يحبها واتحبه .... بس يدرون انهم مالهم نصيب مع بعض! تعآلوآ فديتكم :(

[يآلبى ضحكتي:$$]

ليه حلمي وحلمك تحت رحمه نصيب ؟
يجمع احلى ليالي العمر ويشبنا ؟

والله اني حبيب , وو الله آنك حبيب
لكن الظاهر انه الوقت ماحبنا​

حبيت آعرض المشكله يمكن تعتبرونهآ شي طبيعي وعآدي بس مآيحس فيهآ آلآ آللي عآيشهآ ( آللي حبوآ )


حبت شخص سنتين واهما في كليه وحده كل يوم لازم اتصادفه ومع بعض دايما في يوم حبت اتشوف ردت فعله وقالت في ناس اخطبوني وكيت وكيت ( بس صج كذا ناس اخطبوها ) وقالت له الموضوع انه اخطبوها الصدمه يابنات : قالها انا ماابي اظلمج معاي وماابي اعشمج على شي نفس باقي الشباب وقالها سالفه ابوه الله يرحمه قبل لا يتوفى : انه انت حق وحده من بنات عمك واهو مكلم عمه !!!! قبل لا يتوفى ابوه الله يرحمه واهو قال انه مايبي بس غصبن عليه مو بيدي المهم صكروا الموضوع


بعد مده طوييييييييييييييله البنت اخطبوها ناس مايتطوفوووووووون صج صج وقالت له انه اهلي يبونه وشلون رد على الموضوع وبشكل اكبر :


قالها انتي مجتمع غير عن مجتمعي انا بدوي وانتي حضريه على فكره بنات البنت (اصولها قبليه نفس اصله ) واهلنا مايصير يتزوجون بره العايله مو بيدي شي كل اخواني ماخذين بنات عمي وبنات خالي والصدمه


انه عمه زعلان عليه صارله 3 اشهر مو مكلمه عشان مايواجه وامه كل يوم اتقوله يالله متى نروح بيت عمك نخطب لك :eh_s(2)::eh_s(2)::eh_s(2)::eh_s(2)::eh_s(2)::eh_s(2)::eh_s(2): ولانه بعد اخوه اللي اصغر منه خاطبين له ويبون يسون عرسهم مع بعض واهو يقولهم مابي اتزوج اللحين ابي اكمل دراستي :eh_s(2):

يقول : اذا تبينه وافقي مابي اعشمج وبعدين اخاف اتشوفيني متزوج :eh_s(1):


طبعا البنت مييييييييييته بجي يعني هالشخص حبته واهو حبها وعشره مو شهر شهرين وكل يوم اتشوفه بالكليه وذكريات وايام عاشته معاه حلوة حب شريف :eh_s(2):ليش جذي الاهل ؟؟؟؟؟؟؟؟؟؟ ليش المجتمع جذي ؟؟؟؟؟؟؟؟؟ ليش هالافكاااااااااار القديمه ليلحين موجوده !!!!!!!

اهي قالت له انا مابي اللي خاطبني بس خلاص بوخر عنك قالها عفيه مو اللحين ماابي نتفارق اللحين خل انكون مع بعض لما القدر يفرقنا !:eh_s(2): لما اشوفج رحتي بنصيبج وارتاح واطمن عليج !!!


شلون تاخذه وحده ثانيه !!!!!:eh_s(2):


واهي طبعا هم مو قادره اتهده اتحبببببه والمشكله اهو معاها بالكليه يعني غصبن عليها بتصاااااااااادفه



بنات شرايكم واسفه طولت عليكم ابيكم اتقولولي رايكم بكل صراحه بس بدون تجريييييييييييييييييج عفيه

وابي اسمع اللي حبوا وعاشوا نفس هالموضوع شلون اقدروا يتغلبون على الموضوع؟​

 

[Tom ♥ Jerry]

,

عميتيني من حجم الخط و اللون !


حبيبتي الريال الي يقول حق البنت روحي توكلي على الله
اخذيها مني يعني اهوة ما يبي يتزوجها
بتقولين لا حرام يحبها و تحبه .. انا ما اشكك في حب الريال
صج يحبها بس ما يبيها كـ زوجه ..

خل تمسح دموعها و تصلي ركعتين و تتوكل في نصيبها
ياما حبايب افترقوآ و السبه ماكو شجاعه من ريال يواجهه اهله
صدقيني حبيبتي لو صج يبيها جان وقف جدام عمه و بنت عمه و امه قال انا ابي بنت ومابي غيرها
بس سالفه انه امي تبيني اخذ فلانه و علانه
> هاذي فهميها على طول يعني ما راح اتززززززززوججججج :/

 

[اثقلتني ذنوبي]

والله ما ادري شقولج حبيبتي بس خلاص دام قال توكلي ع الله فشغلي بالج بأي شي وانسيييييييييه ... ​

 

[بـآربيـآ]

شي يعور القلب اعررف وحده الله يستر عليها تححب واحد ويحبها اهو بخباال ويبي يتزوجها وكذا مره يكلم اهلها بس مو راضين لانه سعودي واكبرر منها البنت تقول ماقدر اعيش بدوونه مسكينه الله يصبرها ويصبره صج الحب اقششررر

 

[نادر هواي]

ايييييييييييييييييييييييي << هيضتينى

 

[قمر بيت أبوها]

والله مااسمه حب اسمه تسلايه مع احترامي للعشاق الصادقين
الرجال لو يحب وحده وحطي تحتها عشر خطوط يتزوجها يعني يتزوجها حتي لو ياخذها ضره ركزتي
واعرف ناس بعمر ابوي وعمر جدي متزوجين عن طريق الحب
واعرف واحد من محارمي حب وحده من برها لابوها وخطبها ورفضتها وتزوج وتزوجت يوم ماتت مرض هالرجل ليومك هذا طايح ينادي باسمها يقول مافي الحريم باره غير فلانه
يعني مااقدر ابلع سالفه يحبها ومايقدر يتزوجه لا حبيبتي هو مايبي خير شر يتزوجها وهي خبله اجل ترفض عشان واحد مايفكر يتزوجها ؟!1
خليها تشوف نصيبها كان اللي يردها الحب
وسالفة هو بدوي وهي حضريه انا خليط بين هذا وذاك من قال البدوي ماياخذ حضريه يخربط عليها وهي ماتكذبه
الله يعافيها من هالبلوا ولا يشغلها غير بطاعته

 

[شوشو الشقيه]

يسلمو حرام عليكم تجرحوا في البنت
تره الحب ليس بيد الواحد
شيء ياتي صدفه يدخل قلب الواحد مثل السحر
العاشق لا يلام لانه الحب ليس بيده قلبه اختاره قبل عقله
ثانيا هو شاب المفروض لو يحبها صدق يتحدى العالم عشانها
لو هو بنت بنقول شورها بيد اهلها
ولكن هو شاب
لو صدق يحبها مثل ما يقول الا هو كذاب ومنافق
وين تحديه
الي يحب صعب عليه تشوف عينه حبيبه بحضن غيره
سالي كم عاشق تحسر لما شاف الي يحبها بيد غيرها
لو صدق يحبها يتحدى العالم
لكن هو اصلا لا يحبها كذاب خذ سالفه الاهل علثه في حلجه او شامعه
من اختك شوشو

 

[Hand]

الي يحب يتحدى الكل عشان حبه بالذات اذا كان رجال

خليها تستخير واذا حست براحه ترضى بالي جا خطبها

ماتدرين ربي اش كاتبلها يمكن يكون خير لها

والي حبته مع الايام راح تنساه

 

[el.mlkaa]

اهووآ المفرررووض يصآرحها من الاوول يقولها السسآلفه حرام البنيه


و مدااام قالهاا بكل بررووود توكلي على الله والاعذار هااذي مايحبها لان لو يحبها يسسوي المسستحيل علشـآننهـآ ..

اهي مسألة ووقت وتنسســآهـ

 

[بنت الاحلام]

الحب الحقيقي ما يوقف بوجه لا قبيله ولا عادات وتقاليد

 

[Perfume]

حبيبتي هذا ما يبيها ليش ساكت كل هالمدة وخله البنت تتعلق فيه ولما قالت له اخطبوني ناس قال ماقدر اتزوجج !!
ومرة يقول لها شوفي نصيبج مابي اعشمج ولما تقول له خل نتفارق يقول لا نطري القدر يفرقنا
حبيبتي خل تبتعد عنه لا ايي يوم من الايام واهو متزوج والبنت تنهار
اذا ما تبي اللي خاطبها بكيفها بس هذا لازم تقطع علاقتها معاه ولا تقعد معاه بالكلية لانه راس مالها سمعتها
عقلها براسها تعرف خلاصها
الله يوفقها

 

[ya al3rosa]

مع توم وجيرى

 

[شوكلت هاوس]

مع توم جيري & قمر بيت ابوها

^^

 

[ماكواسم2]

العنوان تحبه صج وهو يلعب وباجر يطيح بأردى الناس علبنه ما كلمتني وهي رافسها الف واحد

الدنيا سلف ودين

 

[ماركة انثى‘]

يااي شي يعور القلب اهوو المفرررووض يصآرحها من الاول ليش جذي ؟! صج مافي خير خليها تصلي ركعتين و تشوف نصيبها

 

[غـرامـي أنـت]

مبين مايبيهـآ لو يبيهـا كـان خطبهـا

خلاص خليهـا تشووف حياتها وتتزوج ..

 

[لمى الهاجري]

الاهل دايما جي ما يبون سعادت عيالهم وكل همهم الفلوس ولاصل نفس هلي لكن شقول غير حسبي الله ونعم الوكيل الله يوريني فيهم يوم

 

[أعشقه]

آآآهـ بس .. مشكله هالحب .. وبذات اذا طحتي مع حد مايقدر حبك ..
شوفي ياختي ترى الي يتكلمون لك والي ينصحونك اكبر منك وفاهم منك والي يرد عليك احتمال يا سامع بمشكله او مار بنفس المشكله ..
الي يحب يضحي .. ويترك الدنيا كلها عشانهاا ..
عندنا واحد من الاهل حب بنت مو من ديرتنا اصلا .. وهو ع مذهب وهي ع مذهب يعني الزواج صعب بقوه
والاهل كلهم رفضو هالزواج ..
وراح والله وتزوجها وماعليه من حد وامه وابوه قالو له اذا تتزوجها نقضب عليك ..
ولا عليه من حد قال ماسويت شي حرام سويت شي محلل من ربي ومن حقي اختار الي ابي .. وراح تزوجهاا ومحد من الاهل يدري وجلس معها 3 سنوات ومحد يدري ..
وتو له شهرين الحين يقول انه متزوجها وراح جابها من بلاادها وجابها عندنا وحط الكل قدام الامر الواقع وهذا هو عايش معها ولا طق خبر لحد لانه يبيها وحاااابهااا
اذا هو يبيك او يحبك حب صادق نفس الحب الي حبتيه انتي اياه بيتزوجك ويوقف قدام الكل
بس للاسف هو حبه تسلاايه حب تمضيه وقت بس ..
اتركيه ولحقي ع عمرك لا بكرى تعضين اصابع الندم .. محد بينفعك .. تزوجي وتركيه ..
انتي تنتظرينه ع امل يتزوجك او يتغير شي من الواقع .. ماراح يتغير شي وماراح يتزوجك بكرى بيقولك انا قلت لك تزوجي وماعلي منك وهو بيتزوج وبيشوف نصيبه .. وانتي الي بتاكلينهااا
الي تسوينه انتي الحين بس تضيعت وقت ع شي ماله داعي .. تزوجي وشوفي نصيبك نصيحه مني لك

 

[*شوقي معنيني*]

الله يصبر قلبها وقلبي
بنات ادعولي انه الله يفرج كربتي

 

[يآلبى ضحكتي:$$]

بعد قلبببي والله كلامكم على رآآآآآآآآآآآآآآآآآسي
و مآتوقعت آلموضوع ينزل لانه لمأ حطيت آنتر علق و اليوم دخلت وآنصدمت آنه نزل من جذي طولت عليكم بآلرد


بس بنآت آللي آتحب صعب صعب آنهآ تنسى


الله كريم فديتكم


آشكركم من كل قلبي وهم آللي عآشت نفس آلموضوع يآليت آتقولنه شلون آقدرت تتغلب ع آلموضوع !!!!!


يعني آتهده ؟​