رد: اصحــــوا بليز ! اعتراف خطير من جنرال امريكي باحتلال 7 دول خلال 5 سنوات !!
يعطيج العافية أختي رورو على موضوعج الكبير المميز....
أذكر وحدة من الخوات اكتبت موضوع مشابه لكن ما شاءالله موضوعج ضاف لي الكثير بس حبيت أشارج برايي اللي أتمنى تتقبلينه بصدر رحب.
أنا أتفق معاج بأغلب اللي كتبتيه لكن في نقطة وايد مهمة لازم ننتبه لها. منظمة الألوميناتي اللي كانت تشتغل بالخفاء اهيا اليوم اللي قاعدة تسرب هالمعلومات الموجودة بالإعلام عنها واللي حصل إنتي اقتبستيها... تسريب هالمعلومات يكون لسبيبين اثنين بنظري... إما لتضليل الناس عن مخططاتهم الأكبر أو إن أخذتهم العزة بالاثم فيبون الناس تستسلم لهم عن طريق خلق إعلام مشغول بفك رموزهم أكثر من انشغالهم بالتحصن منهم. اهني لا شعوريا تحس الناس إنها ما تقدر عليهم فتستسلم لهم من دون مقاومة لكن والله الحمد المسلمين المؤمنين اللي عندهم إيمان كبير بربهم يعرفون إن هالماسونيين ما هو إلا ناس تدور عليهم عجلة الزمن وتمشي عليهم سنة الطبيعة في الأرض. الله بحكمته جعل في الأرض سنة إن بين حقبة وحقبة تظهر فئة عظيمة تفتن الناس بقوتها وما إن تفتتن اهيا بقوتها وتظن إنها مالها مثيل يخسف الله فيها ليمتحن المؤمنين ولنا في أيات القرآن الكريم عظة وعبرة
من سورة الفجر (أَلَمْ تَرَ كَيْفَ فَعَلَ رَبُّكَ بِعَادٍ، إِرَمَ ذَاتِ الْعِمَادِ، الَّتِي لَمْ يُخْلَقْ مِثْلُهَا فِي الْبِلادِ، وَثَمُودَ الَّذِينَ جَابُوا الصَّخْرَ بِالْوَادِ، وَفِرْعَوْنَ ذِي الأَوْتَادِ، الَّذِينَ طَغَوْا فِي الْبِلادِ، فَأَكْثَرُوا فِيهَا الْفَسَادَ، فَصَبَّ عَلَيْهِمْ رَبُّكَ سَوْطَ عَذَابٍ، إِنَّ رَبَّكَ لَبِالْمِرْصَادِ)
ممكن أحد يسأل شنو الحكمة من وجود هذي الفئات الظالمة في الأرض فيكون رد الله سبحانه من سورة العنكبوت (أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لا يُفْتَنُونَ، وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ)
فأتمنى منج حبيبتي إن موضوعج ما يكون محصور بفك رموزهم لأن فك رموزهم ما راح يغير من حكمة ربنا من وجودهم. أتمنى مع كل إضافة تكتبينها للموضوع تكتبين نصايح سلوكية من واقع حياتنا تعزز الإيمان بقلوب القارئات وكيفية التمسك بديننا وعدم الانجراف وراء هالفئات المضللة واحنا راح نكون معاج نفيد ونستفيد عشان يكون الهدف مو بس نشر الوعي بل تعزيز الإيمان بقلوبنا.
وأخيرا أختم كلامي بدعاء من رب العالمين أن يثبت إيماننا وأن يقينا فتنة المحيا والممات وأن يمتنا غير مفتونين. أمين.
تحياتي
هلا حبيبتي :eh_s:
اولا مشكوره انج حبيتي الموضوع ..
و بما انج اقتبستي من القران الكريم راح ارد عليج من القران ..
بدايه سوره البقره تضمنت
5 تحذيرات للمؤمنين
2 للكفار
و13 شوفي حق منو
{ ومن الناس من يقول امنا بالله وماهم بمؤمنين (8) يخادعون الله والذين امنوا وما
يخدعون الا انفسهم ولا يشعرون (9) في قلوبهم مرض فزادهم الله مرضا ولهم عذاب
اليم بما كانوا يكذبون (10) واذا قيل لهم لا تفسدوا في الارض قالوا انما نحن مصلحون
(11) الا انهم هم المفسدون ولكن لا يشعرون (12) واذا قيل لهم امنوا كما امن الناس قالوا
انؤمن كما امن السفهاء الا انهم هم السفهاء ولكن لا يعلمون (13) واذا لقوا الذين
امنوا قالوا امنا واذا خلوا الى شيطانيهم قالوا انا معكم انما نحن مستهزئون (14) }
هالايات شنو اتذكرج فيه ؟
صفات منو المذكوره ؟
رب العالمين قعد يعطينا تلميح عن منو ؟
الناس اللي اتقول احنا مؤمنين احنا نصارى احنا يهود واهما عكس هالكلام
وغير مؤمنين .. نفس اللي ذكرته قبل عبده شيطان تحت اسم يهود او غيره
جدام الناس يقول احنا مؤمنين معاكم واذا خلوا مع شيطانيهم
اللي يتعاملون معاهم بالماسونيه وغيره قالوا احنا معاكم احنا بس نستهزا
( استهزاءهم بالاديان اللي سبق ذكرته )
ويقولون احنا مو مفسدين !! احنا اللي نصنع السلام
بصراحه حيل تاثرت بالايات ..
وبالنسبه حق كلامج انهم اهما اللي ينشرون ممكن يكونون انشروا
جم فيديو بالبدايه عشان الناس تتعرف عليهم ويكون في تمهيد
عشان لما يوصلون مسج معين الناس تفهم رموزه
و ترى موضوعهم حيييييل قديم
بس محد يعرفه لان محد كان مهتم بالموضوع او ان يسوي بحث
من هالنوعيه ..
والموضوع مااقتصر على فك الرموز ابدا .. تكلمت من الناحيه السياسيه
والاقتصاديه غير موضوع الثورات واماكن انتشارهم حاولت اغطي الموضوع من كل
ناحيه بما فيهم الدينيه
وفك الرموز كان لسبب مو عبث ..
اولها ان وايد ناس شايفه ان الموضوع مبالغه ومستهينه وعندهم اي شي
اتحطه هوليوود انه واااو الزين والشين حتى لو كانت الرموز والرساله جدام
عينهم ما يستوعبونها
وهالشغله وايد مهمه عشان الناس تفهم ومااتكون قطيع ! :eh_s(1):
كل ماانكشفت هالفئه كل ما تعلقنا بديننا اكثر واكثر
وتمسكنا فيه
