السلام عليكم ورحمة الله
اشلونكم حبايبي؟ شخباركم؟
انا ادري في فئة كبيرة من البنات ينتظرون مني الموضوع هذا من مده طويييييييييييييييييييييييييييييييلة
<<ابتسامة الفشيله
.. ترى حاولت انزله قبل يومين بس عقب ما كتبت كل شي الصفحة طارت و حاشني احباط..بس خيره لاني بزيد على الموضوع جم شغله تحفزكم
قبل كل شي راح ابدي الموضوع بكلمتين بعيدين عن الموضوع بس اعجبوني و بكتبهم
((الفرد نتاج افكارة, فما يظنه بنفسه سيتحقق)) قائل هذي العبارة غاندي المناضل الهندي
((ستحصل على أفضل حصيلة من صيد الأسماك في المياة الخطرة التي لا يقصدها محبو الأمان... نجاحك ينتظرك في أماكن لا يمر عليها الكثيرون من محبي عدم المخاطرة))
((الفائز هو من يتعرف على المواهب التي حباه بها الله, ثم يعمل بأقصى طاقته ليحول هذة المواهب إلى مهارات, ثم يستخدم هذه المهارات لتحقيق أهدافه التي وضعها)) لاري بيرد
بنات انا ودي منكم انكم تقرون.. لا تخلين اي شي تحطينه علي جسمج بدون ما تقرين عنه و تقرين عن كل مكوون فيه.. انا وحدة زهقت من ادش صيدلية او محلات التجميل كل وحدة تحاول انها تجذبني لمنتجاتها في منها الزين و في اللي ما ينفع وانا تايهه واخذ المنتج على مدحهم له.. بس بنات لي متى واحنا نقط فلوسنا على شركات اللي اغلبها يهودية؟!! ليمتى؟!! ما وقفتوا مع نفسكم هالوقفه بكل جديه وسألتوا نفسكم هالسؤال؟؟!!..
ليمتى المنتج الأجنبي يتفووق على المنتجات العربية؟!! لا تقولين انا مو بيدي شي .. ما اقدر اسوي شي.. صدقوني تقدرون
انا بلحظه وقفت فيها مع نفسي و قلت ليش مو انا اسوي منتجاتي بيدي؟! ليش ما اتعب و أجاهد في سبيل اني اعرف سر الشركات؟!!!
بنات لا تقولون هذا شي مستحيل ..المستحيل هو عقلج اللي يوهمج فيه
بنات مو جنه ناقصني منبر؟!
ما عليه طولتها عليكم بس شسوي من حرتي :eh_s(4):
__________________
اليوم موضوعي عن التقشير الكيميائي أو "التقشير بأحماض الفواكة"
ادري الصورة تخرع بس وايد مختصرة فكرة التقشير
أولا و قبل كل شي احب اقول لكم انا وحدة أثق جدا بالأبحاث و ابحث من المصادر الموثوقة ليطمئن قلبي.
ثانيا انا وحدة تخصصي في مجال علمي يعني عارفة من وين اخذ مصادري في البحوث وكل المعلومات اللي راح احطها من جهدي الشخصي وبحثي من المصادر.. انا غير متخصصه في مجال البشرة و كل اللي راح احطة بناء على تجاربي الشخصية بعد بحث مكثف و اختصرته لكم اختصار شديد وحطيت لكم الزبدة على قولتهم.
واللي حابه تاخذ أبحاث موثقه تقدر ادش على الموقع المتخصص في أبحاث الطب والعلوم هذا Pubmed فيه محرك بحث و له طريقة معينة علشان تحصلين الموضوع اللي تبينه بالضبط
هذا هو رابط الموقع
Home - PubMed - NCBI
... اذا حبيتي تعرفين اكثر عن طريقة البحث كتبي في قوقل How to search on Pubmed?
بس عيب هالموقع ان تقريبا اغلب البحوث بالانقليزي.
ثالثا: بالموضوع هذا اشرح فيه التقشير وشنو ايجابياته مقابل سلبياته..يعني لا تتخذون موضوعي كاستشارة طبية ..ما ابيكم تتهورون و تستخدمون شي ما يناسبكم..ترى الحذر واجب ولو تقرون اكثر عن الموضوع هذا يكون احسن..واللي عزمت تقشرالأفضل لو تستشير دكتور فاهم و عارف مو همه الربح المادي..انا من وجهة نظري افضل انها تستشير اكثر من دكتور شاطر.
التقشير الكيميائي:
الثقشير الكيميائي Chemical peel او Chemoexfoliation اهي من الطرق لتحسين مظهر البشرة ..مع الوقت بسبب عوامل مثل الشمس و الوراثة و العادات الغذائية والتحرك المستمر لعضلات الوجة تساعد على ظهور تجاعيد او خطوط في الوجة ويفقد الجلد نعومته و تظهر هذي الاثار على الوجه و الرقبة و الأيد.. طبعا تتوفر انواع عديدة من المقشرات الكيميائية لمعالجة التجاعيد و عدم توحد لون البشرة والندوب على البشرة
المشكلات اللي يعالجها التقشير الكيميائي:
اشلون يشتغل التقشير على البشرة:
التقشير يشيل لج الطبقة الخارجية من الجلد اللي تكون تالفه .. وطبعا عمق محلول التقشير على حسب تركيزة.. محاليل التقشير متوفرة في الدول بره للإستعمال المنزلي تؤدي الغرض وأمنه الي حد ما اما المحاليل البروفشنال هذي تكون موجودة في العيادات فقط و التقشير يكون تحت اشراف طبيب..ومهم جدا انكم تشوفون دكتور فاهم و عارف اهو شنو قاعد يسوي ديروا بالكم لانه كل ماكان فاهم كل ما صارت عملية التقشير ناجحة ونتايجها احلى و تقل الاخطاء او التعقيدات اللي تحوش البشرة بعد التقشير.
الجلد يتكون من طبقتين الطبقة الخارجيه اهي البشره Epidermis احنا بتقشيرنا في البيت نقشر جزء منها مو كلها و هي الطبقة اللي فيها الاوساخ والجلد الميت والتجاعيد .. والطبقة اللي تحتها اهي Dermis
سائل التقشير لما يدخل للبشرة يسبب صدمة او جرح للطبقة الخارجية من الجلد Epidermis اللي تتكون من خمس طبقات..و نتيجة لهذي الصدمة تبدأ البشرة تعالج نفسها عن طريق تقشير البشرة المجروحة و بناء خلايا جديدة وتحفيز افراز الكولاجين و الالاستين.. و بجذي تظهر البشرة بشكل مشرق و متجدد و حلو..طبعا انا استخدمت التقشير السطحي اللي يعالج بشكل بسيط..اما التجاعيد العميقة هذا يحتاج ان الوحده تروح لدكتور متخصص علشان يسوي لها التقشير بصورة اعمق.
علشان تحصلين على بشرة متوحدة و نظرة و تلمع (تتخلصين من التجاعيد الخفيفة و حب الشباب والجفاف المسامات تقل و الرؤوس السودا) نستخدم في البيت
*احماض الالفاهيدوركسي alphahydroxy acids
مثل الجليكوليك اسيد glycolic acid وهو حمض مستخرج من سكر القصب
حمض اللاكتيك اسيد lactic acidاللي مستخرجينه من الروب و يعتبر اخف احماض الفواكة وقعاً على البشرة
*احماض اليبتاهيدروكسي beta hydroxy acids
اللي هو الساليسيلك اسيد salicylic acid موجود في بعض منتجات البشرة و التونيكات و موجود بعد في الاسبرين (علشان جذي تسمعون في ماسكات للبشره من الاسبرين علشان تشيل حب الشباب لاحتواءه على الساليسيلك اسيد).
ابسط مثال غسول نيتروجينا بالقريب فروت فيه نسبة 2% من الساليسيلك اسيد وانا دايما استخدمه
المقشرات الخفيفة اللي تقدرين تستعملينها بشكل يومي.. (ملاحظة: المقشرات اللي جربتهم انواع وايد مو كلهم ذكرتهم في الموضوع)
رقم 1 هذا مقشر نسبته 20% وهو عباره عن اقراص قطنية مشبعة بمحلول المقشر الجليكوليك أسيد Glycolic acid تستخدمينه عن طريق مسح القطنه على الويه والرقبة و اليدين او على حسب رغبتج في الجزء اللي تبين تقشرينه و تستخدمينه بالاسبوع مرتين بالاسبوع او على حسب حاجة بشرتج للتقشير..انا بصراحه كنت استخدمه مره بالاسبوع.
رقم 2 هذا مقشر جليكوليك اسيد نسبته 15% كنت استخدمه قبل ما اتدرج للنسبه اللي بعدها.. هذا اللوشن ايتخدامه يومي يعني عادي ما يضر بس شرطة الاساسي انج ما تستخدمينه بره بالشمس يعني خليج في البيت بعيد عن الشمس او استخدميه وقت النوم بالليل.
ريكسول رقم 3 جيلكوليك اسيد نسبته 20% و هو عباره عن كريم تستخدمينه بالبيت ما اطلعين فيه بره بالشمس الحلو في هذا المقشر انه من مكوناته مواد ثانيه مع المقشر..معاه خلاصة الطحالب معرفه حق شد البشرة و مقاومة التجاعيد و خلاصة الجينسينغ و البنثينول اللي اهو فيتامين ب5 و خلاصة الكفيار وفيتامين أي بالاضافه الي الريتينول كل المواد اللي ذكرتها مفيدة للبشرة و تغذيها بس عيب هذا الكريم بالنسبة حق الحريصات ومتابعات مكونات الكريمات.. انه فيه المادة الحافظة بروبايل برابين propylparaben المادة هذي صار فيها جدل في امريكا و اوروبا بانها لها علاقة مع امراض سرطان الثدي.. اهي الشغلة ما اثبتوها علميا بس لاحظوا في اورام الثدي المادة هذي تكون مترسبة في الورم بكمية قليلة وبسيطة..في علماء يقولون عادي استخدموها ما منها اضرار اذا صارت بكمية قليلة.. و عن الحلال و الحرام انا أي شي يصير فيه جدال باواسط الخبراء احاول ابتعد عنه فلذلك الكريم هذا انا ما استخدمه وايد.
نقاط لازم تاخذينها بالاعتبار قبل استخدام التقشير
راح تحسون بوخز لما تستعملين المقشر او حرقة ترى هالشي طبيعي
والحين راح أذكر لكم تجربتي مع تقشير الجليكوليك أسيد القوي اللي نسبته 30%
اولا غسلت ويهي زين بالصابون و بعدها نظفت ويهي بكحول حاطته بقطنة لان الكحول يزيل بقايا الزيوت اللي تفرزها البشرة وبقايا الصابون و بعدها غسلت ويهي بماي و جففت البشرة
ثانياً: تاخذين بالقطارة اشوية من سائل التقشير و تحطينه و بوعاء "زجاجي" نظيف تقريبا ما يعادل قفشه وحده كبيرة .. و تييبين فرشاة fan brush او شاش "الأسهل استخدام الشاش"و وتغمسينها بسائل التقشير تشبعين الشاش بسائل التقشير من غير ما تخلينه يقطر من الشاش.. راح تبدأ عملية التوزيع من الجبهه وانتي نازله على الاطراف الخارجية من الخدود و الحنج ولين تمشينه على ويهج كله "بتمريرة وحدة فقط" يعني لا تروحين و تردين على نفس المكان انتبهي. ولا تقربينه حوالي عيونج
وخلي يمج المؤقت و حسبي من 3-10 دقايق..اذا التقشير تستخدمسنه لاول مره خليه 3 دقايق .. انا بما اني كنت مقشره من قبل خليته على بشرتي 5 دقايق فقط.. بالخطوة هذي بتحسون بوخز و حرقه في البشرة هالشي طبيعي بس خلي عندج مروحه او حتى الاستشوار وحطيه بس على الهوا البارد و هوي فيه ويهج ترى حتى المهفه تنفع.
ثالثاُ: طبعا قبل التقشير تكونين مجهزة ثلاث اكواب ماي فاتر مو بارد مثلج ديروا بالكم..و مذوبه فيهم قفشتين كبار من بيكاربونات الصوديوم (بنات مو البيكنغ بودر انتبهوا) ليش بيكاربونات الصوديوم؟!! لانها تعادل البشرة و توقف مفعول سائل التقشير حالاً. وتغسلين ويهج باستمرار لين تخلص الكمية اللي عندج..انتبهي و انتي تغسلين ويهج لا تفركين و لاتحكين البشرة ترى كله بيطلع عليج عكسي بتتجرح بشرتج و تلتهب.
رابعاً: استخدمي أي مرطب بدون عطور ويكون ملطف وفي كريمات يبيعونها خصيصا حق للإستخدام بعد التقشير "Post peel"..انا استخدمت مرطب انا مسويته طبيعي حق الحساسية و الحرار ويهدي الإلتهابات بزبدة الشيا وزيت بذور العنب و فيتامين أي و إي و الزنك (تقريبا نفس كريم سودو بس بدون عطر) ادهن فيه ويهي يومين ورا بعض عقب التقشير
النتيجة: تهبل تهبل وصج لاحظت المسامات خفت ولون بشرتي توحد و أي خطوط في البشرة اختفت بنسبة 80% وبشرتج تصير بشرة بيبي... بس ترا مهم انج تستخدمين واقي للشمس من SPF 30 وأكثر لان البشرة تصير اكثر حساسية من الشمس..عن نفسي انا ما لاحظت هالشي بس من بشرة عن بشرة تختلف ولازم نلتزم بالتعاليم للوقاية وزيادة الحرص.
اللي حابة تستخدم المقشر في متوفر في بعض الصيدليات بس اعتقد لاستخدام الدكاترة مو للإستخدام المنزلي (انا لقيته بصيدلية الغانم ب 30 دينار بينما اللي طالبته تقريبا ب 5 دنانير).. انا طالبة المقشر مالي من أمازون و سعره وايد ارخص من اللي شفته بالصيدلية وبالاضافة الي انه للإستخدام المنزلي يعني حاسبين حساب ان ممكن اللي يستخدمونه من عوام الناس مو دكاترة واحتمال عليمية هههههه
بنات اللي تخاف لا تجرب ولا تخاطر بعدين تقعد ادعي .. اذا تحسين ان عندج شجاعة انج تجربين ابتدي في البداية باختبار بسيط في بقعة صغيره علي طرف خدج و نطري 24 ساعه علشان تتأكدين ما التهبت بشرتج..اهو الاحمرار و الحرارة لا بد منها بس مو تصير بصورة قوية وانتفاخ قوي..يعني التفاعل الطبيعي يصير جنه احد معطيج طراق علي ويهج ههههههه ويخف الاحمرار بعد ايام
وملاحظة ثانية حق اللي يبون يقشرون الافضل انج تسوينها بالاجازة يعني يبي لج تقريبا اسبوع ما اطلعين الصبح و اذا طلعتي ما تقعدين وايد تحت الشمس مع استخدام الواقي.
الحين نيي حق المقشر الفلبيني اللي شريته من الحواي....صورته فوق على يساركم لونه اخضر
بنات انا اكتشفت ان بعض الشركات صح تستخدم مواد معتمدة من جهات حكومية و منظمات بس مو شرط تكون هذي المواد مكلفة او غالية..ولو تلاحظون اغلب الشركات الكبيرة و المشهورة تنفق اموال كبيرة على الدعاية و على شكل العلبة من جذي اسعارهم غالية بينما المواد ممكن تكون اهي نفسها بالضبط بس تابعه لشركة مو مشهورة واسعارها وايد اقل.
بالنسبة للمقشر الفلبيني انا ما عندي أي فكرة اذا المواد اللي مستخدمينها معتمدة من جهات رسمية او عالمية علشان جذي ما اخاطر و استخدمها على ويهي استخدمها على جسمي في ناس يستخدمونها للركب و الاكواع و اصلا استخدامي لها نادر وبحذر..انا استخدمتها على جزء بسيط من جسمي و قشر لي المكان والنتيجة كانت حلوه يعني تحسن بنسبة40%.. طبعا النتيجة تختلف من بشرة الي بشرة و صح مهم تستخدمين مع المقشر الفلبيني كريم هيدروكورتيزون ..انا استخدمت "ألفاكورت" .. والاستخدام لمدة 3 ايام فقط تدهنين فيه المنطقة اللي تبين تقشرينها وبالليل قبل النوم و بعد دهانه تنطرين نص ساعه و تدهنين عقبها الهيدروكورتيزون والصبح تغسلينه و تدهنين مكانه بكريم مرطب والأفضل يكون طبي
### ملاحظة وايد مهمه: اذا قشرتي ويهج او اهتميتي فيه لا تنسين ايدج بعد اعتني فيها و قشريها مثل ما تعتنين بويهج.
بالنهاية لا تنسوني من دعواتكم :yaaaaaarb:
اشلونكم حبايبي؟ شخباركم؟
انا ادري في فئة كبيرة من البنات ينتظرون مني الموضوع هذا من مده طويييييييييييييييييييييييييييييييلة
<<ابتسامة الفشيله.. ترى حاولت انزله قبل يومين بس عقب ما كتبت كل شي الصفحة طارت و حاشني احباط..بس خيره لاني بزيد على الموضوع جم شغله تحفزكم
قبل كل شي راح ابدي الموضوع بكلمتين بعيدين عن الموضوع بس اعجبوني و بكتبهم
((الفرد نتاج افكارة, فما يظنه بنفسه سيتحقق)) قائل هذي العبارة غاندي المناضل الهندي
((ستحصل على أفضل حصيلة من صيد الأسماك في المياة الخطرة التي لا يقصدها محبو الأمان... نجاحك ينتظرك في أماكن لا يمر عليها الكثيرون من محبي عدم المخاطرة))
((الفائز هو من يتعرف على المواهب التي حباه بها الله, ثم يعمل بأقصى طاقته ليحول هذة المواهب إلى مهارات, ثم يستخدم هذه المهارات لتحقيق أهدافه التي وضعها)) لاري بيرد
بنات انا ودي منكم انكم تقرون.. لا تخلين اي شي تحطينه علي جسمج بدون ما تقرين عنه و تقرين عن كل مكوون فيه.. انا وحدة زهقت من ادش صيدلية او محلات التجميل كل وحدة تحاول انها تجذبني لمنتجاتها في منها الزين و في اللي ما ينفع وانا تايهه واخذ المنتج على مدحهم له.. بس بنات لي متى واحنا نقط فلوسنا على شركات اللي اغلبها يهودية؟!! ليمتى؟!! ما وقفتوا مع نفسكم هالوقفه بكل جديه وسألتوا نفسكم هالسؤال؟؟!!..
ليمتى المنتج الأجنبي يتفووق على المنتجات العربية؟!! لا تقولين انا مو بيدي شي .. ما اقدر اسوي شي.. صدقوني تقدرون
انا بلحظه وقفت فيها مع نفسي و قلت ليش مو انا اسوي منتجاتي بيدي؟! ليش ما اتعب و أجاهد في سبيل اني اعرف سر الشركات؟!!!
بنات لا تقولون هذا شي مستحيل
..المستحيل هو عقلج اللي يوهمج فيهبنات مو جنه ناقصني منبر؟!
ما عليه طولتها عليكم بس شسوي من حرتي :eh_s(4):
__________________
اليوم موضوعي عن التقشير الكيميائي أو "التقشير بأحماض الفواكة"
ادري الصورة تخرع بس وايد مختصرة فكرة التقشير
أولا و قبل كل شي احب اقول لكم انا وحدة أثق جدا بالأبحاث و ابحث من المصادر الموثوقة ليطمئن قلبي.
ثانيا انا وحدة تخصصي في مجال علمي يعني عارفة من وين اخذ مصادري في البحوث وكل المعلومات اللي راح احطها من جهدي الشخصي وبحثي من المصادر.. انا غير متخصصه في مجال البشرة و كل اللي راح احطة بناء على تجاربي الشخصية بعد بحث مكثف و اختصرته لكم اختصار شديد وحطيت لكم الزبدة على قولتهم.
واللي حابه تاخذ أبحاث موثقه تقدر ادش على الموقع المتخصص في أبحاث الطب والعلوم هذا Pubmed فيه محرك بحث و له طريقة معينة علشان تحصلين الموضوع اللي تبينه بالضبط
هذا هو رابط الموقع
Home - PubMed - NCBI
... اذا حبيتي تعرفين اكثر عن طريقة البحث كتبي في قوقل How to search on Pubmed?
بس عيب هالموقع ان تقريبا اغلب البحوث بالانقليزي.
ثالثا: بالموضوع هذا اشرح فيه التقشير وشنو ايجابياته مقابل سلبياته..يعني لا تتخذون موضوعي كاستشارة طبية ..ما ابيكم تتهورون و تستخدمون شي ما يناسبكم..ترى الحذر واجب ولو تقرون اكثر عن الموضوع هذا يكون احسن..واللي عزمت تقشرالأفضل لو تستشير دكتور فاهم و عارف مو همه الربح المادي..انا من وجهة نظري افضل انها تستشير اكثر من دكتور شاطر.
التقشير الكيميائي:
الثقشير الكيميائي Chemical peel او Chemoexfoliation اهي من الطرق لتحسين مظهر البشرة ..مع الوقت بسبب عوامل مثل الشمس و الوراثة و العادات الغذائية والتحرك المستمر لعضلات الوجة تساعد على ظهور تجاعيد او خطوط في الوجة ويفقد الجلد نعومته و تظهر هذي الاثار على الوجه و الرقبة و الأيد.. طبعا تتوفر انواع عديدة من المقشرات الكيميائية لمعالجة التجاعيد و عدم توحد لون البشرة والندوب على البشرة
المشكلات اللي يعالجها التقشير الكيميائي:
- تقلل من ظهور الخطوط التجاعيد تحت العين و حول الفم
- تقلل من ظهور التجاعيد اللي سببتها اشعة الشمس
- التصبغات في الجلد بسبب آثار حب الشباب او بسبب تقدم العمر
- يعالج نوع من انواع حب الشباب
- يقلل من ظهور النمش و البقع اللي سببها الحمل وحبوب منع الحمل
- يفتح لون البشره و يخليها تظهر اكثر حيوية
اشلون يشتغل التقشير على البشرة:
التقشير يشيل لج الطبقة الخارجية من الجلد اللي تكون تالفه .. وطبعا عمق محلول التقشير على حسب تركيزة.. محاليل التقشير متوفرة في الدول بره للإستعمال المنزلي تؤدي الغرض وأمنه الي حد ما اما المحاليل البروفشنال هذي تكون موجودة في العيادات فقط و التقشير يكون تحت اشراف طبيب..ومهم جدا انكم تشوفون دكتور فاهم و عارف اهو شنو قاعد يسوي ديروا بالكم لانه كل ماكان فاهم كل ما صارت عملية التقشير ناجحة ونتايجها احلى و تقل الاخطاء او التعقيدات اللي تحوش البشرة بعد التقشير.
الجلد يتكون من طبقتين الطبقة الخارجيه اهي البشره Epidermis احنا بتقشيرنا في البيت نقشر جزء منها مو كلها و هي الطبقة اللي فيها الاوساخ والجلد الميت والتجاعيد .. والطبقة اللي تحتها اهي Dermis
سائل التقشير لما يدخل للبشرة يسبب صدمة او جرح للطبقة الخارجية من الجلد Epidermis اللي تتكون من خمس طبقات..و نتيجة لهذي الصدمة تبدأ البشرة تعالج نفسها عن طريق تقشير البشرة المجروحة و بناء خلايا جديدة وتحفيز افراز الكولاجين و الالاستين.. و بجذي تظهر البشرة بشكل مشرق و متجدد و حلو..طبعا انا استخدمت التقشير السطحي اللي يعالج بشكل بسيط..اما التجاعيد العميقة هذا يحتاج ان الوحده تروح لدكتور متخصص علشان يسوي لها التقشير بصورة اعمق.
علشان تحصلين على بشرة متوحدة و نظرة و تلمع (تتخلصين من التجاعيد الخفيفة و حب الشباب والجفاف المسامات تقل و الرؤوس السودا) نستخدم في البيت
*احماض الالفاهيدوركسي alphahydroxy acids
مثل الجليكوليك اسيد glycolic acid وهو حمض مستخرج من سكر القصب
حمض اللاكتيك اسيد lactic acidاللي مستخرجينه من الروب و يعتبر اخف احماض الفواكة وقعاً على البشرة
*احماض اليبتاهيدروكسي beta hydroxy acids
اللي هو الساليسيلك اسيد salicylic acid موجود في بعض منتجات البشرة و التونيكات و موجود بعد في الاسبرين (علشان جذي تسمعون في ماسكات للبشره من الاسبرين علشان تشيل حب الشباب لاحتواءه على الساليسيلك اسيد).
ابسط مثال غسول نيتروجينا بالقريب فروت فيه نسبة 2% من الساليسيلك اسيد وانا دايما استخدمه
المقشرات الخفيفة اللي تقدرين تستعملينها بشكل يومي.. (ملاحظة: المقشرات اللي جربتهم انواع وايد مو كلهم ذكرتهم في الموضوع)
رقم 1 هذا مقشر نسبته 20% وهو عباره عن اقراص قطنية مشبعة بمحلول المقشر الجليكوليك أسيد Glycolic acid تستخدمينه عن طريق مسح القطنه على الويه والرقبة و اليدين او على حسب رغبتج في الجزء اللي تبين تقشرينه و تستخدمينه بالاسبوع مرتين بالاسبوع او على حسب حاجة بشرتج للتقشير..انا بصراحه كنت استخدمه مره بالاسبوع.
رقم 2 هذا مقشر جليكوليك اسيد نسبته 15% كنت استخدمه قبل ما اتدرج للنسبه اللي بعدها.. هذا اللوشن ايتخدامه يومي يعني عادي ما يضر بس شرطة الاساسي انج ما تستخدمينه بره بالشمس يعني خليج في البيت بعيد عن الشمس او استخدميه وقت النوم بالليل.
ريكسول رقم 3 جيلكوليك اسيد نسبته 20% و هو عباره عن كريم تستخدمينه بالبيت ما اطلعين فيه بره بالشمس الحلو في هذا المقشر انه من مكوناته مواد ثانيه مع المقشر..معاه خلاصة الطحالب معرفه حق شد البشرة و مقاومة التجاعيد و خلاصة الجينسينغ و البنثينول اللي اهو فيتامين ب5 و خلاصة الكفيار وفيتامين أي بالاضافه الي الريتينول كل المواد اللي ذكرتها مفيدة للبشرة و تغذيها بس عيب هذا الكريم بالنسبة حق الحريصات ومتابعات مكونات الكريمات.. انه فيه المادة الحافظة بروبايل برابين propylparaben المادة هذي صار فيها جدل في امريكا و اوروبا بانها لها علاقة مع امراض سرطان الثدي.. اهي الشغلة ما اثبتوها علميا بس لاحظوا في اورام الثدي المادة هذي تكون مترسبة في الورم بكمية قليلة وبسيطة..في علماء يقولون عادي استخدموها ما منها اضرار اذا صارت بكمية قليلة.. و عن الحلال و الحرام انا أي شي يصير فيه جدال باواسط الخبراء احاول ابتعد عنه فلذلك الكريم هذا انا ما استخدمه وايد.
نقاط لازم تاخذينها بالاعتبار قبل استخدام التقشير
راح تحسون بوخز لما تستعملين المقشر او حرقة ترى هالشي طبيعي
- والافضل انح تبتدين باستخدام مقشر بتركيز قليل مثل 5% و تزيدين التركيز مع الوقت.
- لازم تستخدمين واقي الشمس ولا اطولين قعدتج تحت الشمس
- تجنبي الاماكن الحارة مثل السونا او انج تغسلين ويهج بماي حار او ماي شديد البرودة او تحطين ثلج على ويهج او لا يحوش السشوار ويهج وانتي تستشورين شعرج لمدة 3 أيام على الأقل من بعد التقشير
والحين راح أذكر لكم تجربتي مع تقشير الجليكوليك أسيد القوي اللي نسبته 30%
اولا غسلت ويهي زين بالصابون و بعدها نظفت ويهي بكحول حاطته بقطنة لان الكحول يزيل بقايا الزيوت اللي تفرزها البشرة وبقايا الصابون و بعدها غسلت ويهي بماي و جففت البشرة
ثانياً: تاخذين بالقطارة اشوية من سائل التقشير و تحطينه و بوعاء "زجاجي" نظيف تقريبا ما يعادل قفشه وحده كبيرة .. و تييبين فرشاة fan brush او شاش "الأسهل استخدام الشاش"و وتغمسينها بسائل التقشير تشبعين الشاش بسائل التقشير من غير ما تخلينه يقطر من الشاش.. راح تبدأ عملية التوزيع من الجبهه وانتي نازله على الاطراف الخارجية من الخدود و الحنج ولين تمشينه على ويهج كله "بتمريرة وحدة فقط" يعني لا تروحين و تردين على نفس المكان انتبهي. ولا تقربينه حوالي عيونج
وخلي يمج المؤقت و حسبي من 3-10 دقايق..اذا التقشير تستخدمسنه لاول مره خليه 3 دقايق .. انا بما اني كنت مقشره من قبل خليته على بشرتي 5 دقايق فقط.. بالخطوة هذي بتحسون بوخز و حرقه في البشرة هالشي طبيعي بس خلي عندج مروحه او حتى الاستشوار وحطيه بس على الهوا البارد و هوي فيه ويهج ترى حتى المهفه تنفع.
ثالثاُ: طبعا قبل التقشير تكونين مجهزة ثلاث اكواب ماي فاتر مو بارد مثلج ديروا بالكم..و مذوبه فيهم قفشتين كبار من بيكاربونات الصوديوم (بنات مو البيكنغ بودر انتبهوا) ليش بيكاربونات الصوديوم؟!! لانها تعادل البشرة و توقف مفعول سائل التقشير حالاً. وتغسلين ويهج باستمرار لين تخلص الكمية اللي عندج..انتبهي و انتي تغسلين ويهج لا تفركين و لاتحكين البشرة ترى كله بيطلع عليج عكسي بتتجرح بشرتج و تلتهب.
رابعاً: استخدمي أي مرطب بدون عطور ويكون ملطف وفي كريمات يبيعونها خصيصا حق للإستخدام بعد التقشير "Post peel"..انا استخدمت مرطب انا مسويته طبيعي حق الحساسية و الحرار ويهدي الإلتهابات بزبدة الشيا وزيت بذور العنب و فيتامين أي و إي و الزنك (تقريبا نفس كريم سودو بس بدون عطر) ادهن فيه ويهي يومين ورا بعض عقب التقشير
النتيجة: تهبل تهبل وصج لاحظت المسامات خفت ولون بشرتي توحد و أي خطوط في البشرة اختفت بنسبة 80% وبشرتج تصير بشرة بيبي... بس ترا مهم انج تستخدمين واقي للشمس من SPF 30 وأكثر لان البشرة تصير اكثر حساسية من الشمس..عن نفسي انا ما لاحظت هالشي بس من بشرة عن بشرة تختلف ولازم نلتزم بالتعاليم للوقاية وزيادة الحرص.
اللي حابة تستخدم المقشر في متوفر في بعض الصيدليات بس اعتقد لاستخدام الدكاترة مو للإستخدام المنزلي (انا لقيته بصيدلية الغانم ب 30 دينار بينما اللي طالبته تقريبا ب 5 دنانير).. انا طالبة المقشر مالي من أمازون و سعره وايد ارخص من اللي شفته بالصيدلية وبالاضافة الي انه للإستخدام المنزلي يعني حاسبين حساب ان ممكن اللي يستخدمونه من عوام الناس مو دكاترة واحتمال عليمية هههههه
بنات اللي تخاف لا تجرب ولا تخاطر بعدين تقعد ادعي .. اذا تحسين ان عندج شجاعة انج تجربين ابتدي في البداية باختبار بسيط في بقعة صغيره علي طرف خدج و نطري 24 ساعه علشان تتأكدين ما التهبت بشرتج..اهو الاحمرار و الحرارة لا بد منها بس مو تصير بصورة قوية وانتفاخ قوي..يعني التفاعل الطبيعي يصير جنه احد معطيج طراق علي ويهج ههههههه ويخف الاحمرار بعد ايام
وملاحظة ثانية حق اللي يبون يقشرون الافضل انج تسوينها بالاجازة يعني يبي لج تقريبا اسبوع ما اطلعين الصبح و اذا طلعتي ما تقعدين وايد تحت الشمس مع استخدام الواقي.
الحين نيي حق المقشر الفلبيني اللي شريته من الحواي....صورته فوق على يساركم لونه اخضر
بنات انا اكتشفت ان بعض الشركات صح تستخدم مواد معتمدة من جهات حكومية و منظمات بس مو شرط تكون هذي المواد مكلفة او غالية..ولو تلاحظون اغلب الشركات الكبيرة و المشهورة تنفق اموال كبيرة على الدعاية و على شكل العلبة من جذي اسعارهم غالية بينما المواد ممكن تكون اهي نفسها بالضبط بس تابعه لشركة مو مشهورة واسعارها وايد اقل.
بالنسبة للمقشر الفلبيني انا ما عندي أي فكرة اذا المواد اللي مستخدمينها معتمدة من جهات رسمية او عالمية علشان جذي ما اخاطر و استخدمها على ويهي استخدمها على جسمي في ناس يستخدمونها للركب و الاكواع و اصلا استخدامي لها نادر وبحذر..انا استخدمتها على جزء بسيط من جسمي و قشر لي المكان والنتيجة كانت حلوه يعني تحسن بنسبة40%.. طبعا النتيجة تختلف من بشرة الي بشرة و صح مهم تستخدمين مع المقشر الفلبيني كريم هيدروكورتيزون ..انا استخدمت "ألفاكورت" .. والاستخدام لمدة 3 ايام فقط تدهنين فيه المنطقة اللي تبين تقشرينها وبالليل قبل النوم و بعد دهانه تنطرين نص ساعه و تدهنين عقبها الهيدروكورتيزون والصبح تغسلينه و تدهنين مكانه بكريم مرطب والأفضل يكون طبي
### ملاحظة وايد مهمه: اذا قشرتي ويهج او اهتميتي فيه لا تنسين ايدج بعد اعتني فيها و قشريها مثل ما تعتنين بويهج.
بالنهاية لا تنسوني من دعواتكم :yaaaaaarb:
التعديل الأخير:
