السلام عليكم
ماشاء الله ماشاء الله والله كنت ادور موضوع مثل هذا من فترة.
يعطيكم الف عافية على المجهود المبذول والنقاشات والردود ، والله يجعله في ميزان حسناتكم.
انا تقريبا قريت الموضوع من اول صفحه بس لحد الان ماخلصته ، وانا بنت من قطر وعمري 23 ، ووصلت بعد المعاناة الى الحد النهائي للمعالجة بالتقويم ، والان جاء الوقت للجراحة التقويمية الي سيمونها على ما اظن orthognatic surgery ، صارلي بنات تقريبا 3 سنوات تقويم ، وخلع ورص وحالة ، ودكتور زائر ويروح ومايرجع وغيرت المستشفى اكثر من مرة ، فتعبت كثييييييييير مع التقويم. الحين الدكتور الاخير الي اتعتامل معاه قالي لنتايج افضل انتي لازم تعملين جراحة ، وانا طبعا تخرعت ، وباقولكم حالتي :
انا عندي بروز للفك العلوي على السفلي بقليل ، بس المشكله بروز اللثة الكبيرة عند الابتسامة :eh_s(11): يعني gummy smile ، وتظهر عندي الشفة العليا بشكل كبير عند الضحك ، بحيث ان تقريبا النصف العلوي من الاسنان مع اللثة كاملة :eh_s(11): ، وهذا شيء متعبني نفسيا بكل صراحة.
فدكتور التقويم الي تعاملت معاه اخر مره عدلي اسناني وقالي روحي استشيري جراح للفك في مستشفى حمد (( في قطر طبعا :eh_s(8): )) ، وقالي هو كبير ورئيس قسم جراحة الفكين في المستشفى واسمه (( مصطفى الخليل )) ، طبعا حددت موعد معاه ، وانتظرت واحياتكم 4 ساعات لان عنده زحمه ، ويوم دخلت عنده شرحلي تقريبا شنو الي انا احتاجه من العمليه.
قالي : انتي تحتاجين قص الفك العلوي بحيث تروح الgummy smile ، وارجاعه الى الخلف لتتطابق الاسنان مع الفك السفلي ، وايضا قال لي محتاجه تحريك الذقن للامام قليلا ، ليعطي الذقن جمالا اكثر.. وقالي ان العملية مب سهله :eh_s(11)::eh_s(11): - تصرقعت انا:eh_s(16): - وتاخذ 4 الى 5 ساعات تقريبا بس هي عملية روتينية :bbbiu: ..
رحت للتكتور قبل لا ادخل منتداكم واقرا وماكان عندي خبره بالعمليه ابدا بس الحين عندي شويه معلومات..
حبيت استشارتكم :
اول شيء : حد عنده معلومات او مجرب عن الدكتور مصطفى الخليل ؟ او حد يعرف حد مسوي عنده ؟ لاني ما اعرف ناس في الدوحة مسوين ؟ وهل تنصحوني فيه ولا اسويها برع ؟ في السعوديه او الكويت ؟ لاتنسون الزيارات والمواعيد !!!
شلون العملية هل صعبه وخطيره ؟ لان قريت ان قص الفك العلوي ممكن ان يغير من الانف ، وانا خشمي الحمد لله لا طويل ولا كبير ولاصغير ولا مفروش
، خشمي اوك . هل بيتاثر الخشم ؟
في قص وتحريك الذقن ، سمعت انها خطيرة شوي بحيث ان اغلب الحالات يموت عندهم الاحساس بالفك السفلي او الذقن لان شعيرات الاحساس او مادري وشيسمونها ترتكز في المنطقة السفلية من الفك والذقن !!
انا متخرعه وايد من سالفه قص العظم !!!! :eh_s(16)::eh_s(16): شلون يعني ؟ شفت كم فيديو على اليوتيوم بس اذا حد عنده فيديو واقعي عن العمليه يكون افضل ،، وهل القص او التكسير يكون بمنشار او ليزر او وشو بالضبط ،، وايد متوتره وخايفه من هالشيء..
كم يوم الواحد ينام في المستشفى بعد العمليه ؟ وكم هي فتره النقاهه او الراحة بعد العمليه عشان تخف الاورام ويرجع الوضع على الاقل شبه طبيعي ؟ لاني انا مداومة ولازم اخذ اجازة
انا تقريبا خلصت فترة علاج الbraces التقويم ، وقالي دمتور التقويم روحي الحين وشوفي واستشيري دكتور الجراحه ، فهل العملية تتطلب تهيئة مسبقه للتقويم ، او وضعيه معينه يهيئها دكتور التقويم للتقويم للجراحه ولا بدون ، يعني اذا الاسنان تقريبا مصفوفه تعال وسو العمليه ؟؟
وفي النهاية ،، تنصحوني فيها ولا لا :bbbiu:
لاني انا لحد الان 50% اي و50% لا ..
ماعندي راي
وجزاكم الله خير
