تـجمـع طالـبـآت الـتـجـآري < يالله نــحــــول > 2012/2013

[gala q8]

رد: التجمع السابع لكلية الدراسات التجارية 2012 - 2013 حيااكم

MaKe-Up


إإي حبيبتي انا تخصصي بإذن الله " إداراه "


اول شيء ابي اعرف شنو المواد اللي ناخذها ؟ مثل ما قلتي لازم ناخذ هالماده قبل هالماده ..

ثاني شيء انا و لذه نبي نكون ويا بعض بنفس المحاظره .. يصير نقوول لهم ان بنرووح ويا بعض ؟ يععني يخلوونا ؟

ثالث شيء امم قلتي فووق في ندوه 10-9-2012 .. احنا بعد يومين تقريبا و تطلع نتايج قبولنا اهما راح يبلغوووونا ؟ و وين بالضبط بالتجاري ؟




وسووووري إذا سآلتج وايد

 

[gala q8]

رد: التجمع السابع لكلية الدراسات التجارية 2012 - 2013 حيااكم

فاطمة الدويسان حبووبة اهم شي عندها ماتاخرين
صج تاخذ الوقت كله بس امتحااناتها حييل سهلة .. تحب البنات يشاركون معاها بس الحلو فيها ماتغصب نفس بعض الدكاترة *


بسألكم بنات .. ماعندكم خبر متى راح ننتقل المبنى الجديد ؟؟!

والله ما ادري !!! من 2010 و اهما يقولون بيودونكم بس قالوا " في نقص بـآلدكاتره و نقص بـ الكراسي و الطاولات " ..

و لمن سىلت اخووي يقوول لي هالسنه بودونكم عااد ما ادري ! انا مريت يمه مليوون مره مبين انه مخلص !! بس الظاهر ينطرون بنات التربيه والتجاري بنين و التربيه بين !! :bbbiu:

 

[gala q8]

حبايبي عندي سؤال ثاني ادري اذيتكم بس حالي حالكم مستجدة فيه المعهد مواصلات يعني باصات ولا ويعطيكم العافيه وان شالله كلنا ننقبل.

آعتقققد فييي .. لان كل الكليات إن كانوا جامعات ولا معااهد اعتقد فيها ,

بس شوووفي لمن تروحين تسجلين استفسري لهم احسسسن لج من حيث التآكيد , :eh_s(7):

 

[بـــــــــدورهـ]

رد: التجمع السابع لكلية الدراسات التجارية 2012 - 2013 حيااكم

اهلين صبابا منورين التجمع

ميك اب يسلموووو حياتي فديتج

بالنسبه لي مستمره تخصص اداره اي وحده تبيني اساعدها من عيوني​

 

[MaKe-Up]

رد: التجمع السابع لكلية الدراسات التجارية 2012 - 2013 حيااكم

ؤعليكم السلام

حيالله لذه شقاوه
إيه مستجده أكيد مستانسه وماكو
مريول وكله كشخه من الصبح يعني
وناسه بس بعدين بيكون روتين ملل
وسحب عالمحاظرات هههه
بس لا مأكوو لبس معين كيفج انتي وستايلج .. تبين عبايات وبدل على راحتج
بتكشخين ميك أب و كعب اللي يريحج

أما بالنسبه للتحويل للتربيه

شروط التحويل لكلية التربيه الاساسية :
- ألا تزيد الوحدات الدراسية عن (30) وحدة دراسية .
- ألا تقل الوحدات الدراسية عن (14) وحدة دراسية .
- أن يتم التحويل خلال الفترة المحددة التي يعلن عنها مكتب التسجيل .
- ألا يقل المعدل العام عن (3,50) نقطة .
- قسم التربية الفنية والتربية الرياضية و التربيه الموسيقية ألا يقل المعدل العام عن (3) نقاط وتجتاز امتحان القدرات .


هذي الشروط ؤاذا تبون أحد يساعدكم
بعمل الجدول روحوا مبنى 5 في الإرشاد والتوجيه يساعدونكم شلون تسون جدول
مضبوط علشان تحولون
واهم شيء درجه تكون a او b
أو سألوا قسم التسجيل يفيدكم بعد بمبنى 4

يمكن غيروا الشروط أو شيء الله واعلم
بس استفسروا أحسن مني إهما
ؤاذا عندكم واسطات شغلوها للتحويل

حياج كويتيه مزيونه =)

غلاوي لا عادي سالي اللى تبينه
عيوني لج ... =)

بالنسبه للقبول اللى أعرفه يحطونه بالجريده .. لكن بالنسبه للندوه حضريها
أكيد بتفيدج

وبالنسبه انج بتكونين مع لذه
راح يكون لكم تسجيل عن طريق النت
للمستجدين من تاريخ 12 و 13 من شهر 9

ؤانتي لما تسجلين موادج اختاري ماده
و وقتها مثلا من 9 آلى 10 و يوم إحد وثلاثاء واربعاء عند أستاذه مثلا مي

ولذه تسجل مثلج نفس وقت ونفس القاعه والايام وجذي تكون وياج فهمتي

يعني لما تخلصين طرشي لها جدولج
أو إذا وقتها تسجل نفس وقتج كلميها فون
وسجلوا مع بعض

ويكتبون لج جم مكان فأضي 2 أو 5
قبل لا تتسكر المكان
إن شاء الله فهمتي علي

أما بالنسبه للمواد راح أسويهم لج
بالرد بعد شوي علشان يكون واضح
مؤ ناسيه

أما ننتقل للمبنى العارضيه المبنى أرضيته مؤ شيء
نطيح كلنا وماشاء الله عدد البنات شكثر
مستحيل ينقلونه
خلوونا بمكاننا شحلاتنا وعندنا المهلب

أهلين بدوره
يفداج الكون حياتي انتي
وناسه انتي مثلي حياج الله

 

[MaKe-Up]

رد: التجمع السابع لكلية الدراسات التجارية 2012 - 2013 حيااكم

 

[MaKe-Up]

رد: التجمع السابع لكلية الدراسات التجارية 2012 - 2013 حيااكم

بقولكم شغله مواد التخصصيه
ترفع معدل التخصصي
مواد العامه ترفع معدل العام

____________________

#لبنات تخصص الإدارة
----------

1- مواد تخصصيه الإجباريه

* أصول اداره { 3 وحدات }

* نظم معلومات وطرق حفظ {2 وحدات }
هاذي ماتفتح إلا إذا خلصتوا أصول اداره

* اذاره مكاتب {2 وحدات }
ماتفتح إلا إذا خلصتوا أصول اداره

*مراسلات عربي {2 وحدات }

* علاقات عامه {2 وحدات }

* تدريب ميداني {4 وحدات }
لما تخلصون 29 وحده

* أصول التسويق {2 وحدات }
لما تخلصون أصول اداره

* اداره حكوميه {3 وحدات }
لما تخلصون أصول اداره

* اداره ماليه {3 وحدات }
لماتخلصون محاسبه 1

* اداره أفراد { 2 وحدات }
لماتخلصون اصول اداره

* عمل مكتبي تقنيه { 2 وحدات }

* المكتب النموذجي { 1 وحدات }
لماتخلصون ماده عمل مكتبي تفتح

* معالجه نصوص متقدم {1 وحدات }
لما تخلصون ماده طباعه وتحرير

* مراسلات لغه انجليزيه {2 وحدات }
لما تخلصون ماده انجليزي 1

______________

2- مواد تخصصيه اختياريه
إهما مادتين
أما تأخذين ماده اداره صناعيه أو ماده سلوك تظيمي

إذا خلصتوا ماده فيهم مولازم تخلصون الثانيه لأنها اختياريه

كلهم 3 وحدات و مايتبطلون إلا إذا خلصتوا
ماده أصول أداره

______________

3 - مواد تخصصيه اختياريه 2
---------

أما تأخذين ماده وحده من هالمواد
مؤ شرط كلهم

1- تأسيس ؤاداره مشروعات صغيره
أو
2- اتصالات إداريه
لما تخلصين اذاره مواد
أو
3- علاقات صناعيه
لما تخلصين اذاره مواد
كلهم 2 وحدات

_______________


4- مواد العامه الإجباريه

* ثقافه إسلاميه { 2 وحدات }

* مبادئ محاسبه 1 {3 وحدات }

* مبادئ محاسبه 2 { 3 وحدات }
لما تخلصون محاسبه 1 تأخذونها

* مقدمه في الحاسب { 3 وحدات }

* استخدامات في الحاسب { 3 وحدات }
لما تخلصون مقدمه في الحاسب

* مبادئ اقتصاد { 3 وحدات }

* القانون الإداري { 2 وحدات }

* مبادئ إحصاء { 3 وحدات }

* طباعه وتحرير { 2 وحدات }

* معالجه نصوص انجليزي { 2 وحدات }

* لغه انجليزيه 99 { 0 وحدات }
إذا نجحتي بامتحان قدرات انجليزي
ما تأخذينها إذا رسبتي لازم تأخذينها

* لغه انجليزيه 1 { 2 وحدات }
لما تخلصون انجليزي 99 ؤاذا ناجحه بامتحان القدرات تسجلها

* لغه انجليزيه 2 { 2 وحدات }
لما تخلصين انجليزي 1 تفتح

* لغه انجليزيه 3 { 2 وحدات }
لما تخلصين انجليزي 2 تفتح

______________

5- مواد عامه اختياريه
لازم تختارين ماده وحده تخلصينها
انتي وكيفج بس ماده وحده

1- فنون تشكيليه
2- اللياقه البدنيه
3- مكيانيكا سيارات
4- هندسه إلكترونيه

كلهم 1 وحده

____________

ملاحظه :بالتسجيل كل المواد موجوده
لا تشوفون ماده مفتوحه لكم وتسجلونها
و تداومون علشانها مثلا

استخدامات حاسب سجلتيها وداومتي وأمتحنتي وكل شيء
ؤانتي مؤ مخلصه مقدمه حاسب
بالنهايه يحذفونها لج

ماله شغل الأستاذ بهالسالفه و لا الإداره و عميد الكليه
بيحطون المشكله عليج انتي
بيقولون لج انتي مؤ بنت ثانوي
لازم تعتمدين على نفسج
مابي تصير لكم

أما التخصصات الثانيه مااعرف لهم
طريقتهم ..

واللى ناويه تسجل تسوي لها خطه
جم ماده لازم 15 وحده أو أقل كيفكم
بس مايزيد عن 15 وحده
فقرروا قبل التسجيل جم ماده تبين

يارب أكون فدتكم وفهمتوا علي

 

[ms mooka]

واااااااااااااااااي بنـــــــــــــــــآت مابقى الا 3 ايام :$

انزيين وصلني برودكـآست وابي افيدكم

الحين اكتبه لكم

خـآآآآآآآآآآآآآآآص لطلبه المستجديـــن **

خطوات يجب ان يقوم بهـآ كـطآلب مستجد

بعد القبول باذن الله ..

10_9_2012 > الذهآب الى الكليه واحضآر البطـآقه المدنيه الاصليه حيث سيكون اختبـآر تحديد مستوى للغه الانجليزيه
والنجـآح فيه يعني نجـآحك في مـآده التمهيدي تسمى انجليزي 99 وفي حـآل السقوط لا سمح الله يتوجب عليك اخذها لأنها ماده مسبقه لماده انجليزي 101 فـالامتحان هي جسر العبور للماده التمهيديه


حبيت افيييدكم

 

[ms mooka]

حبايبي عندي سؤال ثاني ادري اذيتكم بس حالي حالكم مستجدة فيه المعهد مواصلات يعني باصات ولا ويعطيكم العافيه وان شالله كلنا ننقبل.

لآ عـآدي خيتي اخذي رآحتج

بس والله مـآدري :$ يمكن فيه ويمكن لآ

ان شاء الله الخوآت يسـآعدونج

 

[ms mooka]

بنـآت خن افيدكم بعد

توآريخ مهمــــــــــــــــــــــــــــــــه

2_9 اسمـآء المقبولين بالهيئه العـآمه للتعليم التطبيقي والتدريب
2_9 ااعاده قيــــــد الطلبه المفصوليـن بالكليـآت

10_11/ 9 اختبـآر انجليزي

16_9 <<<<<<< بدآيهـ الدوام الرســـــــــــــــــــــــمي

وبالتوفيق للجميع دعوآتكم لي بالتوفيق

 

[ms mooka]

رد: التجمع السابع لكلية الدراسات التجارية 2012 - 2013 حيااكم

السلإم عليكم

أهلا و سهلا طالبات التجاري

مستمرات و مستجدات

لعام 2012 - 2013

نبي تفاعلكم ويـآنــاا

آخر تجمع كانت فيه أسئله للعضوات

برد عليهم . . علشان نكمل التجمع هني

مس مـووكا

بالنسبه للمستجدين :-

10 - 9 -2012
فيه ندوات تنويريه للمستجدين
11-9-2012
امتحان لغه انجليزيه

هذا للمستجدين ونصيحه لاتطفونه
إذا طفوتؤه بتطولون على ماتتخرجون
امتحنوه حتى لو مؤ فالحين بالإنجليزي
يمقن تنجحون ؤيمقن تغشون

سما

تسأل عن حصه الرفاعي محاسبه 1

للأمانه ماعرف عنها شيء خذيت الماده
عن مشاري الفريح ويفهم بالشرح

بدوره

طباعه وتحرير ندى إلزامل سامعه فيها
ؤيمدحونهاا ونور حيدر هم زينه

بس مادري عن الباجي

أنا خذيت ماده نظم معلومات
عند فاطمة دويسان

بنات شرايكم فيها زينه ؤلا لا !؟

شوفي دامج ماخده عند فاطمه الدويـسـآن :$ شقوولج عنها عسسسسسسسل والله عسسسسسسسسسسسسل
احبها تصيييييييرلي :eh_s(22)::eh_s(22):

 

[ms mooka]

رد: التجمع السابع لكلية الدراسات التجارية 2012 - 2013 حيااكم

حيـآ الله بنـآات التجـآري احم احم

ان شاء الله التجمـع ما ينـآم :$

قبل كنت مسويه تجمع بس نـآيم

وان شاء الله كلنـآ نفيد ونستفيد

اب

اب

حق تجمعنـآ

 

[ms mooka]

رد: التجمع السابع لكلية الدراسات التجارية 2012 - 2013 حيااكم

بنـآت الكليـه شنو نظامها هناك صج اللي سمعتهـ

صج انه كلـه بنـآت مسدحين نآيمين بالحديقه وعيش من الصبح !!!

صج انه كله شرطه عند البآب !!!

صج انه في سوالف مخدرآت وجذي ؟؟

امبيييييه سمعت جي خفت والله ان شاء الله ما يطلع صح

 

[gala q8]

واااااااااااااي قلبي يعوورني هع ,

جنه قاعدين بآمتحان ننطر نتايجنا لووول ,

يعطيج العآفيه على هالمعلوومات, d:

 

[أم@الحلوين]

رد: التجمع السابع لكلية الدراسات التجارية 2012 - 2013 حيااكم

بنوتاات
سؤال
منو كانت ماخذه صيفي؟
لأن أنا كنت ماخذه صيفي والنتيايج ليلحين ما نزلتلي بالسستم!

واذا بغيت أوقف قيدي الكورس الياي شنو الأوراق المطلوبه ؟

 

[ms mooka]

اهليييييييين غلآ يعآفيج حووبي

:$ بتمتحنين الانجليزي ولآ بتـآخذينه تمهيدي ؟

 

[ms mooka]

رد: التجمع السابع لكلية الدراسات التجارية 2012 - 2013 حيااكم

والله حبيبتي مـآدري انا مستجده

اتمنى الخوآت يردون عليج

 

[gala q8]

لوول انا اول وتالي باخذ تمهيدي < متاكده ههههه .. بس بمتحن هع , يمكن ينفع وياي ,

عشان لي بغيت احووول اقدر بعد ما تدرين !!

 

[لذة شقاوه]

مس مووكا مشكووره حبيبتي عالمعلوومات بس انتي حاطه الاختبار يومين شلون اهم يبلغوون اكيد صح لان في بنات ما يدروون
غلاوي احنا بنروح نتفرج بس هههههههه لان الامتحان يمكن بالكليه نفسهها الي بنداوم فيها

 

[لذة شقاوه]

رد: التجمع السابع لكلية الدراسات التجارية 2012 - 2013 حيااكم

مس مووكا والله انا بعد سمعت وسمعت التجاري تحت الصفر بس ان شاءلله احنا سيده ونكون قد ثقه اهلنا فينا ومالنا شغل
وانتبهي مو تتعرفين علي اي وحده مادري امي منبهتني علي هالشي لوووول
انا دايما اروح المهلب اشوف الشرطه بس عشان المواقف ويضبطون السير عشان الزحمه فمادري والله ويقولون كله مشاكل التجاري ياليت بنات التجاري المستمرات يفيدونا شوي بهالموضوع