رحتي مشغل فصلتي عنده وطلعتي وآو تعآلي قولي تجربتج يآحلوة

[مضيعه عقلها]

اليوم رحت البلوكات

وكل مادخلت محل الا وحده معاها

تلفونها وتوري البايع الموديل وتقول طلع لي الخام

وخذيت لي خامتين ذربات وبفصلهم باذن الله

 

[عذبة السجآيآ]

اي الكل يسوي جذي

انا والله عجبوني كذا موديل بالمنتدى والخام بعد فـ شنو سويت قعدت اصور بفوني وبروح للبلوكات واقص الخام وبسوي بدلة العيد

لان بصراحه الاسعار صارت بالعلالي وانا عندي عروووس هالفتره يالله الحق


واذا تبين حق طلاعتج لاتسوين الحين من عند المشاغل لان بيكون كل الحريم مفترين عليهم فـ برايي انج انتي تقصين الخام وتسوين لج موديل احسن على الاقل تضمنين ان محد شافه بعرض

 

[دآنة آلرشآيده]

ابي مشاغل حلوة كلهم جربتهم ماكو شي غريب

 

[إلشآمخة]

اب اب لعيونج دآنة ��

 

[مضيعه عقلها]

اهلين عذوبه

والله يختس البلوكات حلو وببيله فرفره

وانا طلاعتي اقصد الدراريع اليوميه وبدل

لاجوني جيران اهل زوجي

بس بدله طلاعتي باخذها يامن روبرتو كفالي او

لامود زوون مو شغل حريم

اليوم كلمتني خويتي تمدح شغل مشغل هدب

بفهد الاحمد ماتعرفينه؟

 

[عذبة السجآيآ]

هلابج وغلا

اي انا اقصد الدراريع اليوميه والبدل انتي من نفسج قصي الخام احسن لج من هالمشاغل

وبدلة الطلاعه شوفي اللي تبين اذا ماتبين حريم

اممممم والله بـ فهد الاحمد ما اعرف الا مشغل تهاني اخت ام خالد العويهان ويقولون انها نزلت بكتالوج سحر الشرق هالسنه

بس بصراحه شغلها تلقين فيه الزين والشين انا سويت بدلة رد اسبوعي عندها العام نفس هالوقت واختي شهر 2 سوت عندها حق عرس ولد اختي

وانا بأذن الله ناويه اروح لها على شهر 9 اخيط لعرس ولد اختي بعد لان حسيت اهي اللي ناسبتني اكثر

 

[ام مشعل المطيري]

حبيت اشارك مشغل البوشية روعة روعة روعة 99828766 وعن تجربة انا وخواتي

 

[مضيعه عقلها]

وين صاير البوشيه

 

[مجنونه الكويت]

الصرااحه مادري شلون تقولون ابرار الشلاحي صراااحه مو شي و الناس اذواق

نجوى منو بقى مالبس منها

مريم المسلم نفس الافكار

صرا لي سنتين ادور ما اطيح على شي غالين و خام ماشي حاله و نفسيه خايسه ,,,, شدعوه احنا جايين نشتري و لا نبوق

 

[مضيعه عقلها]

اليوم رحت مشغل تبارك الله

وصج تبارك الله روووووعه الدراريع اما البدل

احب الجاهز انا

بس خذيت ٣ دراريع شيفونات رهيبه

واشوا المراه عندها زحمه اشوا لحقت هالجمعه

لانها كل جمعه تفتح بس

وشهاده حق الام وبناتها عسل وينصحونج

 

[الزيـــــ^^ـــــن]

مرحباااا شلووونكم
خووش موضوع
بنات اليوم رحت معرض افكاري والله دراريع نواعم حلوه عند مشغل المياسه
واللي تبي لبس قرقيعاان روووووووووووووعه عندهم وعلى 10 و15 سديريات حلووه للصبيان

بنات ابرار الشلاحي وين مشغلهاا شوقتوني اروح لهاا

 

[عذبة السجآيآ]

مضيعه

وين مشغل تبارك الله ؟



زيوون هلابج

ابرار بعبدالله مبارك ق 8

 

[مضيعه عقلها]

بمبارك الكبيررررر

 

[الذوق28]

انا عن نفسي وصلني مسج عرض مشغل بالفروانيه ورحت له صراحه عجبني يفصلون اي قطعة اتيبينها لهم وعندهم دراريع ب25 اتهبل وبدل للعيد والقرقيعان بس لاحظت البدل ما عندهم الا علا حبه حبه مومكرر لعدم توفر الخام ..،، بدلتي العيد منهم ب45 وبس،،،
اسم المحل اتيليه بيت الابداع رقمهم للتواصل 55698585 ،،، وانا قريت وحده تمدحهم بالمنتدى بعد .،،اي وشفت بنات يفصلون جاكيتات عندهم

 

[ya al3rosa]

اكووووووووووو معرض بفندق هيلتووون فاتحين لمدة 5 ايام
انا افتريت شفت مشغل مريم شيك شغلهااا راقى ونظيف بس اشوى غالية بس تستاهل ونفسيتها اتهببببببببل

 

[وحيدة امى]

ياحياتي لمتي فاتحين هليتون

 

[وحيدة امى]

اقصد من متي

 

[عذاب الشووق]

مضيعه عقلها
حتي انا ابي عبي ذربه مثل الي لابستها رفيجتج بالدوام تكون مفتوحه من جدام وفيها احزام ضعيف عالخصر اذا احد يعرف يكتبلنا لا تبخلون علينا

 

[مضيعه عقلها]

عذاب الشوق

حصلتها انا بدار اللولو بالعارضيه

 

[$ بنت علمي $]

حلو الموضوع

يعطيكم العافيه