تعرفين وحدة ترملت صغيرة ؟؟

[هبلة_تهبل]

السلام عليكم

بنات ابي اعرف اذا وحدة فيكم تعرف وحدة ريلها توفى و اهي صغيرة

شلون عاشت وين ؟؟ بيت حمولتها و لاعند اهلها ؟؟
ومتى تعدلت نفستهااا عقب الصدمة ؟؟ خصوصا بعيد الشر عنا و عنكم اذا كان حادث او سكتة قلبية فالصدمة تصير اقوى مو نفس اذا كان مريض حاطة ببالها ان بيروح عنها بأي لحظة ؟؟

بليز ردو علي لضرورة :eh_s(2)::eh_s(2)::eh_s(2):

والله يحفظ ازواجنا و يطول بأعمارهم:yaaaaaarb::yaaaaaarb:

 

[بولندية]

لا والله ما عرف و ان شاءالله ما تمر علي حالة جذي

بس مرت علي بالمنتدى كذا عضوة ريلها متوفي الله يرحمهم و يحفظ رياييلنا يارب

 

[بطوووطة$بيضة]

والله اعرف كذا وحدة

طبعا ردوا بيت اهاليهم

وتزوجوا عقبها

الدنيا اتلهي الواحد واتنسيه

 

[أم ميميتو]

انا خالتي توفى ريلها بحادث وكان عمره 24 سنه وهي قده عاشت بيت يدي لان اهي من الاساس كانت ساكنه هناك مع ريلها الله يرحمه و اهل زوجها تزورهم اهي و عيالها عادي اما عن النفسيه تختلف من وحده لوحده خصوصاً اذا كان بينهم قصة حب و بالنهايه الله عطانا نعمة النسيان مع الوقت لهت مع عيالها و كملت حياتها بس اكيد ما نست خصوصا ان عندها منه ولدين *

 

[أم ميميتو]

خالتي حالياً عمرها 33 سنه بس لي الحين ما تزوجت عقب زوجها الله يرحمه

 

[هبلة_تهبل]

الله يرحمهم برحمته امبيه بنات ادري موضوعي مليق ما احب احط مواضيع جذي بس لاني اعرف وحدة توفى ريلها و صج كاسرة خاطري ابي اعرف بترد نفس قبل طبيعية ؟؟

بولندية & بطوطة & ام ميمتو ما قصرتوا و الله يحفظ لكم رياييلكم و اهلكم يارب

 

[جولينار]

بنت خالتي توفى زوجها وهي عمرها 23

وعندها منه بنوته رجعت لأهلها ورافضة فكرة الزواج



الحين عمرها 25

 

[Nooo7a]

وحده اعرفها
ريلها توفى بالملجه قبل عرسهم
بجم اسبوع
بحادث سيكل الله يرحمه
و الحمدلله تزوجت الحين و يابت عيال الله عوضها خير

 

[ليمونة وزيتونه]

الله يرحم اموات مسلمين

 

[دنيا جديدة]

على حسب حبيبتي اذا عندها عيال تجلس ببيتها
واذ ماعندها ترد عند اهلها
وحسب العوايل في بعضهم يزوجونها حماها \ وكلن وعاداته

وقال : { من قام بعشر آيات لم يُكتب من الغافلين، ومن قام بمائة آية كتب من القانتين، ومن قام بألف آية كتب من المقنطرين } [رواه أبو داود وصححه الألباني]. والمقنطرون هم الذين لهم قنطار من الأجر.

 

[جوري 2007]

الموضوع يعور القلب

 

[Perfume]

خالتي زوجها توفى قبل شهرين وللحين في شقتها مع حمولتها لانه بعدها في العدة وعندها ٣ عيال
للحين مصدومة وتعبانة نفسيتها لانه مااافيه شي كان يلعب كرة وطاح ومات
الله يرحمه ويصبرها ويصبر عيالها

 

[ليه الجفآ]

الله يرحمهم ويغفر لهم ..

انا اعرف وحده بعد الملجه سوا حادث زوجها وتوفى .. وكان مالج عليها له اكثر من سنتين

وكانوا يتحضرون للزواج .. اهي صج صدمه انصدمت البنت حيل ..

ورفضت الزواج لمده 3 سنوات بعدها تزوجت والحين عندها طفلين وحامل وسعيده بحياتها الله لايغير عليها

و وحده ثانيه توفى واهي توها حامل حملت بعد 6 شهور من زواجها واهي بشهر الرابع يقريبا توفى حادث اهو وامه

كلهم توفوا

اهي ردت لبيت اهلها وحادت وعقب ماولدت وقعدت فتره .. اخذها اخوه .. والحين عايشه عنده ..


وكل هذا بفضل نعمة النسيان ... والحياة لازم تستمر ..


الله يعين على الدنيا





..

 

[~ بنت الهدى ~]

بنت خالتـــــي كانت ماخذه واحد من اهل ابوها و توفى "مرض السرطان "

الظاهر كان عمرها 20 و عندها بنت صغييييره كم شهر

الحين بنت خالتي تزوجت و جابت ولد و بنتها عايشه عند جدها و جدتها

و اعرف وحده عمرها 19 توفى زوجها بحادث و اهيا حامل

الحين تزوجها حماي و ولدها عايش عند اهل ابوه

 

[اميره1980]

انا ريلي توفى الله يرحمه من شهر
عمري 32 سنة
حاتلي النفسية xxxxxxxxxxxxxxxxx
ما عندي عيال منه و الحين انا في بيت اهلي
الله يرحمه و يصبري
انا لله و انا اليه راجعون

 

[دهورتني يازين]

اب اب اب اب

 

[أم ميميتو]

حبيبتي اميره الله يرحمه و يغفرله و الله يصبرج حبيبتي
صاحبة الموضوع موضوعج صج يعور القلب و مجرد التفكير في
يتعب النفسيه

 

[brettey]

اعرف وحده ترملت بعمر 28 وعندها ثلاث منه الله يصبرها توفى بسنه 2010 بس وايد تعبت نفسيتها مسكينه
وهم اخت رفيجتي ترملت بعمر صغير وعندها ولدين منه وماتبي تتزوج ترملت واهي بالعشرينات والحين بالثلاثينات عمرها وهم تعبت نفسيتها وايد

بس اعرف وحده ترملت وعندها بنتين بس زين منها كملت العده ما كانت متضايقه لان كانت وايد تدعي عليه لان بهدلها واذاها وايد ظلمها ويخونها بفراشها اشكره وطق وشرب واجهضت مرتين من الطق وقبل لا يتوفى كان طاقها ومبقع بجسمها ليدرجه قامت تصلي وتدعي عليه من القهر ومات بحادث حتى بناتها مايحبونه اصلا ما تاثرت كلش كان عمرها 28 يوم يموت وقاعده بالعزى وتسولف ويوم يوا حمواتها يعزونها اهم يبجون واهي تضحك ولا هامها ولا اتصلت على امه تعزيها لان الام ماقدرت تيي لانها تعبانه محتره على موت ولدها وبس طلعت من العده مكياج ولبس حتى عروس وحفلات كانت تروح تقول بس بعوض الضيم الي شفته كان حارمها من الطلعات والروحات والوناسه واللبس والمكياج وياخذ معاشها وخالتها وحمواتها بعد مأذينها وطبعا انقهروا يوم شافوها جذي بالعده مو هامها وعقب العده هم مو هامها ولبس وميك اب وطلعات بس تقول بالطقاق ما كانوا ينصفوني وتجعم ونغزات ويشيشونه بعد
والحمدلله تزوجت عقب سنه من وفاه زوجها خوش واحد ريال حبوب ومدللها وقايم فيها وفي بناتها حتى السفر يسفرها

انا البنت ما اعرفها بس مرت حماها اخو زوجها الي مات رفيجتي وتقول انها متواصله معاها ليلحين بس من ورى الحموله و سولفت لي عن قصتها عساس بتوريني شلون تعذبت وانظلمت وعقب الله فرجها عليها

 

[الحياة تجربه]

وحده من جماعتنا ريلها شهيد وكانت 17سنه وتوها عروس وتوفي
وعاشت مع اهلها والحين متزوجه وعندها عيال
ربج ياخذ ويعطي*

 

[امـ خــزامـى]

الله يرحم امواتنا واموات المسلمين

واميره حبيبتي اصبري واحتسبي واحسن الله عزاك وربي يدخله جنات النعيم

بالنسبه للموضوع صديقة اختي توفى زوجها من 6 شهور تقريبا وهي عمرها 22 وعندها ولد
توفى بحادث الله يرحمه
مسكينه انصدمممممممممممممممممممممت بس ماشاءالله تبارك الرحمن ربي ثبتها واحتسبت الاجر
والحمدالله دائما تشكر الله ونفسيتها تحسنت بس مادري عن اللي بقلبها
لانها ماتوضح للناس

واكيد حزينه بس ماعترضت على حكمة الله
وربي يصبررررررررها ويعوضها ياحي ياقيوم