قطر كلها بويك اند هههه

الحين ان شاء الله صديقاتي بيوون الكويت بعد جم اسبوع
ودي اوريهم الكويت
بس شرط ما ابي مجمعات ومطاعم لان حافظتهم
شنو تقترحون

الحين اقولكم شنو سبب العنوان (يقولون اهل قطر انهم سامعين هالمثل) مادري منو مطلعه
بس شكله بكون حقيقه لكن ربي قادر يرد ديرتنا (عروس الخليج)

فالسؤال: هل طلع لنا بالكويت اماكن سياحيه يديده 2012؟؟؟؟


ناطره اقتراحاتكم......// وسلامتكم



 

[يارب ترحمنا اذا]

حبيبتي اول شي حمدلله عالسلامه
ثانيا كل ديرة تتميز باللي فيها ودول الخليج كلها حلوةوالكويت عندج اماكن حلووة وهاااديه هالقسم ماقصروا كويتيات مع الصوور
انا بقولج تجربتي والاماكن اللي زرتها
جزيرة فيلكا حيل هاديه روحيلها بعبارة الظهر ساعه اوساعتين تفرونها كلها
الشعب حيل حبيتها المدينه اترفبهيه قعدة الكوت جوها رهيب ورووعه المقهى الشعبي اللي عند مجلس الامه اذا ماني غلطانه الابراج هم حلوة المتحف العلمي متاحف.السدو اللي حاطتهم عضوة بعنوان امكن سياحه اغلبنامازرناها حيل حلوووو موووضوعهااتمنا اكون افدتج ماحبيت اطلع بدون مارد. ..

 

[sara_kw]

حبيبتي اول شي حمدلله عالسلامه
ثانيا كل ديرة تتميز باللي فيها ودول الخليج كلها حلوةوالكويت عندج اماكن حلووة وهاااديه هالقسم ماقصروا كويتيات مع الصوور
انا بقولج تجربتي والاماكن اللي زرتها
جزيرة فيلكا حيل هاديه روحيلها بعبارة الظهر ساعه اوساعتين تفرونها كلها
الشعب حيل حبيتها المدينه اترفبهيه قعدة الكوت جوها رهيب ورووعه المقهى الشعبي اللي عند مجلس الامه اذا ماني غلطانه الابراج هم حلوة المتحف العلمي متاحف.السدو اللي حاطتهم عضوة بعنوان امكن سياحه اغلبنامازرناها حيل حلوووو موووضوعهااتمنا اكون افدتج ماحبيت اطلع بدون مارد. ..

حبيبتي ما قصرتي

عاد انا فيلچاويه وعارفه فيلچا عدل مدل 
بس اودي ضيوف احس وايد حوسه ان شاء الله لما يفكرون يسوونها منطقه سياحيه اوديهم الحين ما تصلح

والمدينه الترفيهيه فكرت فيها مع اني مو رايحتلها الا مرتين لما كنت صغيره
وبقطر ما عندهم مدينة ملاهي كلش


وما قصرتي مشكووره 

 

[حنطاويه عسل]

لاتروحين الترفيهيه اغلبيه الالعاب مسكرينها روحي الشعب

 

[sara_kw]

لاتروحين الترفيهيه اغلبيه الالعاب مسكرينها روحي الشعب

عاد الشعب اقرب لي بس حبيت اوريهم مكان اكبر...

صججج... معلومه مفيده جدا

مشكووره حبيبتي ما قصرتي. 

 

[كوويتهـ كوولـ]

المركز العلمي الشعب الابراج

 

[_زينه_]

وديهم منتزه الخيران

فيلجا

الشعب

مرينا كرسنت الظهاري تغدو في اشاز وبعدين حلو في نستله كوفي او جوكلت بار

قهوه الشميمري يم سوق شرق

360

الافنيو

وديهم سوق الجمعه ههههههههههههه صج صج يونسسس

 

[sara_kw]

لوووول اهم شي سوق اليمعه مستحيل كككككك ضحكتيني زين 

كويتيه كوول + زينه
مشكوورين ما قصرتووا



 

[شموخ داري]

وديهم الافنيوو , الابرااااج , فيلجاا وواايد اماااكن حلووووه

 

[الدلال]

وديهم قرية المطاعم اليديده اللي في ابو الحصانيه حلووه

 

[sara_kw]

شموخ داري + الدلال

تسلموون ما قصرتووا


ودي مكان سياحي يونس يشوق

اهما ودوني (كتارا) شي واااااو

كورنيش وااو بحرهم نظيييف وكثافه سكانيه قليله فماكو زحمه و ماكو ازعاج ومطاعم حلوووه و في مسرح يوناني و معارض واشياء يديده 
حبيته اكثر شي

ابي اشياء تونس

ادري قاعده اتطلب بس شسوي چوود احد يعرف شي بالديره ما مر علي من قبل!!




 

[غلاي غير]

وديهم الاكواريم
وركبيهم عباره والا اليخت اللي معاه غدا
والمجمعات واجد

 

[نـعـومـه]

انتي جزئي وقتج

يعني لاتودينهم كله مطاعم

ولا كله مجمعات

نوعي

رايي وديهم حديقه الشعب حلووه

وديهم واحد من مطاعم البحر او مطاعم الديره العاليه

وديهم الابراج لانه معلم من معالم الكويت لازم يشوفونه

وديهم المركز العلمي هم يعتبر معلم

وديهم ٣٦٠ لانه مجمع راقي

وديهم التلال بس خيشوفون تصاميم وابداعات كويتين

وديهم سوق المباركيه عشان يشوفون تراثنا وسوقنا القديم

وديهم بيت الشهداء بالقرين

وجيكي اذا في متاحف شي وديهم

الكويت سياحيه بس يبيلها احد يسوي جدول صح وترا الكويت مميزه بشي فيها روح عندج دبي كله اجانب وقطر كذلك الكويت فيها من اهل الديره وفيها حركه عشان جذي الخليجين يستانسون

 

[sara_kw]

غلاي غير فكرة اليخت حلوه ما قصرتي


نعومه تسلمين والله يعطيج العافيه



وهل من مزيد؟؟ 

انا قاعده احط افكار عندي وقت شهر ٤ موعدنا

فاستقبل اقتراحاتكم خواتي *

 

[~*~الملكة~*~]

1- المباركيه

2- سوق شرق روحي الجهه اللي صوب البحر في ياجرون طراريد يفرون فيج بالبحر تقريبا ربع ساعه ونااااسه

3- روحي يوم البحار مادري القهوه الشعبيه اللي يم قصر السيف حدها تونس كمان تراثي كويتي

4- روحي المنتجعات هوليدي ان ، سيشل ، خيران ،،،

5- مارينا كرسنت

6- وديهم معارض اللي يسونها الكويتيات احسن من السوق عندهم نفس المحلات اللي عندنا

7- الابراج

8- المطاعم دوري المطاعم النيو اللي اصحابها كويتيين اخذيلج فره بالقسم راح تحصلين او دشي وحده بلوقاه مين اكون

وايد تحط عن المطاعم اللي اصاحبها كويتين ومو موجوديين بمكان ثاني

 

[قفشـه]

قطر حلوه بس مو واااو .. صح مرتبة بس مو ونيسه تملل وتحسين فاضيه

انا فريتها بساعتين ماعندهم الا فلاجيو وسوق واجف

انتي وديهم البدع +الافنيوز+360 +الشعب+الاكواريوم+البلاجات+ الكوت والمنشر وفندق روتانا صج مووطبيعي هالمكان+سبونز اللي بابوحليفه+مرينا كريسنت

 

[روعة خيال]

قطر كلها فيلاجيو و ستي سنتر و اسباير!!

وين المستقبل!

حبيبتي ماكو على دبي بتظل اهي المستقبل ��

 

[sara_kw]

الملكه وقفشه شكرا جزيلا ما قصرتوا الله يعطيكم العافيه


روعه خيال ( هذا كلامهم والله انا سمعته منهم ) و انا شفت صج عندهم مشاريع وتنظيم و حضاريين جداً 


الله يرد ديرتنا عروس ودرة الخليج ان شاء الله 

 

[كويتيا كول]

هذا الموقع راح يفيدج في وايد اماكن حلوه http://www.kw.jowlat.com/

 

[reem alflla]

غير الفملي ولا ند مارك وسناء قطر شعندهم

كااااااااك امبيه شخباري سناء