هذيلي الأغراض شريتهم من سيفورا قبل اسبوعين تقريبا
الكريم الأخضر مدحوه البنات بقسم المكياج انه حق الي عندهم مسامات يخفيهم قبل ماتحطين كريم الأساس .. صراحه شريته بس جذي فسقه لأن الكل مدحه وانه عجيب بس الحمدالله مو محتاجته فاستخدمته بس مرة وقلت بحط منه بالعروس والحفلات الكبيرة ممكن يخلي المكياج أحلى وسعره تقريبا 9 وشوي
البودرة نصحني فيها الي يبيع قالي حلوة والكل ياخذها ..صراحه زينة بس حسيت نفسي خذيت درجة طبيعية ولو ماخذه الأفتح أحلى شوي .. سعرها 8 وشوي وهي عضوية يعني اذا نمت فيها مافي مشكله بس طبعا مستحيل انام وبوجهي ذره مكياج وبصراحه اذا خلصتها اظن برجع اشتري بودرة بسام فتوح.. ليلحين ماقررت شنو الأحلى بس هذي حلوة
البلشر كنت باخذ من جيفنشي نفس اللون والدرجة بس الحجم أصغر فخذيت هذا من كلارنس اكبر ونفس اللون وارخص بدينارين او 3 .. سعرها تقريبا 12 او 13 حدا عجبتني واللون طبيعي عالخدود لي حطيته بدون كريم اساس يطلع واااو البيبي بنك
وهم خذيت من عندهم هالكريم الصغير الوردي وهو ليميتد ادشن وكان اخر حبه عندهم مرطب نفس فكرة الحمرة السحرية وينحط على اي مكان بالوجه وهو حمره للشفايف بالدرجة الأولى وهم كبلشر حلو بس يروح بسرعه ..وسعره 8 وشوي
الحمرة الي بصورة بين الوردي واللحمي والبني خذيتها من بدي شوب ب4 دنانير حلوة وطبيعية فكرتها انها مرطب اكثر من ماهي حمرة
المسكرة الصغيرة من هيلانا روبنشتاين عطاني ياها تستر اجربها .. حدها خطيرة وطبيعية عالعين وماتتكتل بشتريها بذن الله لما تخلص هذي ومعروفه مسكرات هلماركة انها عجيبة..
القلم البني شريته من سيفورا اظن سعره كان ب6 وشوي وهو ووتر بروف بس تحسفت ان ماخذيت بكلارنس واحد ثاني نفس السعر ولون البني فيه احلا .. طبعا هذا كحل..
الكحل الأبيض شاريته من زمان من الجوثن ماركة كازانوفا واحطه داخل عيوني ..حده حلو واللون واضح وغني ويرسم اظن شريته ب4 دنانير او اقل ماذكر بصراحه ..
وأول مرة اشارك بالموضوع وان شاء الله مابقطع واتمنى اكون فدتكم
هذول الصبغين اللي استخدمتهم حطيت الذهبي تالي الأسود
وهذا الايلاينر من isadora امبيه جد حلو استخدامه اسهل من ريشة الايلاينر العادي اللي كل مرة استخدمه
أنصحكم فيه وسواده حلو
