يوميـــــات مخطوبة

[داريني]

موفقه نوااااااااااااره
ومعذوورة والله
ندري انج بلويه وتعب

الله يحفظج

 

[النوار]

قعدت الصبح .. شربت لي بيالة شاي او قلت حق السايق يدخل الجيب عند الباب .. عشان نبتدي ننقل الاغراض ..
اول شي .. حطيت شنطتين الملابس ..
او كان عندي علبة كبيره ماخذتها من دايسو .. حطيت فيها الكريمات او العطور بعلبهم ..
علبة نفسها حطيت فيها .. الاغراض مالت الله يعزكم الحمام .. من فرشاة الاسنان لي حمام الزيت او صابونة المغرببي او هالسوالف كلها
حطيت شنطه السمسونايت اللي فيها الذهب او هالسوالف كنت بخليهم عند امي بس بعدين شفت انه يوسف ماخذ تجوري قلت اسهل لي ..
كنت شاريه علاليق من ايكيا حق الجينزات او التنانير او حق قمصان النوم او هالسوالف فخذيتهم كلهم ..
حطيت علب الجواتي الله يعزكم .. او بعدين كنت حاطه قمصان النوم الغاليين بجناط الفساتين اللي تنحط فيهم فساتين السهره ..
امي بطريقتها كانت تبخرهم او مادري شترشهم فيه او تعطيني ..

خذيت شوية صور ... خواتي او عيال اختي او صوري او امي ابوي .. هالبارت اكثر شي صيحني ..
طبعا من الصبح او انا اشيل او دموع .. بس تنقي لصور هذا اكثر شي ذبحني او امي تبجي معاي او نضحك ..
يالله الحمدلله على كل حال ..

المهم .. بعد ماحملنا مع الخدام كلشي بالسياره رحنا .. او يونا خواتي عقب

..
خالتي بالبدايه عيزنا معاها تقعد ويانا مارضت قالت خلكم على راحتكم ..
أكدت عليها اني مابي يوسف يشوفني ..
او بسطنا دخلت ملابسي الداخليه كلها اول شي .. او حطيت باليرار مال الملابس الداخليه كسرة حجر في ريحه يايبته لي خالتي من مكه .. فضيـــع
امي دقت على خالتي .. قالت لها ياام يوسف تعالي احنا نبي نستانس وياج .. عادي نواره تبيج بعد
المهم .. بعد حنه يات ... يابت لنا العصير والسندويشات .. رجعت فطومه من المدرسه او ياتنا او قعدو يساعدوني ..
ابوي كان مطرش لي اكسسوارات حق الشقه قعدت ارتبهم ..
او اختي استلمت الحمام ..
العصر كنا موقفين نريح ونتغدى .. اول مره نتغدى بشقتي .. ونااسه كان وانا اروح لهم مطبخي اييب لهم اشياء ..
طبعا خالتي كانت حاطه كلشي بالمطبخ من A-Z
المهم فجأه دخلت علينا بدور!!! .. انا سمعت صراخ ..او طلعت ولا بدور اهني ..
كانت قايله لنا انها يوم العرس بتيي الصبح .. او كانت لما تكلمني تقولي خايفه تتأخر الطياره او ايي متأخر .. او صج شغلت بالي كنت احاتي ..
المهم .. طبعا واااااااااااايد استانست
او قعدنا نكمل الترتيب ..
اهيا مصورة العايله .. فقعدت تصور ..
وخالتي تدور تبخر الشقه والكل يشتغل على قدم وساق ..
امي رتبت لي اغراض الصباحيه .. لانه ماعندنا وقت بنتغدى او على طول بنروح المطار ..
جناطي انا مسكرتهم ..
او كلشي كان جاهز .. خلصنا شغل مع المغرب .. او حطينا فيديو الملجه بصالتي او قعدنا نشوفه ..
او طلبنا عشى ..
تعشينا او خلصنا فيديو الملجه او حطينا فيديو الحنه ..
او سهرنا عليه .. بعد ماخلصنا رحنا البيت ..
هلكاااااااااااااااااااانين .. بس سبحت عن الغبره .. او نمت

 

[احترت اعبر]

يااااااااااااااااااااااااااي انا اول وحده ارد والله وانا اقرا دمعت عيوني بس ان شاءالله الله يوقفج بحياتج يالغاليه والله تستاهلين كل خير

 

[ShaHDa]

:krkrkr:waaaaaaaaaaaaay 7adda ra7 tolhen 3ala baitKoom o frasheeeech o ahaaaLich bt7essen shaay ghareeeeeb bas ba3den ra7 eser 3aaady wanasa bel3ax enjoy hal ayaaaaaaaaaaam walla enha a7la ayaaaaaaaaaaaaaaaaaaaaaaaaaaaaaaaaaaaaaaaaaam.. o shahar el3asal 6al3ay qemta leanha a7la safraaaa :** o good luck enshalllaaaaaaaaaaaaaa :*

 

[SWEETYH]

ونااااااااااااسه : ) الله يهنيج انشالله

 

[كويتيه وافتخر]

ياحلاتج النوار موفقه يارب

وين ناوين تسافرون وبتكلمينا لي سافرتي ؟؟ او بنفقد يومياتج شهر ؟؟؟

 

[bnt_7waa]

nwaaaaaaaaaaaaaaaaar

ana ga3daaa ebche bel collyaa now

ashwaa bro7e bel laab mako a7d


nwaaaaaaaaaaaaaaaar e7na n7bch wayed

we will miss you

 

[q8**girl]

واااي نواره ادمعت عيني .. مومتخيله بيوم ادخل وما القى يوميااتج ..

 

[orangeya]

نواااااااااااااااار وانا اقرا هالبارت دمعت عيني مو قادرة اسويلها كونترول

يتروالي شعور غريب انج تنتقلين من بيتكم اللي عشتي فيه طول عمرج لي بيت ثاني وناس مو متعودة تعيشين معاهم

بس يحليلهم حمولتج خوش ناس والنعم فيهم والله وعسى الله لا يغير عليكم ياااااااااااااااااااااارب
وتكون كل ايامكم افراح :eh_s(7):

بس صج حددددددددددي استانست ان بدور رجعت يتروالي احلى سبرايز عندج

بنااااااااااات قولوا ماشا الله تبارك الرحمن لا قوة الا بالله .....

مو عن شي ادري كلنا نحبها ومانبي نحسدها بس ترى ذكر الله زين

تعودنا عليج نوااااااااار وعلى سوالفج الحلوة... لا تخلينا نفقدها

والله يعينج على اللويه اللي انتي فيها بس ترى ايام التجهيز احلى ايام ويا حبذا لو تصورون هالاحداث مسكي الكاميرا وطيحيله جاك و جاك وخليهم يصورونج انتي اكثر شي لول :dddds:

وتسويلج ألبوم صغيرون يكون ذكرى حقج وهم ممكن تراوينه مستر جوزيف بعدين عشان يعذرج وتقوليله انه على بالج ومن هالحجي الطيب _03BA:

واهم شي اهتمي بصحتج حبيبتي وريحي عمرج عشان تطلعين قمر بليلة العمر...

ويغنولج : :stars: يا ارض احفظي ماعليكي اليوم طالع قمر :stars:










وبانتظار نيو بارت ياعسل................................................ :33_1185028183:

 

[GreenRose]

حلو ما شاء الله لا قوة الا بالله
تبارك الرحمن
يارب يسعدكم ويتمم لكم على خير ويرزقكم خير الدنيا ونعيم الآخره
موفقــــــــــــــــــــــــــــــــين

 

[سياسية]

الحمدلله قدرت اشبك قبل ما أرد الديرة

والحمدلله ما خاب ظني و كان في بارت يديد

نوار ألف ألف ألف مبرووووك...

ما شاء الله تبارك الرحمن

الله يوفقج و يهنيج و يسخر يوسف لج ...ويرزقج بالذرية الصالحة اللهم آميــن

 

[انا بطة]

كولولوووووووش يالله نبي انيبب ههههههه

 

[om_jsoom]

الله يهنيج ياقلبي ومو تنسين اول شي تستفتحين شقتج بسورة البقرة

ويالله ناطرين البارت الثاني انتي وعدتينا امس

ههههههههه

 

[غربــــة اِحساس]

نوار كل مره اقول انتى تستاهلين كل خير لانج طيبة

الله يعينج على التجهيزات وميخالف تحملي ترا التعب منسي واهم شئ تستانسين

صج صج فرحانه لج عسى ربي يتمم بالخير والتوفيق : )

ويمكن تخلص يومياتج ولاعاد نشوفج بس تاكدي طبعتي بقلبي بصمة ماراح انساها << نزلت دموعي

نواااااااار موفقة يا احلى عروس .. : )

لاتنسين الاذكار وحاولي تقرين سوره البقره قبل العرس ..

 

[ضوى العيون]

نااسه الله يوفقج يارب صج عشت الجو وياج

 

[Killer^Girl]

وناسه
موفقه

 

[سيتي]

:ggdw:

موفقة يا نواار ومبرووك الله يهنيكم انشاءالله ​

:ggdw::ggdw:

 

[lawyer-GoMaR]

الله وناااااااااااااااسه ..الله يتمم عليج حبيبتي..تبارك الرحمن ماشاء الله لاحول ولا قوة الا بالله ..

تستاهلين كل خير حبيبتي والله ..والفال لنا يالعزوبيات.. العزوبياااات؟؟ وينكم ..قولوا آمييييييييين

والله راح نفقدج بشهر العسل ..اذا ماقدرتي تكتبين كل يوم كتبي كل اسبوع نمشي حالنا شنسوي بعد ولا انج تنشغلين عن مستر جوزيف وبعدين يكره المنتدى ونتوهق...

وبنات كل الي دعولي مشكورين والله يوفقكم انتوا بعد اذا كان عندكم امتحانات او باي شي ثاني
قلب راشد ..حبيبتي ليلحين ما امتحنت ..في خضم الدراسه

 

[lawyer-GoMaR]

بنات تعالوا أنا لاحظت شي كذا وحده كتبته حق نوار ومافهمته ...

يعني شنو ليتج شاب؟؟؟ وين هذا اللليت وشلون تعرفون انه شاب وانه اهيا موجوده والا لأ؟؟؟
أفيدونا أفادكم الله << عليمية بالمنتديات

 

[Dr.Nouf]

امبي واااااااااي ونااااااااااااااسة


الله يوفـــــــــــــــــــقج ياربــــــــــــــــــ آمـــــــــــــــــــــــــــيـــن