افكر اتطلق منه..........شوروا عليّ

[@غموض@]

السلام عليكم
هذي اول مشاركة لي بالمنتدي وبالقسم بس من بعد مراقبه لي للمنتدي من بعيد ارتحت وحبيت اشارك
انا متزوجه عمري 25 من سنه ونص ولله الحمد انا سليمه ولكن رجلي يعاني من مشكلة لزوجه ودوالي وضعف الحركة وقلة عدد الحيوانات المنوية ،،ومن بعد علاج ابر وحبوب ولله الحمد راحت اللزوجة والدكتور شاف الدوالي صغيره حيل وماتحتاج عمليه ولا تاثر والحركة صارت 45 وعدد الحيوانات المنوية صارت 4 ملايين حيوان منوي،،


الدكتور نصحه بالعسل وحبوب لقاح النحل وحبوب بعد بس مااعرف شسمها لمدة ثلاث اشهر بعدها يحلل مرة ثانية،،
وقال له بعد يفيده حيل التلقيح الصناعي او طفل الانابيب،، انا خايفه ورافضة طفل الانابيب واحس ان التلقيح الصناعي ماينفع بحالته،،منو عندها خبره هل ينفع التلقيح الصناعي؟؟
ومنو سمعت عن حاله مثل حالة زوجي وحملت مرته؟



لاني افكر اتطلق منه............. مع اني اموت فيه بس خايفه من الوقت يمر وخايفه اكبر قبل لا يتعالج واخاف يتزوج غيري اذا تعالج وانا كبرت*

 

[@غموض@]

بلييييييييييز الكل يقولي رايه الكل ينصنحي محتاااااجه لارائكم هل انا متسرعه بالطلاق لان فرص الزواج من غيره صعبه اذا كبرت اكثر من جذي

 

[عهد الغرام]

استغفرا الله تخيلي ٱنـَْْـَِ♡̨̐ـتـي إلي تعالجين ترضين يترككج

 

[أغصان]

وليش رافضه طفل الانابيب ؟؟
اذا تحبين زوجج سويها حتى لو مره شنو ذنبه لان حتى اهو يبي عيال
الله يرزقج ان شاءالله من غير عمليات

 

[خطف قلبي]

اذا انتي ماوقفتي معاه بجذي وقت منو يوقف معاه
تعوذي من إبليس و خلج واقفه معاه
و سووي أنابيب مؤ خسرانه شي
و الله يرزقكم بدون عمليات

 

[الأميرة جوري]

لا اختي عادي زوج اختي كان فيه دوالي وعلاج وحملت تحملي واستمري واسالي وخليه يستمر عالعسل وجربي تلقيح يمكن ربي يرزقكم

 

[أم^_^ عبدالله]

لمجرد انج تفكرين تطلقين ترا غلط يعني قاعد يقولج الدكتور في حل الانابيب ولا التلقيح انا بتوقعاتي تشوفين الانسب من ناحيه الطبيه احنا ما نعرف شنو احسن لج بس اذا انابيب او تلقيح توكلي على الله وسويها لا تيأسين.
وايد بنات مسوين ويابو توائم والله يكتبلج اللي في الخير واذا زوجج زين معاج اوقفي معاه ترا هالشي يقربج منه اكثر واكثر وخصوصا ان عارف ان اهو في مشكله

 

[{ سكر }]

شنووو تطلقين منه تخيلي اني الي مريضه مشكله شهور وتنحل ماهو عقيم الحمد الله
علاجه عسل ولقاح والاستغفااار وبيشفي الطب تطور في حريم صبرو والله رزقهم
يعني اذا الله ماراد تتطلقين اهدي وراح يشفي ان اء الله ناس صارلهم ١٤ انتي توج الله يرزقج

 

[&هند&]

لا حبيبتي لا تتطلقين انا لي سنتين متزوجه وزوجي مثل حالة زوجج واكثر بعد والحمدلله ما ياست والحمدلله سويت تلقيح وحملت وانتي بعد سوي تلقيح وجربي شنو خسارنه ،،،،

 

[ابدا يالغالي مانساك]

هلا حبيبتي شووفي لو بنفترض ان انت الي فييج سبب تاخير الانجاب
ترضين زوجج يقول هالكلام عنج وانه يفكر يطلقج
اكيد لو بتفكير ماترضين

بعديااااا وشنو فيهاا وماشووف سبب انج تياسين
هذا وزوجج مشالله تبارك الرحمان قاعد يتحسن

ذكري الله وتعوذي من الشيطااان ومشي مع الدكتور وشوفي شنو يقول
مافيه شي سويتي تلقيح او نانيب كلهاا عملليات والغرض الواحد من الكل الحمل

 

[shayto0oNa]

استغفر الله وتعوذي من الشيطان

هذا انا ريلي فيه نفس ريلج وحملت مرتين بس سقطت

مااتوقع في مشكله تخليج تفكرين بالطلاق وعلى قولتج تحبينه ؟!! وين الحب ترى اليهال مو كل شي ادري اهم زينة الحياه بس مو كل الحياه نفرض انج تطلقتي ورحتي تزوجتي ويبتي يهال بس مو مرتاحه مع ريلج ولا اهو زين شنو راح تستفيدين ؟؟

اصبري ان الله مع الصابرين وسوي تلقيح مره ومرتين وثلاث واربع واذا مانفع سوي اطفال انابيب ولا تياسين وخلي ايمانج بالله قوي وثقي تماما اذا حطيتي ثقتج بالله راح يرزقج من حيث لاتحتسبين

موفقه

 

[زين ودلال]

توج انتي صغييييره وماصارلكم وايد متزوجين

لا تسرعين،، وفكري ان مو اهو المسؤول عن هالشي ربي سبحانه له حكمه

ومثل ما انتي متشفقه على اليهال اكيد اهو بعد يبي

بس فكري بكسرت قلبه لا قلتيله خلاص خلني!! فوق هم اللي فيه راح تزيدينه هم

حاولي تقوينه وتقوين نفسج وصدقيني مردج بتحملين اذا ربي كاتبلج هالشي

اذا حياتج زينه ومستقره معاه ابداااا لا تفكرين تخلينه وتندمين بعدين

فكري بكل شييييييي لا تطالعين بس بنظره وحده اللي اهي العيال شوفي كل الجوانب

والله يكتبلج اللي فيه الخيييير يارب

 

["*آآآنؤؤؤقهـ*"]

يمه ياقلبج اشلون تقولينها
عشرة سنه توج حبيبتي شتقولين عن اللي لهم ١١ سنه ماجابو

والحمدلله الحين الطب تطور ...


وينج ماشوف لج رد ؟؟؟



ردي ؟؟

 

[سوزي الشرقية]

كلنا مرينا بالازمات بس مافكرنا في الطلاق مثلش المسكين الشيء موبيده عشان تتطلبي الطلاق منه وانتين بنفسش تقولين الدكتور قال حالته في تحسن ماشاءالله يعني مع االاستمرار على العلاج في امل انش تحملي وعطاكم الدكتورة حلين صناعي او اطفال انابيب ولله اعرف وحده مثلش بس مادري شنو حالة زوجها المهم راحت المستشفى التخصصي في الرياض وسوت الظاهر اطفال الانابيب وهي الان في شهرها الثالث الله يتممم اليها وانيتن الان تمري بوقت اختبار من الله ياانش تصبري وتنجحي وتنالي مرادش او العكس
واني اقول حكمي عقلش

 

[Dior80]

معقولة سنة وتفكرين بالطلاق لسبب ماله معني نهائي الدكتور يقولج تلقيح تقولين ماينفع التلقيح لحالته ؟؟ اذا اساسا التلقيح حق الي مثل حالتة ,, توكلي علي الله وسوي تلقيح وانابيب ’’ ولازم ماتحسسينه انه في نقص واهو بالاساس مافيه شي اعراض عادية وتزول .. عيل انا الي 8 سنين عقم شقول ...

 

[تراني مجنونته]

الله يرزقج


جربي شخسرانه


يمكن تحملين

 

[حرم حبيبي]

الزوج ماله ذنب هذا ابتلاء من ربج حرام عليج شنو ذنبه
خليه بوقت السجود يدعي وهمن انتي ادعي (رب لاتذرني فردا وانت خير الوارثين ) 40 مره وشوفي النتيجه

 

[travel_addicted]

و انتي ضامنه ان اذا تطلقتي بتلقين واحد يتزوجج و بتيبين عيال ؟
ما أشوف حاله زوجج وايد صعبه وايد رياييل فيهم جذي و حملوا حريمهم
فرشي سيادتج و ادعي ربج ابكل صلاه و ادعي الله يرزقكم بالذريه الصالحه و تابعي مع دكتوره زينه و متخصصه بالعلاج

 

[ناتشوو]

اشك انج تحبينه
توكم متزوجين
ماامداج تملين
والطبيب مقدم لكم حلول وماتبينها
وخايفة يتزوج بعدين
ليش تستبقين الشر
واشدعوة اللي عندهم عيال ضامنين ازواجهم مايتزوجون عليهم
طبعا انت اخبر بمشاعرج ووضعج
واستشيري اهلج بعد
واستخيري
والله يقدر لكم الخيرة من امركم

 

[كل الغلا زوجي]

السلام عليكم ورحمة الله وبركاته

إختي الغالية أولا إنتي مو بروحج في هالمشكلة إنتي من تزوجتي صرتي مع شخص ثاني تخططون لكل شي بحياتكم بالمختصر حياة مشتركة ولازم القرار بعد يكون مشترك سواءا بالعلاج أو غيره .
ثانيا : تو الناس يالله صار لج سنة تهني عمري واستانسي وعطي العلاج وقته مو تخلين هالمسألة تاخذ كامل حياتج .

أنا عن تجربتي ولله الحمد نفس زوج وأكثر وصار لنا 5 سنين ونص وبالغربة و3 عمليات أنابيب فاشلين بس
أموت عليه أحبه اتنفس الهواء الله يمر صوبه لو يقولون لي عيال الدنيا كلها ولا هو أقول أهو ...

الأولاد زينة الحياة الدنيا بس مو كل الدنيا وياما ناس صالحين وطيبين مو قسمتهم الأولاد بس عاشوا قانعين

تعوذي بالله من الشيطان وتهني مع ريلج وخلي عنج هالوساوس وعالجوا والله يقدر لكم كل الخير