** تجمع الي مسوين جراحة الفك**

[الامل القريب]

مساء النور ياكادي
ايوه هالدكتور سمعته مشاء الله اعرف بنت بتسويها عنده ربي يسهل لها ولك وكل بنت بتسويها يارب.

 

[توتة بنوتة]

مبروك على نجاح العملية والحمد لله على سلامتج :eh_s(9):

وين مكان عيادة التقويم " مركز بوظبي لطب الاسنان " ؟ مالهم موقع على النت ؟

الله يبارك فيج

تفضلي هذا الموقع
http://www.skmc.ae/ar-sa/LOCATIONSDIRECTIONS/Pages/default.aspx?location=4

 

[راجيه رضى الله]

مبروك على نجاح العملية والحمد لله على سلامتج :eh_s(9):

وين مكان عيادة التقويم " مركز بوظبي لطب الاسنان " ؟ مالهم موقع على النت ؟

الله يبارك فيج

تفضلي هذا الموقع
http://www.skmc.ae/ar-sa/LOCATIONSDIRECTIONS/Pages/default.aspx?location=4[/QUOTE]

مشكورة :eh_s(22):

 

[Mimi brunette]

السلام عليكم ، بنات ساعدوني الله يسعدكم انا حاولت ارسل لكتكوته 2010 رسالة على الخاص علشان اسالها المهم وماقدرت لانو مشاركاتي قليل ،الله يفرج كربكم وهمكم الي تقدر تساعدني وترسلها على الخاص تكون من جد مره ساعدتني

 

[روان المؤدبه]

انا كنت مركبه جهاز توسيع فك
سمي اسألي كل الي ف بالك :d

Hope..


اهلا اهلا هوبي .. يا هبيبتي << يابثرك خخخ

شكلك بتتحسفين انك بتعطيني المجال أسأل بهرييييك أسئله خخخخ يا رب ماتملين .. :rerrerek::eh_s(7):


اول شي أنتي من وين ؟

سويتي العمليه النهائيه او لا ؟؟

جهاز توسيع الفك حطوه لك بعد ماسوو لك عمليه بسيطه عشان يركبونه ؟

كم كلفتك العمليه كامله بكل تكاليفها؟ والمستفى حكومي او اهلي ؟؟

كم يوم بعد العمليه فيه الم او انتفاخ ؟

يتغير شكلك يعني يكون غريب او عادي ؟

اسنانك تتفرق ؟؟


درجة الألم كيف ؟؟ فيه ألم او لا ؟


طريقة التوسيع كيف كل كم يعني الفترة ؟


هل تغير وجهك وصار عريض من فوق ؟؟ يعني خدودك طلعت ؟


خشمك واهم شي هذا تغير او لا .. ؟ يعني العرض والطول والأرنبه صار لهم شي .؟




وبس سلااامتك .. أدري هررريتك أسئله استجواب مو اسئله .. الله يسعدك وين مارحتي ويكتب لك الخير في كل أمورك قولي آمين :eh_s(7):

 

[حبيبة الحسن]

السلام عليكم جميعا

ادعولي باقي لي اسبوع واحد فقط على عمليتي :yaaaaaarb:
اخذوا لي كل شئ بس التبرع بالدم قالوا تعالي الموعد الجاي نعطيك ورقة ويعبيها اثنين من اهلك ويروحون يتبرعون لك من دمهم


وووبس

 

[حبيبة الحسن]

ايه صح نسيت اقولكم عن حاجة الدكتور قالي ماراح تحتاجين تشربين بشفاطات وابر ومدري ايش يقول عادي بالكوب :cxxxp:

فابي خبراتكم هل قدرتوا تشربون عادي زي ماقال الدكتور والا لازم اجيب شفاطات وابر :eh_s(10):

 

[حبيبة الحسن]

احد هنا موجود

 

[Mimi brunette]

حبيبة الحسن الله يقومك بالسلامة ان شاء الله ويتتم العملية على خير بس ممكن اعرف عند اي دكتور راح تسوين العملية؟

 

[فطاامي..]

هلا فطامي .. انا من دبي .. لكن بستشير دكتور ميشيل في مستشفى خليفة ..

اوووووووووووكي انا خلاااااااااااااص كرهته مييشيل لاكن توكلي على الله

 

[فطاامي..]

فطامي حبيبتي
انتي تعاملتي مع دكتور بدر سمعتي حد سوى عنده عمليه من قبل
خبريني

هيه تعاملت معاه ناس وايد عنده ومره لقيت وحده عنده حولوها عنده مستشفى فدبي ممتااااز ويشتغل بذمه وضمير

 

[ام الفاتنات]

مرحبا بنات ،،
أنا كملت شهرين من سويت العملية عند الدكتور جورج توماس في مستشفى خليفة والحمد الله النتائج حلوه ومرضية جداً

 

[جماانة الرياض]

حبيبة الحسن

الله يسهل لك أمورك ويقومك بالسلامة ياااااااااااارب
حاولي تلهين نفسك هالايام عن التفكير والهواجيس بالعملية مررررررهقة وتجيب لك التوتر
والله أن همها أكبر من حجمها << شهور وانا مغير افكر

المهم
ماعليك منه جيبي شفاط أو اي شي<< انا فك واحد وماقدرت اشرب بالكوب لمدة شهر
بالبداية الورم وبعدين قفلوه بقوة لدرجة ماتتصورينها فلازم ادخل شفاط من على جنب
طبعا مو شفاط عادي شفاط الابرة

واصلاً ماحاولت اشاور الدكتور معروفين الدكاترة في هالجانب يحبونك تمارسين حياتك الطبيعية علطول

 

[راجيه رضى الله]

الحمد لله على سلامتج ام الفاتتات ويقومج بالسلامة حبيبة الحسن وان شاء الله تشوفين نتيجة حلوة .




انا ودي اقول شي .. للاسف عندنا التقويم جدا متاخر او مجرد تجميلي .. في تقويم علاجي يحتاجونه الاطفال انا كنت احتاج هالشي لكن محد انتبه لقلة الوعي الموجود .. دكاترة التقويم يلجؤون لقلع اسنان سليمة لاطفال وهم مب محتاجين قلع محتاجين علاج مناسب .. شوفوا هاللنك وشوفوا البنت كيف استوت من غير عملية او قلع اسنان http://mercerislandsmiles.com/OurServices/TwoPhaseTreatment.aspx


للاسف التقويم كله على بالهم تجميلي لكن في منه علاجي مب اسنان وبس لكن عظام الفك داخله في الموضوع .

 

[جماانة الرياض]

تعقيب على ماسبق


شوفي انتي لو بتحاولين بتقدرين << بس بتعععععععععب+ بهذله ووساخه

والنفسية عاد مايحتاج.. الشرهة واصلة حدها
أكره شي اذا جيت اكل << نظرات الاطفال

لازم اطردهم من عندي بروحي الي فيني مكفيني... يجون بعد زيادة في الهم ...بنظراتهم وأسئلتهم الي ماتخلص

 

[ملامح ناعمة]

حبيبة الحسن

انا قدرت اشرب بكوب بعد اسبوعين تقريبا
عادي لا تخافين سهالة ان شاءالله بس تبتدين تتعودين على وضعج ويخف التورم حاولي تشربين بالكاس و تاكلين بس اشيا لينه وخفيفة مثل البطاطس االمهروسة - روب ورز
وبس تتعودين تحسين نفسج اوكي ابتدي بالتوست لانه خفيف عشان شوي شوي تتعودين على المضغ
لاتحاتين اي شي تبينه احنا حاضريييييين والله يسهل عليج وتطلعين بالسلامه

 

[Hope..]

Hope..


اهلا اهلا هوبي .. يا هبيبتي << يابثرك خخخ

شكلك بتتحسفين انك بتعطيني المجال أسأل بهرييييك أسئله خخخخ يا رب ماتملين .. :rerrerek::eh_s(7):


اول شي أنتي من وين ؟

سويتي العمليه النهائيه او لا ؟؟

جهاز توسيع الفك حطوه لك بعد ماسوو لك عمليه بسيطه عشان يركبونه ؟

كم كلفتك العمليه كامله بكل تكاليفها؟ والمستفى حكومي او اهلي ؟؟

كم يوم بعد العمليه فيه الم او انتفاخ ؟

يتغير شكلك يعني يكون غريب او عادي ؟

اسنانك تتفرق ؟؟


درجة الألم كيف ؟؟ فيه ألم او لا ؟


طريقة التوسيع كيف كل كم يعني الفترة ؟


هل تغير وجهك وصار عريض من فوق ؟؟ يعني خدودك طلعت ؟


خشمك واهم شي هذا تغير او لا .. ؟ يعني العرض والطول والأرنبه صار لهم شي .؟




وبس سلااامتك .. أدري هررريتك أسئله استجواب مو اسئله .. الله يسعدك وين مارحتي ويكتب لك الخير في كل أمورك قولي آمين :eh_s(7):

خذي راحتك لاتخافين ماراح اطفش

1- انا من السعوديه - الرياض
2-لا لسا ماسويت العمليه النهائيه الحين جهزت بس استنى الاجازه عشان اسويها
3-ايه بالبدايه سويت عمليه وركبو الجهاز اثناء العمليه
4 مستشفى حكومي
5 بعد العملية بشهر تقريبا رجع وجهي طبيعي شويه انتفاخ بسيط انا الي الاحظه و الاحساس رجع بسرعه ما طول
والالم نهائيا مافيه
6 الشكل يتغير بس مو جذري يعني شي بسيط
7ايييه اكييد الله يعينك وخصوصا الاسنان الاماميه يصير شكلك تحفه بس ما يطول على طول يتسكرون
8 مافي الم الحمدلله اول الايام بس تحسين بعدم راحه وتتضايقين من الجهاز
9التوسيع كان يوميا تقريبا لمدة اسبوعين او اكثر بشوي والله ما اتذكر بالضبط
10 ايه بالبدايه تطلع لك خدود مع الورم بعدين تروح خخخخ
11خشمي ماتغير


امين حبيبتي وياك :eh_s(7): جا دوري انا اسألك وش قرروا لحالتك ؟ عمليتين ولا عملية ؟

 

[الكادي 2012]

مساء النور ياكادي
ايوه هالدكتور سمعته مشاء الله اعرف بنت بتسويها عنده ربي يسهل لها ولك وكل بنت بتسويها يارب.

مشكوره يا قلبي ع ردك
شيكت مع دكتورة اسنان قالت تحتاجي تقويم مو جراحه
لكن ما انصحك لان عمرك 32 :eh_s(22):
هلل كلامها صحيح ؟ في حد عمل تقويم باخر العشرين او بالثلاثين
وبانت النتيجه
:eh_s(10):

 

[Esraa.a]

انا حاطه في بالي اشوف جراح فك .. وعندي موعد وياه بعد ثلاث اسابيع للاسف مواعيد الحكومة تطول .. وهو الدكتور ميشيل اللي موجود في مستشفى خليفة .

بس خوفي انهم يقررون يجدمون فكي العلوي بعد وانا ما ودي يحركون فكي العلوي اخاف خشمي يتغير .. انا المشكلة عندي فكي السفلي بس بعد ما جلعت من الاسنان العلوية ردوا على ورا وصاروا ظاهريا اوكي بس فكي سفلي متراجع .


انا ادرس في بريطانيا وهالسنة خلصت (مبروك لول ) لكن بعدني في بريطانيا .. راجعت دكتور تقويم هني وقالي المفروض ما كان يجلعون لي ضروس كان المفروض يقدمون فكي السفلي وقالي ابدا ما كنت احتاج جراحة لاني كنت صغيره وفكي السفلي في مرحلة نمو ويقدر يقدمه لي بانه يستخدم شي اسمه functional appliances ..


نصحني اشوف functional orthosontist .. وقالي ارجع افتح الفراغات في الاسنان العلوية واسوي زراعة اسنان واقدم الفك السفلي .. يقول انه يقدر يحرك الفك حتى لو اكتمل نمو الانسان .

محتارة والله ..


انا ودي اسوي العملية وافتك اقدم الفكين العلوي والسفلي بدال مرمطة التقويم وتعبه وانتظار سنين .. بس خايفه اذا حركوا فكي العلوي خشمي يتغير وانا خشمي حلو وعايبني .


مشكورة اسراء انا قريت كل الصفحات تقريبا تخيلي !! يعطيكم العافيه بصراحة افدتوا البنات اللي مثل حالاتنا .

أول شي ألف مبرووووووووووووك عالتخرج :ggdw:


شوفي كل دكتور له وجة نظر وبالتالي قد تختلف خطة العلاج من دكتور لآخر



انتي الدكتور اللي ترتاحين له " من بعد ما تصلين استخاره" وتحسين إنه فاهم حالتج استمري معاه وطبقي اللي يقوله ومالج شغل بكلام الدكاتره الثانيين
خلاص دام إنج اخترتي دكتور معين وبديتي عنده استمري معاه للنهاية


أنصحج تسوين العملية بمكان إقامتج .. يعني بالإمارات
علشان المراجعات تكون سهله ,, وإذا صار شي لا سمح الله يكون الدكتور اللي مسويلج العمليه موجود وسهل تتواصلين معاه

 

[Esraa.a]

اسراء انا شفت صورج ماشاء الله نتياجج حلوة .. بس انتي جدمولج الفك العلوي مع السفلي ؟ بصراحة نسيت من كثر الصفحات اللي قريتها .

ما لاحظتي انه خشمج تغير ؟ وكم ملم جدمولج اياه ؟

مشكورة حبيبتي

أنا حركولي الفك العلوي مع السفلي


السفلي جدموه 8 ميللي تقريبا والذقن بعد جدموه 7 ميللي كان عندي تراجع بالفك السفلي والذقن

الفك العلوي حركوه تبع وضعية الفك السفلي >> تقريبا 2 إلى 3 ميللي



بالنسبه لخشمي لو تشوفون الصور .. تحسون خشمي ما فيه شي خصوصا على جنب صار أحلى بعد

بس أنا شخصيا أحس فيه تغيير ... صج إنه شي بسييييييط بس أحس غير شكلي
التغيير صار من الأمام
أنا خشمي كان ملموم من جدام وفيه رفعه ( من قبل العمليه يسألوني مسويه تجميل حق خشمج) الحين الرفعه مازالت موجوده بس أحس شوووووي فرش
صح إنه شي بسييط بس أحس جكرني .. قبل أحلى

ما ألوم البنات اللي يسوون تجميل لخشومهم


اكتشفت إنه الخشم حتى لو تغير تغيير بسيط يأثر على الشكل حييييييييييل سواء تغيير سلبي أو إيجابي >> شرايكم بنات بهالنقطه تأيدوني ولا تعارضوني ؟؟
( استفتاء)

اللي ما يعرفني ما يحس إنه خشمي فيه شي كلش .. حجمه طبيعي ,, بس أنا شخصيا أحس تغير

أحيانا أفكر أسويله تجميل أرجعه مثل قبل .. ألمه بسسسس مابي أصغر حجمه ولا ألعب بشكله
وأحيانا أقول لأ ما يسوى

بنطر بعد شوووي لأنه أحس الورم ماراح بشكل نهائي