بهالبارت راح اتكلم عن المشاهير ..
مشاهير يخدمون اجنده الماسونيه وباعوا نفسهم لها حرفيا عشان الشهره والفلوس والوناسه
هولييود وصناعه الافلام والموسيقى كلها تحت سيطره الماسونيه
فطبيعي ان اي شخص ينشهر شهره مو طبيعيه
وبشكل مفاجئ والاضواء تتسلط عليه
فهو تبع اجنده الماسونيه
وموافق على شروطهم ومبادئهم و طلباتهم سواء بالتحكم فيه
او الانضمام لهم ونشر مبادىء الماسونيه
والا شلون وصل اصلا !؟
الاغلبيه تحتفظ بديانتها شكليا جدام الناس بما ان الماسونيه منظمه سريه ..
وتحرص انها تنشر شكوك بفكر الناس
من ناحيه وجودها اصلا لان مصدر قوتها انها ورا الكواليس والاغلبيه
مو مصدقه وجودها ولاهيه بحياتها
الماسونيه تشرط على اي شخص يبي الشهره ان ينضم لها ويقدس الشيطان وينفذ بدون نقاش
باختصار يكون فقط " مؤدي "
وبما ان الاعلام والصحافه بايدهم فراح يكون اسهل مما اتخيلون ان يرفعون
اي شخص او يحطمونه
وهالكلام مو استنتاج ولا تحليل
هالكلام قالوه فنانين قبل فتره بسيطه من موتهم
مثل ويتني ومايكل
ويتني قبل موتها افسخت العقد مع المنتج اللي تعاملت معاه
من سنين واللي كان مشارك بقتلها clive davis
ويتني قالت حرفيا بمقابله لها : ان الاشخاص تغيروا بهالصناعه وان ماتبي اتكون نفس الباجي بعد اليوم
وهالشي مو موضوع نقاش وانها ترفض انها تنحط بدائره معينه ماتقدر تطلع منها
يعني باختصار ملت ورفضت اتكلم عن تفاصيل فسخ العقد بس اعتقد ان السبب واضح
وكجزء بسيط من التشويه اللي سووه لها من بعد ماغيرت رايها
ومايكل فسخ العقد مع شركه سوني اللي دخل لها بلايين وهالشي نرفزهم فوق الوصف
وقال عن رئيسها السابق ان devil عالتلفزيون جدام الملايين
megan fox ممثله انشهرت فجاه شهره مو طبيعيه
معنها كانت اتمثل قبل وشكلها كان عادي جدا
اشتغلوا على شكلها لما انضمنت لهم وعطوها بطوله عمل ضخم وسلطوا عليها الاضواء
حولوها كليا بما ان الماسونيه يهمها ان يكون ممثليها عندهم كاريزما
ويجذبون اكبر عدد من الناس
طبعا جدام الناس اهيا مسيحيه بس هالشي مستحيل مع
حركاتها خصوصا ان زوجها وايد يلبس شعارت ماسونيه
ومستحيل كانت انشهرت بهالطريقه لو اهيا مو تبع اجندتهم
ديانته اهيا ال scientology واهوا المتحدث الرسمي باسم هالدين
ومو بس جذي سعى ان يوصله لعدد ما اتخيلونه من الناس بالملايين الرقم
ولهم مراكز بامريكا + بريطانيا + كندا + المانيا + فرنسا
ويعتبر من الاديان اللي قعد تنتشر بصوره كبيره
بس شنو حقيقه هالدين ؟!
وايد منكم مايعرفون شنو هالدين .. ال scientology باختصار
ان الناس كائنات خالده
نست طبيعتها الحقيقيه وتحتاج لتاهيل روحي يكون عن طريق
كورسات وجلسات من خلالها يعيدون على
الشخص صدمه بحياته بغرض ان يتحرر ويقنعونه ان
بانتسابه لهم راح يكون عنده قدرات كبيره وماتوقع
ان ممكن اتحقق على ارض الواقع
وبكل جلسه لازم الشخص يستخدم هالجهاز ..
هالجهاز له قدره على التحكم بالعقل mind control يعني يحس
الشخص ان المعالج اهوا اللي ماسك السيطره
وموظفين وخبراء سابقين بمراكز ال scientology طلعوا ببرامج وتكلموا
بشكل بسيط مارضوا يدشون بتفاصيل
مذيعه سالت واحد منهم يعني لو المنتسبين اعرفوا حقيقه الجهاز وكل اللي
يدور بالمركز راح اتغير نظرتهم
قال اي !
قالت للاحسن او الاسوا ؟!
قال الاسوا
وصحفي الماني حب يستكشف ويعرف اسرارهم حط كاميرا مخفيه معاه
ودش الكورسات طبعا بفلوس !
بس اهما من شافوه برا اعرضوا عليه ان يدش وينتسب وله خصم ..
يبون ناس باي طريقه
وقال ان مرحله من المراحل خاف ان يسيطرون عليه ويقتنع فيهم !
لهالدرجه يعني ..
غير ان الايام اللي مايي فيها يلقى 25 مس كول .. واطلبوا منه
اما ان اييب رفيجته او ينفصل عنها
اللي حابه اتشوف الفيديو اتقولي ادزلها لان مو مترجم واجزاء .. الماني مترجم
انجليزي
والاخير حاول يسوي برنامج وثائقي عن هالموضوع
بس كل ما يروح يلقى سيارات سودا تلحقه !
مقروصين من سالفه الصحفي اللي بالمانيا ..
فهل هذا طبيعي !؟
هذا لوقو ال scientology
وهذا بعد
شخصيا اول ما شفته انصدمت صدمه كبيره وتذكرت هالبطاقه !!
والباور 1 .. سري - سحر !
يعني باختصار هالدين اهوا جزء من الماسونيه
الشخص اللي فيه مايصنف تحت اي دين ( اساس الماسونيه ) + يقنعونهم ان راح
يكون لهم قدرات خارقه + mind control
والدليل على كلامي مرته من فتره قصيره اطلبت الطلاق وانحاشت واصرت ان بنتها اتكون معاها
ماكو تصريح من الطرفين بس تصريح واحد يبين ان المعتقدات المختلفه اهيا سبب الخلاف
بس على فكره
اهيا كانت تاخذ كورسات بالمركز وكانت متشجعه وابدا ماكو خلاف
بس شاللي خلاها تنحاش بعمرها واتخاف على بنتها جذي من ال scientology !؟
واتصر ان بنتها مااتكون بهالاجواء
لانها تدري ان بنتها راح تخضع لكورسات وجلسات ال mind control
غير البلاوي الثانيه اللي عرفتها عنهم وبنتها اصلا تم تعرفيها بشكل مبسط عليه
واللي لاحظته ان ملمعين صوره توم بشكل موو طبيعي ( بما ان منهم طبعا )
وماتطرقوا حق اي شي يشوه صورته غير ان
كل شي راح يتم بهدوء لان مايبي سمعته تتاثر
الطلاق كان بادره منها مو منه واصدمته حيل بما ان يحبها نوعا ما
اهيا اللي تحركت لانها شافت خطر
واعتقد ان حركاته واضحه اهوا شنو ينتمي له !
وسوري بنات عالتاخير بس الجهاز كان حيل يعلق معاي
واضطريت اكتبه عالوورد خفت ينمسح .. غير اني بكل رد
على سؤال تقريبا اكتب بوست وياخذ وقت ..
