تعليم كروشيه بالعربي من الصفر للمبتدئات<< متجـدد

[حبي غير]

رد: تعليم كروشيه بالعربي من الصفر للمبتدئات

الحين كثير من البنات اللي ودهم يتعلمون كروشيه يسألون مثلا :
س1 : شنو الغرز الاساسيه
ج2: الغرز الاساسيه 6 غرز ( غرزة المنزلقه - غرزة الحشو - غرزة النصف عمود - غرزة عمود بلفه (ويسمونها احيانا بالشرح عمود ) - غرزة عمود بلفتين - غرزة عمود بثلاث لفات )​

س2 : اذا عرفت الغرز الاساسيه واتقنتها شنو اقدر اسوي بالكروشيه ​

ج2 : تقدرين تسوين اغلب شغل الكروشيه ​

س3: شنو الشئ اللي لازم اتعلمه بعد الغرز الاساسيه ​

ج3 : لازم تتعلمين نوعين من الدوائر بالكروشيه
1- الدائره العاديه ( ضروريه لبداية عمل - مثلث - مفارش - وروود -طواقي- مربع - دائره )
2- الدائره السحريه : ( تستخدم في الالعاب - بعض الوروود -مفارش - طواقي واي شئ يحتاج حشو ) ​

س4: شنو الصناره اللي لازم استخدمها كمبتدأه​

كمبتدأه لازم تستخدمين صناره المونيوم (اللي لونها فسفوري) صناره رقم 4 او صناره رقم 4.5 مع خيط متوسط الثخن​

س5 : انا مستواي فوق المبتدأه بشوي وعندي خيوط كثيره وصنارات لكن ما اعرف شنو يمشي مع شنو​

ج5: قاعده عامه (كل ما صغر رقم الصناره الالمنيوم كل ماصغر حجم الشغل اللي تسوينه وووو كل ما كان الخيط ضعيف كل ما صغر حجم الشغل اللي تسوينه والعكس صحيح
مثلا : ( وحده سوت جوتي اطفال لعمر3 شهور بصناره المينيوم رقم 4 وخيط متوسط الثخن وتبي تسوييه اكبر شوي مثلا لعمر 6 شهور وماتبي تغير الصناره اذن تثخن الخيط راح يعطيها مقاس 6شهور اذا تبيه اكبر تكبر الصناره )​

س6 : هل فيه غير الصنارات الالمينيوم اللي لونها فسفوري ​

فيه صنارات المينيوم فسفوري وهي مناسبه للمبتدئات وارقامها 2- 2.5 - 3- 3.5 - 4- 4.5 - 5-5.5 -6 -6.5 ..... 10
والصنارات الحجم الكبير اكثر شئ تستخدم للبطانيات وبعض الشالات
وفيه صنارات خشب وبلاستك وهذولي نفس الالمينيوم بس مختلفين بالماده المصنوعه من خشب او بلاستك ​

فيه الصنارات ستان ستيل
وهذولي يختلفون اختلاف كلي بالمقاس عن الصنارات الالمينيوم
و المفروض المبتدأه ماتشتغل بصناره ستان ستيل نهائيا بالبدايه لكن تشتغل فيهم بعد ما تتمكن من الغرز وايدها تاخذ علي الغرز لانهم صنارات حجمهم صغير ويتعبون المبتدأه بالشغل وهم يستخدمون لكل شء نمنم واكثر شئ لمفارش الطاولات والباربيات او اي شئ تبينه صغير ​

س7 : متي الدرس القادم
مجرد ماتحط اي بنت تطبيق الدرس الاول نبدي بالدرس الثاني​

 

[c a t w o m a n]

رد: تعليم كروشيه بالعربي من الصفر للمبتدئات

قواج الله حبيبتي


بس أنا عندي فكرة عن الفرز الاساسية بس اذا بيي أطبق شي أخبص بالدنيا نا أعرف أي شي المشكلة يا فيني يا في الخيوط

خل أروح أنزل تطبيق سويته باللابتوب أتدرب على بلانكت

بس أنوم بنتي و أرجع انشالله

 

[Blue Tulip]

رد: تعليم كروشيه بالعربي من الصفر للمبتدئات

يعطيج العافية حبيبتي
عاد الوالده صارلها فترة ودها تتعلم كروشيه بس للحين ماتضبط الغرز بخليها تشوف موضوعج

 

[c a t w o m a n]

رد: تعليم كروشيه بالعربي من الصفر للمبتدئات



هذا ايللي حاولت أطبقة للأسف لما حسيت شكل الغرز واضح و الخيط ماشي مع السنارة خلص الخيط


وهذا الفيديو من اليوتيوب

Easy to Crochet Blanket Very UNIQUE look - YouTube

 

[c a t w o m a n]

رد: تعليم كروشيه بالعربي من الصفر للمبتدئات

بروح أطبقلي شي خيطه قصير و أحطه لول

 

[حبي غير]

رد: تعليم كروشيه بالعربي من الصفر للمبتدئات

قواج الله حبيبتي


بس أنا عندي فكرة عن الفرز الاساسية بس اذا بيي أطبق شي أخبص بالدنيا نا أعرف أي شي المشكلة يا فيني يا في الخيوط

خل أروح أنزل تطبيق سويته باللابتوب أتدرب على بلانكت

بس أنوم بنتي و أرجع انشالله

كات وومن بسألج تعرفين الغرز بالعربي والا بالانجليزي و ابيج تقوليلي شنو تعرفين بالكروشيه (كل اللي تعرفينه قوليه )

شنو الاغلاط بالبطانيه اللي سويتيها :
لو تلاحظين ان انتي بديتي صح وبعدين بدت القطعه تصغر لي فوق يعني بدت تلم والسطر الاخير اصغر من السطر الاول وبدت تتجه انها تصير جنها هرم او مثلث لييييييييييش

الجواب :
1- لاحظي ان اهي لما تبدي سطر جديد من جهه تسوي 3 سلسله والجهه الثانيه تسوي منزلقه وبعدين تسوي 3 سلسله
شنو فايدة ال3 سلسله اللي تسويها اول شئ اقولج ال3سلسله يسمونها ارتفاع علشان القطعه تحافظ علي نغس العرض اللي بديت فيه فاذا ما تسوينها القطعه تبدي تكش وتصغر ولاحظي بعد ان اهي لما ترتفع 3 سلسله بالفراغ الاول (الفراغ مقصود فيه اهي ال3 سلسله اللي بالعرض اللي بالسطر السابق) سوت منزلفه داخل الفراغ وبعدين ارتفعت 3 سلسله وبعدين سوت 2 عمود
اهنيه ال3 سلسله ارتفاع اعتبرتها جنها عمود (في بعض الباترونات يقولج ارتفعي 3 سلسله واعتبريها عمود ) باترون البطانيه هذي جذي
2- الغلط الثاني لما تسوين آخر عمود بالسطر بعدها انتي مو قاعده تشبكين منزلقه بآخر سلسله من ال3 سلسله ارتفاع لا حظي ان اهي بعد ما تسوي آخر عمود وقبل لا تلف تبي تسوي السطر الجديد تشبك بمنزلقه بآخر سلسله من ال3 سلاسل ارتفاع هذي مهمه جدا جدا اذا ما سويتيها تصغر القطعه تصير جنج كل مره تنقصين عمود (لا تنسين ان احنا قلنا ان ال 3 سلسله نعتبرها عمود)


3- الغلط الثالث صنارتج صغيره كبري الصناره خليها مثلا 5 او 5.5


حتي في اي شغل تسوينه فيه عمود لازم من نفسج ترتفعين 3 سلسله
وانشالله خل بس البنات يخلصون تطبيق الغرز الاساسيه راح بعدها احط مشاريع تطبيق تستفيدين انشالله منها
ولا تترددين بالسؤال

يعطيج العافية حبيبتي
عاد الوالده صارلها فترة ودها تتعلم كروشيه بس للحين ماتضبط الغرز بخليها تشوف موضوعج

حياج الله انتي والوالده وانشالله تتعلم علي ايديني وتدعيلي دعوه حلوه ياااارب

 

[حبي غير]

رد: تعليم كروشيه بالعربي من الصفر للمبتدئات

لكل البنات اللي حابين يتعلمون كروشيه
لاااااازم البنت اللي حابه تتعلم تقول شنو تعرف بالكروشيه واللي تعرف كروشيه هل تعرفه بالعربي والا بالانجليزي علشان اعرف مستواها بالضبط بالكروشيه

 

[c a t w o m a n]

رد: تعليم كروشيه بالعربي من الصفر للمبتدئات

أعرفهم بالانجليزي حبيبتي


اعرف ال

Double crochet

Half double crochet

Slip stich

Shell stich

Basket weave stich

هذيل ايللي اعرفهم so far

مشكلتي اذا بطبق غرزة بحد ذاتها أقر أضبطها إلئ حد ما بس لا أيي و أسويلج وردة ولا جراني سكوير


مآساااااة

 

[حبي غير]

رد: تعليم كروشيه بالعربي من الصفر للمبتدئات

أعرفهم بالانجليزي حبيبتي


اعرف ال

Double crochet

Half double crochet

Slip stich

Shell stich

Basket weave stich

هذيل ايللي اعرفهم so far

مشكلتي اذا بطبق غرزة بحد ذاتها أقر أضبطها إلئ حد ما بس لا أيي و أسويلج وردة ولا جراني سكوير


مآساااااة

هلا كات يوومن
انتي ما تعرفين من الغرز الاساسيه الا 3 غرز اللي اهم
Double crochet

Half double crochet

Slip stich
انا قلت هنيه بالمنتدي احط تعليم كروشيه بالعربي
لان انا عندي درس كامل تعليم الكروشيه بالانجليزي شارحه فيه كل شئ وبالفيديو والتطبيقات بس بمنتدي ثاني وهنيه اعتقد ما يصير اقول اسم المنتدي وطبعا انا ما اعرف انقل الدرس كامل هنيه بقسم الكروشيه
فاللي تعرف تنقل الموضووع لقسم الكروشيه هنيه اكون شاكره لها بس تحط بالبحث تعليم كروشيه بالانجليزي وتنقل الموضوع

 

[c a t w o m a n]

رد: تعليم كروشيه بالعربي من الصفر للمبتدئات

يعطيج العافية على المجهود

بس ترى هم ما عندي مشكله بالعربي أتعلم

ايللي عرفته إن المنزلقة اهي ال slip stich

العامود اهو double chrochet

السلسلة اهي chain

و بث

 

[حبي غير]

رد: تعليم كروشيه بالعربي من الصفر للمبتدئات

يعطيج العافية على المجهود

بس ترى هم ما عندي مشكله بالعربي أتعلم

ايللي عرفته إن المنزلقة اهي ال slip stich

العامود اهو double chrochet

السلسلة اهي chain

و بث

ماشالله عليج شاااطره تعرفين تحولين الغرز :ggdw:

اذن مادام جذي تابعي وياي بالعربي
مايخالف انا ادري ان انتي تعرفين جم غرزه بس ابي منج تطبقين الدروس علشان بعد نساعد البنات اللي توهم مبتدئات ويكون لهم مرجع وهم بعد علشان تبدين بدايه صح (وربعن تعاونوا ماذلوا ) وانشالله متعاونين علي الخير
ابيج تطبقين الدرس الاول وتنزلين التطبيق علشان انزل الدرس الثاني ..... وهكذا

 

[c a t w o m a n]

رد: تعليم كروشيه بالعربي من الصفر للمبتدئات

جاري التطبيق

 

[c a t w o m a n]

رد: تعليم كروشيه بالعربي من الصفر للمبتدئات

هذه السلسلة

الخيط أذاني سنارتي كبيره عليه







و هذ وردة سويتها .. و إذا تبين الصراحة هالوردة صارلي سنة أشتغل عليها لي الحين نفس الشكل تطلع .. مو مرتبة










لقطه جماعية

 

[حبي غير]

رد: تعليم كروشيه بالعربي من الصفر للمبتدئات

شوفي ابيج تنسين موضوع الصناره ماتناسب الخيط انسي هذي الفكره كلش لان كل الصنلرات تقدرين تشتغلين فيهم بكل الخيوط لكن شوي صعب علي المبتدأه باليدايه مجرد ما تاخذ ايدج علي الشغل خلاص شنو فايدة ارقام الصنارات راح اقولج لوعندج صناره 6 مثلا وسويتي فيها 20 سلسله وبعدين بخيط ثاني سويتي بصناره 3 هم 20 سلسله راح تلاقين ان السلسله اللي بصناره 6 اكبر واطول من السلسله اللي سويتيها بصناره 3
يعني ارقام الصنارات علشان تغيريين حجم القطعه يعني مثلا لو سويت نفنوف بيبي 6 شهور بصناره 5 وبغيت اصغر النفنوف واخليه مقاس بيبي3شهور اصغر الصناره لمقاس 2 يعطيني مقاس 3شهور
وانتي جربي 20 سلسله سويها مره بصناره 6 ومره ثانيه سويها بمقاس 3 وشوفي منو الاطول
اذن فكرة الصناره ما تناسب الخيط كلش الغيها من مخج

وانا عرفت الخلل اللي عندج مو بالصناره والخيط لاااااااااا مسكتج للخيط غلط يعني لما تشتغلين ماتدرين متي تشدين ومتي ترخين الخيط علشان جذي والله اعلم انج تحسين لما تشتغلين ان الخيط متعبج ان مو قادره تتحكمين فيه شوفي فيه بالفيديو اللي بالدرس الاول طريقة مسكة الخيط بس مو حاطين شلون تتحكمين بالخيط
وانا راح اسهلها لج حيييل سوي اللي راح اقوله الحين
مسكه الخيط وهي: تحطين الخيط تحت الاصبع الصغير (البنصر) وفوق الاصبع اللي قبل الاخير(البنصر) وتحت الاصبع الاوسط وفوق السبابه وبعدين نمسك الخيط بالابهام والاصبع الاوسط (طبعا طرف الخيط المقطوع متجه نحو الابهام)

طبعا الخيط اللي بين البنصر والخنصر مهمته ان انتي تتحكمين انج تشدين او ترخين الخيط فاذا حبيتي تشدين الخيط تصكين البنصر علي الخنصر (تضمينهم علي بعض) واذا حبيتي تسحبين خيط زياده تفتحينهم عن بعض

بالاول تلاقين ان انتي مو قادره تتحكمين بالخيط وانه راخي حيل فكل ما تحسين جذي صكي البنصر والخنصر علي بعض علشان ينشد الخيط لكن بعدين راح تسوينها لا شعوريا وبكل سهوله

الورده بالنسبه لمبتدأه حلوه لكن وااااااضح فيها العذاب خلينا بس انخلص الغرز الاساسيه وراح اعلمج شلون تسويين ورده لااا وورده طبقات بعد وبنص ساعه انشالله
شنو المطلوووب :
انسي كل اللي تعلمتيه بالكروشيه قبل جذي
تدربي علي مسكة الخيط
تدربي علي السلسله لحد ما تصير كل حباتها متساويه( يعني مو شئ شاد وشئ راخي) وراح اتعرفين انج ضبطتيها لما تسويينها من غير جهد لان السلسله اللي انتي مسويتها واضح انها عذبتج وبذلتي فيها مجهود وركزي علي الاصبع اللي يشد ويرخي لانه راح يسهل عليج الشغل ومع التدرب اهو راح يشد ويرخي حتي من غير ما تحسين
آآآخر شئ ابي اقول ان التفاصيل الصغيره مهمه جدا بالكروشيه وتفرق بالشغل حيل علشان جذي ما تلاقين بالنت شرح للتفاصيل الصغيره لكن تلاقين شرح للغرز انواعها شرح مشاريع شرح ورش وكلهم يتعاملون مع مستوي اعلي من مستوي المبتدأه اللي ما تعرف شئ بالكروشيه فتلاقين المبتدأه تمشي ورا ورشه او يوتيوب وماتضبط وياها فتحتار ليش ما يضبط
طبعا كل الاخوات اللي يعطون ورش او شرح باليوتيوب يشكرون علي مجهوده وجزاهم الله خير
فعلشان جذي راح تلاقين بالدروس تفاصيل صغيره كثير تفرق بالشغل
ويبي يجييب الله مطر انشالله والخير بقبال

 

[أحلام طفله]

رد: تعليم كروشيه بالعربي من الصفر للمبتدئات

صبااااح الخخير

أنا صراحه عمري ما مسكت صناره ولا تعاملت مع خيوط صوف
بس حاااابه الشغله من قلللللب وأمنية حياتي أتعلمها من كنت صغيره كنت أشوفهم بالتلفزيون =)
وقبل شوي كنت احوس بالنت وشفت مقطع تعليم الكروشيه و قررت أني أبدي أتعلم وأقضي وقتي عليه
حتى أختي تحمست معاي من كثر ماشفت مقاطع وصور p:
وتوني بالصدفه دريت إنا في ناس مهتمه بهالموضوع بالمنتدى
دخلت دورات قديمه هني بس الصور كلها رايحه مو راضيه تطلع

أختي حبي أتمنى أتعلم على إيدج وتاخذين بيدي لين أصير محترفه ومراح أنساج بالدعاء طول عمري
أنا طبعي عجوله أبي امسك الخيط وأسوي شي قيّم بسرعه بس خفت أبلش غلط وأتحطم عشان جذي قررت أبدي من الصفر
ولقيت موضوعج وقررت أنضم معاكم أنا باجر عندي ظروف بس بعد باجر ان شاء الله بشتري العده وأبلش معاكم

أدري قرقرت واجد بس من الفرحه والله هههههه

 

[حبي غير]

رد: تعليم كروشيه بالعربي من الصفر للمبتدئات

صبااااح الخخير

أنا صراحه عمري ما مسكت صناره ولا تعاملت مع خيوط صوف
بس حاااابه الشغله من قلللللب وأمنية حياتي أتعلمها من كنت صغيره كنت أشوفهم بالتلفزيون =)
وقبل شوي كنت احوس بالنت وشفت مقطع تعليم الكروشيه و قررت أني أبدي أتعلم وأقضي وقتي عليه
حتى أختي تحمست معاي من كثر ماشفت مقاطع وصور p:
وتوني بالصدفه دريت إنا في ناس مهتمه بهالموضوع بالمنتدى
دخلت دورات قديمه هني بس الصور كلها رايحه مو راضيه تطلع

أختي حبي أتمنى أتعلم على إيدج وتاخذين بيدي لين أصير محترفه ومراح أنساج بالدعاء طول عمري
أنا طبعي عجوله أبي امسك الخيط وأسوي شي قيّم بسرعه بس خفت أبلش غلط وأتحطم عشان جذي قررت أبدي من الصفر
ولقيت موضوعج وقررت أنضم معاكم أنا باجر عندي ظروف بس بعد باجر ان شاء الله بشتري العده وأبلش معاكم

أدري قرقرت واجد بس من الفرحه والله هههههه

حياج الله انتي واختج وانا بعد فرحانه اني بساعد وحده بتحقيق حلمها بس تراج وعدتيني ان علمتج بتدعيلي من قلبج طول العمر وانا ما فرط بمثل هالعرض امسك فيه بيديني واضروسي الواحد مايدري بعد ما يموت امكن ما يفيده الا هالدعاء والله يعلم اني ما قررت انزل موضوع تعليم كروشيه الا علشان الدعاء من الناس الطيبه مثلج ومثل العضوات الكريمات اللي مشتركين بالدروس وانشالله تستفيدون من الدروس

والله انا توني مسجله بالمنتدي بس كنت اعطي دروس بمنتديات ثانيه ودخلت اهنيه بهدف اني الاقي احد ما يعرف كروشيه واعلمه وكان ليه الشرف اني اتعرف عليج وعلي باقي البنات وبصراحه تفاجأت ان فيه بنات اهنيه يبون يتعلمون كروشيه لو ادري جان داشه من زمان

بالنسبه للقرقره قرقري ولا يهمج انا بعد قرقاره كبيييييره بس انشالله انها قرقرت خير وصلاح

بالنسبه ان انتي مستعجله تسوين شئ بالكروشيه انشالله بس تتقنين الغرز نبدي نسوي اعمال كروشيه
واحسن شئ انج ما مسكتي صناره من قبل علشان جذي راح تكونين مثل الاسفنجه اللي تمتص بسرعه كل اللي تاخذه
يالله بسرعه روحي اشتري الاغراض وتعالي خوضي بعالم الكروشيه

 

[c a t w o m a n]

رد: تعليم كروشيه بالعربي من الصفر للمبتدئات

جاري تطبيق مسكة الخيط

 

[أحلام طفله]

رد: تعليم كروشيه بالعربي من الصفر للمبتدئات

قوه

منو تعرف احد يبيع خيوط يوصل لي البيت وألقى عنده الصناره بعد عجزانه أروح أفر وأدور وهاليومين مشغوله
حدي متحمسه للحياكه بس مو فاضيه للسوق

 

[جوزائيه مغروره]

رد: تعليم كروشيه بالعربي من الصفر للمبتدئات

انا اعرف اسوي نفس كان ومن واعرف اكمل السطره اللي يمها بس مع كل سطره اشوف السطره تتقلص وتلف

واعرف وحده نحيسه ابيها تعلمني تقول ما اعرف ما احب هالنوعيه

 

[جوزائيه مغروره]

رد: تعليم كروشيه بالعربي من الصفر للمبتدئات

مو قادره احط الصور لاني شابكه من الايباد ولابتوبي خربان