د. روبينا علي مستشفى السيف(دمج الاستفسارات)

[KOKO_284I]

شوفي حبوبه انا اول مره باولد عندها بس واااايد سالت عنها قبل لا اراجع عندها ومحد ذم فيها بالعكس قالولي طويييييييييييييييييييييييييله بال

وصراحه يوم راجعت عندها حيل حبوبه وتسال عن كل التفاصيل وتهتم بولدي وحيل متواضعه يعني لمه انام للسونار واقوم اهي اللي تساعدني وتقومني ..مع ان السستر واقفه

اذا متردده وايد استخيري

 

[ipink]

منو جرب سونار عندها ومن اي شي تقول يبين الجنس انا قالتلي احتمال 70% غير يعني اعتمد عالكلام ولا شلون وانشالله الشهر الياي تاكدلي بس فيني فضوول

 

[нάγoηά cнεмίsтяγ]

بنات منو ولد عندها طبيعي ؟ بس بعرف نسبة الولادات الطبيعيه عندها وايد والا شوي

لاني انا ولدت عندها قيصري

 

[أم غايب]

بنات منو الي طلبت منه روبينا سونار تفصيلي ؟؟؟؟
انا طلبت مني و تقول عادي اطلبه من كل مراجعيني وانا قمت اوسوس

 

[جوريه 4]

ام غايب انا بعد طلبت مني مثلج وخفت وماسويته وعادي وسالت قالولي انه تطلبه علشان تتاكد انه البيبي مافيه شي وانا الحين بدش التاسع ادعيلي الولاده الطبيعيه انشالله

 

[lalaaa]

الحمد لله ولدت عندها طبيعي وخياطتها زينه وما تحسين فيها

 

[جوريه 4]

لولوو الحمدلله علي سلااامتج بغيت اسال جم طلعت عليج الولاده وجم يوم قعدتي

 

[أم غايب]

ام غايب انا بعد طلبت مني مثلج وخفت وماسويته وعادي وسالت قالولي انه تطلبه علشان تتاكد انه البيبي مافيه شي وانا الحين بدش التاسع ادعيلي الولاده الطبيعيه انشالله

انشاءالله الله يسهل عليج و تولدين طبيعي
الحمدلله اليوم سويته و طلع كل شي طبيعي

 

[جوريه 4]

الحمدلله والله يقومج بالسلاامه

 

[شنوووفه]

انا بعد انشالله عندها ارتحت عليها واايد

 

[NOOOHA]

انا والدة عندها بالسيف ،، راجعت عندها من أول حمالي و كل شي كان تمام و كانت احليوه ،، بس قدر الله انها تولدني قيصري و لي الحين اعرف ثلاث غيري ولدتهم قيصرية للاسف عرفت هالمعلومة متأخر ولا جان انحشت منها ..

 

[нάγoηά cнεмίsтяγ]

نوها حتى انا قيصري عندها مع الاسف بس مرتاحتلها حيل شاطرة و خياطها ممتاز

المهم حبيت اقولكم ان روبينا الحين باجازة

ترجع 10 من شهر ستة حسب ما قال الموظف

 

[شنوووفه]

انا بعد اراجع عندها من صجكم كله تولد قيصري عاد مرت خالي بتولد عندها اهيه قبلي خالاشووف تولدها شنو واقولكم
انا موعد معاها 3-6 بس انا كلمت الدكتوره قالتلي بتقعد 10 ايام وترد

 

[جوريه 4]

اختي شنووفه انا مثلج موعدي ٢/ ٦ وانا بالشهر التاسع وانشالله اولد طبيعي لانه بنتي ولدت عمليه بس مو عندهاا وانا حيييل مرتاحه لها

 

[нάγoηά cнεмίsтяγ]

حبايبي شسالفه ترا ماكو دكتور او دكتورة كله يولدون قيصري منيه والطريج
كل وحدة عملية لها اسبابها


انا طول فترة حملي قالت لي انشالله اولدج طبيعي

بس اخر مراجعاتي بالتاسعك كله ضغطي مرتفع

قالت لي نصيحة خليني اولدج مبجر قبل لا اييلج طلق لان احتمال يرتفع ضغطج مع الطلق و مايمدينا نسوي شي والضغط خطر عليج
صراحه اهي خيرتني ما جبرتني قالت الراي رايج وانتي كيفج ووافقت لان اخاف من الضغط تدرون خطر بالولادة

ف نزلت ظغطي بجهاز تخطيط و بعدين دخلوني ولادة علا اساس اولد طبيعي بطلق صناعي

حطولي تحميلتين طلق صناعي تحميله بالليل و تحميله الصبح و ماقاعد ينفتح رحمي وايد طولت فتح بس 3 سانتي

ومسكينة صابرة علي قالت يبيلج 4 ساعات عالولادة و فجأة نسمع بتخطيط نبض البيبي ان نبض البيبي حييييل قل شوي و يوقف و الله تسمعين نبضه وحدة ووراها صخه وبعدين نبضه... حيل ضعف نبض بنتي حبيبتي

جان تقولي الدكتورة فديتهار قالت للسسترات حولوها الحين الحين عملية لازم نلحق عالبيبي يطلع بسرعه خلال دقايق.. ماتقدر بهالحاله تنطر طبيعي لان باقيلي 4 ساعات عالولادة جان بنتي سمالله عليها راحت

والله خلال ربع ساعه بنتي طلعت بالسلامه اللهم لك الحمد والشكر

هذي سبب قيصريتي و اكيد كل قيصرية لها اسبابها و اهي اصلا ماشالله شاطرة بالقيصري و بالطبيعي

 

[جوريه 4]

اختي شلونها بالقيصريه تعور ولا لا يقولون علي حسب الدكتور وانا كنت مسويه ببنتي عمليه علشان ماي قل بس مو عندهاا بمستشفي ثاني وقالتلي ان شالله اولدج طبيعي يارب اولد طبيعي لاني تعبت بولادتي الاولي

 

[нάγoηά cнεмίsтяγ]

امين

جورية حبيبتي مافي ولادة بدون الم لازم تحسين بمضاعفات القيصري الالم الي بعد العملية شي طبيعي لان شاقين بطنج لازم تحسين بالجرح بس المسكمات ماراح تحسين لازم تاخذينهم بانتظام حسب مايقولولج

اذا اهملتي المسكنات راح اييلج عوار


بالنسبة لخياط القيصري قلتلك اهي شاطرة بالخياط

انا ريلي بالجراحه شاف الجرح قال ماشالله عليها صج شاطرة

 

[جوريه 4]

اختي هيوونه تصدقين راجعت بمستشفي العدان الدكتور سالني قال وين تولدين قلت ان شالله بالسيف قال منو دكتورج قلت روبينا وقبلها يذم بالخاص قال روحي اولدي وانتي مطمنه

 

[جوريه 4]

ان شالله نولد طبيعي انتي ماشالله جم لج الحييين انا الحييين نص التاسع

 

[нάγoηά cнεмίsтяγ]

جورية روبينا انا مجربتها ومافكر اغيرها انشالله بس مو اجازة علا حظي

الله يهون عليج و تولدين يا رب بالسلامة لاتحاتين سهالات انشالله

انا توني حامل.. هذا حملي الثاني انشاءالله

توني باول شهر