<<كل وحده تدش تحطلنا طريقها بالقهوة العربيه >>

[bedour18]

مشكوووووووووووووووووورين بنات على هالموضوع الحلو.

الحين شريت قهوة شقرا من الذهبي بالشويخ و شريت بهار القهوة من عنده خلطة اسمها ( القصيم)

انزييييييييييييييييييييييييييييين الحين توهق البطل اي طريقه استخدم للفهوة؟؟؟؟؟

 

[حرم عبدالله]

اسمعوا بنات حنا قهوتنا حلوه وطعمها بالراس وكان يمدحها بشهادة الجميع

جيبي القهوه الخضرا مومحموسه احمسيها بالجهاز
وحطي عليها مستكه تلقونه بالجمعية او العطار شكلة نفس علج الماي
وحطي (اشنه) فوقها شكلها نفس القشور عند العطار
وخلوها تحمس لين تصير شقرا موسودة تحمس الجبد

واطحنيها واحفضيها بقوطي لاتعر ض للهوا واجد تخرب

وحطي ماي بالغوري ماي وقهوتج
وخليها تفوووووح بس فوحتين موتطبخ لين يطلع قلبها

وحطي بالدله كوفي ميت وزعفران وهيل

اتجنن وباي

 

[وصالية]

اشتريها من بن البدوي وايد احب مالتهم
و اخلط معاها شوية بن تركش +هيل
و بعدين اغليها مع ماي و اضيف لها زعفران و كوفي ميت
و هني و عافية

 

[ثلوج لا تذوب]

صدقيني سر القهوة بالمستكة واظن ان العجمان ما يخلون المستكة عشان جذي قهوتهم لا يعلى عليها

والله اعلم

 

[GAP^^الكبيرة]

مشكووورين بنات

استفدت من هالموضوع وبجرب اغير طريقتي

والقهوة اللي اشتريها عاده تكون من بن العميد

 

[شندوخه]

انا الطريقه غير اللي اسويها وتوني متعلمتها ههههههههه بس حلوه
افوح تقريبا لتر ماي
وبس يبدي يفوح احط فنيال ونص قهوه واخليها تقلب قلبتين او ثلاث بعدين احط قفشه هيل واصكر الجوله اخليها تركد شويه بعدين اصبها بالمطاره

 

[mzmz]

شكرااااااااااااااااااااااااااااااااااااااااااااا

 

[القلب النابض]

:RoadRunner:


شفتوا شلون السرعه ترى انقطع قلبي مفحطه جايه من أبها عاد اذا تعرفون ابها في جنوب السعوديه عشان خاطر سواد عيونكم وطبعا انتوا خواتي شي كبير عندي لا وبعد جايبين طاري القهوة ياوييييييييييييييييييييييييييلي احبها حب مو طبيعي عاد ماطول عليكم حبايبي كفيتوا ووفيتوا ماشاء الله عليكم سنعات واحب اضيف شي بسيط بس ................. الا وهو

فيه نوع من انواع البن اسمه خولاني يعني بن مثل الهرري بس اطيب و أفخم منه اسألوا عنه عسى بس يكون عندكم موجود منه في الكويت بصراحه خرافه مو طبيعي لا يختلف في اعداده عما سبق وتفضلتوا فيه .

خلو حمستكم للقهوه شويه وسط احسن كلما كانت الحمسه ناضجة كاما كانت النتيجة احسن . طبعا ماوصيكم في الهيل والزعفران الطيب ونتفه جوزة الطيب بعد قبل ما انسى خلوها تطبخ تمام تمام تمام منا الين أبها .......... طبعا امزح لا تصدقون :hjy5jewf::hjy5jewf: ثلث ساعه على نار هاديه تكفيها .

ما اوصيكم الله الله في الحمسه العدله والطبخه التمام .

عاد استأذن قعدتكم ماتنمل لكن باروح لعيالي وراي مشوار طويل :wqedqw::wqedqw:​

:RoadRunner:​

 

[hannooda]

اذا مطارة القهوة كبيرة احط مقدار 5 ملاعق قهوة من العميد في ابريق واخليه يغلي 10 دقايق بعدين اسكر النار وارجع افتح النار على الهادي بعدها بشوي ربع ساعة / احط مقدار ملعقة ونصب هيل ناعم بالمطارة + 2 ملعقة حليب كرنيشن او kdd وبعدين اشخل القهوة بالمطارة.
هذي طريقة امي وحياكم الله

 

[xxx]

مشكورين على المشاركه

 

[مصابرة]

أنا أشتري القهوة مرات من بن العميد وتكون شقرة وبدون هيل
ومرات أشتريها من المحلات اللي قرب سوق لندن الخاصة بالتمور عندهم خوش قهوة وهيل
والمقدار :
4 كوب ماء
نص كوب بن خشن وتغلي 5 دقايق وبعدين أخليها على نار هادية 20 دقيقة
وأحط في المطارة 2ملعقة كبيرة ومملوءة جدا هيل خشن بس من النوع الزين أطحنه بنفس وقت القهوة
وبعدين 1ملعقة صغيرة كوفي ميت وشوية زعفران
ولما تتسبك القهوة أصبها في المطارة وأتركها تتشرب بالهيل

جربوا طريقتي وايد سألوني عنها و إن شاء الله تعجبكم

 

[موظفة]

السلام عليكم بقولكم عن قهوتنا لانها وايد وايد حلوة وعليها طلب والطريقة كالتالي:
التحضير :
القهوة نيبارية وناخذها من الشويخ خيشة ونحمسها على نار هاديه لمه يقلب لونها للبني وعقب نطحنها لاحظو ما نخلطها معهاهيل ابدا.
لازم قياس كمية الماء للمطارة المطارة العادية لا الكبيرة ولا الصغيرة تاخذ 3 فناجيل قهوة مطحونه ولكل فنجان قفشة هيل مطحون.

اولا غلي الماء بروحه بدون قهوه بعد ماقستيه للمطارة وعنما يفور نضع الفناجيل وعادة 3 فناجيل ولمى تقلب القهوة مو حيييييييييل تطبخ بس تقلب.
نشيل الغوري ونترك القهوة تفتر يعني تنزل تحت لمى تركد
وبالاثناء هذا نكون حطينا 3 قفاش وسط هيل مطحون بالمطارة
ونييب مشخال صغير ونصب القهوة بالمطارة وادعولي
وايد حلوه جربوهاواذا ضيعتو سالوني انا جاهزه

 

[غلا دنيتي]

مشكوورين بنات الصراحه طريقتكم وايد حلوه

بس بغيت اسأل

عن مطحنه الصباح وين صايره؟؟؟ لان وايد اسمع عنها

 

[eng.jacvara]

والله حبيبتي احنا في البيت نشتري حب القهوة من الجمعيه ونحمصه في البيت يطلع طعمه عجيب لان شغل البيت دايما احلى,,, أو اذا تبون جاهزة اخذو قهوتكم من بن العميد وايد حلوة
وعن طريقة عملها؟
وايد سهله
اغلي ماي بقوري وحطي عليه تقريبا 5 او 6 ملاعق قهوة على حسب كبر القوري كل ما كان كبير كثري عدد ملاعق القهوة وخليها تغلي لمدة 10 دقايق او اكثر لان كل ما تطولت عالنار كل ما طلعت نكتهتا احلى
وحطي بالدله هيل ملعقتين وشويه زعفران وحبتين مسمار اسود لزيادة النكهه
جربو وقولولي حدها عجيبه وهذي قهوة الشمر ثقييييييييييييييله وحلوة

 

[fajer_q8]

وانا ماعرف

 

[fajer_q8]

ماعرف اسوي قهووه

 

[قطوه كويتيه]

اشتريها من بن ا لعميد

 

[om deaj]

والله حبيبتي احنا في البيت نشتري حب القهوة من الجمعيه ونحمصه في البيت يطلع طعمه عجيب لان شغل البيت دايما احلى,,, أو اذا تبون جاهزة اخذو قهوتكم من بن العميد وايد حلوة
وعن طريقة عملها؟
وايد سهله
اغلي ماي بقوري وحطي عليه تقريبا 5 او 6 ملاعق قهوة على حسب كبر القوري كل ما كان كبير كثري عدد ملاعق القهوة وخليها تغلي لمدة 10 دقايق او اكثر لان كل ما تطولت عالنار كل ما طلعت نكتهتا احلى
وحطي بالدله هيل ملعقتين وشويه زعفران وحبتين مسمار اسود لزيادة النكهه
جربو وقولولي حدها عجيبه وهذي قهوة الشمر ثقييييييييييييييله وحلوة

السلام عليكم،
انا اشتريتها من بن العميد والعامل هناك قالي الافضل اخذها بدون هيل عشان لما تطبخينها ماتصير مرة>>المرارة من الهيل

كل 1 لتر ضيفي عليه 3 فنجان قهوة وخليه يطبخ على نار هادية لمدة 45 دقيقة

جربتها طلعت ثقيلة حيل

طريقتي: كل 1 لتر 3 قفاش كبار قهوة عربية واخليه على نار عالية وليما يغلي الماي اهدي النار عليه لمدة نص ساعة
واضيف الهيل بالمطارة >>> حيل مطحون والي تحب نكهة ثانية تضيفها بالمطارة افضل

 

[كنكونه]

انا والله ماخذه الطريقه من وحده اول شي القهوه من الصباح اخذها من عند امي

اول شي احط فنيالين قهوه واحطهم وافوحهم فوحتين ويكون معاها مسمار وهيل مطحون واحط بالدله هيل 3 او 4 حبات وزعفران وشوي كوفي ميت وشوي اقل من ربع قفشه زنجبيل

 

[بنت الغاليه]

الرييل يحبون القهوه قامجه وحنا يالحريم نحبها فاتحه تبين القهوه تنجح معاج بقولج السر تحطين ثلاث اكواب ماي تخلين المي يغلي انا اطبخ الزعفران ويا شوي مسمار ونقاط من الحليب ولما يصير غلوتين جذ ي احط فنيال وانص قهوه واطبخهم مع بعض واحط قفشتين هيل بالدله وسلامتج وتطلع خوش قهوه