::|[حملـة لنبـدأ بتغيير حياتنا للأفضـل »الجزء الثالث]|::بسـم الله،،وعليــه توكلنــا

[ورده حمرآ]

مساء الخير اسمحو لي لظروف السفر لحقت متأخر عليكم ..
الحمله من بدايتهـا جميلـه

وهذي اجابتي

النك نيم :

ورده حمرآ

العمر :

20

موظفة ام ربة بيت:

طالبه في جامعة قطر

هل لديها مشكلة معينة في شخصيتها :

لدي عدة مشاكل تغلبت على بعضهـا في طريقي للتغلب على البقيه



قريت الصفحـه الاولى وجاوبت على طول واحين بكمل قرايـه ولو في شي برد على طول ان شاء الله

 

[نهى الأحمد]

السلام عليكم
شلوووونكم

مشكووووره نهووووي على مجهودج الرائع

الحين بروح اقعد مع نفسي واكتب السلبيات

وعليكم السلام

هلا حبيبتي شدوونه يا ملح الحملة

العفو ياقلبي تسلمين

بانتظارج

التفكير في كلام الناس
سخرية الآخرين
عدم التكلم مع الغرباء كثيرا و الاعتماد على الأهل
الخوف من الخطأ

هلا يا قلبي
يا حلو اسمج

عسى البسمة تدوم على شفاهك

حبيبتي

ليش تضيعين وقتج وانتي تفكرين بكلام الناس

شنو رح يجيج ؟؟

رح توصلين لشي ؟؟

كله ضياع وقت

وعوار راس وممكن عوار قلب

خلي اخر همج كلااااااام الناس



بالنسبة لسخرية الاخرين

حطي في بالج انه فيه رب رح يحاسبهم على تصرفاتهم وسخريتهم على الناس

ولا تهتمين لهم وامشي مرفوعة الراس ياقلبي وطاااااااف


بالنسبة للغرباء

حطي في بالج انه الناس اجناس
في ناس لما تشوفيهم لأول مرة تلاقين نفسج تسولفين معاهم
وفي ناس من داخلج مو قادره تسولفين معاهم
يعني هالامر يعود على حسب شخصية الانسان اللي تشوفيه لاول مرة

والمفروض ياقلبي من كل مرة تتعرفين على ناس لاول مرة تتعلمين شلون تتصرفين معاهم
من حيث لازم اكون راقية في التعامل واحترمهم علشان يحترموني

لازم اثبت نفسي وافرض احترامي على الكل من خلال حديثج وتصرفاتج

الاعتماد على الاهل ياقلبي شي طبيعي

لكن مو في كل الامور وهذا يعود على حسب الاهل شنو علموا عيالهم وعلى حسب تربيتهم لهم


خلي هالشي طبيعي عندج بس اهم شي حاولي تعتمدين على نفسج لمرة ومن ثم مرتين وثلاث واربع

رح تحسين بالرضا عن نفسج


عزيزتي

المفروض ماتخافين من الخطأ

ماكو انسان معصوم عن الخطأ

كلنا نخطيء بس المفروض نتعلم من اخطائنا علشان ما تتكرر مرة ثانيه


فكري بكلامي ياقلبي

وسجلي هذي النقاط عندج واقريها اكثر من مرة

ورح تلاقين انه الامور اللي تضعف ثقتج بنفسج سخيفة


عيشي حياتج بحلوها ومرها

واستانسي ياقلبي

 

[نهى الأحمد]

مااحب المغامرة بالأمور كلش مع ان بعضها تحتاج مغامره

ما اقدر أصر على رايي واللي ابيه مرات

اي وبعد مرات توحشني نوبه كسل فظيعه يعني أكود الاشغال ومره وحده اسويها

حالتي مستعصيه ادري

هلا حبيبتي شدونه

مو كل الامور في حياتنا تحتاج مغامرة ولو احتاجت

رح تخسرين شي لو حاولتي المغامرة ؟؟

خلج قوية جدام كل الامور في حياتج والا بتمين خسرانه في النهاية

وطبعا هذا يعتمد على حسب الموقف


انتي عندج تردد في اتخاذ قرار أو رأي
ومو كل شي نبيه نحصل عليه

كل شي بهالدنيا مقدر ومكتوب من رب العالمين ياقلبي


لو سويتي حق نفسج برنامج ونظمتي وقتج

من وقت قعدتج من النوم وتحضير الريوق ومجابلة اليهال لفترة بسيطة وتعرفين شنو يحتاج البيت من شغل وتكوني عارفه شنو تطبخين وغيره وغيره

انتي يبيلج تنظيم وقت ياقلبي

جربي مارح تخسرين شي

وحالتج لا مستعصية ولا شي


معظم الامهات يعانون منه خصوصا اذا عودوا نفسهم على هذا النظام
فوضى وكسل

 

[نهى الأحمد]

مشكلتي

1- اتاثر بكلام الناس حييييييييل ورايهم ياثر فيني ونظراتهم .. وما اعرف ارد عليهم اذا علقو او جرحوني اكتفي بالسكوت النتيجه اني انعزلت واكتفي بالقعده بروحي حته صداقاتي قلت

حبيبتي لذة السكر

هذي النقظة توني تكلمت عنها في ردي على العزيزة بسمة
لاتعطين اهمية لكلام الناس وانتقاداتهم لج وهذا يعتمد على حسب طريقة انتقادهم لج
اذا كان شي لمصلحج شي زين لج
اما اذا كان انتقادهم بقصد التجريح
تجاهلهم اهو الافضل

ونصيحة لج ياقلبي
الوحده تجلب الضيق للانسان مارح تستفيدين شي الا بحالة انه ودج تحسين بجو من الهدوء اللي يجلب لنا الراحة النفسية

ياليت نعطي اهمية لانفسنا بدل لا نعطي اهمية لكلام الناس

2- وايد اتردد في اتخاذ القرار وافكر واسال واخر شي اهون .. اخاف من المستقبل حيل (مثال: موراضيه عن وضعي الوظيفي وكل يوم ارد متضايقه ياتني اكثر من فرصه ومنها معهد الكويت للابحاث العلميه اللي حلمي اشتغل فيه من التردد قالي زوجي تتاخرين لي الثلاث ومايصير ومن هالحجي مع العلم اني اخلص دوامي الحين 2وربع يعني ما فرق وايد بس مارحت وراحت علي ....وحاليا افكر اكمل دراستي بس حيييييييييل متردده (اخاف الدراسه صعبه -اخاف اقصر علي بيتي وتسببلي مشاكل -اخاف اخذ الشهاده وتالي تطيح بجبدي مثل البكلريوس ومحد يبي يوظفني - اخاف اذا صارت هالشغلات كلها يقولي ريلي او امي او ابوي ما قتلج <<< اكره هالكلمه )

عزيزتي ،،

لاحظي الكلمات اللي خليتها باللون الاحمر

اتردد

أخاف انذكرت اكثر من مرة

التردد والخوف رح يسوون لج مثل حاجز جدامج ما تقدرين تمشين خطوة لجدام

ليش تترددين ياقلبي دام فيه رب نلجأ له ونتوكل عليه في كل امورنا سواء صارت او ما صارت

قولي الحمدالله على كل حال في كل وقت

انتي قلتي حابة تكملين دراستج وهذا شي حلو
بس علشان تتخذين قرار اكمال الدراسة
فكري في البداية في مسؤولياتج في البيت لزوجك ولعيالج
بحيث انه مايكون فيه قصور من ناحيتج تجاههم

وظروف الحياة احيانا تكون عائق امامنا تجاه اي قرار في بالنا ودنا انه يتحقق

وبعدين انتي بنفسج ياقلبي قلتي اخاف اقصر علي بيتي وتسببلي مشاكل

لازم تكوني راضية بالمقسوم لج
ماتدرين

يمكن بعد فترة تتسهل امورج وتقدرين تكملين دراستج

وبالنسبة لوضعج الوظيفي
الله سبحانه يمكن مو كاتب لج تشتغلين في معهد الكويت للابحاث العلمية
موعلشان ريلج قال رح تتاخرين مع انه ماكو فرق بدوامج الحالي وقت ردتج للبيت ونهاية الدوام في معهد الكويت

كل انسان بهالدنيا ياخذ نصيبه

بعدي عن التردد ولا تخافين من شي لانهم رح يكونو عقبة جدامج واهم شي لما تتخذي قرار تكوني راضيه وقنوعة فيه وفكري عدل :eh_s(15):



3- حيل قاسية مع نفسي ..دايما اطمح للكمال وهالشي حيل متعبني دايما احس ان ناقصني شي لازم اصير احسن وحده بالطباخ واللبس والدراسه والوظيفة وعيالي احسن عيال مودبين وشطار واعجب زوجي وما اقصر معاه ولا مع اهلي ..وبالمرحله الاخيره اكتشف اني باختصار ما اقدر اسوي كل هذا انا بشر والنتيجه صارت عكسييييييييه 100%

حبيبتي ،،
موغلط انه الانسان يحب يكون في المقدمة والافضل في كل شي
بس هم بعد يكون قنوع بالشي اللي عنده

ماكو انسان كامل والكمال لله عز وجل

كوووني قنووعة وراضيه عن نفسج وربج راضي عنج وريلج راضي عنج

وقتها رح تكوني بقمة السعادة

4- سلبيه وانتقاد الناس المحيطه فيني (ليش تدرسين قعدي جابلي ولدج - معاشج زين شتبين بعد - شكلج مالج خلق- مبين عليج غصب تداومين -انتي ماتدرين عن ولدج -ماتعرفين تسولفين << ايام الدراسه كانو يختاروني انا بالاحتماعات لاني متحدثه الحمدلله .....)

ردينا لنقطة كلام الناس

حبيبتي

سوي الشي اللي يناسبج انتي ويريحج مو اللي يناسب الناس ويريحهم
هذي حياتج انتي

وااللي له الاحقية انه يناقشج بموضوع الدراسة وغيره اهو زوجك

**** مع العلم ايام الدراسه ماكنت جذي بس من تزوجت زادت حالتي والله بالخير الناس ماتخلي احد بحاله و حاشتني احباطات وره بعض وتغيرات كبيره صارت بحياتي ماقدرت اسيطر عالوضع

ياقلبي

اكيد البنت لما تتزوج تتغير حياتها 180 درجة

كل شي يصير في حياتج مهما كان من صدمة او موقف او احباط من موضوع ما
اخذي منه درس وتعلمي تواجهين كل صعب في حياتج وخليها تكون مصدر قوة لج

 

[ورده حمرآ]

الاستبيـان ( 215 )

 

[عاشقة الاسلام]

نهي وروح وفوفو مشكورين علي المجهود اللي تبذلونه لنا
روح كلماتج روعه فلكي كل الشكر
نهي حبيتي انتي وروح مهم كتبت ماراح اوفيكم خقكم

 

[Miss Basma ..}]

نهى
كلامج يونس
راح أسجله على شكل نقاط
شكرا عالنصيحة
:eh_s(7):

 

[ام سعود ديكسون]

فوفو ردودج جميلة مثل روحج احسج كريمة بالنصح
الكم اللي استفدتيه من دورات تطوير الذات قاعدة تسبغين علينا فيه
وانا حيل شاكرة لج ردودج منطقية و واقعية

حديث الروح
اول تأثير لكلامج اهو بصيص امل او نور يشع وسط الظلمة
و كلامج ريحني حيل حسيت بروح إيجابية
قمت أشوف مشاكلي بمنظور ثاني
بالأصح مو مشكلة حرام نسميها مشكلة
خل نسميها مسالة و ندور لها حل مبدع
هذا اللي حسيته وانا التمس كلامج
أنا بنعمة بخير مو عاجزة مو سلبية
بس يبيلي اقدر امكاناتي و انطلق و أتصرف بحل
بدال لا اقعد محلي و اندب حظي
كملي ناطرين بقية الدروس اللي راح نستفيدها من كلماتج


نهي تعجبني نظرتج للحياة
اللي أكيد ما انصقلت الا بعد مواقف و تجارب في الحياة
أنا بلشت أعيش لنفسي و بس بدون أنانية طبعا
بس ما همتني كلمات و همسات و تصرفات
هدفها الوحيد تكسير مجاديفي
كافي ما بقي بالعمر اكثر من اللي فات
خل نعيش صح
خل نحس ان إحنا مخييريين مو مسيريين من قبل الغير
أنا بأيدي القرار مو الناس تأثر بقراري
أنا اللي أقرر سعادتي
من تعاستي
ما ابي أحط الغير شماعة للظروف اللي أنا فيها

 

[ام سعود ديكسون]

اكتب السلبيات و لي عودة لكم لما اخلص بدرجها بالموضوع

 

[عاشقة الاسلام]

نهي حبيبتي راح اكتب لج المشاكل الللي عذبتني بحياتي
المشكله الاولي
ما قدر اصر علي اي شي ابيه
مثال اذا طلبت شي من ريلي ورفض استسلم واسكت لاني ماحب اذل نفسي لاحد حتي لو كنت محتاجه هاشئ
المشكله الثانيه

ثقتي لكبيره بناس واقرب الناس لي مهم انجرحت منهم
وحالين تقدرين تقولين قدرة اتقلب علي المشكله
لاني ماصرت افتح قلبي لاي احد مهم كان قريب لي لاني يأم انجرحت من اقرب الناس لي ودايمن اكون حذره واحاسب علي اي كلمه تطلع من لساني
المشكله الثالثه
الطيبه الزايده عن اللزوم
لما يحتاجني اقرب الناس لي امد ايدي له وبعد فتره القه يطعني بظهري
والمشكله الرابعه والاساسيه بحياتي
بنتي
عمرها ست سنوات متعلقه فيني بشكل موا طبيعي وين ماروح تكون معي موراضيه تبعد عني لدرجه لم اروح الحمام تكرمون القها وقفه عند باب الحمام تنتظرني وحتي النوم مواراضيه تنام الا معي وهالفتره هاذي القاها وايد تلعب مع نفسها وتسولف مع نفسها وتكون شخصيات وتلعب معهم ريلي يقول هاشي طبيعي لان بنتج ذكيه واهلي نفس الشئ يقولون وانا محتاره صراحه

 

[نهى الأحمد]

عزيزتى ..نهى .. ثقتى بنفسى ..

صارتلى صدمه فى حياتى وغيرت امور كثيره فى نفسى .. اخدت معاى سنين.. كنت احب المرح والسوالف كنت غشمريه احب الغشمره ..واضحك مع اهلى ورفجاتى .. اعتزلت كل شىء .. صرت احب اقعد من نفسى اكثر شىء واهلى ساعدونى على هذا .
ابوى واخوى كانو دائما يشفقه على ويقول مسكينه صغيره وفقدت زوجها فجاء .. ماادرى شنو ..
المهم قبل جم سنه حاولت ارجع ..نفس اول وبديت ارد لدراسى .. وكنت احب القرايه كل انواع الكتب .. وسويت لى مكتبه وجمعت كل الكتب .. واشتغلت على نفسى ..بس كل فتره وثانيه برد احن لعزلتى واحب اقعد بروحى ..
نهوى النت عندى ضعيف بحاول اتواصل ان شاء الله بالليل ..

غاليتي فجر

بداية ،، الله يرحم زوجك ويجعل مثواه الجنة
هذي الدتيا

وانتي لا اول وحده ولا اخر وحده تفقد زوجها واهي صغيرة

تدرين

ثاني يوم رمضان اعرف وحده عمرها 19 سنة ووعندها ولد وبنت توفى زوجها بسبب جلطة على الدماغ
بس هل حياتها رح توقف عند هذي النقطة؟؟

أكيد لأ

عجلة الحياة مستمرة وعلشان نعيش بسعادة لازم نرضى بالي الله سبحانه وتعالى كاتبه لنا

وادري مع كل موقف صعب من فقدان انسان عزيز على قلوبنا يبقى له تأثير قوي لفترة من الزمن بس ما نخليه يأثر علينا طول عمرنا

ماشيه الحياة واحنا ماشين معاها

والحمدالله انج قدرتي تتخطين جزء من الحزن بداخلج بردتج للدراسة وحبج للقرارة ووجود مكتبة في بيتج
هذي بروحها لها تاثير ايجابي في نفسج

العزلة مارح تنفعج بشي

رح تضيع وقتج وممكن لاقدر الله تدمر حياتج وتمين مكانك سرّ

انتي عندج موهبة حلوة

موهبة الكتابة

حاولي تنميها

اتمتى لج التوفيق من كل قلبي يا احلى فجوره

 

[نهى الأحمد]

نهووي ياقلبي كاهي نقاطي :

اني اخطط و عندي افكار حلوة وااايد بكل شي حتى ابسط الاشياء لاكن استسلم في الاخير بكلمة : راح افشل او ما استحق اني انجح واسوي هاذي الفكرة واروح اعطيها لغيري وببساطة ينجح فيها و اشجعه واحفزه وما اهتم حتى اني احفز نفسي بكلمة وحدة

ياقلبي انتي

اولا
الاحساس بالفشل يؤدي الى طريق مسدود ولو هذا الاحساس لازمنا في حياتنا رح نخسر الكثير مومارح نقدر نسوي الشي اللي نبيه او نحقق اهدافنا وطموحاتنا

انزين من بعد التخطيط والتفكير لفكرة معينة في بالج
شلون حكمتي على نفسج بالفشل وتستسلمين ؟؟

ليش حبيبتي

انتي تستحقين النجاح وتستحقين كل شي حلو في حياتج

واسوي هاذي الفكرة واروح اعطيها لغيري وببساطة ينجح فيها و اشجعه واحفزه وما اهتم حتى اني احفز نفسي بكلمة وحدة

شفتي شلون ياقلبي انه التشجيع وتحفيز النفس نهاية الى طريق النجاح

حفزي نفسج ولاتخافين

والدنيا يوم لك ويوم عليك

وان كنتي مخططة لفكرة في بالج وان صارت رح تصير اولا بمشيئة الله سبحانه وتعالى ومن ثم تشجيع النفس بأنج تقولي حق نفسج (مثلا ،، ان شاءالله رح انجح وابذل مجهودي ولو مانجحت هالمرة اكيد ان شاءالله المرة الياية رح انجح ):eh_s(15):

اني اعتمد على رأي الناس اللي حواليني في اي موضوع يخصني واحس انه ماني قادره اخذ القرار الا بعد رأيهم حتى لو رأيهم مو عاجبني بس هم يأثر فيني

احيانا الانسان يحتاج يسمع آراء الناس في موضوع معين بس هذا ما يعني اني اعتمد على رأيهم بشكل اساسي لاااا
اكو شي اسمه رأيي أنا :rerrerek: واكون مقتنعه وراضيه عنه


اني اسعى للكمالية في كل شي ..وهاذا الشي واااااايد صعب لان الكمال لله تعالى بس انا اسعى للكمال حتى ابسط الاشياء شكلي شغلي حياتي محيطي ابي كل شي كااااامل وهاذا الشي عذاب لانه مستحيييل وجني اطارد الوهم ابي شكلي دايم حلو ابي شغلي دايما بيرفكت ابي احقق حلمي على طوووووووول وانجح فيه من دون خطوات و عثرات وهاذا الشي مستحيييييييييل

حبيبتي

هذي النقطة توني علقت عليها عند اختنا الغاليه لذة السكر
اقري ردي عليها

وانتي قلتيها ،، الكمال لله وحده

لكن محاولة منج للتغيير رح توصلين للي تبينه :eh_s(15):
ومستحيل ما يكون في حياتنا عثرات
ولابد لتحقيق امر ما يكون فيه خطوات للوصول للي نبيه

دايم استستلم للافكار والأحلام الورديه واتخيل اشياء حلوة تصير معاي ..وارسم حياة يديدة حلوة بمخي و ارد انصدم بالواقع =(

سمعيني ياقلبي
في هذي الجملة قلت اشياء جميله
كلنا نحلم وهذي يسموها احلام اليقظة
وزين انج تتخيلين اشياء حلوة وترسمين حياة يديدة

بس لاتخلين الاموراللي تصير معانا بالواقع تحبطج وتقلل من عزيمتج

 

[نهى الأحمد]

١- اتاثر بكلام الناس
٢- اخاف اتفشل
٣- انتقادات الناس في انتقادات اتقبلها لكن الانتقادات الجارحة اتاثر منها
٤- الظلم

هلا حبيبتي

تكلمت بردي على بعض الخوات عن كلام الناس والفشل

اقري ردي عليهم

بالنسبة للانتقادات الانتقاد اللي لصالحج اكيد رح تتقبليه بكل صدر رحب

اما الانتقادات الجارحة قطيها ورا ظهرج لانها ما تلزمج :eh_s(15):

وان انظلمتي من اي بني آدم

تحسبي لله

وفي رب يمهل ولا يهمل

 

[نهى الأحمد]

مع ان اللي مايعرفني يقولي واثقه من نفسج وانا ماشوف عندي الثقه العاليه
والسبب تعودت من وانا صغيره الكلمه لأمي حتى الحين ماترضا نسوي شي بكيفنا لازم رايها وغالبا رايها صح
مثل : ملابسي .. اهي تختار لي لما صرت اقولها روحي اذا عجيج شي ناديني اقايس وغيرهآ ,
و ابوي يحبنا بس يشوف ان البنات دلوعات مانصلح لشي .. يهتم حيل باخواني
مايشجعنا ع الدراسه ومايسأل عنها مع ان البنات متفوقات عكس الشباب
ومايطلع معانا مكان .. أحس يستحي احد يشوفه مع مرته وبناته ومايثق بالناس برايه كل الناس مو زينين ..
أحس هالشي كاسرني من داخل بس الحمدلله ع كل حال

هلا حبيبتي

المهم عندي انتي شلون تشوفين نفسج من ناحية الثقة بالنفس

يعني الحين لما توقفين جدام المنظرة منو تشوفين؟

تشوفين الناس ولا تشوفين نفسج؟؟

اكيد بتشوفين نفسج

ممكن البشر لي شافوا تصرف منج في موقف ومن خلاله يحكمون عليج انج مشاءالله عليج واثقة من نفسج

وصولج لدرجة عاليه من الثقة بالنفس يحتاج مجهود منج

شلون تتصرفين في اي موقف يواجهج
تتخلصين من اي سلبية ممكن تأثر عليج وتقلل من ثقتج بنفسج

والسبب اللي قلتيه بخصوص اختيار امج للبسج وانه كلمتها اهي الماشيه
هذا بسبب طبع عودتكم عليه من زمان ويعد من الاسباب اللي تقلل من ثقة الانسان بنفسه
لانه مايقدر يختار او يتخذ قرار الا من بعد موافقة الام والام

واتمنى من كل الاباء والامهات ترك مثل هذي الامور لأبنائهم بالاضافة لتوجيههم للطريق الصحيح في الاختيار

ياقلبي

ماكو اي اب او ام ما يحبون عيالهم

بس يمكن لانه ابوج هذي طبعه من زمان

وله وجهة نظر خاصة فيه

وان ما شجعكم على الدراسة انتي بنفسكم درسوا عدل

لانه اللي بيي يفرح قلب امه وابوه

يرفع راسهم بمعدل عالي او النجاح في الدراسة وانتي تدرسين لنفسج وتاخذين الشهادة حتى تكون سلاح بايدج

عادي ياقلبي

لاتخلي مثل هذي الامور تأثر عليج

 

[نهى الأحمد]

هي نقطة وحدة بس

- خسارة ناس عزيزة على قلبي , صار عندي مثل الفوبيا لدرجة صرت اتنازل عن شغلات شكثر و انزل من نفسي بس عشان ارضي هالشخص ولا انه يمشي ويخليني , فقدت ناس شكثر كانت لهم اهمية كبيرة بحياتي و مومستعدة اخسر اللي عندي , مريت بتجربة سيئة كانت سبب رد الفعل هذا وماقدرت اتجاوزها , واتمنى لو اقدر ..

هلا والله ام حدحد الغاليه

حبيبتي

لكل فعل رد فعل

واللي صار معاج ومأثر عليج عبارة عن رد فعل من فقدان ناس عزيزين على قلبج

بس هل ياترى حياتنا رح توقف عند شخص معين ؟

طبعا لأ

هذي الدنيا

فيها فراق وفيها لقاء وفيها وداع

و انزل من نفسي بس عشان ارضي هالشخص

ياقلبي

ترا ارضاء الناس غاية لاتدرك

تنزلين من نفسج علشان ترضيهم؟

يستاهلون هالشي منج؟

ياقلبي

التجرية اللي مريتي فيها لازم تحاولين تمسحيها من ذاكرتج

طالعي جدام ولا تطالعين ورا

فكري بنفسج شلون تسعدين نفسج :eh_s(15):

 

[شادن33]

اي نهوووي احس وقت المدارس يترتب وقتي ويكون الأمن مستتب

وصح لازم ساعات اكون صاااارمه الله المستعان
نهوووي مشكوره بعد عمري تعبناااج

 

[نهى الأحمد]

مساء الخير اسمحو لي لظروف السفر لحقت متأخر عليكم ..
الحمله من بدايتهـا جميلـه

وهذي اجابتي

النك نيم :

ورده حمرآ

العمر :

20

موظفة ام ربة بيت:

طالبه في جامعة قطر

هل لديها مشكلة معينة في شخصيتها :

لدي عدة مشاكل تغلبت على بعضهـا في طريقي للتغلب على البقيه



قريت الصفحـه الاولى وجاوبت على طول واحين بكمل قرايـه ولو في شي برد على طول ان شاء الله

هلا حبيبتي

مساء الورد

شخبارج

ماعليه ياقلبي


وحياج الله حبيبتي

وعسى العمر الطويل لج والله يوفقج في دراستج

والحمدالله انه عندج قدرة على التغلب المشاكل

 

[نهى الأحمد]

الاستبيـان ( 215 )

نتيجة حلوة

نهي وروح وفوفو مشكورين علي المجهود اللي تبذلونه لنا
روح كلماتج روعه فلكي كل الشكر
نهي حبيتي انتي وروح مهم كتبت ماراح اوفيكم خقكم

هلا حبيبتي عاشقة

العفو ياقلبي

انتو خواتنا

نهى
كلامج يونس
راح أسجله على شكل نقاط
شكرا عالنصيحة
:eh_s(7):

هلا ياقلبي

حبيبتي والله

عساج دوم مستانسه

العفو

وزين تسوين :eh_s(15):

 

[تحت ظلك]

السلبيات التي أدت لفقداني الثقة بنفسي:
التقليل من شأني دائما من الي حولي.
توجيه اللوم الدائم لي وتأنيبي بشكل خاص أمام الغرباء.
التردد باإتخاذ القرارات.
عندما اريد أتخاذ قرار لصالحي أتلقى لوم كبير ومنع من التقدم أي خطوة أرى انها تنفعني.
الإستسلام للخوف والتردد وعدم محاولة الإقدام على اي خطوة للأمام.
شعور بالكره لنفسي ولكل ماله علاقه فيني وأحيانا يزداد هالشعور وأحيانا يقل.
اذا طلعت برا البيت مثلا للجامعه دايما اخاف أني أتعب هناك ويغمى علي بين ناس غرباء هذا خلاني افقد الثقة بقدرتي على مواصلة أي أمر بحياتي.

 

[نهى الأحمد]

فوفو ردودج جميلة مثل روحج احسج كريمة بالنصح
الكم اللي استفدتيه من دورات تطوير الذات قاعدة تسبغين علينا فيه
وانا حيل شاكرة لج ردودج منطقية و واقعية

حديث الروح
اول تأثير لكلامج اهو بصيص امل او نور يشع وسط الظلمة
و كلامج ريحني حيل حسيت بروح إيجابية
قمت أشوف مشاكلي بمنظور ثاني
بالأصح مو مشكلة حرام نسميها مشكلة
خل نسميها مسالة و ندور لها حل مبدع
هذا اللي حسيته وانا التمس كلامج
أنا بنعمة بخير مو عاجزة مو سلبية
بس يبيلي اقدر امكاناتي و انطلق و أتصرف بحل
بدال لا اقعد محلي و اندب حظي
كملي ناطرين بقية الدروس اللي راح نستفيدها من كلماتج


نهي تعجبني نظرتج للحياة
اللي أكيد ما انصقلت الا بعد مواقف و تجارب في الحياة
أنا بلشت أعيش لنفسي و بس بدون أنانية طبعا
بس ما همتني كلمات و همسات و تصرفات
هدفها الوحيد تكسير مجاديفي
كافي ما بقي بالعمر اكثر من اللي فات
خل نعيش صح
خل نحس ان إحنا مخييريين مو مسيريين من قبل الغير
أنا بأيدي القرار مو الناس تأثر بقراري
أنا اللي أقرر سعادتي
من تعاستي
ما ابي أحط الغير شماعة للظروف اللي أنا فيها

هلا والله ام سعود

شخصيتي فعلا انصقلت من بعد تجارب ومواقف صعبه مريت فيها

وقاعده افيد غيري باللي اقدر عليه


عفيا عليج حبيبتي ام سعود

هذي ام سعود اللي اعرفها

القوية

اللي تواجه الامور بكل قوة

وما يهمها احد

عيشي حياتج وفكري بنفسج

وعاشت ام سعود

اكتب السلبيات و لي عودة لكم لما اخلص بدرجها بالموضوع

بانتظارج ياقلبي