** تجمع الي مسوين جراحة الفك**

[خوووخه 1]

الله يسهل للجميع انا ان شاءالله بتكون بنهاية شهر 7 بس والله متخوووفه واحيان احس بتردد وانتي ياعيون الدوحه تقريبا نفس حالتي القمي سمايل وبروز الفك العلوي بس انا عندي زياده تقديم الفك السفلي فكذا انا فيني خوووف مو طبيعي ومتردده الله يكتب لي الي فيه الخيره وللجميع يااارب بس انا لما اشووف نتايجك يارب تكون جميله راح اتشجع بس تكفين علميني بالتفصيل ووش المضاعفات والاعراض الي بعد العمليه الله يسهل عليك يااارب

 

[Q6ryah]

مرحبا ..

انا من قطر وكنت مسويه عمليه عند مصطفا خليل ،، عمليه فالذقن مش الفك .. العمليه كانت سهله وماحسيت بشي الا بعد العمليه بس ترجيع من التخدير ..

بعد العمليه استخدمت ثلج وايد ومساج خفيف للمنطقه عشان يروح الانتفاخ بسرعه ،، والحمدالله كان بسيط لان بس الذقن مش الفك السفلي

الحين انا ناويه اسوي الفكين العلوي والسفلي وراجعت مصطفا خليل وقالو بيتصلون لي وللحين ماردو علي ،،

وانا بعد مارديت كلمتهم ،، بغيت اسال الي راحو في مواعيد قريبه ولا؟

وبالنسبه للخشم انا قريت انه يفرش ويكبر ؟ هو يتغير شكله وايد ولا؟ ومكان التنفس بيتغير ولا عادي؟ يعني احتاج عمليه بخشمي عقب عشان التنفس ؟​

 

[Ms-June]

بغيت اسال الي راحو في مواعيد قريبه ولا؟

هلا خيتي ..
أنا قابلت الدكتور من يومين وسألته عن المواعيد وقال إن مافيها تأخير ولا إنتظار نفس التقويم
بالكثيير بالكثير خلال اسبوعين او ثلاثه تتحدد موعد الجراحه .

وبالنسبه للخشم انا قريت انه يفرش ويكبر ؟ هو يتغير شكله وايد ولا؟ ومكان التنفس بيتغير ولا عادي؟ يعني احتاج عمليه بخشمي عقب عشان التنفس ؟

انا عندي نفس حالتك بروز الفكين + القمي سمايل ..يعني راح يقص لي من الفك العلوي
وبالتالي راح يتغير شكل الانف اكييد لكن راح يكون التغيير بسيط ان شاء الله .


​

 

[Ms-June]

بنات عندي سؤال بايخ شوي بس ماراح اخليه فخاطري=p
الحين تحريك الفك السفلي له تأثير على الذقن ؟ لأن عندي غمازه مابيها تروح

​

 

[بروانا]

ليش خايفه من موضوع القسطره ؟؟؟؟



خوفوني منها البنات قبل العمليه

بس لما جربتها عادي مو لهالدرجه تخرع

أساسا ركبولها لي وقت العمليه وانا مبنجه .. يعني ما حسيت

وإذا خايفه من موضوع البكاره >> لأنه لبنات كانوا خايفين من هالنقطه

فتطمني >> أساسا فتحة البول وانتي بكرامه تختلف عن فتحة المهبل



امبييييه انا وااااااااااايد ماخذه راحتي .. مادري فيه شباب مافيه شباب معانا هههههههههههههه

بس كنت بوصل لج هالنقطه مع التشفير بس ما قدرت هذا أقصى حد للتشفير .. مابي أشرح وأدخل بالعميق :krkrkr:

حبيبتى والله ضحكتينى اى عميق لعد لو شفتى قبل يومين اشصار فينى كان عندي موعد مع دكتور التخدير الله يرجه دكتور مصري خواتى كانوا معاي اقلهم اسألوه عن القسطره ولا معبريني
اخر شي اتماسكت وقررت اساله جاوبنى المخبول قال ( اه احتمال كبيره نحتاجها بالعمليه وبعدين انتى خايفه ليه ومع العلم اكتر البنات الي بيسألو وبيكونو متخوفين منها بيكونوا انسات بس انا شايف في دبله في ايدك الشمال وكمان الفايل بتاعك مكتوب فيه مدام ) طبعا خواتى ميتات ضحك وانا متسمره مكانى قلت اشواا زوجي مو واقف ولا كان عطاه كف كسر له حلكه وهو الي راح يحتاج جراحه بالفك خخخخخخخخخخخخخ .. تسلمين حبيبتى على تجاوبك وادعيلي :eh_s(17):

 

[Q6ryah]

هلا خيتي ..
أنا قابلت الدكتور من يومين وسألته عن المواعيد وقال إن مافيها تأخير ولا إنتظار نفس التقويم
بالكثيير بالكثير خلال اسبوعين او ثلاثه تتحدد موعد الجراحه .



انا عندي نفس حالتك بروز الفكين + القمي سمايل ..يعني راح يقص لي من الفك العلوي
وبالتالي راح يتغير شكل الانف اكييد لكن راح يكون التغيير بسيط ان شاء الله .


​

تسلمين حبيبتي عالرد .. انا عندي بروز بالفك السفلي بس انا الفك العلوي راجع على ورا ..
عشان جي خفت لما يقربونه يفرش الخشم ،،
شكلي بكرا بمر عليهم وان شالله خير:eh_s(2):

 

[بروانا]

بنات هالاسبوع كان وايد صعب لاقادره اكل ولا انام وحتى التنفس وايد صعب نفسيتي تعبت ، واايد ماتوقعت العمليه متعبه هالكثر صحيح
النتيجه حلوه بس تعب كل اشوي دموعي ع خدي احس تعبت :eh_s(2):

بنات مب دلع بس ويهي كنه متخشب حتى ماقدر اضحك او اعطي اي تعبير بويهي ولا اشوف الموت يعورر وايد
الحين الحمدالله خف اشوي بس بعد ،،،،، وعندي الدوخه كل ماوقف ع رجلي احس بطيح

و طبعا اكلي صار قليل جدا جدا لان حاطه موسع و الاكل صعب اشوي ماقدر اعض او استخدم المطاحن و اذا كلت ارحع لان بطني تعورني من بعد العمليه لازم ارجع ويزيد اتعب اكثر :eh_s(14):
هالاسبوع اكلي كله صحن واحد روب وعيش او شوربه وبس ومع ماي ،وميلك شيك ليوم كااامل و غالبا ارجعه وبطني مايستحمله !

وزني قبل العمليه 57 والبارحه كان عندي موعد وخذو وزني نزل لل 51 صدق او لا تصدق !!!

بنات والله والله انا من كثر البجي دموعي ظني بيخلصون تعبت مادري متى بتخلص هالفتره و ارتااااح

يالهاجريه سلامات ان شالله في ميزان حسناتك بس حبيبتى عمليتى خلال يومين لاتخوفينى
والله اول ماكتبتى وقلتى كل شي تمام والله طمنتينى اللحين والله خفت من كلامج
وحاول لاتبجين يالغاليه الله يسهل عليكي يارب

 

[Q6ryah]

انا توي رايحه لمصطفا خليل مالقيته كان باجتماع .. الممرضه مالته قالت لي ان مستحيل قبل شهر 10 لان قدامي 3 !؟

استغربت يعني كل شهر عمليه ولا شسالفه :s

قالت لي ان للحين ماكملو البلان حق عمليتي.. تحطمت بصراحه مافيني صبر

وعلى فكره ترا انا من شهر رايحه لهم وللحين ماعطوني موعد

 

[RobyRose]

هذااااااا صك على دكاتره العالم كلهم بالسعر


شدعوووووووووووووه >> واااااااااايد مبالغ بالسعر


فااااااهم الأسعار غلط


بعدين ليش التقويم ب 2400 دينار !!!


شالسالفه شهالاستغلال اللي احنا فييييييييييه من قبل الدكاتره :eh_s(14):

من قالهم إنه قاعدين على بنك ولا تحت بيوتنا بير نفط


انا سويت سويت التقويم ب 1500 دينار تقريبا وهم غاااالي بالنسبه للعيادات الخارجيه >> هذا وانا حاطه الشفاف

بره يسوون التقويم ب 500 دينار

بس صدمتيني بالسعر لأنه أغلى العيادات وبيان اللي حطيت تقويمي عندهم تعتبر من ضمن العيادات الغاليه >> ما وصلوا هالسعر


بعدين شدعوه العمليه ب 8000 دينار !!


بالسيف ب 5000 دينار وهم تعتير غااااااااااااااالي



ما أقول غير الله يسامح كل دكتور يستغل مريض محتاج

والله هذا اللي صار يا اسراء

يعني حدي مو مترقعه لو كان المبلغ اقل قلت مني لي سنتين ثلاث سنين اجمعه مني مناك..

بس 8000 ؟؟

لا ويبي مقدم حق التقويم 800 دينار ... يعني اجرام...

الحين شنو سويت.. دقيت على عيادة بيان د. راشد العازمي قلت بشوفه واذا ينسق لي مع د. العصفور خير وبركه.. ع الاقل اهون ..

بس طلع فل بكل العيادات السالمية او الديره .. اقرب موعد يوم 28/8 .. خذيت موعد.. وماراح اقول له على خطة العلاج مالت بهبهاني.. بروح له وبشوف شنو يقول لي.. يمقن خطة علاجه تختلف..

وربج يسهل..

اي صج.. عمره مقبوله ان شاء الله.. وربي يفتح لج ابواب الخير والرزق العافيه :eh_s(7):

 

[Ms-June]

انا توي رايحه لمصطفا خليل مالقيته كان باجتماع .. الممرضه مالته قالت لي ان مستحيل قبل شهر 10 لان قدامي 3 !؟

استغربت يعني كل شهر عمليه ولا شسالفه :s

قالت لي ان للحين ماكملو البلان حق عمليتي.. تحطمت بصراحه مافيني صبر

وعلى فكره ترا انا من شهر رايحه لهم وللحين ماعطوني موعد

انا من رايي انك تروحين مره ثانيه وإن شاء الله يكون موجود وتاخذين الزبده منه ماعليك من كلام النيرس
بس حبيبتي الجراحه لازم قبلها يحطون لك تقويم من 8 شهور إلى سنه
انتي حاطه تقويم الحين ؟
​

 

[خوووخه 1]

السلام عليكم بنات عندي سؤال من الي حست بخووف وتردد قبل العمليه والله كل ماتذكرت اني بسوي عمليه اخاف واخاف واحيان يجي على بالي الغيها ادعولب معكم الله يسهل علي وعليكم يارب امين

 

[Q6ryah]

انا من رايي انك تروحين مره ثانيه وإن شاء الله يكون موجود وتاخذين الزبده منه ماعليك من كلام النيرس
بس حبيبتي الجراحه لازم قبلها يحطون لك تقويم من 8 شهور إلى سنه
انتي حاطه تقويم الحين ؟
​

انا حاطه تقويم من قبل وكلمته مع دكتور التقويم وقالو عادي يسونها بس لازم يسوون مخطط ومادري ايش ..
بس طولو وايد :eh_s(10):
شكلي بمر عليهم بكرا بعد وان شالله خير!
انا المشكله ماعندي الا هالشهر اسويها ولا شهر 12 :eh_s(2):
wish me luck !​

 

[حبيبة الحسن]

الله يسلمك حياتي ، الله يسهل للجميع ان شاء الله.. بس انا باذن الله عمليتي نص12 او نهاية 11 يعني اكيد في بنات بيسوونها قبلي .هههههه.

والله ييسر امر الي بيسويها ، وتطلع احسن من ماهي تتوقع .

ودايما صلوا استخاره وادعوا ربكم ، ووكلوا امركم للمولى عز وجل

يارب يسهلها عليك وعلى الجميع وتطلعون باحلى النتائج اميييييييييين:yaaaaaarb:

 

[حبيبة الحسن]

السلام عليكم بنات عندي سؤال من الي حست بخووف وتردد قبل العمليه والله كل ماتذكرت اني بسوي عمليه اخاف واخاف واحيان يجي على بالي الغيها ادعولب معكم الله يسهل علي وعليكم يارب امين

وش حليلك ياخوووخه ذكرتيني بايامي القديمة والمرعبة
صراحة اول قبل العملية كنت ما بين حماس وتردد وخوف الين جابوا لي السرير حق العمليات وقالوا يلا يلا عملية :eh_s(4):

هنا طاح قلبي ونطيت على السرير وغمضت عيوني وطرت معهم ومادريت الا وانا قايمة ويهنوني بس على فكرة بعد العملية بتحسين بشوي تعب وخمول وكسل وبنفس الوقت انا حسيت بشوي فرح عشاني خلصتها وافتكيت وبنجاح تمت الحمد لله فانتي ادعي ربي واحنا معك الين تخلصينها يارب :eh_s(22):

عفوا سؤال فقط ماهي مشكلتك وماهو اقصد من هو طبيبك :eh_s(8):


ومع السلامة بروح اجهز نفسي للعيد :eh_s(17):

 

[خوووخه 1]

:eh_s(17):

وش حليلك ياخوووخه ذكرتيني بايامي القديمة والمرعبة
صراحة اول قبل العملية كنت ما بين حماس وتردد وخوف الين جابوا لي السرير حق العمليات وقالوا يلا يلا عملية :eh_s(4):

هنا طاح قلبي ونطيت على السرير وغمضت عيوني وطرت معهم ومادريت الا وانا قايمة ويهنوني بس على فكرة بعد العملية بتحسين بشوي تعب وخمول وكسل وبنفس الوقت انا حسيت بشوي فرح عشاني خلصتها وافتكيت وبنجاح تمت الحمد لله فانتي ادعي ربي واحنا معك الين تخلصينها يارب :eh_s(22):

عفوا سؤال فقط ماهي مشكلتك وماهو اقصد من هو طبيبك :eh_s(8):


ومع السلامة بروح اجهز نفسي للعيد :eh_s(17):

يالبا قلبك بس لا عادي وش دعوه اسالي مشكلتي الله يسلمك بروز الفك العلوي وقمي سمايل ودكتوري محمد الحبلين بس هو قالي حنرجع الفك العلوي ونرفعه ونقدم الفك السفلي الله يسهلها يارب وأبشركم بنجاحها يارب ومشكوره يابعد قلبي :eh_s(17):

 

[بروانا]

بنات امس كانت عمليتى وماقدرت ادخل الا اليوم والله قلبي كان وايد يدك وللحظه الاخيره كنت بقول ماابي واجري صراحه غرفه العمليات شكلها مهيب بس دكتور التخدير اول ماشافنى لقانى ارجف قال لاء انتى لازم تتخدري بسرعه وفعلا حطلى ابره بيدي وماحسيت الا 3 دقايق وانا مو في الدنيا وكانت الساعه الواحده ظهرا ماحسيت الا الدكاتره تقول صحصحي خلاص خلصنه وكنت وايد دايخه ولقيت النيرس يسحبون السرير وفجاءه طلعت شفت امي الغاليه فديتها كانت تبكي وكانت الساعه الرابعه عصرا
دخلونى غرفه العنايه المركزه مده ساعه وحطولى مغذيات وبعد ساعه شربونى ماي ونقلونى غرفه التنويم
طبعا هذي العمليه ظلت تؤرقنى 3 سنوات واخيرا عملتها بس طبعا يبيلها قلب اسد ولولا انى كنت متعقده وايد من شكل ضحكتى ماكنت سويتها الحمد لله على كل حال طبعا الورم تاعبنى ومو قادره لااتكلم ولا اكل قولولي بنات يامتى يهدي الوضع حاسه حلكي متخشب ودوخه ونفسي ضيق والله من امس بس اشرب مويه وعصير وبلعومي يوجعنى من الجهاز الي يحطونه يوصل للحلك
يارب تكون النتيجه مرضيه لان مامبين شي خدودي وشفايفي وخشمي ورقبتى منتفخيين ادعولي بنات
ويلا حطونى بالقائمه العمليه يوم 13 /8 /2012
دكتور حامد شاهين - مصر مستشفى اثيتيكا التخصصي لجراحه الوجه والفكيين والاسنان

 

[خوووخه 1]

ألف الحمدالله على السلامه الله يعطيك احلى نتايج طيب عندي سؤال كم مدة عمليتك

 

[بروانا]

ألف الحمدالله على السلامه الله يعطيك احلى نتايج طيب عندي سؤال كم مدة عمليتك

الله يسلمك ياقلبي اسألي مثل ماتحبي عمليتى اربع ساعات بدت الساعه 1 الظهر خلصوها 4 العصر

 

[Ms-June]

الحمدلله على السلامه اختي براونا

​

 

[Q6ryah]

مس جون ،،

قالولج الاهلي بكم يسوون العمليه تقريبا ؟​