تجمع فناتك المنقبات 2012

[احلى جورية]

فروره أنا كنت نفس مشكلتش بالنقاب بس الحين صرت احط ماشات صغار اللي تجي كنها كماشات صغار مالت البيبي
احط ثنتين أمسك فيهم سير النقاب ورا أذني ويثبت سيدا قليل يتحرك

 

[دلوعتها]

حلاة العبايه ساده للمنقبه خصوصا لطلعت برا

لان النقاب للستر مو حلو منقبه والعبايه فيها الوان زياده

 

[دلوعتها]

والعبايه اللي فيها شغل للمناسبات اخليهم

احس اذرب من اطلع بالشارع بعيايه ملونه وفيها قصات ونقاب احس مو راكب وحتى المكياج مايصلح مع النقاب غير الحكم الشرعي احس مو ذرابه

 

[دلوعتها]

بعدين ماحبيت موضة نص الخشم طالع والحاجب عريض حييييييل صارت هبه مو طبيعيه البنات يتشابهون

 

[Mjnont '3lay]

كريم سوده حق حبوب الشباب انا فيني واستخدمته واستخدامه عجييييب

لا يقشر وانا ما احط وايد بس جم نقطه ع ويهي >> مكتوب عليه حق حبوب الشاب

اما الفرشه استخدم فرشة تاتو ريميل الفاضيه فرشتها حلوه

وتاتو ريميل شاريته من سنتر بوينت تقريبا سعره اذا ما خاب ضني ي بـ 3 ونص او 6

لا مو ثابت بس ما يسيل اذا ياه ماي يبين ممسوح


وان شاء اذا شريت شي ابلغكم ... فديتج مجنونة غلاي

الله يحفظ لج غلاج ويحفظ لي غلاي:yaaaaaarb:

حلووو والله يبيييله تجربه عمري ماجربته انا فيني حب شباب خفييييف واثار اكثر شي يارب ينفعني
وضروووري استخدم تاتو ريميل كتجربه دامه ذوقج اكيد بيعجبني
وفدييييتج انتي قولي امين عسى يفداج كل من غالي ويعز عليج وامييييييين كثري كثري من هالدعاوي وبطريقج ادعي لي الله يحقق لي اللي ابيه باسرع وقت وبالحمال وبهداية رجلي واني انجح بدراستي وانه الله يحنن قلب حمولتي علي < طماااااعه مااصدقت على الله :eh_s(3)::eh_s(3):
وعلى الطووول فديتج طلعتي من ربعي شلة الاقزام السبعه يحليلنا والله صج مرات لمن اتمشى بالسوق والقى ورعاان اطول مني انقد على نفسي بس يالله كله بسبييل الانوثه يهون :eh_s(9):مع انه هالرجال ماغير يكسر بمجاديفي لووول يسميني الدقمه عز الله ان جبت ورع وسمع ابوه يناديني يالدقمه ماعاد بيحترمني

فروره أنا كنت نفس مشكلتش بالنقاب بس الحين صرت احط ماشات صغار اللي تجي كنها كماشات صغار مالت البيبي
احط ثنتين أمسك فيهم سير النقاب ورا أذني ويثبت سيدا قليل يتحرك

حلوه طريقتج حبيبتي بس مو متعبه يعني ماتحسين السير من ورى حاز عليج ومضايقج !!
الافضل تروحين محلات العبي تخلين الهنديه تقايس مقاس راسج وتفصل لج نقاب على مقاسج بالضبط عشان مايكون واسع ويتحرك وولا يكون ضيق ويطلع خط بالوجه ويضايقج
او تستبدلين السير بالخيط الربط اريح واحسن ان شاءالله مستقبلا بسويها جاري التفكير بالموضوع
حياااج الله مو تقاااطعيييين :eh_s(17):

 

[Mjnont '3lay]

عز الخويه & فروره

حياكم الله فديتكم


دلوعتها !! نو كومنت حبيبتي موضوعنا عن فناتك المنقبات مو موضوع فتاوي ونصايح واحكام ونصيحتج على عيني وعلى راسي بس الله يرضى عليج ماله داعي تفتحين علينا باب مسكر الحين كل البنات رح يأيدون كلامج ويخرب التجمع وهذا قسم الازياء مو قسم الاسلاميات فديتج تقبلت نصيحتج بصدر رحب بس كلن براسه يعرف خلاصه واللي تبي تنصح ياليت عالخاص مو عالعام وتخرب التجمع ويقلب الموضوع فتاوي واسلاميات ونصايح وهوشه




وبليييييييييييز بنات اللي مايعجبها تجمعنا مو ضروري ترد كلنا حريم كبار ونعرف الصح من الغلط والحلال من الحرام ماله داعي يقلب التجمع هواش ونصايح هذا تجمع فنااااااتك منقبات اللي تبي تنصح او مو عاجبها شي قسم الاسلاميات موجود خذو راحتكم فيه ماله داعي بكل موضوع بالمنتدى يقلب هوااااااش ونقاش حاد
انتهىىىىىىى الكلام واتمنى ما القى ردود تناقش ردي خلونا بتجمعنا وبس فديتكم

 

[Mjnont '3lay]

بعدين ماحبيت موضة نص الخشم طالع والحاجب عريض حييييييل صارت هبه مو طبيعيه البنات يتشابهون

مادري منو اللي تكلم عن نص الخشم طالع او العبايه الضيقه او الزينه الزياده االله يهديج بس قبل لا تردين علي روحي اقري ردودي حبوبه وبالنسبه للمكياج يعني المنقبه شنو مو حالها حال خلق الله خلاص على بو منقبه تدفن نفسها بالحيا وتموت حرام تحط لو كحله خفيفه داخل العين او فونديشن يعطي صفاوه للبشره او كريم حمايه !!! ردج غريب بصراحه
وبعدين طالما ماشفتي ستايلنا بالطلعه شنو وماشفتينا بالصج اتمنى ما تحكمين علينا حياج الله

 

[دلوعتها]

انا مانصحت انا اشوقها مو ذرابه هذا ستايلي

 

[دلوعتها]

ونقابات المتحجبه تهبل

وملافعهم الساده حلوه
عباياتي من دبي والسعوديه واخذ من دار الجود بالسالميه يهبلون

 

[الكيكه دندن]

يعطيج العافيه موضوع حلو بس ياليت يكون بصور تصورون عبيكم والملافع والشغلات اللي تشترونها


عني انا التاتو للحين اللي جربته وحبيته كاجل وشريته بدينارين وربع

خذيت اللون البني وهم سمعت يقولون البنات اكو بني فاتح بس راح احاول اسال

وبالنسبه لكحل العين من داخل استخدم قلم جلوريا احسه ثابت ينباع بنص دينار
حلو لما اطلع اخط عيني من داخل واعمل نفس كحله الهنود او مارلين بس كيوت وناعم هههههه
اول ماهبيت بهالرسمه نفس جذي

جان يشوفني هندي بمحل ويغني هندي اغنيه قديمه اذكر عليها من زمان شفتها الممثله كانت مسويه نفس رسمه العين ههههههه هنود اخر زمن
وعبي السبايك للحين ماخذيت انا يمكن لاني كتوفي عريضه مايناسبني لبست وحده صرت كاني قريندايزر هههههههه وتعقدت بس ممكن حلوه بزواره بس للحين ما استقريت على شغله يعني اذا شريت راح اصور لكم
وبالعيد شريت عبايه سمبل حدها من الدبوس بـ10 دنانير تصلح زوارات عاديه ودوام
ولما اطلع السوق البس عباه راس لان مو ناقصه مغازل لاني اروح بروحي واشتري كل متطلبات البيت

 

[احلى جورية]

الكيكه تكفيييين تكفييين إذا لقيتي كأجل بني فاتح دليني ع مكانه
يهبل كأجل بس أحسه شوي غامج ودي بافتح

 

[احلى جورية]

انا كان عندي رقم وحده تجيني البيت وتفصلي وعباياتها ذربه وتجي قصتها مضبووطه ومرتبه
وتفهم علي اذا جبتلها موديل من راسي وتسويه احلى بعد
بس انمسحوا الارقام بتلفوني وراااحت

اللي عندها رقم وحده تفصل عبي بالبيت يا ليت تعطينا الرقم << كسل مو طبيعي

 

[Mjnont '3lay]

ونقابات المتحجبه تهبل

وملافعهم الساده حلوه
عباياتي من دبي والسعوديه واخذ من دار الجود بالسالميه يهبلون

اها السموحه حبوبه فهمتج غلط
بس التغيير حلو ملللللللللللل طووول السنه اسود باسود حلاته لو نقش خفيف عالكم لون واحد او اذا كلش ماتحبين حطي على بداية الايد صوب كفوف ايدج بريم ضعييييييييف يدوب يين اختاري ابيض او سلفر دامج ماتحبين الالوان وجذي وبالنهايه كل واحد ينام عالجنب االللي يريحه

بسالج نقابات المتحجبه على جم وتفصال ولا جاهز تاخذين
ودار الجود وين صاير بالضبط لو ماعليج امر وعلى جم اسعاره وفي تفصال لاااني مااااحب الجاهز

 

[Mjnont '3lay]

يعطيج العافيه موضوع حلو بس ياليت يكون بصور تصورون عبيكم والملافع والشغلات اللي تشترونها


عني انا التاتو للحين اللي جربته وحبيته كاجل وشريته بدينارين وربع

خذيت اللون البني وهم سمعت يقولون البنات اكو بني فاتح بس راح احاول اسال

وبالنسبه لكحل العين من داخل استخدم قلم جلوريا احسه ثابت ينباع بنص دينار
حلو لما اطلع اخط عيني من داخل واعمل نفس كحله الهنود او مارلين بس كيوت وناعم هههههه
اول ماهبيت بهالرسمه نفس جذي

جان يشوفني هندي بمحل ويغني هندي اغنيه قديمه اذكر عليها من زمان شفتها الممثله كانت مسويه نفس رسمه العين ههههههه هنود اخر زمن
وعبي السبايك للحين ماخذيت انا يمكن لاني كتوفي عريضه مايناسبني لبست وحده صرت كاني قريندايزر هههههههه وتعقدت بس ممكن حلوه بزواره بس للحين ما استقريت على شغله يعني اذا شريت راح اصور لكم
وبالعيد شريت عبايه سمبل حدها من الدبوس بـ10 دنانير تصلح زوارات عاديه ودوام
ولما اطلع السوق البس عباه راس لان مو ناقصه مغازل لاني اروح بروحي واشتري كل متطلبات البيت

الله يعاافيج هلا وغلا
تو مانور التجممع
بصراحه التجمع من اوله نااايم مافي تفاعل اذا لقيت تفاعل اكيد باذن الله رح انزل صور عباياتي
بس بيني وبينج ماحب االللي تطل وتستفيد وتمشي من لايشكر الناس لا يشكر الكلام حق اللي تعرف نفسها تدش تلطش اماكن وفناتك ومعلومات وتطلع حتى ماتكلف على نفسها تشكر او ترفع الموضوع او تفيدنا بمعلومه حلوه
ماعلينا
التاتو كاجال رووووووووووووووووووعه انا اخذت اسود صراحه احلى تاتو مر علي بحياتي
والكحل من وين تاخذينه
ورسمتج حلوه علمييييييييييني شلون اسوي جذي انا منقبه وماااحب اكحل عيني واجد يعني ايلاينر وهالسوالف لا كلش ماحب ورجلي مايرضى بس علميني الرسمات البسيطه والناعمه واللي تبرز العين انا للحين مالقيت رسمه نااااعمه وتبرز العين وعجبتني رسمة عينج نااعمه
و على قرايدينزر ههههههههههههههههههههههه ضحكتيني والله لاااا تحطمين بنفسج البسي ودلعي نفسج دامج بعدج بشبابج لي كبرتي رح تتحسفيييين انج حرمتي نفسج من شي والله على بو كتوفج عريضه وبعدين مو لازم تركبين اللي كنه كتافيه انتي اشتري حبات صغيره وانثريها بشكل عشوائي عالكتف احلى وانعم وارتب انا رح اسوي جذي احس ارتب من اللي تجي كنها كتافيه
وقولي لنا من وين تفصلين عباياتج
اما عباية الراس والله صادقه السوق احسن شي تلبسين فيه عباية راس انا حتى وانا مع رجلي لازم بالسوق عباية راس واغطي عيوني تعرفين السوق يجمع كل الجنسيات والعيون مثل الذيب عليج استغفرالله

 

[الكيكه دندن]

اييه والله ههههههه شوفي انا اخذ من الزمرد بس اسعارهم غاليه بصراحه
وعندج الجنائن الخضرا كنت كله افصل عنده بس صارلي تقريبا الحين فتره طويله مارحته
اخر مره خذيت من الشرقاوي

وبالنسبه لكحل العين تلقينه بكل مكان عند الهنود
وبالنسبه للنقاب انا البس سير اخذه من القناع الاسود
وعندهم تشكيله حلوه للبراقع والملافع

واشوف احلى لون احذيه للشارع
ربنا يكرم السامع

اللون الاسود والبني والبيج اما الالوان احسها ملفته خاصه شباب هالايام الله يهداهم تلقين الواحد طوله مثل الذراع ويغازل ولا هم كلامهم مثل السم للاسف ماكو عقليه ولا ادب ودي امسك فيهم واطقهم طططططططق هههههههههه

 

[الكيكه دندن]

وبالنسبه لرسمع العين
كحلي عينج من داخل بقلم اسود بعدين عند زاويه العين الخارجيه سوي بروز خفيف يعني نفس الرمش
وهذي بعض الصور ممكن تفيدج واللي حابه يكون لوكها حلو وبسيط

والآيلاينر يكون على منبت الرموش يطلع طبيعي وحلووو

واكثر شي لما اطلع احب احط على الجفن العلوي لون برونزي او مشمشي خفيف يصير طبيعي لونه بس يعطي اشراقه للعين
وعقب وما احط ايلاينر على عيني
بس من داخل ارسمه بالقلم اسود وتحت الرمش واحط ماسكارا

 

[مـالـي مـثيـل]

انا بالنسببة لي دايم افصل في المغاتيييير بالفروانيية عندهم اشياء حلوة للدواام طبعا
وحق الكراااف مالكم الا خاامة صالووون وهم خامة ندى حيل حلوة صرت افصلها للكللية والطللعااات بعد
وقصتي دايم جايينيييز ما احب الضيييق وحق الدوام غالبا تكون عبايتي سادة واذا كثرت خامة او كللفة ع الكم بسسس
اما نقااابي سير عادي طريقتي دايم سيدة بس ما يكوون طالع خشممي حيل وملللفعي خامة دجى الليل لفة وحدة واقطه ع الكتف

وجربت كريم اساس مع حماية من بيضوون حيل يهبل مع بودرته اسسمه shiseido ولونه يجي ازرق بيضاووي ومسكرتي طبعا ديووور ودي اجرب غيرهاا مليت منهااا وبالنسبة للتاتووو استخدم تاتو مبروك اتوقع جذي اسمه من الهنود اخذ البني والآيلاينر ماخذته من ديورر بعد سوااده حلوووو والخطة اسويها مثل الصور اللي فوووق شي نااعم وكحل داخل العين احط خفيف بس لان مع الشمس احسه ينزل ويسود المنطقة تحت العيين وبسسس اذا بووه شي رجعت لككم​

 

[فروره]

انا اذا افصل نقباتي بمحل بالصيفي وعبي الدوام من مغاتير ومرات النمران تحت
وتاتو مالي من فورايفر بس صار له مده مقطوع دورته قالو الشركة للحين ماجابو
وصج اهو الي طاح علي أنا ماحب التاتو الي يظل 3ايام أخاف عاد مؤ من كثر حواجبي أخاف ينعدمون
نقاب الربطه ماحبه لانه لما افصخه لازم افصخ شيلتي وعدله من يديد اماا السير أحسن
بدديت اكره الفونديشن لانه خرب بشرتي قمت استعمل حماية سوسكن وفيها نسبة فونديشن في منها لونين
برونز وافتح منه والبودره ماركة مكياج الي تجئ فيها اكثر من لون أحط الوردي حلو
الآي لاينر قزاز اسوي كات أيز وشدو بني من المنصور وقلم كحل داخل العين من برجوا بلاشر من بودي شوب مشمشي وحمره من مكياج وردي غامج هذا لدوام لأني افصخ النقاب لما نكون حريم قاعدين مع بعض

 

[فروره]

اناا جربت وايد ماسكرات كنت اول بس ديور ماحب اجازف بعدين امدحت لي رفيجتي لريال الي بالكولاجين وايد حلوه وبعد استخدمت ماسكرة فورايفر هم حلوه ويمدحون أف سالوران يجربه ان شاء الله

 

[المســـكـ]

اب اب اب


ولي عووووده ان شاء الله