دعوه للنقاش .. كل واحد قام يفتي بكيفه !!

[منوووووله]

السلام عليكم ورحمة الله وبركاته

مبارك عليكم الشهر مقدما .. وينعاد علينا وعليكم يارب


من زمان مومنزله شي يديد بلقسم .. بس حبيت اشارك معاكم موضوع وهدفه .. للنقاش مو حوارات خارجيه او استهزاء بالدين والعياذ بالله .. النيه صافيه ولله الحمد :eh_s(22):


استغربت من بدا رمضان والكل قام يفتي بكيفه على سبيل المثال ..

واحد نام على جنابه قام الصبح وتسبح وصام عادي !؟ شلون بالله اذا كان نايم مومتسبح او متوضي لصلاة الفجر !

وحده توضت وراحت ركبت اظافر ولما تسألينها تقولج والله توضيت قبل لا احطهم يعني على وضوء

وعادي للحين مركبتهم انزين اذا مثلا قعدتي معه ريلج وبعدها تسبحتي وتوضيتي وماشلتي الاظافر تعتبر طاهره ولا لا ؟


وهم تركيب الشعر ؟؟ التركيب بروحه بلوه لازم ينشال من عرجه عشان النظافه توصل لي فروه الراس << اتكلم عن تركيب الخيط


والرموش .. نفس الشي اشلون صيام ومركبه رموووش ؟؟


غير الافتاءات الي عالمزاج .. ومايعرفونها الى وقت الي يبون فيها غرضهم مثل ..

الريال اذا يبي يتزوج واهوا سكير وخربوطي وراعي سفرات لما اي يفتح الموضوع يقول والله الشرع حلل اربع !! حللوك اربع ينانوه بخرابه سوده خخخخ توك تعرف الدين !

ولا اذا المره بتبطل موضوع معه ريلها والريال مومقتنع على طول يقول الحريم صج ناقصات عقل !!

وبالنسبه لصلاة العشا .. ناس اتقول عادي لي الساعه 11 وناس تقول عادي لي قبل صلاة الفير ماعرفنالكم !!

وغير الافتاءات الثانيه بحطها بعدين وبليز بنات موضوعي للنقاش مو انا الي افتيت بلي قلته

الفتاوي هاذي من ناس اتقولها ومقتنعه فيها واكيد مارين عليكم من هنوع وموضوعي عنهم

وابي مشاركتكم اذا شفت الموضوع اخذ محور ثاني راح اطالب بحذفه بليز لاتخربونه .. :eh_s(17):

 

[شادن33]

منووول حبيبتي اللي يبي الفتوى الصح يسمعها باذنه من شيخ وثقه بعد

ومايسمع من الناس بيوسوس من كلامهم

وذكرتيني بنكته منتشره بل بي بي يقولون وي رمضان قرب وكله الاسئله عن ..... ياشيخ أنا جامعت زوجتي بنهار رمضان (حبكت يعني ) وماكنت قاصد خخخخ شنو الحكم ياشيخ هههههه

 

[بنت النوخذا]

مبارك عليكم الشهر الفضيل

الفتوي صارت ابلاش
واي واحد قرا له كتاب دين صار مفتي

واسئله رمضان و الحج اهي نفسها
ونسمعها من الففففف سنه ما تغيرت

 

[اميره1980]

لازم اللي يبي يسال عن الفتوى ما يسال رفيجه او احد من اهله و الصح ان يتوجه حق شيخ او رجل دين يفهم بهالسوالف مو لكل من هب و دب

 

[نجداويه نجد]

~

السلام عليكم ورحمة الله وبركاته


الفتوى؛ منصبٌ خطيرٌ، لا يجوز الإقدام عليه؛ إلا ممّن هو مؤهّلٌ بالعلم الذي تلقّاهُ عن ثقات العلماء، ولا يفتي إلا عند الضّرورة، إذا لم يوجد من هو أعلم منه‏. << هذا ماعلمنه من علمائنا الربانيين ولكن نجد البعض من قرأ الكتاب علي حرف لايتحرز ولايتورع بالفتوى . ولاحوله ولاقوة إلا بالله .


..


موضوع طيب بوركت ِ

 

[وايليه 1]

عن أبي هريرة رضي الله عنه قال: قال رسول الله صلى الله عليه وسلم:

((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))،

قيل وما الرويبضة يا رسول الله ؟ .. قال: «الرجل التافه يتكلم في أمر العامة» .



الرويبضة: هو العاجز الذي ربض عن معالي الأمور وقعد عن طلبها، والغالب أنه قيل للتافه من الناس لِربُوضِه في بيته، وقلة انبعاثه في الأمور الجسيمة»



الى هنا واكتفي




شكرا

 

[ALMooOooN]

شاكره طرح الموضوع

اي والله صاجه على هالفتاوى

بصراحه بدعوا

و اخذي هذي عندج اللى تحط صبغ اظافر بعد الوضوء حق ريولها و يظل 5 ايام

على اساس شنو ............... مادرى

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اللى تعرف حق هالفتوى تفيدني جزاها الله خير :bbbiu:

 

[عادت ذكرياتي]

صاجة شفت وسمعت من هالنوع الله يهديهم يفتون من غير دليل !!!


لا حول ولا قوة إلا بالله

 

[RowTow]

و عليكم السلام رحمة الله و بركاته..

بس ملاحظة قبل لا أبدا

واحد نام على جنابه قام الصبح وتسبح وصام عادي !؟ شلون بالله اذا كان نايم مومتسبح او متوضي لصلاة الفجر !

عادي إن الواحد يدخل وقت الفجر عليه و هو جنب و ناوي الصيام. بس يغتسل و يصلي عادي.
عن أم سلمة وعائشة رضي الله عنهما أن النبي صلى الله عليه وسلم "كان يصبح جنباً من جماع، ثم يغتسل ويصوم" رواه الشيخان، زاد مسلم "ولا يقضي".

بالنسبه حق سالفة الفتوى آنا معاج. آنا قريت بهالمنتدى فتاوى و أحاديث بحياتي ما فكرت فيها, و خبره دينيه مادري شلون صايره. أستغفر الله.
و الله انصدمت من البنات انهم ما يعرفون أبسط أمور دينهم و يفتون بعد. حتى الأمور اللي تخصهم كنساء ما يعرفونها.
بالله وحده مطلقه تسأل البنات جم الفتره اللي ما يصير تطلع فيها و البنات يجاوبون ما ندري :eh_s(1): و وحده تقول جنه 3 أشهر.
ما خبرنا المطلقه تعتد مثل عدة الأرملة بالبيت :eh_s(4):.

 

[om.aboodi]

حبيبتي هذولا مايبون فتوه يبون االلي على هواهم مثلا الحواجب لعننننننننننننه اكثر من اللعنه شنو لاكلمتيها قالت تنضيف مافي شي اسمه تنيظيف بس مداخل ابليس هذي وتركيب الشعر هم لعننننننننننننه مايشمون ريحه الجنه حطته طاهرة او لالالالالالا في ناس ماتدري وفي ناس تدري وتستهبل وانتي سوي اللي عليج نصحي مرة وبسسسس بهالزمن ناصحكم كارهكم تصيرين كريها ولاغلطتي مرة بدون قصد قضبوهاااااااااا عليج والله يعطي كل واحد على نبيته انشاله

 

[Shwosh]

والله برايي الموضوع ما يصير ينسكت عنه إحنا الحين بزمن صار فيه جهل بالدين وانشغلنا بامورنا ومصالحنا الدنيويه وهذه المشكله تشكل قضيه ولازم نعالجها الناس الحين ابتعدوا عن الدين والوقت الحالي ما يسمح لان الواحد يتسحر وبعدها بجم ساعه ينام ويقعد عالفطور بالذمه هذا صيام

 

[أبله شقحه]

ديرو بالكم من الفتوي

 

[Ghreba eb derty]

اي والله صاجه اختي !!!

كل من يفتي بكيفه

تدرين ليش


لان اهم يبون يريحون ضميرهم بس نفس حف الحواجب !!!

 

[granted]

اي والله استغفر الله كلن قام يفتي
الرسول صلى الله عليه وسلم يقول (اجرأكم على الفتوى اجرأكم على النار)!!!!
مو على كيفكم تحرمون وتطلق فتاوى
انا صرت اذا مايابوا لي دليل من القران او السنه او شيخ ثققة اعطيهم طاف
استغفر الله جذي بنصير بنو اسرائيل بنحلل الحرام ونحرم الحلال

نفس الي تقول اذا ريلج طلعت بالغلط وانتي تصلين صلاتج تبطل كلها !!!
صج بنات؟؟
مادري انا ماقتنعت لان لو غطيتها وكملت يجوز لان مو بنيتي اطلعها اهي طلعت بالغلط !!مومعقول اعيد صلاتي كلها ؟

شي ثاني يقولون لج
الويه كله حرام تحفينه مو بس الحواجب !!!
انزين الحواجب مااقرب صوبها بس الويه شحقه ؟؟
عشان احط راسي براس اخوي خو كلنا شوارب صرنا

وايد فتاوى غريبة طلعت فجأة مادري من الي مطلعهم وتزداد برمضان

يعني لاتستغربين تكونين بسوق او جمعية ولا بسيارتج تطلع لج وحدة تقولج فتوى غريبة اول مرة تسمعينها
وتحلف ايمان مغلظة انها صحيحه
وانج ياويلج من ربج
انزين من منو شالدلليل
ماكو!!!
خووش موضوع

 

[مـلـآذ الخـوآطر]

أي عدل كلامج الحين كل واحد يمشي ويحلل بكيفه
والمصيبه اللي شفتها تعليق على يوتيوب من جم يوم
الله يهداه
يقول الاغاني حلال مو حرام وواحد رد عليه
قال خلاص بمشي على كلامك واذا تحاسبت بشهد عليك
حتى الاغاني يحللون بكيفهم
وكافي القرآن والاغاني مايجتمعون مع بعض
هذا اللي صدمني
آما سوالف الخوات ماتخلص
ماكياج كامل بويهها وهي صايمه
مااقول الا الينون فنون وقله العقل أمصيبه
يعطيج العافيه منوووول ​

 

[~..samar]

الفتوى المفروض نخليها لاهلها مو كل من قام يفتي !! بس مو مشكلة اذا انتي سامعه الفتوى من شيخ موثوق وتبلغين الناس به​

 

[منوووووله]

مشكوورين عالردود راح ارد على وحده وحده

,, بس بقول شغله احنا بزمن الفتن وفعلا الي مايعرف بالدين ويسمع حديث يدور بين اثنين ينط ويتكلم باللي مايعرفه ليفرض وجوده مو اكثر مايدري انه هالشي راح يتحاسب عليه .


والحين انتشرت فتاوي عالتويتر اتيب المرض والمشكله من شيوخ ولحيتهم بويوهم ماندري نصدق منو ونجذب منو

 

[نبض شرياني]

مرووووا عليه هالفئه استغفر الله

مابطت جبدي الا وحده


ايام الكليه

كنا شله بنات ومتزوجات(انا بنت)

واتيلج هالوحده مو مغسله من كريم الاساس من جسمها

قلتها اشلون جذي مداومه والكريم ع جسمج ليش ما تسبحتي قبل لا اتيين ولا عبايتج كلها زري

تدروون شقاااااااااااااااالت






ولا ع جنااااااااااااااابه بعد وتضحك ومستانسه

انا ويهي :eh_s(12):

قلت هااااااا شنو ؟؟؟؟؟؟؟؟؟؟؟؟؟؟؟؟؟؟؟؟؟

وترد تقول ع جنابه شفيج

قلت استحي عيب والله شالكلام

شالقذاره ويييييييييييييع

اشلون ترضين ع نفسج جذي

انصدمت منها

ولاعت جبدي

 

[منوووووله]

*
*

شنقول بعد عادي الوضع عندهم الحين .. واحنا لوتيمعنا البنات سمعي العجب والكل يفتي بكيفه واندور بالابتوب على الصح

بعض الفتاوي الي للحين محتاره فيهم حرام ولا حلال

فتوى صبغ الحواجب ناس تقول حرام وناس تقول عادي .. الحين الحف حرام والسبب انه يغير من شكل المرأه انزين الصبغ الغامج والاكسجين مايغير من الشكل ؟


غسل الجنابه ناس اتقول السيده عائشه ماكانت تغسل شعرها كانت بس تمسح راسها بلماي وتغسل جسمها ؟ << وحده داعيه الي قالت هلحجي

 

[RowTow]

بالنسبه حق الحواجب بصراحه آنا هديت كل شي, خيط و ملقط و تشقير. لأني بقلبي أشوفهم نفس الشي.
بس العلماء فصلوا فيهم سواء تشقير أو صبغ أو غيره. و كل واحد له رايه.

بالنسبه لغسل الجنابه اهو نفس غسل الحيض. الفرق إن غسل الحيض لازم يكون شعرج مفلول. أما الجنابه عادي يكون شعرج ملموم و تصبين ماي عليه. هذا عشان المشقه ما تكون كبيره على النساء إذا كانت تصيبها جنابه كل يوم أو أكثر من مره باليوم.