ليـش تزوج علي :(

[(*ام عهــــد *)]

الله يرده لج ردا جميلا

 

[فراشه بيضا]

اعرف واحده متزوج عليها زوجها
لكن عرفت ترده لها وكشت بالثانيه
وماطلبت الطلاق
حاولي تجذبيه مدامه مو راضي يطلق يعني للحين يحبج
شوفي الثانيه شتسوي وقلديها او صيري احسن منها
وصيري غامضه مره قريت جذي يقولون هذا يجذب الريال

 

[مكتومه]

الله يفرج همك ياااااااااااااااااااااااااااااااااااارب ويغير حالج من حال الى احسن حال يااارب

 

[قمرية الفيس]

اخيه يارياجيل لو هم يجربون احد يشاركهم بنصيبهم جان حاسوا بس سبحانك يارب


واللللللع مالومج الله يلوووو الي يلومج
وهم الطلاق مو حل الي عواقبة وخيمة خص عندج عيال باجر هي تجيب عيال وعيالها يتربون بحظن ابوهم وعيالج لا محرومين
خلاص ياقلبي تكيفي مع وضعج بدام انها مو معاج بنفس البيت يعني اشوه
وزوجج لايجيب طاريها عندج ولاجيبين طاريها عندها
وميفي حياتج وريحي منه بعد خو مو كل يوم مقابل ياراح عنها ريحي انتي اسهريلج على فلم تفركي مارسي هزايتج خو مو بس قاطة روحج عليه


انا ما بسط لج الامور صحيح ماهي شوية بس ارد وقول هذا قضاء وقدر وارضي بنصسيج
ولناس بتكلم وبتكلم وختى لو ماتزوج عليج هممممم بتكلم

 

[ạ7ạśêś ~]

.:


شوفي ي قلبي ما عليج من لي تقول طلبي طلآِق.ِ؟
ي قلبي هل شي تعرفينه من نفسج لم تشوفين لج مكان افضل من بيت ريلج واحد يقدر يتحامل عيالج .؟
وذكري الله دخلي ذكر الله بكل شي ورررررررررربي ابرك من كل شي.
سوي لج جوا يعني روحي سوي لوك يديد لج رجيم اي شي تشوفين نفسج فيه ترى هل شي هم يغير نفسيه,
وعسى الله يهديه لج ويسخره لج .

 

[بنت حر]

كلي دلع انا بنطرد ردج لانه يقند الراس

أنــشــهـــد​

:rerrerek:

 

[zqertya]

وااااي ياعمري انتي والله عورتي قلبي شوفي اهتمي بنفسج وطلعي واستانسي وغيري ستايلج وصدقيني لما يشوفج منشغله عنه وانج ناسيته راح هو يركض وراج بس لو انا مكانج اطلق واشوف حياتي دامي صغيره يعني ماخذته عن حب شلون يسوي جذي الله يعينج

 

[هيبة ملك]

تزوج عليج ؟؟ لأن مالهم أمان وعمرهم مايحبون إلا أنفسهم

فلاتضيعين بيتج وعيالج عشانه خليه ظل حيطة ودوسي على نفسج ومشاعرج عشان عيالج لاتشتتينهم
وتعيشينهم أيتام وبالنسبة له أحقريه وقتها راح يجيج يركض

حبيبتي العبرة في النهاية لما تفوزين ببيتج وتربية عيالج وتشوفينهم كبار قدام عيونج

الله يصبرج وينصرج ويرد لج زوجك
حاسة فيج وربي

 

[ام ثلاث الصقور]

حسبي الله عليهم كلهم شوفي حبيبتي الانسان طاقه وانتي صبرتي بمافيه الكفايه
واذا لك قدره ع الصبر اصبري واحتسبي الاجر واهتمي بنفسك واذا جا عندك لاتهملينه
بالعكس اهتمي فيه ودلعيه لاتخلينه لها هي الحين فرحانه انها تخرب بينكم
وواصيك بصلاة الليل لاتفوتينها وصلاة الضحى والاستغفار
واذا ع اهله خليهم يولون ولاتلقين لهم بال واكثري من قول
لا اله الا انت سبحانك اني كنت من الضالمين

والله ينصرگ عليهم نصرت عزيزٍ مقتدر ويرد زوجك لك رداً جميلاً حسناً
ويسخره لك ولعيالك ويحنن قلبه عليگ ويعلق قلبه فيك ويستر عيوبگ عنه
ويجعلگ زهرةً بين عينيه يارب العالمين الله يشرح لك صدرك ويرزقك براحة البال
اللهم اميييين يارب العالمين

 

[شوshشو]

الله يعينك ويصبرك على ما بلاك

اسمعي لا تفكرررين بطلاأق ابد مهما صار هووو زوجك ابوو عيالك ومرررده لك صدقيني


وبعدين انتي بطريقتك تقدرين تجذبينه صوبككك صدقيني باهتمامكك بنفسكك اول يعني لاتبيني له انك متضااااايقه وكل ماااجاااا عندك لاذكرينه فيهاااا وبعدين اذا جاااك حاولي تفهمين شنو السبب تزوج عليك عشان تغيرنه واسئليه شنو مووعاجبك فيني واهتمي فيه وعياله. هوووو راح يحس بنفسه وب تلاحظييين التغير مؤ من البدايه




وبعدين اسمعي لأتنسين الاستغفار أكثر ري منه

 

[عسل مرت قيمر]

لا حول ولا قوة الا بالله


حياتي والله

الله يبرد على قلبج


البنات ماقصرو

 

[ماني من الناس]

شصار على صاحبه الموضوع ؟!

 

[a7la_7b]

قولي وأفوص أمري إلى الله وحسبي الله ونعم الوكيل

الله يفرج همج. وينصرج على اللي ظلموج

 

[قلب طفـــله]

حسبي الله ونعم الوكيل عالظالم اللي مايخاف من الله تحسبي يالغاليه اشكي للي ماتنام عينه وصدقيني حوبتج ماراح تتعداهم اهو وبواقة الريياييل وأهله ليش ياخذون متزوج ابي افهم لهالدرجه فيهم دوده الا مايتزوجون!! قطيعه اذا بايره ومحد يبيج خذي مطلق ارمل شايب بس لاتاخذين متزوج بايقه ريلج وعينها قويه تسوي مشاكل الله اكبرعليها !

 

[++The DuchesS++]

الله يفرجها عليج يارب ويصبرج

 

[كويتية بروما]

اكرهه الحريم اللي بيوقون الرياييل من حريمهم
الله يهدي زوجج لج

 

[ام احلى خلودى]

والله قطعتى قلبى .... ادعى ربج الله يفرج همج يااارب .... ادعى ربج مافى شى بعيد عن ربج ونطرى هالفترة لاتطلبين الطلاق الحين جود يطلقها وترتاحين

 

[متوترة]

رد: رد : ليـش تزوج علي

الله يعينج ياقلبي على اللى مريتي فيه

بس نصحيه من اخت لج لا تعبين نفسج ولا تضعين وقتج بكلام الناس شنو يقوالون عنج ولا تفكرين بأسأله ماراح تلقين لها جواب بشكل كافي وصريح ومهما كاان الجواب مراح يمسح الالم اللى مريتي فيح وحسيتيه

حبيبتي ماشاءالله عليج انتي بعدج صغيره اهتمي بنفسج عطي نفسج حقها مثل ماتهتمين بعيالج والبيت وريلج انتي بعد محتاجه شويه اهتمام منج
حاولي تخصصين وقت تطلعين فيه مع خواتج صديقاتج تغيرين جو ,اشتركي بنادي خصصي لج يووم معين تروحين تسوين مساج تريحين اعصابج والله لمن تغيرين شوية روتينج راح تحسين براحه خصوصا انج قاعده تسوين شي لنفسج

واذا ريلج كان عندج انسي انه متزوج عليج استمتعي بوقتج معاه مو عشان اهوا يرتاح لأ عشان انتي ترتاحين معاه وتستمتعين بوقتج ومهما حاولت مرته الثانيه تضايقج حقريها ولا تهتمين بردددي قلبج ادري صعبه اول شي بتسوينها على انها تصنع شي موفيج لكن بعدين بيصير طبع مكتسب

ادري اللى تمرين فيه صعب ولا يمكن احد يتحمله بس لاصار الواقع مفروض علينا نعيشه مالنا الا ان نجاريه ونحاول نغير اللي نقدر نغيره ونتكيّيف معاه

عين العقل كلامج :eh_s(7):

 

[الزيـــــ^^ـــــن]

شصار ع صاحبه الموضووع،؟؟
الله يفرج همها يارب

 

[dnyay_mll]

الموضوع قدييم تصدقون من قريته قمت اضحك على نفسي شلون كنت تافهه وبس افكر فيه ومايهمني غير راحته ورضاه

ابشركم بنات عايشه حياتي ولله الحمد وما ابيـــه وطالبه الطلاق والحين اهو اللي يحب الايادي عشان يرجع لكن رجعتي له مستحييييله ومن سابع المستحيلات اني ارجع لهالانسان لو شنو يسوي

الحمدلله رب العالمين ازمه وتجاوزتها اكرهه جد ولا اطيقه ولا اطيق اشوفه ومااتحمل اقعد معاه دقيقه على بعضها

وعيالي ولله الحمد تعودو على هالوضع يشوفونه بالاسبوع مره او مرتين واللي يبي يروح له ما امانع بالعكس ما ابيهم يقطعونه

اللي افكر فيه الحين الطلاق وبس ان شاءالله يطلقني وارتااااااح مابي شي ثاني منه

ومشكورين على دعواتكم وردودكم