يوميات و مناقشات حملة رشيقات العيد الاضحى ( الجزء الثاني )

[engineera84]

صديقااتي في مشوار الرشاقة وحشتووني

سامحوني لاني مانزل يومياتي كل يوم بس متابعتكم كل يوم

انا نظامي هالاسبوع كان ريجيم تمر ولبن مع تخفيف .. لاني ما اقدر اكمل اليوم كله تمر ولبن .. فاغير وجبة باليوم مثلا الريوق او العشا

+ اني اشرب ماي وايد وامشي كل يوم اقل شي 2 كم يعني نص ساعة تقريبا ..

واحب اني بالويك اند اريح من الريجيم لكن بدون ما انسى نفسي ..

يعني اليوم بريك والجمعة وارجع السبت التزم اكثر ان شاءالله

 

[sweet alone]

كنت ابي ارد على كذا وحدة بالقرووب
بس ما ادري ليش ما يصير لي اقتباس متعدد ​

يلااا ما عليه
ترا بنات وين الجدية ما يصير كل يوم تخبيص
ويوم اللي يصير في تخبيص عقاب تسون لنفسكم الا وهو الريااضة
:bbbiu:​

اليوم قعدت ع الساعه تسعه سويت رياضة مشي 30 دقيقة
و50 مرة تمرين الخصر
ولاااازم اريح شوي قبل الريووق ​

بيضة مفيوحة + موزة + نص كوب نسكافيه
وما كملته بعد
+ حبة تمر المحشوة ​

اهم شي عندي الغدا
لان مع بيت عمي واخاف اخبص وما ابي اقول بسوي ريجيم بحطون البال علي :eh_s(15):​

 

[camelia]

السلام عليكم


يومي بدأ من " بعد منتصف الليل "
الساعة 1:58 يعت و كليت شريحة مرتديلا بقرية "وحدة" + قطعة صغيرة من جبنة حلوم
و شربت ماء 125 مل

قمت الصبح
الساعة 10:45 سويت لي شاي الدكتور عبدالباسط اللي فيه كمون و شاي أخضر .. إلخ


الساعة 11:20 كان فطوري عبارة عن أربع شرايح مرتديلا بقرية + قطع مقلية من جبنة حلوم


و قبل شوي شربت 500 مل ماء

ملاحظة : أمشي على دايت الدكتور حسين دشتي " بروتين صافي " لمدة ثلاث ايام بعدين ادخل الخضار و الزيتون

 

[فديت توام روحي]

موووفقين ان شاء الله تنزلون بصحه والعااافيه :eh_s(22)::eh_s(17):

 

[*شوقي معنيني*]

وخشتووووني ماقدرت ادخل

حمدلله كنت ملتزمه
مم ريوق امسس ماكلييت المهم بعدين قمت الساعه 4
وكليت كن دايت كير410 كالوري
بس مو بروحي
واشربت كوبين
شاي اخضر وزنجبيل
و من شوي كليت فطيرتين صغاار
والحين بروح الشاليه
يعني بتسبح وامشي والعب قاري

 

[كويتيه سبيشل]

..​

كان يومي زين الحمدلله .. لكن لاحظت اني كثرت تمر شويه ههه ​

الفطور : 7 حبات تمر و روب و ماء
بعدين : تكا مع سلطة + عصير برتقال
بعدين : شمـر
بعدين : 7 حبات تمر و روب
بعدين : عصير برتقال فرش ​

افكر اقطع الشمر .. صارلي 3 او 4 ايام و انا رايحة رادة عليه اخاف يضـرني
اهيء اهيء ​

مع انه احسس وايد زين .. و ينقي الجسـم .. ​

بالتوفيق حبيباتي ​

بالعافيه حبيبتي
وعن الشمر ماا ادري والله مو مستخدمته
اهواا حق شنوو؟؟

صباح الخير

شلونكم بنات

اليوم ان شاء الله اخر يوم لى بالصيام

عليج بالعافيه حبيبتي والله يتقبل

الحمد لله:eh_s(22):

لانى الاحد ابدا دوامى:eh_s(1):

ويكون فيه التزام اكثر

ههههه خوووش صدفه

موووفقين ان شاء الله تنزلون بصحه والعااافيه :eh_s(22)::eh_s(17):

تسلمين حبيبتي اجمعين

 

[كويتيه سبيشل]

بناات ماا يصير جذي كل يوم تخربون
يعني خربوو مره مرتين 3 بس مو كل يووم
اذا تمينا ع هالحال رااح اسوي نفس الراابح الاكبر
كل الاسبوعين وحده تطلع من الحمله

 

[miss_IU]

اليوم غدايا موكا بدون شوكر ... ^_^ حرقص هيب هوب ساعة ونص !
بعدها بروح المول انا و صاحبتي و عازمتني على باسكن روبنز فاخاف اني اخرب الدايت

 

[Ǥoldɛn ʝɛωɛL]

اي يبيلج كويتيه تسوين جذي شحقه بالبرنامج مخترعين وحالهم حاله لانه ما يبون يطلعون من البرنامج

نصايح يمكن نفيدكم تنزل الوزن بدون رجيم قاسي وانا مطبقتها

شروبو الماي بعد نص ساعه او ٢٠ دقيقه علشان ما يعيق الهضم ولا تشربون شي وانتو تاكلون

٢ شاي اخضر مع ليمون او شاي زنجبيل بس مو وقت الدوره علشان ما تنشفها مرتين باليوم بس اشرب

٣ وخرو عن اي شي فيه ملح لانه يحبس كل اللي تشربينه من ماي بجسمج وحتى اي شي ما تعرفون سعراته ! نصيحه اقرو موضوع بنت الكويت شوفو سعرات
اشياء عبالنا خفيفه وسعراتها شويه وبتنصدمون

٤ بتخربين مثلا تمقلي بجسمج او بميزانج صدقيني مراح تشتهينه خصوصا اذا كانت سعراته عاليه

٥ اكلو سناكين + وجبة ريوق وغدا بس العشا حاولي تحرمين نفسج
>> انا كنت قبل اطالع دراما كوريه عن وحده متينه وتبي تصير مغنيه ومدربتها عطتها نصيحه شلون تخلي جسمها احسن ما يكون
# افطري كالملكه و غداج ك وحده من العاميه و عشاج فقيره #. احس من ذاك اليوم ثبتت بمخي لوول

٦ غازيات بعدي عنهم حتى لو دايت انتي تبعدين عنهم مو بس للضعف حتى عظامج انا اول ما قطعت عنهم ولله الحمد صار لي فوق ٧ اشهر ما شربت ولا نوع
يمكن توصل سعراتهم ٣٠٠ وانتي ما تدرين وانتي يومج كوحده تسوي رجيم لااازم ١٠٠٠ شبقالج من ١٠٠٠ عيل ؟ اذا بتشربين جم واحد باليوم

٧ لي تذكرت بعد معلومات اقولكم بس قولو لي استفدتو ولا لا ؟ صج انا مو معاكم هني بس مثل ما تعرف كويتيه احب ادخل واستفيد وافيد وان شاء الله
بس اتخرج هالسنه على خير انضم معاكم وقوووود لاك يا رشيقات الغد !! مو بس العيد عسا طول حياتكم ان شاء الله تنزلون براحه وبصحه وبعافيه

 

[هيبة ملك]

بارك. الله. فيج. علي. هالمعلومات..الحمدلله. انا ملتزم وماخربطت. ولايوم مر. الاسبوع. بسلام.

 

[هيبة ملك]

كويتية حبيبتي. طرشت. لج. الوزن. عالخاص

 

[مـذهـلـه]

هلوووو قيلرز ..

بنات انا أمس تفطرت عيش أبيض شويه "ترس صحن الحلو" مع 2 همبورجر وسلطه مع بيبسي دايت

السناك يمكن 5 قطع كاكاو صغيير حجم مية الفلس مع حليب وكباتشينو , انا بدخل برجيمي الحليب غصببب لأني ما أشربه بالمره

والعشا 6 شيش طاووق مع نص خبزه خفيفه وبطاط شبس <شويه> وبيبسي دايت


واليوم الحمدلله صايمه بس إن شا الله عاد اليوم أسوي رياضه

 

[لك الحمد يا ربي]

بنات ينفع اشترك معاكم

 

[مـذهـلـه]

سبيشل ترى انا قست وزني طلع 71 مو 70

إن شا الله اليوم أقيسه وأقولج وترى انا باديه عقبكم بيوم يعني أتوقع مو نازله

 

[لك الحمد يا ربي]

ينفع ابتدي معاكم ولا

 

[Miss.Raza]

بناات ماا يصير جذي كل يوم تخربون
يعني خربوو مره مرتين 3 بس مو كل يووم
اذا تمينا ع هالحال رااح اسوي نفس الراابح الاكبر
كل الاسبوعين وحده تطلع من الحمله

لااااا توبه انا اول يوم اخررب


اليوم وباجر معاقيه نفسي

نسكفي وبسكوتين وبليل كيوي

 

[Miss.Raza]

لا كويتيه سبيشل بكمل على رجيمي بس لي هاليومين

عقاب امس بسس يومين وبرجع على رجيمي

 

[eman el.roo7]

بناات ماا يصير جذي كل يوم تخربون
يعني خربوو مره مرتين 3 بس مو كل يووم
اذا تمينا ع هالحال رااح اسوي نفس الراابح الاكبر
كل الاسبوعين وحده تطلع من الحمله

تصدقين المفروض جذيه تسوين ..

شورايج يوم الخميس شوفي البنات اللي طرشو اوزانهم لج .. و شاركو ..

والاسبوع اللي بعده خليه مثل نظام الرابح الاكبر ..

انا اايد هالفكرة و بقوووووووووووووة .. بتخلينا جدييين و نتحمسسس اكثـر ... :eh_s(9):


شو رايكن بنـات ؟؟؟؟؟؟؟؟؟
​

 

[eman el.roo7]

بالعافيه حبيبتي
وعن الشمر ماا ادري والله مو مستخدمته
اهواا حق شنوو؟؟



عليج بالعافيه حبيبتي والله يتقبل



ههههه خوووش صدفه



تسلمين حبيبتي اجمعين

الشمر يقولون ينحف .. و مفيد للغازات و النفخة

وشربة شد الجســــــــــم ...

وينقي الجسم ..

جربته .. الصراحة ارتحت عليه لكن كنتي مكثرة الكمية .. :eh_s(2):


اخاف يضر .. راح اخذه كوب واحد في اليوم ان شاء الله ...


:eh_s(15):

​

 

[3la-q8']

لحظة الوزن اليوم ولا اسبوع الياي :\