شركات التغذيه منو احسن فيهم وجم نزلنى (الجزء الثانى وبالصور)

[ام الحوراء زينب]

لووووووووووول عجبني فيل

ام كشه هذا لو فات كرهته خلاص خذيت موقف منهم دقيت عليهم صرخت عليهم لين ضغطي ارتفع مليون وكليت حبة ضغط على معده فاضيه

يايبينلي اكل كله غلط
انا قلت ما اكل سي فود ولا تونه ولا هالخرابيط
كاتبين بالورقه تبوله ويايبينلي سلطه تونه @@@@@@@@
ويقولون لزانيا استغفرالله قطو ماياكلها تلوع الجبد استغفرالله عصبت انقهرت كليت اكل العشا وبجيت
ساعه 5 وصلو الاكل
وانا من الصبح ميته يوووووووووووع تريقت ساعه 6 وانكرفت بالمدرسه مارحت الصالون قلت بتغدا يوعانه بالاخير سحبو علي
كنت حالفه اذا طافت ال5 وما وصل
بطلب كنتاكي وباجر اروح الشركه العن خيرهم واخذ فلوسي واكنسل اشتراكي

 

[lano0osh]

قققققووووووة بنات شلونكممممم
اليوووم ترى انا خايرتهااااا وايددد
جنكم حسدتزني لووووووووووول
اتغشمررر
;ppp
لا بس سويت اليوم اووف رحت ويا رفيجاتي على كارينوووز لاني كنت في حالة عشق مع الايتاليان فووود
بس حسافة طلبت سلطات وجذي وكليت شوية من رفيجاتي لوووول
بس ما ادري وايد احس بالذنبببببببببب
بس لين رديت جان اختي تقولي بتشترك وياي فتشجعت من يديد
رحنا اليوم بعد المطعم واشتركت
مسووين جنه عرض مال الصيف ب170 مال الفل باكيج
جددت اشتراكي هو بستفيييييييييد من العرضضض لووووول
بس اختي اشتركت بالاشتراك الذهبي هاذا مال ال في اي بي
ب 280 دينار بس يقولون اكل كله مال في اي بي
خلنا نجرب بعد اشورانااا

 

[lano0osh]

ام حوراء زينب شنو هالشركة عاد يتأخرون بالاكل وانتي مسوية ريجيم
؟؟؟؟وايد مصخرة ترى

 

[missq8_6]

لانوش اي شركة مشتركة و شنو فرق منيو ال في اي بي غن المنيو العادي

 

[ام الحوراء زينب]

لانوش اي شركه اشتركتي

خلاص خذيت موقف من لو فات
هذا وانا بعز يوعي جذي سوو فيني الله لا يسامحهم

 

[فرااااولة]

ام الحوراء انا بعد اليوم تاخروا علي
يابوا الاكل عال١١
ريلي دق عليهم قالوا لان قاعدين نجدد فتاخر التوصيل اليوم بس
عادي طوفي حياتي

 

[Om_Ksha]

هااي بنااات


انا رحت و طلع وزني ثااابت بس زادو العضلات و الدهوون نزلو وايد من الرياضه

بس همن ضايق خلقي ما ارتااح الا لمن ينزل الوزن ههههههه


اليوم عشاااي مسقعه باذنجان لذذذذذذذذذذذيذه و خيار و جزر وايد يييييييييييمييييييييييييي

 

[lano0osh]

لانوش اي شركة مشتركة و شنو فرق منيو ال في اي بي غن المنيو العادي

____________________________________________

مسك
مشتركة بلينا ودينا
بس انا اشتراكي العادي الفل باكيج
اهي خذت الاشتراك الذهبي الفل باكج حق الفي اي بي
كنت يمبها لين اختارت المنيو
لهم منيو خاصة واكل شكله متنوع ووايد لذيذ وقالو حقنا انه طريقة الاكل والمنيو تختلف
عاد بنشوف هالكلام صحيح والا لا
بس ان شاء الله بخليها تصور الاكل مالها علشان ادزه لكم هني

 

[lano0osh]

فوشي نوشي

الحين انتي شلون تبين بنك بيري وانتي اكيد تتعشين وتاخذين سناك وكل شي
جذي يتزيدين سعراتج الحرارية
الا اذا بتلغين العشا وتخلينه بنك بيري بس!!!
انا قبل ما اسوي ريجيم عند لينا ودينا كنت اخذ عشان يوغرت لو فات بطعم الفراولة من اكتيفيا
_______________________________________________________

مس لوول
ليش عاد انا وايد مستانسة بالاكل واحسه مال ريجيم
بس ترى اكو وايد خيارات وانتي لازم تعرفين شنو تختارين
انا دشيت حق الاخصائية وقلت لها ابيج تساعديني بالمنيو لانه ما اعرف اختار بروحي واخاف اخورها لووووووول
هم بعد انا رحت الصبح وكان ماكو احد بالمركز يمكن انا وهم بعد وحدة بس
فخذيت راحتي وأسال وعادي
ونزلت ال1.700 خلال عشر ايام
كنت امشي مظبوط واسوي رياضة
وهم بعد اشرب شاي اخظر وماي وايد

بس صح يا زين حلو التعامل لوووول

_________________________________________

ام كشة
هو هم انتي بعد خايرتهاااا كله تخربطين الله يهداااج
ردي زين مثل قبل تلتزمين وبتنزليين اكيد

بس جنه البااستا مالج لذييذة
شنوووو اسمهااااااااا ما اخترتهااااااااااااا
ابيييييييييييييييييييييييييي
((((

 

[lano0osh]

لانوش اي شركه اشتركتي

خلاص خذيت موقف من لو فات
هذا وانا بعز يوعي جذي سوو فيني الله لا يسامحهم

______________________________________________

ام الحوراء زينب
الله يعينج صج ملاقة
بس ما عليج حبيبتي يلا طوفيها مو مشكلة

بسألج ... انتي كاتبة عن نوع حبوب
شنو هذي ؟ ومن وين يبتيها ؟ ومنو نصحج فيها ؟

 

[فرااااولة]

لوفات

الريوق صاج جبن فيلادلفيا وعصير (السناك) بدال الحليب

الغدا برياني لحم وخيار روب

الحلو ماعجبني جنه اسمه ماكرون فراوله

العشا صمون دياي بالبقسماط وشوربه دياي بالكريمه وسلطة

 

[تووته البسكوته]

صبااحووو رشيقات المستقبل
انا امس غداي كشري من كالوري كنترول حده لذيذ اكلهم والحمد لله شبعني هذا اهم شي عندي
والحين بالدوام شربت قهوه وبعد شوي ريوق فطيره جبن وجاي
بحاول العب رياضه
بنات شلون احط ويوه بالموضوع غير هذا لان مليت منه لووووول

 

[om MaRyooM]

توتة

بالعافية
بس صوريلنا من كالوري كنترول .. عاد اشتركت معاهم ومترددة انشالله انزل معاهم






ام الحوراء

عاد انا عمرهم ماتاخرو علي ربع ساعه
بس قالو عندهم تجديدات 3ايام واحتمال يصير تاخير شوي
طوفي طوفي

 

[تووته البسكوته]

ام مريوم ماعرف انزل الصور من الاي باد
انا توقيع للحين مو راضي يضبط لوووووول
ليش متردده ؟؟؟؟

 

[om MaRyooM]

^
^
لان المنيو محدود
مع ان مجربتهم قبل حلو اكلهم

بس تعودت على لوفات

 

[حنانك سر حبي]

لو فات نصابييين وجذابين والله
صارلهم سبوع يتاخرون علي بالريوق بعد مادشيت بالاسبوع الثالث
وتخيلو اول مره يقول كهربا المطبخ خربان وانه ماراح يتكرر
قلت اوك
ثاني مره هم تأخرو الصبح وقالو تطوير المطبخ !!!
ثالث مره هم تاخرو بعد وماكو فايده نفس الاعذار بكل مره ادق
واليوم رابع مره معني امس شاخلتهم وكلمت مسؤولهم وقال بالكثير ست ونص
وطبعا مو نفس كلمتهم جذاب نصاب بس مشيت معاهم بشوف لي متى بس هم تاخروو والحين ياذابح يا مذبوح يابو الريوق متأخر قمت قلت حق الخدامه تردهم له ماتاخذ الكرتون
واساسا امس شخلته قلتله راح ارد الكراتين اذا مايبتوه بالموعد واحنا دواماات لازم يعرفون
وقتله انتو ماعندكم اهتمام بالعميل كلش يوعدوني يدقون علي ويكشتوون يقول السبب ان في اعلان بالجريدة وعندهم ضغط عشان جذي ماعنده وقت يدق علي يرد على شكوتي
قتله اذا انتو عملائكم الاساسيين ماعندكم هتمام فيهم هالمره حاطين اعلان وتبون زباين بس!!
وطلع بالنهاية انهم مايهتمون بالعميل كثر مايبون زباين
وماراح اهدهم يردلي فلوسي بالايام الباقيه والا اقلب عليه المكان
الغلط غلط مارضا فيهم طوفت مره مرتين ثلاث عاد رابع مره يخسوون نصابين
ولم اقولهم بكلم مسؤوولكم العود مايعطوني يقولون احنا مالنا شغل كول سنتر وكلام خرابيط

وابدا بنات لاتسكتون هذي فلوس دافعينها مو ببلاش
المفروض العميل ماله ذنب اذا المطبخ تطوير ولا احترق في تعامل واسس مهمه
اذا اهو مو قادر وعليه يضغط يبلغنا ان يعوض بالايام او مثلا اييب الريوق بليل عشان الصبح لم نطلع معانا ريوقنا
والمطبخ مفروض اذا بيطورونه مو على حساب الزبون لازم يحسبون حسابهم يكون في مطعم سبير او شي
اهم بالاساس نصابين اكتشفت لانهم بس يبون زباين
وطبعا عطيته حلول عشان يحل هالمشكله بس ماكو فايده والله مادري هل اهمال ولا شنو
وكل واحد يقطج عالثاني !!
لاتسكتون

 

[حنانك سر حبي]

حتى قتلهم الحين انتو بتنزلون وزني تقعدون تخربطون بأكلي !!!يخلوني اكل ريوق خرابيط معني مشتركه بالريوق مالت عليهم
ام الحوراء امشي اليوم معاي ندش هجوم نتهاوش وناخذ فلوسنا

 

[om MaRyooM]

^
^
غريبة والله

من حقج تنقهرين
بس انا الحمدلله وايد تعاملهم زين معاي والتوصيل وقته مظبوط

 

[awashamen7asha]

اشتركت بلوفات و نفس المشكله تأخير كل يوم ساعه يزيد و بالاخير قمت اخش ريوق اليوم حق باجر على الاقل ماقعد على أعصابي! و مافيني أتحرك و لا أسوي رياضه نفسيتي بخشمي و صداع على طول انشالله اضعف

 

[lano0osh]

لو فات نصابييين وجذابين والله
صارلهم سبوع يتاخرون علي بالريوق بعد مادشيت بالاسبوع الثالث
وتخيلو اول مره يقول كهربا المطبخ خربان وانه ماراح يتكرر
قلت اوك
ثاني مره هم تأخرو الصبح وقالو تطوير المطبخ !!!
ثالث مره هم تاخرو بعد وماكو فايده نفس الاعذار بكل مره ادق
واليوم رابع مره معني امس شاخلتهم وكلمت مسؤولهم وقال بالكثير ست ونص
وطبعا مو نفس كلمتهم جذاب نصاب بس مشيت معاهم بشوف لي متى بس هم تاخروو والحين ياذابح يا مذبوح يابو الريوق متأخر قمت قلت حق الخدامه تردهم له ماتاخذ الكرتون
واساسا امس شخلته قلتله راح ارد الكراتين اذا مايبتوه بالموعد واحنا دواماات لازم يعرفون
وقتله انتو ماعندكم اهتمام بالعميل كلش يوعدوني يدقون علي ويكشتوون يقول السبب ان في اعلان بالجريدة وعندهم ضغط عشان جذي ماعنده وقت يدق علي يرد على شكوتي
قتله اذا انتو عملائكم الاساسيين ماعندكم هتمام فيهم هالمره حاطين اعلان وتبون زباين بس!!
وطلع بالنهاية انهم مايهتمون بالعميل كثر مايبون زباين
وماراح اهدهم يردلي فلوسي بالايام الباقيه والا اقلب عليه المكان
الغلط غلط مارضا فيهم طوفت مره مرتين ثلاث عاد رابع مره يخسوون نصابين
ولم اقولهم بكلم مسؤوولكم العود مايعطوني يقولون احنا مالنا شغل كول سنتر وكلام خرابيط

وابدا بنات لاتسكتون هذي فلوس دافعينها مو ببلاش
المفروض العميل ماله ذنب اذا المطبخ تطوير ولا احترق في تعامل واسس مهمه
اذا اهو مو قادر وعليه يضغط يبلغنا ان يعوض بالايام او مثلا اييب الريوق بليل عشان الصبح لم نطلع معانا ريوقنا
والمطبخ مفروض اذا بيطورونه مو على حساب الزبون لازم يحسبون حسابهم يكون في مطعم سبير او شي
اهم بالاساس نصابين اكتشفت لانهم بس يبون زباين
وطبعا عطيته حلول عشان يحل هالمشكله بس ماكو فايده والله مادري هل اهمال ولا شنو
وكل واحد يقطج عالثاني !!
لاتسكتون

___________________________________________________


حنانك سر حبي..

واااي والله انقهرت عليج
شنو هالمعاملة
انا ما يخليني اتنرفز الا التاخير هذا ابو ثلاث ساعات
الواحد يطوف مرة مرتين مو ثلاث واربع
وهم بعد اعذارهم مو منطقية !!
حبيبتي الله يكون بعونج
انا من رايي لا تعذبين روحج ولا تروحينهم خلج مرتاحة
وما تجددين اشتراكج وياهم وخلاص
هو بعد تبين تروحين واتعصبين عمرج اشعليه