رحلتي الى جنة الله في الارض تركيا

[سجى]

لا مافي طيران. مباشر احنا من مطار صبيحه على طول لبولو والطريج 3ساعات ونص

 

[سجى]

وين قروب تركيا ؟

 

[أحلى من الخيال]

بالعافية
أنتم السابقون و نحن اللاحقون
إن شاء الله​

 

[نـعـومـه]

مااااااااااشاااااااااااءالله طبيييييييعه واسترخاااااااااااااااء

 

[هدفي الفردوس]

عليج الف عافيه
متاااابعين

 

[^^المهره^^]

الله يابج كملي تقريرج عقب بسيلج جم سؤال

 

[سجى]

معلومات للي حابه تعرف

بولو تبعد عن اسطنبول 3 ساعات ونص

منطقة ريفية بارده والبنسيون اللي سكنا فيه مافيه مكيفات واتوقع كل الفنادق نفسه لان المنطقه باااااارده حيل

فيها ملاهي ومقاهي ونافورات وفيها مجمعات بس مارحت لها ما كلن عندنا وقت للتسوق

وفيها بحيرات قال لنا صاحب البنسيون انه فيها اكثر من وحده ورحنا لوحده بس لضيق الوقت

هذا رقم راعي البنسيون اسمه علي رجال كبير محترم ويتكلم عربي شوى 00905323655704

ابانت بحيره فيها منتجعات وفنادق وحناطير وبقالات تبعد عن بولو 30 كيلو

بالمقارنه ومن كثر سفراتي لتركيا سبع مرات بصراحه من اجمل الاماكن واكثرها هدوء وطبيعه وبرد هي بولو


بس لازم تكون معاج سياره طول فتره تواجدج فيها احنا حجزنا باص من اسطنبول عن طريق صاحبنا ابو عمر في بورصه وشرطنا عليه يظل الباص عندنا لين يرجعنا لبورصه. والحمد لله تمت الامور على خير ما يرام وودعنا بولو يوم الجمعه العصر وكانت رحله طوووووويله الى بورصه وصلنا الساعه 9بالليل

 

[سجى]

يوم السبت كانت اول رحله لنا من بورصه الى جبل اولدغ والشجرة التاريخية بعدين رحنا مجمع كوروبارك وتعشينا فيه

.



الشجرة التاريخيه بالطريج وانتي نازله من الجبل

.

 

[سجى]

نصيحه يوم السبت والاحد لا تطلعون رحلات لانها ايام اجازتهم وتكون الاماكن زحممممه من كل مكان يتوافدون حتى من انقره واسطنبول

ونصيحه ثانيه النهار طوييييل عندهم تقدرون تروحون اكثر من مكان من الساعه ١الظهر لين ٨ بالليل وتستفيدون من السياره البي ماخذينها بالايجار


وعلى فكره تركيا هالسنه اغلى من كل سنه سواء الشقق او الرحلات او المطاعم اما السوق اشوفه اسعاره للحين ما تغيرت

ولما تكون اكثر من عايله تخف الميزانيه شوى. لانهم يتحاططون بينهم بالرحلات وبالوجبات الرئيسية

لي رجعه ان شاء الله بصور ثانيه

 

[نسايم دبى]

بانتظااار التقرير����������

 

[هدفي الفردوس]

انا رحت الشجرة المعمرة بس ماشفت اللي يسوون فطاير

 

[سجى]

اللي يسوون فطاير تحت الشجرة عند الدرج والمحلات اللي تبيع الاكسسوارات والشالات والهدايا التذكاريه


مشكورين على المرور يا الغاليات وجزاكم الله خير واعتذر عن تكمله التقرير

 

[نسايم دبى]

افاااااا لييييشً
لاااااا تكفيييين كملي كملي

 

[باسكن ربنز]

أختي سجي الشجره التاريخيه بأي منطقه

 

[سجى]

الشجرة التاريخيه عقب الجبل اولداغ وانتى نازله منه قولي للسايق يوديكم لها اسمها مكتوب بالصوره اللي نزلتها

 

[سجى]

افاااااا لييييشً
لاااااا تكفيييين كملي كملي

عشان خاطرج بكمل بعد قلبي انتى والله :eh_s(7):

 

[سجى]

هذي صور لبعض الاواني والتحف شعل ايديهم عند ابشجرة التاريخية

 

[سجى]

ثاني يوم رحنا نتمشى انا وبنتي بمحلات شارع التي بارمك ورحنا لمحل البقلاوة لصاحبه مصطفى اللي كل سنه نشتري منه


وصورنا لكم كم صوره

 

[سجى]

الحين بحط لكم صوره الحديقه العامه او حديقه القواري على قولة الخليجيين

الحديقه العامه في بورصه ومقابلها حديقة الحيوان كبيره ومرتبة وسنعه مو مثل حدايقنا


حديقة القواري حديقة عامه مرتبه فيها بحيرات فيها بط والورد بالوانه ومقاهي وبقالات وفيها فندق بعد.

ودايم فيها معاريس يصوروون عاد ذاك اليوم لقينا شكثر

اخليكم مع صور الحديقة اللي تفتح النفس ليت اللي عندنا يهتمون بحدايقنا ويعدلونها

.

 

[باسكن ربنز]

جبل اولداغ هذا وين موجود بالضبط في اسطنبول او بولو وانا اسفه كثرت عليج بالاسئله بس بستفيد من خبرتج