انا جهزت اغراضي بس للحين ما سكرت الجنطة
سفرتي يوم الأثنين الجاي ان شاء الله
شوفي كل وحده على حسب احتياجاتها بس حاولي ما تكثرين اغراض لأن اكيد راح تشترين من هناك علشان الوزن
انا عن نفسي هذي اغراضي
الأدوية (مانع حمل - بندول - فوار للغثيان - فيتامين سي - مضاد حيوي - كريم الحساسية للناموس - بلاستر للجروح)
علبه صغيره فيها عدة المناكير المقراض والمبرد والخ.....)
كاميرتي Canon 550 D مع ميموري 32 جيجا + 2 ميموري كل وحده فيها 8 جيجا للفيديو
دفتر صغير مثل النوته وقلم (هذا مستحيل استغني عنه باي مكان)
عدة خياطة صغيره للطوارئ
اوتي بخار صغير
علب كلينكس صغار للجيب
مناديل تنظيف التواليت للأماكن العامة سبحان الله ومناديل معطره لليدين
مكياجي الي احتاجه + كريم حماية من الشمس
كريمات ترطيب لأيدي ورجلي شي ضروري
عدة طقوسي (لبشرتي لازم اغراضي الاسكينول والغسول والسنفره والكريم وكل شغلي)
السبراي ومشط البف ششي ضروري مع جم شباصه سير وماشات لوووووول
الملابس (3 بنطلونات + 3 قمصان طوال + ملابس داخليه + 3 أحذيه واحد رياضي و 2 فلات تومز للمشي + فوطة + فرشاتي ومعجوني)
صورتهم بس ما ضبطت الصور للحين
اممممممممممممم
للحين ما خلصت خل اشطب على اغراض الجنطة واكمل
